Chapter 84

[English text for this chapter is available]

mahādeva uvāca |
asminvai caitramāse tu kāryo damanakotsavaḥ |
dvādaśyāṃ tu tathā samyagvidhiḥ kāryo viśeṣataḥ || 1 ||
[Analyze grammar]

vaiṣṇavaiḥ śraddhayā puṇyo janatānaṃdavarddhanaḥ |
devānaṃdasamudbhūtā divyā damanamaṃjarī || 2 ||
[Analyze grammar]

nivedyā vaiṣṇavairbhaktaiḥ sarvapūjāphalepsubhiḥ |
caitre tu śuklapakṣe tu dvādaśyāṃ naganaṃdini || 3 ||
[Analyze grammar]

kārayetparayā bhaktyā mahotsavamanāstathā |
tatrādau ca svayaṃ gatvā ārāmaṃ prati cānaghe || 4 ||
[Analyze grammar]

gurvājñayā prakarttavyaṃ pūjanaṃ ratinā saha |
kāmadeva namaste'stu viśvamohanakāraka || 5 ||
[Analyze grammar]

viṣṇorarthe viceṣyāmi kṛpāṃ kuru mamopari |
gītavāditranirghoṣairānetavyo gṛhaṃ prati || 6 ||
[Analyze grammar]

ekādaśyāṃ suraśreṣṭhi hyadhivāsanapūrvakam |
karttavyaṃ pūjanaṃ tatra rātrau bhaktyā tu vaiṣṇavaiḥ || 7 ||
[Analyze grammar]

karttavyamagratastasya sarvatobhadra maṃḍalam |
sthāpayitvā tu deveśaṃ ratinā saha tatra vai || 8 ||
[Analyze grammar]

ācchādya śvetavastreṇa damanaṃ sthāpayedbudhaḥ |
tatra vai pūjanaṃ kāryaṃ vaiṣṇavairdvijasattamaiḥ || 9 ||
[Analyze grammar]

klīṃ kāmadevāya namo hrīṃ ratyai ca tathā namaḥ |
eṃdryādi diśi saṃsthāpya kaṃdarppaṃ pūjayedbudhaḥ || 10 ||
[Analyze grammar]

gaṃdhaṃ puṣpaṃ tathā dhūpaṃ dīpamārārtikaṃ tathā |
rātrau bhaktyā prakarttavyaṃ vidhinātra sureśvari || 11 ||
[Analyze grammar]

madanāya nama iti prācyām |
manmathāya nama iti āgnyeyyām |
kaṃdarpāya nama iti yāmye |
anaṃgāya nama iti rakṣodiśi |
bhasmaśarīrāya namaḥ iti vāruṇyām |
smarāya nama iti vāyavyām |
īśvarāya namaḥ iti kauberyām |
puṣpabāṇāya namaḥ iti īśānyām |
caturdikṣu ca sarvāsu pūjanaṃ tatra kārayet |
pūjite keśave cātra sarve devāḥ supūjitāḥ || 12 ||
[Analyze grammar]

akṣatagaṃdha dhūpadīpairnaivedyaistāṃbūlaiśca damanakaṃ pūjayitvā tu |
tatpuruṣāya vidmahe kāmadevāya dhīmahi |
tanno'naṃgaḥ pracodayāt |
iti vai kāmagāyatryā aṣṭottaraśatavāraṃ taṃ damanakaṃ abhimaṃtrya namaskuryāt |
namostu puṣpabāṇāya jagadāhlādakāriṇe |
manmathāya jagannetre ratiprītikarāya ca || 13 ||
[Analyze grammar]

devadeva namaste'stu śrīviśveśa namostu te |
ratipate namastestu namaste viśvamaṃḍana || 14 ||
[Analyze grammar]

namastestu jagannātha sarvabīja namostu te |
etairnānāvidhairmaṃtrairāgamoktairviśeṣataḥ || 15 ||
[Analyze grammar]

pūjanīyaḥ prayatnena lakṣmyā saha janārdanaḥ |
tato nivedya tatkarma jāgaraṃ kārayedbudhaḥ || 16 ||
[Analyze grammar]

devadeva jagannātha vāṃcchitārthapradāyaka |
hṛtsthānpūraya me viṣṇo kāmānkāmeśvarīpriya || 17 ||
[Analyze grammar]

ityetairbahubhirmaṃtraiḥ pūjanīyaḥ prayatnataḥ |
śrīnivāso jagannātho bhaktānāṃ śamabhīpsakaḥ || 18 ||
[Analyze grammar]

tato damanakamuṣṭiṃ gṛhītvā tatra mūlamaṃtreṇa |
śrīśrīviṣṇvādidevebhyo damanakaṃ nivedayet |
tato gaṃdhādibhirmahatīpūjāgītavādyanṛtyaiśca mahotsavaḥ kāryaḥ |
devāgresthāpitaḥ kalaśodakaṃ devasya pādayornikṣipya jalakrīḍā tasmindine karttavyā |
tataḥ svaguruṃ vastrālaṃkāradraviṇaiḥ śraddhayā prapūjayet |
tataḥ svayaṃ vaiṣṇavairbaṃdhubhiḥ saha aśnīyāt || 19 ||
[Analyze grammar]

mahādeva uvāca |
tato damanakamaṃjaryā yo vai viṣṇuṃ prapūjayet |
pūjite vai jagannāthe hyahaṃ vai pūjitaḥ sadā || 20 ||
[Analyze grammar]

brahmahā hemahārī ca madyapo māṃsabhakṣakaḥ |
mucyate pātakāddevi dṛṣṭvā damanakotsavam || 21 ||
[Analyze grammar]

evaṃ damanako devi pūjito yaiḥ suvaiṣṇavaiḥ |
sarvaṃ tīrthaṃ kṛtaṃ taistu maṃjaryā pūjanaṃ kṛtam || 22 ||
[Analyze grammar]

vedādhyayanaṃ kṛtaṃ tena śāstrādhyayanameva ca |
agnihotraṃ kṛtaṃ tena maṃjaryā pūjito hariḥ || 23 ||
[Analyze grammar]

tatkulaṃ tu mahajjñeyaṃ brāhmaṃ vā cātha kṣātriyam |
śaudraṃ vaiśyaṃ ca yaccānyaddhanyaṃ dhanyataraṃ smṛtam || 24 ||
[Analyze grammar]

yasminkule'vatīryāthotsavo damanakaḥ kṛtaḥ |
sa ca dhanyastu dhanyo vai yena viṣṇuḥ prapūjitaḥ || 25 ||
[Analyze grammar]

damanakena tu tathā saṃprāpte madhumādhave |
saṃpūjya gosahasrasya devi saṃlabhate phalam || 26 ||
[Analyze grammar]

mallikākusumairdevaṃ vasaṃte garuḍadhvajam |
yo'rcayetparayā bhaktyā muktibhāgī bhavettu saḥ || 27 ||
[Analyze grammar]

marukodamanakaścaiva sadyastuṣṭikaro hareḥ |
ataḥ pūjā prakarttavyā vaiṣṇavairnarasattamaiḥ || 28 ||
[Analyze grammar]

gosahasraṃ kṛtaṃ tena kanyādānaṃ tathaiva ca |
pṛthvīdānaṃ kṛtaṃ tena viṣṇorvai pūjane kṛte || 29 ||
[Analyze grammar]

ekāmekāṃ gṛhītvā tu maṃjarīṃ damanasya tu |
yaḥ pūjayati deveśaṃ saṃprāpte madhumādhave || 30 ||
[Analyze grammar]

puṇyasaṃkhyāṃ na jāne vai tasyāhaṃ naganaṃdini |
sa vai caturbhujo bhūtvā iha loke paratra ca |
dharmānarthāṃśca kāmāṃśca prabhuṃkte vaiṣṇavaṃ padam || 31 ||
[Analyze grammar]

iti śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe |
damanakamahotsavo nāma caturaśītitamo'dhyāyaḥ || 84 ||
[Analyze grammar]