Chapter 59

[English text for this chapter is available]

yudhiṣṭhira uvāca |
kathayasva prasādena mamāgre madhusūdana |
iṣasya śuklapakṣe tu kiṃ nāmaikādaśībhavet || 1 ||
[Analyze grammar]

śrīkṛṣṇauvāca |
śṛṇurājeṃdra vakṣyāmi māhātmyaṃ pāpa nāśanam |
śuklapakṣe cāśvinasya bhavedekādaśī tu yā || 2 ||
[Analyze grammar]

pāpāṃkuśeti vikhyātā sarvapāpaharā parā |
padmanābhābhidhānaṃ māṃ pūjayettatra mānavaḥ || 3 ||
[Analyze grammar]

sarvābhīṣṭa phalaṃ prāptau svargamokṣapradaṃ nṛṇām |
tapastaptvā punastīvraṃ ciraṃ suniyatendriyaḥ || 4 ||
[Analyze grammar]

yatphalaṃ samavāpnoti tanna tvā garuḍadhvajam |
kṛtvāpi bahuśaḥpāpaṃ naro moha samanvitaḥ || 5 ||
[Analyze grammar]

na yāti narakaṃ natvā sarvapāpaharaṃ harim |
pṛthivyāṃ yāni tīrthāni puṇyānyāyatanāni ca || 6 ||
[Analyze grammar]

tāni sarvāṇyavāpnoti viṣṇornāmānukīrttanāt |
devaṃ śārṅgadharaṃ viṣṇuṃ ye prapannā janārdanam || 7 ||
[Analyze grammar]

na teṣāṃ yamalokasya yātanā jāyate kvacit |
upoṣyaikādaśīmekāṃ prasaṃgenāpi mānavaḥ |
na yāti yātanāṃ yāmīṃ pāpaṃ kṛtvāpi dāruṇam || 8 ||
[Analyze grammar]

vaiṣṇavaḥ puruṣo bhūtvā śivaniṃdāṃ karoti yaḥ |
na viṃdedvaiṣṇavaṃ lokaṃ sa yāti narakaṃ dhruvam || 9 ||
[Analyze grammar]

śaivaḥ pāśupato bhūtvā viṣṇuniṃdāṃ karoti cet |
raurave pacyate ghore yāvadindrāścaturdaśa || 10 ||
[Analyze grammar]

nedṛśaṃ pāvanaṃ kiṃcittriṣu lokeṣu vidyate |
yādṛśaṃ padmanābhasya vrataṃ pātakanāśanam || 11 ||
[Analyze grammar]

tāvatpāpāni dehe'smintiṣṭhaṃti manujādhipam |
yāvannopavasejjaṃtuḥ padmanābhadinaṃ śubham || 12 ||
[Analyze grammar]

aśvamedhasahasrāṇi rājasūyaśatāni ca |
ekādaśyupavāsasya kalāṃ nārhaṃti ṣoḍaśīm || 13 ||
[Analyze grammar]

ekādaśīsamaṃ kiṃcidvrataṃ loke na vidyate |
vyājenāpi kṛtā yaiśca na te yāṃti hi bhāskarim || 14 ||
[Analyze grammar]

svargamokṣapradā hyeṣā śarīrārogyadāyinī |
kalatrasutadā hyeṣā dhanamitrapradāyinī || 15 ||
[Analyze grammar]

na gaṃgā na gayā rājanna ca kāśī ca puṣkaram |
na cāpi kauravaṃ kṣetraṃ puṇyaṃ bhūpa harerdināt || 16 ||
[Analyze grammar]

rātrau jāgaraṇaṃ kṛtvā samupoṣya harerdinam |
anāyāsena bhūpāla prāpyate vaiṣṇavaṃ padam || 17 ||
[Analyze grammar]

daśaiva mātṛke pakṣe rājeṃdra daśa paitṛke |
priyāyā daśapakṣe tu puruṣānuddharennaraḥ || 18 ||
[Analyze grammar]

caturbhujā divyarūpā nāgārikṛtaketanāḥ |
sragviṇaḥ pītavastrāśca prayāṃti harimaṃdiram || 19 ||
[Analyze grammar]

bālatve yauvanatve ca vṛddhatve ca nṛpottama |
upoṣyaikādaśīṃ nūnaṃ naiva prāpnoti durgatim || 20 ||
[Analyze grammar]

pāpāṃkuśāmupoṣyaiva āśvinasya site naraḥ |
sarvapāpavinirmukto harilokaṃ sa gacchati || 21 ||
[Analyze grammar]

dattvā hematilānbhūmiṃ gāmannamudakaṃ tathā |
upānacchatravastrādīnna paśyati yamaṃ naraḥ || 22 ||
[Analyze grammar]

yasya puṇyavihīnāni dinānyāyāṃti yāṃti ca |
sa lohakārabhastreva śvasannapi na jīvati || 23 ||
[Analyze grammar]

avaṃdhyaṃ divasaṃ kuryāddaridro'pi nṛpottama |
sadācaranyathāśakti snānadānādikāḥ kriyāḥ || 24 ||
[Analyze grammar]

homasnānajapadhyānasatrādipuṇyakarmaṇām |
karttāro naiva paśyaṃti ghorāṃ tāṃ yamayātanām || 25 ||
[Analyze grammar]

dīrghāyuṣo dhanāḍhyāśca kulīnā rogavarjitāḥ |
dṛśyaṃte mānavā loke puṇyakarttāra īdṛśāḥ || 26 ||
[Analyze grammar]

kimatra bahunoktena yāṃtyadharmeṇa durgatim |
ārohaṃti divaṃ dharmairnātrakāryā vicāraṇā || 27 ||
[Analyze grammar]

iti te kathitaṃ rājanyatpṛṣṭo'haṃ tvayānagha |
pāpāṃkuśāyā māhātmyaṃ kimanyacchrotumicchasi || 28 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde āśvinaśuklapāpāṃkuśaikādaśīmāhātmyanāmaikonaṣaṣṭitamo'dhyāyaḥ || 59 ||
[Analyze grammar]