Chapter 47

[English text for this chapter is available]

yudhiṣṭhira uvāca |
vāsudeva namastubhyaṃ kathayasva mamāgrataḥ |
caitrasya śuklapakṣe tu kiṃ nāmaikādaśī bhavet || 1 ||
[Analyze grammar]

śrīkṛṣṇa uvāca |
śṛṇuṣvaikamanā rājankathāṃ puṇyāṃ purātanīm |
vasiṣṭho yāmakathayatprāgdilīpāya pṛcchate || 2 ||
[Analyze grammar]

dilīpa uvāca |
bhagavañchrotumicchāmi kathayasva prasādataḥ |
caitramāsi site pakṣe kiṃnāmaikādaśī bhavet || 3 ||
[Analyze grammar]

vasiṣṭha uvāca |
sādhu pṛṣṭaṃ tvayā rājankathayāmi tavāgrataḥ |
caitrasya śuklapakṣe tu kāmadā nāma nāmataḥ || 4 ||
[Analyze grammar]

ekādaśī puṇyatamā pāpeṃdhanadavānalaḥ |
śṛṇu rājankathāmetāṃ pāpaghnīṃ puṇyadāyinīm || 5 ||
[Analyze grammar]

purā nāgapure ramye hemaratnavibhūṣite |
puṃḍarīkamukhā nāgā nivasaṃti mahotkaṭāḥ || 6 ||
[Analyze grammar]

tasminpure puṃḍarīko rājā rājyaṃ cakāra saḥ |
gandharvaiḥ kinnaraiścaiva apsarobhiśca sevyate || 7 ||
[Analyze grammar]

varāpsarāstu lalitā gaṃdharvo lalitastathā |
ubhau rāgeṇa saṃraktau daṃpatī kāmapīḍitau || 8 ||
[Analyze grammar]

remāte svagṛhe ramye dhanadhānyayute tadā |
lalitāyāśca hṛdaye patirvasati sarvadā || 9 ||
[Analyze grammar]

hṛdaye tasya lalitā nityaṃ vasati bhāminī |
ekadā puṃḍarīko'tha krīḍate sadasi sthitaḥ || 10 ||
[Analyze grammar]

gītaṃ gānaṃ prakurute lalito dayitāṃ vinā |
padabaṃdhaskhalajjihvo babhūva lalitāṃ smaran || 11 ||
[Analyze grammar]

manobhāvaṃ viditvāsya karkaṭo nāgasattamaḥ |
padabaṃdhacyutiṃ tasya puṃḍarīke nyavedayat || 12 ||
[Analyze grammar]

śrutvā karkoṭakavacaḥ puṃḍarīko bhujaṃgarāṭ |
krodhasaṃraktanayano babhūvātibhayaṃkaraḥ || 13 ||
[Analyze grammar]

śaśāpa lalitaṃ tatra gāyaṃtaṃ madanāturam |
rākṣaso bhava durbuddhe kravyādaḥ puruṣādakaḥ || 14 ||
[Analyze grammar]

yataḥ patnīvaśopeto gāyamāno mamāgrataḥ |
vacanāttasya rājeṃdra rakṣorūpo babhūva saḥ || 15 ||
[Analyze grammar]

raudrānano virūpākṣo dṛṣṭamātro bhayaṃkaraḥ |
bāhūyojanavistīrṇau mukhaṃ kaṃdarasannibham || 16 ||
[Analyze grammar]

caṃdrasūryanibhe netre grīvāparvatasaṃnibhā |
nāsāraṃdhre tu vivare adharau yojanāyatau || 17 ||
[Analyze grammar]

śarīraṃ tasya rājeṃdra utthitaṃ yojanāṣṭakam |
īdṛśo rākṣaso bhūtvā bhuṃjānaḥ karmaṇaḥ phalam || 18 ||
[Analyze grammar]

lalitā tu tathālokya svapatiṃ vikṛtākṛtim |
ciṃtayāmāsa manasā duḥkhena mahatārditā || 19 ||
[Analyze grammar]

kiṃ karomi kva gacchāmi patiḥ śāpena pīḍitaḥ |
iti saṃsmṛtya saṃsmṛtya manasā śarma nālabhat || 20 ||
[Analyze grammar]

cacāra patinā sārddhaṃ lalitā gahane vane |
babhrāma vipine durge kāmarūpī sa rākṣasaḥ || 21 ||
[Analyze grammar]

nirghṛṇaḥ pāpanirato virūpaḥ puruṣādakaḥ |
na sukhaṃ labhate rātrau na divā pāpapīḍitaḥ || 22 ||
[Analyze grammar]

lalitā duḥkhitātīva patiṃ dṛṣṭvā tathāvidham |
babhrāma tena sārddhaṃ sā rudatī gahane vane || 23 ||
[Analyze grammar]

dṛṣṭvāśramapadaṃ ramyaṃ muniṃ saṃśāṃtavigraham |
śīghraṃ jagāma lalitā namaskṛtyāgrataḥ sthitā || 24 ||
[Analyze grammar]

tāṃ dṛṣṭvā sa muniḥ prāha duḥkhitāṃ hi dayāparaḥ |
kā tvaṃ kasmādihāyātā satyaṃ vada mamāgrataḥ || 25 ||
[Analyze grammar]

lalitovāca |
vīradhanveti gaṃdharvaḥ sutā tasya mahātmanaḥ |
lalitāṃ nāma māṃ viddhi patyarthamiha cāgatām || 26 ||
[Analyze grammar]

bhartā me pāpadoṣeṇa rākṣaso'bhūnmahāmune |
raudrarūpo durācārastaṃ dṛṣṭvā nāsti me sukham || 27 ||
[Analyze grammar]

sāṃprataṃ śādhi māṃ brahmanyatkṛtyaṃ tadvada prabho |
kuruṣva tad vrataṃ bhadre vidhipūrvaṃ mayoditam || 28 ||
[Analyze grammar]

ṛṣiruvāca |
caitramāsasya raṃbhoru śuklapakṣo'sti sāṃpratam |
kāmadaikādaśīnāma pāpaghnī lalite parā || 29 ||
[Analyze grammar]

kuruṣva tadvrataṃ bhadre vidhipūrvaṃ mayoditam |
asya vratasya yatpuṇyaṃ tatsvabhartre pradīyatām || 30 ||
[Analyze grammar]

datte puṇyekṣaṇāttasya śāpadoṣaḥ prayāsyati |
iti śrutvā munervākyaṃ lalitā harṣitābhavat || 31 ||
[Analyze grammar]

upoṣyaikādaśīṃ rājandvādaśīdivase tathā |
viprasyaiva samīpe tadvāsudevasya cāgrataḥ || 32 ||
[Analyze grammar]

vākyamuvāca lalitā svapatyustāraṇāya vai |
mayā tu tadvrataṃ cīrṇaṃ kāmadāyā upoṣaṇam || 33 ||
[Analyze grammar]

tasya puṇyaprabhāvena gacchatvasya piśācatā |
lalitāvacanādeva varttamāno'pi tatkṣaṇe || 34 ||
[Analyze grammar]

gatapāpaḥ sa lalito divyadeho babhūva ha |
rākṣasatvaṃ gataṃ tasya prāptā gaṃdharvatā punaḥ || 35 ||
[Analyze grammar]

hemaratnasamākīrṇo reme lalitayā saha |
vimānavaramārūḍhau pūrvarūpādhikau ca tau || 36 ||
[Analyze grammar]

daṃpatī atyaśobhetāṃ kāmadāyāḥ prabhāvataḥ |
iti jñātvā nṛpaśreṣṭha kartavyaiṣā prayatnataḥ || 37 ||
[Analyze grammar]

lokānāṃ tu hitārthāya tavāgre kathitā mayā |
brahmahatyādi pāpaghnī piśācatvavināśanī || 38 ||
[Analyze grammar]

nātaḥ paratarā kācittrailokye sacarācare |
paṭhanācchravaṇādrājanvājapeyaphalaṃ labhet || 39 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde caitraśuklā kāmadānāma saptacatvāriṃśo'dhyāyaḥ || 47 ||
[Analyze grammar]