Chapter 95

[English text for this chapter is available]

nārada uvāca |
athorjavratinaḥ samyagudyāpanavidhiṃ nṛpa |
tacchṛṇuṣva mayākhyātaṃ kiṃ vidhānaṃ samāsataḥ || 1 ||
[Analyze grammar]

ūrjjaśuklacaturdaśyāṃ kuryādudyāpanaṃ vratī |
vratasaṃpūrṇatārthāya viṣṇuprītyarthameva ca || 2 ||
[Analyze grammar]

tulasyā upariṣṭāttu kuryānmaṃḍapikāṃ śubhām |
sutoraṇāṃ caturdvārāṃ puṣpacāmaraśobhitām || 3 ||
[Analyze grammar]

dvāreṣu dvārapālāṃśca pūjayenmṛnmayānpṛthak |
puṇyaśīlaṃ suśīlaṃ ca jayaṃ vijayameva ca || 4 ||
[Analyze grammar]

tulasīmūladeśe ca sarvatobhadramālikhet |
caturbhirvarṇakaiḥ samyakśobhāḍhyaṃ samalaṃkṛtam || 5 ||
[Analyze grammar]

tasyopariṣṭātsapidhānaṃ paṃcaratnasamanvitam |
mahāphalena saṃyuktaṃ kuṃbhaṃ tatra nidhāya ca || 6 ||
[Analyze grammar]

pūjayettatra deveśaṃ śaṃkhacakragadādharam |
kauśeyapītavasanaṃ yuktaṃ jaladhikanyayā || 7 ||
[Analyze grammar]

iṃdrādilokapālāṃśca pūjayenmaṃḍale vratī |
dvādaśyāṃ pratibuddhaḥ sa trayodaśyāṃ yataḥ suraiḥ || 8 ||
[Analyze grammar]

dṛṣṭo'rcitaścaturdaśyāṃ tasmātpūjyastathādhikam |
tasyāmupavasedbhaktyā śāṃtaḥ prayatamānasaḥ || 9 ||
[Analyze grammar]

pūjayeddevadeveśaṃ sauvarṇaṃ gurvanujñayā |
upacāraiḥ ṣoḍaśabhirnānābhakṣyasamanvitaiḥ || 10 ||
[Analyze grammar]

rātrau jāgaraṇaṃ kuryādgītavādyādi maṃgalaiḥ |
gītaṃ kurvaṃti ye bhaktyā jāgare cakrapāṇinaḥ || 11 ||
[Analyze grammar]

janmāṃtaraśatodbhūtaiste muktāḥ pāpasaṃcayaiḥ |
jāgare vāsare viṣṇorgītaṃ nṛtyaṃ ca kurvatām || 12 ||
[Analyze grammar]

gosahasraṃ ca dadatāṃ tatphalaṃ samudāhṛtam |
gītanṛtyādikaṃ kurvandarśayetkautukāni ca || 13 ||
[Analyze grammar]

purato vāsudevasya rātrau yo harijāgare |
paṭhanviṣṇucaritrāṇi yo raṃjayati vaiṣṇavān || 14 ||
[Analyze grammar]

mukhena kurute vādyaṃ svecchālāpāṃśca darśayan |
bhāvairetairnaro yastu kurute harijāgaram || 15 ||
[Analyze grammar]

dinedine tasya puṇyaṃ tīrthakoṭisamaṃ smṛtam |
tatastu paurṇimāsyāṃ vai sapatnīkāndvijottamān || 16 ||
[Analyze grammar]

triṃśanmitānanekānvā svaśaktyā vā nimaṃtrayet |
varāndattvā yato viṣṇurmatsyarūpī abhūttadā || 17 ||
[Analyze grammar]

tasyāṃ dattaṃ hutaṃ japtaṃ tadakṣayaphalaṃ smṛtam |
atastānbhojayedviprānpāyasānnādinā vratī || 18 ||
[Analyze grammar]

ato devā iti dvābhyāṃ juhuyāttilapāyasam |
prītyarthaṃ devadevasya devānāṃ ca pṛthakpṛthak || 19 ||
[Analyze grammar]

dakṣiṇāṃ ca yathāśakti pradadyātpraṇamecca tān |
punardevaṃ samabhyarcya devāṃśca tulasīṃ tathā || 20 ||
[Analyze grammar]

tato gāṃ kapilāṃ tatra pūjayedvidhivadvratī |
guruṃ vratopadeṣṭāraṃ vastrālaṃkaraṇādibhiḥ || 21 ||
[Analyze grammar]

sapatnīkaṃ samabhyarcya gāṃ ca tasmai pradāpayet |
yuṣmatprasādāddeveśaḥ prasanno me bhavettadā || 22 ||
[Analyze grammar]

vratādasmācca yatpāpaṃ saptajanmakṛtaṃ mayā |
tatsarvaṃ nāśamāyātu sthirā me cāstu saṃtatiḥ || 23 ||
[Analyze grammar]

manorathāśca saphalāḥ saṃtu nityaṃ mamārcanāt |
dehāṃte vaiṣṇavaṃ sthānaṃ prāpnuyāmatidurlabham || 24 ||
[Analyze grammar]

iti kṣamāpyatānviprānprasādya ca visarjayet |
tāmarcāṃ gurave dadyādratnayuktāṃ tadā vratī || 25 ||
[Analyze grammar]

tadā suhṛdguruyutaḥ svayaṃ bhuṃjati bhaktimān |
kārttike vātha tapasi vidhirevaṃvidhaḥ smṛtaḥ || 26 ||
[Analyze grammar]

evaṃ yaḥ kurute samyakkārtikasya vrataṃ naraḥ |
vipāpmā sa vinirmukto viṣṇusānnidhyago bhavet || 27 ||
[Analyze grammar]

sarvavrataiḥ sarvatīrthaiḥsa rvadānaiśca yatphalam |
tatkoṭiguṇitaṃ jñeyaṃ samyagasya vidhānataḥ || 28 ||
[Analyze grammar]

te dhanyāste mahāpuṇyāsteṣāṃ sarvaphalodayaḥ |
viṣṇubhaktiratā ye syuḥ kārtike vratakāriṇaḥ || 29 ||
[Analyze grammar]

dehasthitāni pāpāni vitarkaṃ yāṃti tadbhayāt |
kva yāsyāmo vadaṃtyevaṃ yadyayaṃ vratakṛnnaraḥ || 30 ||
[Analyze grammar]

ityūrjavrataniyamānśṛṇoti bhaktā ye caitatkathayaṃti caiva vaiṣṇavāgre |
te samyagvratakaraṇātphalaṃ labherantatsarvaṃ kaluṣavināśanaṃ labhaṃte || 31 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye |
śrīkṛṣṇasatyabhāmāsaṃvāde udyāpanavarṇanonāma paṃcanavatitamo'dhyāyaḥ || 95 ||
[Analyze grammar]