Chapter 96

[English text for this chapter is available]

pṛthuruvāca |
yattvayā kathitaṃ brahmanvratamūrjasya vistarāt |
tatra yā tulasīmūle viṣṇoḥ pūjā tvayoditā || 1 ||
[Analyze grammar]

tenāhaṃ praṣṭumicchāmi māhātmyaṃ tulasībhavam |
kathaṃ sātipriyā viṣṇordevadevasya śārṅgiṇaḥ || 2 ||
[Analyze grammar]

kathameṣā samutpannā kasmiṃsthāne ca nārada |
etadbrūhi samāsena sarvajño'si mato hi me || 3 ||
[Analyze grammar]

nāradauvāca |
purā rudreṇa daityeṃdre siṃdhusūnau nipātite |
praṇamya śirasā rudraṃ devā brahmādayo'bruvan |
śṛṇu rājanpravakṣyāmi māhātmyaṃ tulasībhavam || 4 ||
[Analyze grammar]

setihāsaṃ purāvṛttaṃ tatsarvaṃ kathayāmi te |
purā śakraḥ śivaṃ draṣṭumagātkailāsaparvatam |
sarvadevaiḥ parivṛtastvapsarogaṇasevitaḥ || 5 ||
[Analyze grammar]

yāvadgataḥ śivagṛhaṃ tāvattatrāśu dṛṣṭavān |
puruṣaṃ bhīmakarmāṇaṃ daṃṣṭrānayanabhīṣaṇam || 6 ||
[Analyze grammar]

sa pṛṣṭastena kastvaṃ bho kva gato jagadīśvaraḥ |
evaṃ punaḥ punaḥ pṛṣṭaḥ sa yadā nocivānnṛpa || 7 ||
[Analyze grammar]

tataḥ kruddho vajrapāṇistannirbhartsya vaco'bravīt |
re mayā pṛcchamāno'pi nottaraṃ dattavānasi || 8 ||
[Analyze grammar]

atastvāṃ hanmi vajreṇa kaste trātāsti durmate |
ityudīrya tato vajrī vajreṇa cāhanaddṛḍham || 9 ||
[Analyze grammar]

tenāsya kaṃṭhe nīlatvamagādvajraṃ ca bhasmatāṃ |
tato rudra prajajvāla tejasā pradahanniva || 10 ||
[Analyze grammar]

dṛṣṭvā bṛhaspatistūrṇaṃ kṛtāṃjalipuṭo'bhavat |
iṃdraścadaṃḍavadbhūmau kṛtvā stotuṃ pracakrame || 11 ||
[Analyze grammar]

bṛhaspatiruvāca |
namo devādhidevāya tryaṃbakāya kapardine |
tripuraghnāya śarvāya namoṃdhakaniṣūdine || 12 ||
[Analyze grammar]

virūpāyātirūpāya bahurūpāya śaṃbhave |
yajñavidhvaṃsakartre ca yajñānāṃ phaladāyine || 13 ||
[Analyze grammar]

kālāṃtakāya kālāya kālabhogadharāya ca |
namo brahmaśirohaṃtre brāhmaṇāya namo namaḥ || 14 ||
[Analyze grammar]

nārada uvāca |
evaṃ stutastadā śaṃbhuḥ dvijarṣabhaṃ jagāda ha |
saṃharannayanajvālaṃ trilokīdahanakṣamām || 15 ||
[Analyze grammar]

varaṃ varaya bho brahmanprītaḥ stutyānayā tava |
iṃdrasyajīvadānena jīvati tvaṃ prathāṃ vraja || 16 ||
[Analyze grammar]

bṛhaspatiruvāca |
yadi tuṣṭo'si deva tvaṃ yāhīṃdraṃ śaraṇāgatam |
agnireṣa śamaṃ yātu bhālanetrasamudbhavaḥ || 17 ||
[Analyze grammar]

īśvara uvāca |
punaḥ praveśamāyāti bhālanetre kathaṃ tvayam |
enaṃ tyakṣyāmyahaṃ dūre yatheṃdraṃ naiva pīḍayet || 18 ||
[Analyze grammar]

nārada uvāca |
ityuktvā taṃ kare dhṛtvā prākṣipallavaṇāṃbhasi |
so'patatsiṃdhugaṃgāyāḥ sāgarasya ca saṃgame || 19 ||
[Analyze grammar]

tadā sa bālarūpatvamagāttatra ruroda ca |
rudatastasya śabdena prākaṃpaddharaṇī muhuḥ || 20 ||
[Analyze grammar]

svargaśca satyalokaśca tatsvanādbadhirīkṛtau |
śrutvā brahmā yayau tatra kimetaditi vismitaḥ || 21 ||
[Analyze grammar]

tāvatsamudrasyotsaṃge taṃ bālaṃ sa dadarśa ha |
dṛṣṭvā brāhmaṇamāyāṃtaṃ samudro'pi kṛtāṃjali || 22 ||
[Analyze grammar]

praṇamya śirasā bālaṃ tasyotsaṃge nyaveśayet |
tato brahmābravīdvākyaṃ kasyāyaṃ śiśuradbhutaḥ || 23 ||
[Analyze grammar]

niśamyeti vaco dhāturvākyaṃ tu sāgaro'bravīt |
brahmā uvāca |
saritpate kuto labdho bālo hyeṣa mahābalaḥ || 24 ||
[Analyze grammar]

yasya nādena saṃtrastā devāsuramahoragāḥ |
samudra uvāca |
bho brahmansidhugaṃgāyāṃ jāto'yaṃ mama putrakaḥ || 25 ||
[Analyze grammar]

jātakarmādi saṃskārānkuruṣvāsya jagadguro |
nārada uvāca |
itthaṃ vadati pāthodhau sa bālaḥ sāgarātmajaḥ || 26 ||
[Analyze grammar]

brahmāṇamagrahītkūrce vidhunvaṃtaṃ muhurmuhuḥ |
dhunvatastasya kūrcaṃ tu netrābhyāmāgamajjalam |
kathaṃcinmuktakūrco'tha brahmā provāca sāgaram || 27 ||
[Analyze grammar]

brahmovāca |
netrābhyāṃ vidhṛtaṃ yasmādanenaitajjalaṃ mama |
tasmājjalaṃdhara iti khyāto nāmnā bhavatyasau || 28 ||
[Analyze grammar]

adhunaivaiṣa taruṇaḥ sarvaśastrāstrapāragaḥ |
avadhyaḥ sarvabhūtānāṃ vinā rudraṃ bhaviṣyati || 29 ||
[Analyze grammar]

yāti yatra samudbhūtastatredānīṃ gamiṣyati || 30 ||
[Analyze grammar]

nārada uvāca |
ityuktvā śukramāhūya rājye taṃ cābhyaṣecayat |
āmaṃtrya saritāṃ nāthaṃ brahmāṃtarddhānamanvagāt || 31 ||
[Analyze grammar]

atha taddarśanotphullanayanaḥ sāgarastadā |
kālanemisutāṃ vṛṃdāṃ tadbhāryārthamayācata || 32 ||
[Analyze grammar]

te kālanemipramukhāstato'surāstasmai sutāṃ tāṃ pradaduḥ praharṣitāḥ |
sa cāpi tānprāpyasuhṛdvarānvaśī śaśāsa gāṃ śukrasahāyavānbalī || 33 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde jālaṃdharotpattivarṇanaṃnāma ṣaṇṇavatitamo'dhyāyaḥ || 96 ||
[Analyze grammar]