Chapter 55

[English text for this chapter is available]

yudhiṣṭhira uvāca |
śrāvaṇasya site pakṣe kiṃ nāmaikādaśībhavet |
kathayasva prasādena mamāgre madhusūdana || 1 ||
[Analyze grammar]

śrīkṛṣṇa uvāca |
śṛṇuṣvāvahito rājankathāṃ pāpaharāṃ parām |
yasyāḥ śravaṇamātreṇa vājapeyaphalaṃ bhavet || 2 ||
[Analyze grammar]

dvāparasya yugasyādau purā māhiṣmatī pure |
rājā mahījidākhyāto rājyaṃ pālayati svakam || 3 ||
[Analyze grammar]

putrahīnasya tasyaiva na tadrājyaṃ sukhapradam |
aputrasya sukhaṃ nāsti ihaloke paratra ca || 4 ||
[Analyze grammar]

ciṃtayāsya sutasyaivaṃ kālo bahutaro gataḥ |
na prāptaśca suto rājñā sarvasaukhyaprado nṛṇām || 5 ||
[Analyze grammar]

dṛṣṭvātmānaṃ pravayasaṃ rājā ciṃtāparo'bhavat |
tadāgataḥ prajāmadhye idaṃ vacanamabravīt || 6 ||
[Analyze grammar]

ihajanmani bho lokā na mayā pātakaṃ kṛtam |
anyāyopārjitaṃ vittaṃ kṣiptaṃ kośe mayā na hi || 7 ||
[Analyze grammar]

brahmasvaṃ devadraviṇaṃ na gṛhītaṃ mayā kvacit |
nyāsāpahāro na kṛtaḥ parasya bahupāpadaḥ |
putravatpālito loko dharmeṇa vijitā mahī || 8 ||
[Analyze grammar]

duṣṭeṣu pātito daṃḍo baṃdhuputropameṣvapi |
śiṣṭāstu pūjitā nityaṃ na dveṣyāśca mayā janāḥ || 9 ||
[Analyze grammar]

ityevaṃ bruvato mārgaṃ dharmayuktaṃ dvijottamāḥ |
kasmānmama gṛhe putro na jātastadvimṛśyatām || 10 ||
[Analyze grammar]

iti vākyaṃ dvijāḥ śrutvā saprajāḥ sapurohitāḥ |
maṃtrayitvā nṛpahitaṃ jagmuste gahanaṃ vanam || 11 ||
[Analyze grammar]

itastataśca paśyaṃta āśramānṛṣisevitān |
nṛpaterhitamicchaṃto dadṛśurmunisattamam || 12 ||
[Analyze grammar]

tapyamānaṃ tapo ghoraṃ nirālaṃbaṃ nirāmayam |
nirāhāraṃ jitātmānaṃ jitakrodhaṃ sanātanam || 13 ||
[Analyze grammar]

lomaśaṃ dharmatatvajñaṃ sarvaśāstraviśāradam |
dīrghāyuṣaṃ mahātmānaṃ sakeśaṃ brahmasaṃmitam || 14 ||
[Analyze grammar]

kalpekalpe gate tasya ekaṃ loma viśīryate |
ato lomaśanāmāyaṃ trikālajño mahāmuniḥ || 15 ||
[Analyze grammar]

taṃ dṛṣṭvā harṣitāḥ sarve ājagmustasya sannidhim |
yathānyāyaṃ yathārhaṃ te namaścakruryathoditam || 16 ||
[Analyze grammar]

vinayāvanatāḥ sarve ūcuste ca parasparam |
asmadbhāgyavaśādeva prāpto'yaṃ munisattamaḥ |
tāstathā sa prajā vīkṣya uvāca ṛṣisattamaḥ || 17 ||
[Analyze grammar]

lomaśa uvāca |
kimarthamiha saṃprāptaḥ kathayadhvaṃ sakāraṇam |
darśanāddhṛṣṭamanasaḥ stuvaṃtaścaiva māṃ kimu || 18 ||
[Analyze grammar]

asaṃśayaṃ kariṣyāmi bhavatāṃ yaddhitaṃ bhavet |
paropakṛtaye janma mādṛśānāṃ na saṃśayaḥ || 19 ||
[Analyze grammar]

janā ūcuḥ |
śrūyatāmabhidhāsyāmo vayaṃ svāgamakāraṇam |
saṃśayacchedanārthāya tava sānnidhyamāgatāḥ || 20 ||
[Analyze grammar]

padmayoneḥ paratarastvattaḥ śreṣṭho na vidyate |
ataḥ kāryavaśātprāptāḥ samīpaṃ bhavato vayam || 21 ||
[Analyze grammar]

mahījinnāma rājāsau putrahīno'sti sāṃpratam |
vayaṃ tasya prajā brahmanputravattena pālitāḥ || 22 ||
[Analyze grammar]

taṃ putrarahitaṃ dṛṣṭvā tasya duḥkhena duḥkhitāḥ |
tapaḥ kartumihāyātā matiṃ kṛtvā tu naiṣṭhikīm || 23 ||
[Analyze grammar]

tasya bhāgyena dṛṣṭo'si hyasmābhistvaṃ dvijottama |
mahatāṃ darśanenaiva kāryasiddhirbhavennṛṇām || 24 ||
[Analyze grammar]

upadeśaṃ vada mune rājñaḥ putro yathā bhavet |
iti teṣāṃ vacaḥ śrutvā muhūrttaṃ dhyānamāsthitaḥ |
pratyuvāca munirjñātvā tasya janma purātanam || 25 ||
[Analyze grammar]

lomaśa uvāca |
purā janmani vaiśyo'yaṃ dhanahīno nṛśaṃsakṛt |
vāṇijyakarmanirato grāmādgrāmāṃtaraṃ bhraman || 26 ||
[Analyze grammar]

jyeṣṭhe māsi site pakṣe daśamī divase tathā |
madhyage dyumaṇau prāpte grāmasīmni jalāśayam || 27 ||
[Analyze grammar]

kūpikāṃ sajalāṃ dṛṣṭvā jalapāne manodadhe |
sadyastataḥ savatsā ca dhenustatra samāgatā || 28 ||
[Analyze grammar]

tṛṣṇāturā nidāghārtā tasyāmaṃbupapau tu sā |
pibaṃtīṃ vārayitvā tāmasau toyaṃ papau svayam || 29 ||
[Analyze grammar]

karmaṇā tena pāpena putrahīno nṛpo bhavet |
kasyāpi janmanaḥ puṇyātprāptaṃ rājyamakaṃṭakam || 30 ||
[Analyze grammar]

lokā ūcuḥ |
puṇyātpāpaṃ kṣayaṃ yāti purāṇe śrūyate mune |
puṇyopadeśaṃ kathaya yena pāpakṣayo bhavet |
yathā bhavatprasādena putro bhavati bhūpateḥ || 31 ||
[Analyze grammar]

lomaśa uvāca |
śrāvaṇe śuklapakṣe tu putradā nāma viśrutā |
ekādaśī vāṃcchitadā kurudhvaṃ tadvrataṃ janāḥ || 32 ||
[Analyze grammar]

iti śrutvā namaskṛtya munimetya puraṃ vratam |
yathāvidhiyathānyāyaṃ kṛtaṃ tairjāgarānvitam || 33 ||
[Analyze grammar]

tasya puṇyaṃ suvimalaṃ dattaṃ nṛpataye janaiḥ |
datte puṇye'tha sā rājñī garbhamādhatta śobhanam || 34 ||
[Analyze grammar]

prāpto prasavakāle sā suṣuve putramūrjitam |
śrāvaṇasya site pakṣe karkaṭasthe divākare || 35 ||
[Analyze grammar]

dvādaśyāṃ vāsudevāya pavitrāropaṇaṃ smṛtam |
hema raupya tāmra kṣaumaiḥ sūtraiḥ kauśeyapadmajaiḥ || 36 ||
[Analyze grammar]

kuśaiḥ kāśaiśca kārpāsairbrāhmaṇyā kartitaiḥ śubhaiḥ |
snātvā triguṇitaṃ sūtraṃ triguṇīkṛtya śodhayet || 37 ||
[Analyze grammar]

godohāṃtarite kāle pūrvedyuradhivāsanam |
brāhmaṇebhyo namaskṛtya gurupādau praṇamya ca || 38 ||
[Analyze grammar]

gītamaṃgalanirghoṣaḥ kuryājjāgaraṇaṃ tataḥ |
brāhmaṇāḥ kṣatriyā vaiśyā bhillāḥ śūdrāstathaiva ca || 39 ||
[Analyze grammar]

svadharmāvasthitāḥ sarve bhaktyā kuryuḥ pavitrakam |
tataḥ pavitraṃ gurave dadyādvai vidhipūrvakam || 40 ||
[Analyze grammar]

brāhmaṇānvaiṣṇavāṃścaiva gaṃdhapuṣpādinārcayet |
ato deveti maṃtreṇa dvijo viṣṇau nivedayet || 41 ||
[Analyze grammar]

śūdrastu mūlamaṃtreṇa yathā viṣṇau tathā śive |
varṣevarṣe prakarttavyaṃ pavitrāropaṇaṃ naraiḥ || 42 ||
[Analyze grammar]

bhuktiṃ muktiṃ ca icchadbhiḥ saṃsāre śokasāgare |
na karoti vidhānena pavitrāropaṇaṃ tu yaḥ || 43 ||
[Analyze grammar]

tasya sāṃvatsarī pūjā niṣphalā vaiṣṇavasya tu |
śrutvā māhātmyametasyā naraḥ pāpātpramucyate |
iha putrasukhaṃ prāpya paratra svargatiṃ bhavet || 44 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitā |
yāmuttarakhaṃḍe umāpatināradasaṃvāde śrāvaṇaśuklāpavitrāropaṇī putradaikādaśīnāma paṃcapaṃcāśattamo'dhyāyaḥ || 55 ||
[Analyze grammar]