Padma Purana [sanskrit]

462,305 words | ISBN-13: 9789385005305

The Padma-purana Book 6 Chapter 48 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

Chapter 48

< Previous

Next >

[English text for this chapter is available]

yudhiṣṭhira uvāca |
vaiśākhasyāsite pakṣe kiṃnāmaikādaśī bhavet |
mahimānaṃ kathaya me vāsudeva namo'stu te || 1 ||
[Analyze grammar]

śrīkṛṣṇa uvāca |
saubhāgyadāyinī rājannihaloke paratra ca |
vaiśākhakṛṣṇapakṣe tu nāmnā caiva varūthinī || 2 ||
[Analyze grammar]

varūthinyā vratenaiva saukhyaṃ bhavati sarvadā |
pāpahāniśca bhavati saubhāgyaprāptireva ca || 3 ||
[Analyze grammar]

durbhagā yā karotyenāṃ sā strī saubhāgyamāpnuyāt |
lokānāṃ caiva sarveṣāṃ bhuktimuktipradāyinī || 4 ||
[Analyze grammar]

sarvapāpaharā nṝṇāṃ garbhavāsanikṛṃtanī |
varūthinyā vratenaiva māṃdhātā svargatiṃ gataḥ || 5 ||
[Analyze grammar]

dhuṃdhumārādayaścānye rājāno bahavastathā |
brahmakapālanirmukto babhūva bhagavānbhavaḥ || 6 ||
[Analyze grammar]

daśavarṣasahasrāṇi tapastapyati yo naraḥ |
kurukṣetre ravigrahe svarṇabhāraṃ dadāti yaḥ |
tattulyaṃphalamāpnotivarūthinyāvrataṃcaran || 7 ||
[Analyze grammar]

śraddhāvānyastu kurute varūthinyā vrataṃ naraḥ |
vāṃchitaṃ labhate so'pi ihaloke paratra ca || 8 ||
[Analyze grammar]

pavitrā pāvanī hyeṣā mahāpātakanāśinī |
bhuktimuktipradā caiva kartṝṇāṃ nṛpasattama || 9 ||
[Analyze grammar]

aśvadānānnṛpaśreṣṭha gajadānaṃ viśiṣyate |
gajadānādbhūmidānaṃ tiladānaṃ tato'dhikam || 10 ||
[Analyze grammar]

tasmācca svarṇadānaṃ vai annadānaṃ tato'dhikam |
annadānātparaṃ dānaṃ na bhūtaṃ na bhaviṣyati || 11 ||
[Analyze grammar]

pitṛdevamanuṣyāṇāṃ tṛptirannena jāyate |
tatsamaṃ kavibhiḥ proktaṃ kanyādānaṃ nṛpottama || 12 ||
[Analyze grammar]

dhenudānaṃ ca tattulyamityāha bhagavānsvayam |
proktebhyaḥ sarvadānebhyo vidyādānaṃ viśiṣyate || 13 ||
[Analyze grammar]

tatphalaṃ samavāpnoti naraḥ kṛtvā varūthinīm |
kanyāvittena jīvaṃti ye narāḥ pāpamohitāḥ || 14 ||
[Analyze grammar]

puṇyakṣayaṃ te gacchaṃti nirayaṃ yātanāmayam |
tasmātsarvaprayatnena na grāhyaṃ kanyakādhanam || 15 ||
[Analyze grammar]

yaśca gṛhṇāti lobhena kanyāṃ krītvā ca taddhanam |
so'nyajanmani rājeṃdra oturbhavati niścitam || 16 ||
[Analyze grammar]

kanyāṃ puṇyena yo dadyādyathāśakti svalaṃkṛtām |
tatpuṇyasaṃkhyāṃ nṛpate citragupto na śaknuyāt || 17 ||
[Analyze grammar]

tattulyaṃ phalamāpnoti naraḥ kṛtvā varūthinīm |
kāṃsyaṃ māṃsaṃ masūrāṃśca caṇakānkodravāṃstathā || 18 ||
[Analyze grammar]

śākaṃ madhu parānnaṃ ca punarbhojana maithune |
vaiṣṇavo vratakartā ca daśamyāṃ daśa varjayet || 19 ||
[Analyze grammar]

dyūtaṃ krīḍāṃ ca nidrāṃ ca tāṃbūlaṃ daṃtadhāvanam |
parāpavādaṃ paiśunyaṃ steyaṃ hiṃsāṃ tathā ratim || 20 ||
[Analyze grammar]

krodhaṃ caivānṛtaṃ vākyamekādaśyāṃ vivarjayet |
kāṃsyaṃ māṃsaṃ surāṃ kṣaudraṃ tailaṃ patitabhāṣaṇam || 21 ||
[Analyze grammar]

vyāyāmaṃ ca pravāsaṃ ca punarbhojanamaithunam |
vṛṣapṛṣṭhaṃ masūrānnaṃ dvādaśyāṃ parivarjayet || 22 ||
[Analyze grammar]

anena vidhinā rājanvihitā yairvarūthinī |
sarvapāpakṣayaṃ kṛtvā dadyātprāṃte'kṣayāṃ gatim |
rātrau jāgaraṇaṃ kṛtvā pūjito madhusūdanaḥ || 23 ||
[Analyze grammar]

sarvapāpavinirmuktāste yāṃti paramāṃ gatim |
tasmātsarvaprayatnena kartavyā pāpabhīrubhiḥ || 24 ||
[Analyze grammar]

kṣapāritanayādbhīto naraḥ kuryādvarūthinīm |
paṭhanācchravaṇādrājangosahasraphalaṃ labhet |
sarvapāpavinirmukto viṣṇuloke mahīyate || 25 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmumāpatināradasaṃvāde vaiśākhakṛṣṇavarūthinī ekādaśī nāma aṣṭacatvāriṃśo'dhyāyaḥ || 48 ||
[Analyze grammar]