Chapter 74

[English text for this chapter is available]

mahādeva uvāca |
śṛṇu devi pravakṣyāmi dharmamāhātmyamuttamam |
yacchrutvā na punarjanma jāyate bhuvi karhicit || 1 ||
[Analyze grammar]

dharmādarthaṃ ca kāmaṃ ca mokṣaṃ caitattrayaṃ labhet |
tasmāddharmaṃ samīheta vidvānyaḥ sa budhaḥ smṛtaḥ || 2 ||
[Analyze grammar]

tapasā caiva dānena vratena niyamena ca |
tapasā prāpyate svargaḥ sātvikena tathaiva ca || 3 ||
[Analyze grammar]

ihāyāto labhedrājyaṃ krodhalobhavivarjitaḥ |
janmāṃtareṇa muktiḥ syātpadaṃ viṃdati vaiṣṇavam || 4 ||
[Analyze grammar]

tapasā rājaseneha rājasaścaiva jāyate |
taptvā tāmasabhāvena krūrakarmā hi niṣṭhuraḥ || 5 ||
[Analyze grammar]

tapastadrakṣasāṃ coktaṃ bhuktidaṃ tāmasātmanām |
yattaptaṃ sātvikaṃ caiva tattapo bhavati dhruvam || 6 ||
[Analyze grammar]

rajastamobhyāṃ niyataṃ tapasyāṃ vane satāṃ vāyubhujāṃ sunirjane |
tapasvināṃ caiva dhanādivāṃcchatāṃ vane'pi doṣāḥ prabhavaṃti rāgiṇām || 7 ||
[Analyze grammar]

gṛhe'pi paṃceṃdriyanigrahastapastvakutsite karmaṇi yaḥ pravarttate |
nivṛttarāgasya tapovanaṃ gṛhaṃ gṛhāśramo'to gaditaḥ svadharmaḥ || 8 ||
[Analyze grammar]

sudustaraḥ satvajiteṃdriyāṇāṃ saṃhanyate śreṣṭhatamaḥ śubhāśramaḥ |
gṛhastu dharmaḥ pravaro manīṣiṇāṃ brahmādibhiścābhihito nagātmaje || 9 ||
[Analyze grammar]

taptvā tapasvī vipine kṣudhārto gṛhaṃ samāyāti sadānnadātuḥ |
bhaktyā sa cānnaṃ pradadāti tasmai tapovibhāgaṃ bhajate hi tasya || 10 ||
[Analyze grammar]

gṛhāśramaṃ jyeṣṭhamihāśramāṇāṃ samyakca yaḥ pālayate manuṣyaḥ |
ihaiva bhuṃjansamanuṣyabhogānsvargaṃ prayātīti na saṃśayo'tra |
gṛhaṃ sadā pālayatāṃ narāṇāṃ pāpaṃ samāyāti kathaṃ hi devi || 11 ||
[Analyze grammar]

gṛhāśramaḥ puṇyatamaḥ sarvadā tīrthavadgṛham |
asmingṛhāśrame puṇye dānaṃ deyaṃ viśeṣataḥ || 12 ||
[Analyze grammar]

devānāṃ pūjanaṃ yatra atithīnāṃ ca bhojanam |
pathikānāṃ ca śaraṇaṃ ato dhanyatamo mataḥ || 13 ||
[Analyze grammar]

tadgṛhaṃ tu samāśritya ye'rcayaṃti dvijānnarāḥ |
āyurlakṣmīstathā putrā na hīyaṃte kadācana || 14 ||
[Analyze grammar]

śṛṇu suṃdari vakṣyāmi mahāpāpaviśodhanam |
sarvasaṃpatkaraṃ dānaṃ ihāmutraphalapradam || 15 ||
[Analyze grammar]

śubhekāle samāyāte samabhyarcya svadaivatam |
nityaṃ naimittakaṃ kṛtvā dadyāddānaṃ svaśaktitaḥ || 16 ||
[Analyze grammar]

gṛhītvā paradravyaṃ ca dvijadevebhya eva hi |
dadyātsa nirayaṃ dṛṣṭvā paścādyāti parāṃ gatim || 17 ||
[Analyze grammar]

śatānīko yathā dānātsaputraścaiva tāritaḥ |
dattvānye ca dvijebhyaśca sa gaṃtā dharmato divam || 18 ||
[Analyze grammar]

dharmasthāneṣu yairdattaṃ teṣāṃ dharmamudāhṛtam |
śṛṇu devi pravakṣyāmi vittadānaṃ samāsataḥ || 19 ||
[Analyze grammar]

dehaśuddhikaraṃ dānaṃ na bhūtaṃ na bhaviṣyati |
pāpahīno yena pumānjāyate nātra saṃśayaḥ || 20 ||
[Analyze grammar]

bhogānbhuktvā tataścāyaṃ yāti viṣṇuṃ sanātanam |
purā vai brahmaṇā proktaṃ bhārgavāya mahātmane || 21 ||
[Analyze grammar]

pāpayuktāya rāmāya tulāvṛṣabhameva ca |
pāpakarmarataścaiva bhavabaṃdhakriyo nṛpaḥ || 22 ||
[Analyze grammar]

abhakṣabhakṣaṇaratā bhrūṇahā gurutalpagaḥ |
etepyanṛtavādī ca prasūyaṃte viyoniṣu || 23 ||
[Analyze grammar]

ayājyayājanaṃ kṛtvā yācayitvā tu niṃditān |
sadā kopasamāyuktāḥ sādhūnāṃ pīḍane ratāḥ || 24 ||
[Analyze grammar]

viśvāsopahatāścaiṣāmasubhirdharmaniṃdakāḥ |
pāpairebhiḥ samāyuktā jñātvātmānaṃ gatāyuṣam || 25 ||
[Analyze grammar]

iti jñātvā tu tairdevi dānaṃ deyaṃ viśeṣataḥ |
bahavo dharmakarttāro vaiṣṇavā bhuvi viśrutāḥ || 26 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde dānadharmonāma catuḥsaptatitamo'dhyāyaḥ || 74 ||
[Analyze grammar]