Chapter 53

[English text for this chapter is available]

yudhiṣṭhira uvāca |
āṣāḍhasya site pakṣe kā ca ekādaśī bhavet |
kiṃ nāma ko vidhistasyā etadvistarato vada || 1 ||
[Analyze grammar]

śrīkṛṣṇa uvāca |
kathayāmi mahāpuṇyāṃ svargamokṣapradāyinīm |
śayanīṃ nāmanāmeti sarvapāpaharāṃ parām || 2 ||
[Analyze grammar]

yasyāḥ śravaṇamātreṇa vājapeyaphalaṃ labhet |
satyaṃ satyaṃ mayā proktaṃ nātaḥ parataraṃ nṛṇām || 3 ||
[Analyze grammar]

pāpināṃ pāpanāśāya sṛṣṭā dhātrā mahottamā |
ataḥ parā na rājeṃdra varttate mokṣadāyinī || 4 ||
[Analyze grammar]

etasmātkāraṇādrājanśrūyatāṃ gatiruttamā |
bhavennarāṇāṃ śrotṝṇāṃ kathāyāḥ śravaṇādapi || 5 ||
[Analyze grammar]

te sadā vaiṣṇavā rājanmama bhaktiparāyaṇāḥ |
āṣāḍhe vāmanaścaiva pūjyate parameśvaraḥ || 6 ||
[Analyze grammar]

vāmanaḥ pūjito yena kamalaiḥ kamalekṣaṇaḥ |
āṣāḍhasya site pakṣe kāmikāyā dine tathā || 7 ||
[Analyze grammar]

tenārcitaṃ jagatsarvaṃ trayo devāḥ sanātanāḥ |
kṛtā caikādaśī yena harivāsaramuttamam || 8 ||
[Analyze grammar]

yudhiṣṭhira uvāca |
saṃśayo'sti mahānme'tra śrūyatāṃ puruṣottama |
kathaṃ supto'si deveśa kathaṃ ca balimāśritaḥ || 9 ||
[Analyze grammar]

kathaṃ ca bhūmau saṃveśaḥ kiṃ kurvaṃti janāḥ pare |
etadvada mahāprājña saṃśayo'sti mahānmama || 10 ||
[Analyze grammar]

śrīkṛṣṇa uvāca |
śrūyatāṃ rājaśārdūla kathāṃ pāpaharāṃ parām |
yasyāḥ śravaṇamātreṇa sarvapāpakṣayo bhavet || 11 ||
[Analyze grammar]

balināmā pūrvamāsīddaityastretāyuge nṛpa |
pūjayaṃścaiva māṃ nityaṃ madbhakto matparāyaṇaḥ || 12 ||
[Analyze grammar]

yajñaistu vidhivaddaityo yajate māṃ sanātanam |
bhaktyā ca parayā rājanyajñakṛdvratakṛttathā || 13 ||
[Analyze grammar]

paraṃ vicārya bahudhā maghonā caiva sūktibhiḥ |
guruṇā daivataiḥ sārddhaṃ bahudhā pūjito'pyaham || 14 ||
[Analyze grammar]

tato vāmanarūpeṇa avatāre ca paṃcame |
atyugrarūpeṇa tadā sarvabrahmāṃḍarūpiṇā || 15 ||
[Analyze grammar]

vākchalena jitā daityāḥ satyamāśritya saṃsthitaḥ |
śukrastaṃ vārayāmāsa yannārāyaṇa ityayam || 16 ||
[Analyze grammar]

yācitā vasudhā rājansārddhatrayapadī mayā |
saṃkalpodakamātre tu kare tenaiva cārpite || 17 ||
[Analyze grammar]

rūpamīdṛgvidhaṃ rājaṃstadā śṛṇu mayā kṛtam |
bhūrloke caraṇau nyasya bhuvarloke tu jānunī || 18 ||
[Analyze grammar]

svarloke ca kaṭiṃ nyasya maharloke tathodaram |
janaloke ca hṛdayaṃ tapoloke tu kaṃṭhakam || 19 ||
[Analyze grammar]

satyaloke mukhaṃ sthāpya mastakaṃ ca tadūrddhvakam |
caṃdrasūryagrahāścaiva nakṣatrāṇi tathaiva ca || 20 ||
[Analyze grammar]

devāḥ seṃdrāśca nāgāśca yakṣagaṃdharvakinnarāḥ |
stuvaṃto vedasaṃbhūtaiḥ sūktaiśca vividhaistathā || 21 ||
[Analyze grammar]

kare gṛhītvā ca baliṃ tripadaiḥ pūritā mahī |
arddhaṃ ca tasya pṛṣṭhe ca padaṃ nyastaṃ mayā tadā || 22 ||
[Analyze grammar]

gato rasātalaṃ rājandānavo mama pūjakaḥ |
kṣipto'dho dānavaścaiva kimakurvaṃ tataḥ param || 23 ||
[Analyze grammar]

vinayenānatosau vai suprasanno janārdanaḥ |
āṣāḍhaśuklapakṣe tu kāmikā harivāsaraḥ || 24 ||
[Analyze grammar]

tasyāmekā ca mūrtirme balimāśritya tiṣṭhati |
dvitīyā śeṣapṛṣṭhe vai kṣīrasāgaramadhyataḥ || 25 ||
[Analyze grammar]

svapityeva mahārāja yāvadāgāmi kārtikī |
tāvadbhavetsudharmātmā sarvadharmottamottamaḥ || 26 ||
[Analyze grammar]

vrataṃ ca kurute martyaḥ sa yāti paramāṃ gatim |
etasmātkāraṇādrājankarttavyā ca prayatnataḥ || 27 ||
[Analyze grammar]

nātaḥ paratarā kācitpavitrā pāpanāśinī |
yasyāṃ svapiti deveśaḥ śaṃkhacakragadādharaḥ || 28 ||
[Analyze grammar]

tasyāṃ ca pūjayeddevaṃ śaṃkhacakragadādharam |
rātrau jāgaraṇaṃ kṛtvā bhaktyā caiva viśeṣataḥ || 29 ||
[Analyze grammar]

nāsyāḥ puṇyasya saṃkhyānaṃ kartuṃ śaktaścaturmukhaḥ |
evaṃ yaḥ kurute rājannekādaśyā vratottamam || 30 ||
[Analyze grammar]

sarvapāpaharaṃ caiva bhuktimuktipradāyakam |
sa ca loke mama sadā śvapaco'pi priyaṃkaraḥ || 31 ||
[Analyze grammar]

dīpadānena pālāśapatre bhuktyā vratena ca |
cāturmāsyaṃ nayaṃtīha te narā mama vallabhāḥ || 32 ||
[Analyze grammar]

cāturmāsye harau supte bhūmiśāyī bhavennaraḥ |
śrāvaṇe varjayecchākaṃ dadhi bhādrapade tathā || 33 ||
[Analyze grammar]

dugdhamāśvayuji tyājyaṃ kārtike dvidalaṃ tyajet |
athavā brahmacaryasthaḥ sa yāti paramāṃ gatim || 34 ||
[Analyze grammar]

ekādaśyā vratenaiva pumānpāpairvimucyate |
kartavyā sarvadā rājanvismartavyā na karhicit || 35 ||
[Analyze grammar]

śayanī bodhinī madhye yā kṛṣṇaikādaśībhavet |
saivopoṣyā gṛhasthasya nānyā kṛṣṇā kadācana || 36 ||
[Analyze grammar]

śṛṇuyāccaiva yo rājankathāṃ pāpaharāṃ parām |
aśvamedhasya yajñasya phalaṃ prāpnoti mānavaḥ || 37 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde devaśayanyekādaśīnāma tripaṃcāśattamo'dhyāyaḥ || 53 ||
[Analyze grammar]