Chapter 62

[English text for this chapter is available]

yudhiṣṭhira uvāca |
bhagavañchrotumicchāmi vratānāmuttamaṃ vratam |
sarvapāpaharaṃ viṣṇoḥ phaladaṃ vratināṃ ca yat || 1 ||
[Analyze grammar]

puruṣottamamāsasya kathāṃ brūhi janārdana |
ko vidhiḥ kiṃ phalaṃ tasya ko devastatra pūjyate || 2 ||
[Analyze grammar]

adhimāse ca saṃprāpte vrataṃ brūhi janārdana |
kasya dānasya kiṃ puṇyaṃ kiṃ karttavyaṃ nṛbhiḥ prabho || 3 ||
[Analyze grammar]

kathaṃ snānaṃ ca kiṃ jāpyaṃ kathaṃ pūjāvidhiḥ smṛtaḥ |
kiṃ bhojyamuttamaṃ cānnaṃ māse'sminpuruṣottame || 4 ||
[Analyze grammar]

śrīkṛṣṇa uvāca |
kathayiṣyāmi rājeṃdra bhavataḥ snehakāraṇāt |
puruṣottamamāsasya māhātmyaṃ pāpanāśanam || 5 ||
[Analyze grammar]

adhimāse tu saṃprāpte bhavedekādaśī tu yā |
kamalā nāma sā nāmnā tithīnāmuttamā tithiḥ || 6 ||
[Analyze grammar]

tasyā vrataprabhāvena kamalābhimukhī bhavet |
brāhme muhūrtte cotthāya saṃsmṛtya puruṣottamam || 7 ||
[Analyze grammar]

snātvā caiva vidhānena niyamaṃ kārayedvratī |
gṛhe tvekaguṇaṃ jāpyaṃ nadyāṃ tu dviguṇaṃ smṛtam || 8 ||
[Analyze grammar]

gavāṃ goṣṭhe sahasrordhvamagnyāgāre śatānvitam |
śivakṣetreṣu tīrtheṣu devatānāṃ ca sannidhau || 9 ||
[Analyze grammar]

lakṣaṃ tulasyāḥ sāṃnidhye hyanaṃtaṃ viṣṇusannidhau |
avaṃtyāmabhavatkaścicchivaśarmā dvijottamaḥ || 10 ||
[Analyze grammar]

tasyātmajāstu paṃcāsankaniṣṭho doṣavānabhūt |
tadā pitrā parityaktastyaktaḥ svajanabāṃdhavaiḥ || 11 ||
[Analyze grammar]

kukarmaṇaḥ prabhāvena gato dūrataraṃ vanam |
ekadā daivayogena tīrtharājaṃ samāgataḥ || 12 ||
[Analyze grammar]

kṣutkṣāmo dīnavadanastriveṇyāṃ snānamācarat |
munīnāmāśramāṃstatra vicinvankṣudhayārditaḥ || 13 ||
[Analyze grammar]

harimitramunestatra dadarśāśramamuttamam |
puruṣottamamāse vai janānāṃ ca samāgame || 14 ||
[Analyze grammar]

tatrāśrame kathayatāṃ kathāṃ kalmaṣanāśinīm |
brāhmaṇānāṃ mukhāttena śraddhayā kamalā śrutā || 15 ||
[Analyze grammar]

ekādaśī puṇyatamā bhuktimuktipradāyinī |
jayaśarmā vidhānena śrutvemāṃ kamalā tithim || 16 ||
[Analyze grammar]

ekādaśīpuṇyatamā bhuktimuktipradāyinī |
vrataṃ kṛtaṃ ca taiḥ sārddhaṃ sthitvā śūnyālaye tadā || 17 ||
[Analyze grammar]

niśīthe samanuprāpte lakṣmīstatra samāgatā |
varaṃ dadāmi bho vipra kamalāyāḥ prabhāvataḥ || 18 ||
[Analyze grammar]

jayaśarmovāca |
kā tvaṃ kasyāsi raṃbhoru prasannā ca kathaṃ mama |
iṃdrāṇī suranāthasya bhavānī śaṃkarasya vā || 19 ||
[Analyze grammar]

gaṃdharvī kinnarī vātha vadhūrvā caṃdrasūryayoḥ |
tvatsadṛkṣā na dṛṣṭā ca na śrutā ca śubhānane || 20 ||
[Analyze grammar]

lakṣmīruvāca |
prasannā sāṃprataṃ jātā vaikuṃṭhādahamāgatā |
preritā devadevena kamalāyāḥ prabhāvataḥ || 21 ||
[Analyze grammar]

puruṣottamamāsasya yā pakṣe prathame bhavet |
tasyā vrataṃ tvayā cīrṇaṃ prayāge munisaṃnidhau || 22 ||
[Analyze grammar]

vratasyāsya prabhāvena vaśagāhaṃ na saṃśayaḥ |
tavavaṃśe bhaviṣyaṃti mānavā dvijasattama || 23 ||
[Analyze grammar]

matprasādādavāpsyaṃti satyaṃ te vyāhṛtaṃ mayā |
brāhmaṇa uvāca |
prasannā yadi me padme vrataṃ vistarato vada || 24 ||
[Analyze grammar]

yatkathāsu pravartaṃte sādhavo ye janā dvijāḥ |
lakṣmīruvāca |
śrotṝṇāṃ paramaṃ śrāvyaṃ pavitrāṇāmanuttamam || 25 ||
[Analyze grammar]

duḥsvapnanāśanaṃ puṇyaṃ śrotavyaṃ yatnatastataḥ |
uttamaḥ śraddhayā yuktaḥ ślokaṃ ślokārddhameva vā || 26 ||
[Analyze grammar]

paṭhitvā mucyate sadyo mahāpātakakoṭibhiḥ |
māsānāṃ paramo māsaḥ pakṣiṇāṃ garuḍo yathā || 27 ||
[Analyze grammar]

nadīnāṃ ca yathā gaṃgā tithīnāṃ dvādaśī tithiḥ |
adyāpi nirjarāḥ sarve bhārate janmalipsavaḥ || 28 ||
[Analyze grammar]

tamarcayaṃti vividhā nārāyaṇamanāmayam |
ye yajaṃti sadā bhaktyā devaṃ nārāyaṇaṃ prabhum || 29 ||
[Analyze grammar]

tānarcayaṃti satataṃ brahmādyā devatāgaṇāḥ |
ye'pi nāmaparā ye ca harikīrttanatatparāḥ || 30 ||
[Analyze grammar]

haripūjāparā ye ca te kṛtārthāḥ kalau yugeḥ |
śukle vā yadi vā kṛṣṇe bhavedekādaśī dvayam || 31 ||
[Analyze grammar]

gṛhasthānāṃ bhavetpūrvā yatīnāmuttarā smṛtā |
ekādaśī dvādaśī ca rātriśeṣe trayodaśī |
tatra kratuśataṃ puṇyaṃ trayodaśyāṃ tu pāraṇe || 32 ||
[Analyze grammar]

ekādaśyāṃ nirāhāraḥ sthitvāhamapare'haṃni |
bhokṣyāmi puṃḍarīkākṣa śaraṇaṃ me bhavācyuta || 33 ||
[Analyze grammar]

amuṃ maṃtraṃ samuccārya devadevasya cakriṇaḥ |
bhaktibhāvena tuṣṭātmā upavāsaṃ samācaret || 34 ||
[Analyze grammar]

kuryāddevasya purato jāgaraṃ niyato vratī |
gītairvādyaiśca nṛtyaiśca purāṇapaṭhanādibhiḥ || 35 ||
[Analyze grammar]

tataḥ prātaḥ samutthāya dvādaśīdivase vratī |
snātvā viṣṇuṃ samabhyarcya vidhivatprayateṃdriyaḥ || 36 ||
[Analyze grammar]

paṃcāmṛtena saṃsnāpya ekādaśyāṃ janārdanaḥ |
dvādaśyāṃ ca payaḥsnānāddhareḥ sārūpyamaśnute || 37 ||
[Analyze grammar]

ajñānatimirāṃdhasya vratenānena keśava |
prasīda sanmukho bhūtvā jñānadṛṣṭiprado bhava || 38 ||
[Analyze grammar]

evaṃ vijñāpya deveśaṃ devadevaṃ gadādharam |
brāhmaṇānbhojayedbhaktyā tebhyo dadyācca dakṣiṇām || 39 ||
[Analyze grammar]

tataḥ svabaṃdhubhiḥ sārddhaṃ nārāyaṇaparāyaṇaḥ |
kṛtvā paṃcamahāyajñānsvayaṃ bhuṃjīta vāgyataḥ || 40 ||
[Analyze grammar]

evaṃ yaḥ prayataḥ kuryātpuṇyamekādaśīvratam |
sa yāti viṣṇubhavanaṃ punarāvṛttidurllabham || 41 ||
[Analyze grammar]

ityuktvā kamalā tasmai varaṃ dattvā tirodadhe |
so'pi vipro dhanī bhūtvā piturgehaṃ samāgataḥ || 42 ||
[Analyze grammar]

śrīkṛṣṇa uvāca |
evaṃ yaḥ kurute rājankamalāvratamuttamam |
śṛṇuyādvāsare viṣṇoḥ sarvapāpaiḥ pramucyate || 43 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde puruṣottamamāsasya kṛṣṇā kamalānāmaikādaśīnāma dviṣaṣṭimo'dhyāyaḥ || 62 ||
[Analyze grammar]