Chapter 45

[English text for this chapter is available]

śrīkṛṣṇa uvāca |
māhātmyaṃ vijayāyāśca śrutaṃ kṛṣṇa mahatphalam |
phālgunasyārjune pakṣe yannāmnī tāṃ vadādhunā || 1 ||
[Analyze grammar]

śrīkṛṣṇa uvāca |
dharmaputra mahābhāga śṛṇu vakṣyāmite'dhunā |
yoktā pṛṣṭena māṃdhātrā vasiṣṭhena mahātmanā || 2 ||
[Analyze grammar]

phālgunasya viśeṣeṇa viśeṣaḥ kathito nṛpa |
āmalakīvrataṃ puṇyaṃ viṣṇulokaphalapradam || 3 ||
[Analyze grammar]

āmalakyāstale gatvā jāgaraṃ tatra kārayet |
kṛtvā jāgaraṇaṃ rātrau gosahasraphalaṃ labhet || 4 ||
[Analyze grammar]

māṃdhātovāca |
āmalakī kadā hyeṣā utpannā dvijasattama |
etatsarvaṃ mamācakṣva paraṃ kautūhalaṃ hi me || 5 ||
[Analyze grammar]

kasmādiyaṃ pavitrā ca kasmātpāpapraṇāśinī |
kasmājjāgaraṇaṃ kṛtvā gosahasraphalaṃ labhet || 6 ||
[Analyze grammar]

vasiṣṭha uvāca |
kathayāmi mahābhāga yatheyamabhavatkṣitau |
āmalakī mahāvṛkṣaḥ sarvapāpapraṇāśanaḥ || 7 ||
[Analyze grammar]

ekārṇave purā jāte naṣṭe sthāvarajaṃgame |
naṣṭe devāsuragaṇe praṇaṣṭoragarākṣase || 8 ||
[Analyze grammar]

tatra devādideveśaḥ paramātmā sanātanaḥ |
jagāma brahmaparamamātmanaḥ padamavyayam || 9 ||
[Analyze grammar]

tato'sya jāgrato brahmamukhācchaśisamaprabhaḥ |
ṣṭhīvanādbiṃdurutpannaḥ sa bhūmau nipapāta ha || 10 ||
[Analyze grammar]

tasmādbiṃdoḥ samutpannaḥ svayaṃ dhātrī nago mahān |
śākhāpraśākhābahulaḥ phalabhāreṇa nāmitaḥ || 11 ||
[Analyze grammar]

sarveṣāṃ caiva vṛkṣāṇāmādirohaḥ prakīrtitaḥ |
brahmaṇātha tataḥ paścātsaṃsṛṣṭāśca imāḥ prajāḥ || 12 ||
[Analyze grammar]

devadānavagaṃdharvayakṣarākṣasapannagān |
asṛjadbhagavāndevo maharṣīṃśca tathāmalān || 13 ||
[Analyze grammar]

ājagmustatra devāste yatra dhātrī haripriyā |
tāṃ dṛṣṭvā te mahābhāga paraṃ vismayamāgatāḥ || 14 ||
[Analyze grammar]

na jānīma imaṃ vṛkṣaṃ ciṃtayaṃto'bhisaṃsthitāḥ |
evaṃ ciṃtayatāṃ teṣāṃ vāguvācāśarīriṇī || 15 ||
[Analyze grammar]

āmalakī nago hyeṣa pravaro vaiṣṇavo mataḥ |
asya saṃsmaraṇādeva labhedgodānajaṃ phalam || 16 ||
[Analyze grammar]

sparśanāddviguṇaṃ puṇyaṃ triguṇaṃ dhāraṇāttathā |
tasmātsarvaprayatnena sevyā āmalakī sadā || 17 ||
[Analyze grammar]

sarvapāpaharā proktā vaiṣṇavī pāpanāśinī |
tasyā mūle sthito viṣṇustadūrdhve ca pitāmahaḥ || 18 ||
[Analyze grammar]

skaṃdhe ca bhagavānrudraḥ saṃsthitaḥ parameśvaraḥ |
śākhāsu munayaḥ sarve praśākhāsu ca devatāḥ || 19 ||
[Analyze grammar]

parṇeṣu cāsate devāḥ puṣpeṣu marutastathā |
prajānāṃ patayaḥ sarve phaleṣveva vyavasthitāḥ || 20 ||
[Analyze grammar]

sarvadevamayī hyeṣā dhātrī ca kathitā mayā |
tasmātpūjyatamā hyeṣā viṣṇubhaktiparāyaṇaiḥ || 21 ||
[Analyze grammar]

ṛṣaya ūcuḥ |
ko bhavānna hi jānīmaḥ kasmātkāraṇatāṃ gataḥ |
devo vā yadi vā cānyaḥ kathayasva yathātatham || 22 ||
[Analyze grammar]

vāguvāca |
yaḥ kartā sarvabhūtānāṃ bhuvanānāṃ ca sarvaśaḥ |
vismitānviduṣaḥ prekṣya so'haṃ viṣṇuḥ sanātanaḥ || 23 ||
[Analyze grammar]

tacchrutvā devadevasya bhāṣitaṃ brahmaṇaḥ sutāḥ |
anādinidhanaṃ devaṃ stotuṃ tatra pracakramuḥ || 24 ||
[Analyze grammar]

namo bhūtātmabhūtāya ātmane paramātmane |
acyutāya namo nityamanaṃtāya namo namaḥ || 25 ||
[Analyze grammar]

dāmodarāya kavaye yajñeśāya namo namaḥ |
evaṃ stutastu ṛṣibhistutoṣa bhagavānhariḥ || 26 ||
[Analyze grammar]

pratyuvāca maharṣīṃstānabhīṣṭaṃ kiṃ dadāmi vaḥ |
ṛṣaya ūcuḥ |
yadi tuṣṭo'si bhagavannasmākaṃ hitakāmyayā || 27 ||
[Analyze grammar]

vrataṃ kiṃcitsamākhyāhi svargamokṣaphalapradam |
dhanadhānyapradaṃ puṇyamātmanastuṣṭikārakam || 28 ||
[Analyze grammar]

alpāyāsaṃ bahuphalaṃ vratānāmuttamaṃ vratam |
kṛtena yena deveśa viṣṇuloke mahīyate || 29 ||
[Analyze grammar]

viṣṇuruvāca |
phālgune śuklapakṣe tu puṣyeṇa dvādaśī yadi |
bhavetsā ca mahāpuṇyā mahāpātakanāśinī || 30 ||
[Analyze grammar]

viśeṣastatra karttavyaḥ śṛṇudhvaṃ dvijasattamāḥ |
āmalakīṃ ca saṃprāpya jāgaraṃ tatra kārayet || 31 ||
[Analyze grammar]

sarvapāpavinirmukto gosahasraphalaṃ labhet |
etadvaḥ kathitaṃ viprā vratānāṃ vratamuttamam |
arcayitvācyutaṃ tasyāṃ viṣṇulokānna mucyate || 32 ||
[Analyze grammar]

ṛṣaya ūcuḥ |
vratasyāsya vidhiṃ brūhi paripūrṇaṃ kathaṃ bhavet |
ke maṃtrāḥ ke namaskārāḥ devatā kā prakīrtitā || 33 ||
[Analyze grammar]

kathaṃ dānaṃ kathaṃ snānaṃ kaśca pūjāvidhiḥ smṛtaḥ |
arghārcanasya maṃtraṃ tu kathayasva yathātatham || 34 ||
[Analyze grammar]

viṣṇuruvāca |
śrūyatāṃ yo vidhiḥ samyagvratasyāsya dvijarṣabhāḥ |
ekādaśyāṃ nirāhāraḥ sthitvā caiva pare'hani || 35 ||
[Analyze grammar]

bhokṣye'haṃ puṃḍarīkākṣa śaraṇaṃ me bhavācyuta |
iti kṛtvā tu niyamaṃ daṃtadhāvanapūrvakam || 36 ||
[Analyze grammar]

nālapetpatitāṃścaurāṃstathā pāṣaṃḍino narān |
durvṛttānbhinnamaryādāngurudārapradharṣakān || 37 ||
[Analyze grammar]

aparāhṇe tataḥ snānaṃ vidhinā kārayedbudhaḥ |
nadyāṃ taḍāge kūpe vā gṛhe vā niyatātmavān || 38 ||
[Analyze grammar]

mṛttikālaṃbhanaṃ pūrvaṃ tataḥ snānaṃ ca kārayet |
aśvakrāṃte rathakrāṃte viṣṇukrāṃte vasuṃdhare || 39 ||
[Analyze grammar]

mṛttike hara me pāpaṃ yanmayā duṣkṛtaṃ kṛtam || 40 ||
[Analyze grammar]

tvamaṃbu sarvabhūtānāṃ jīvanaṃ tanurakṣakam |
svedajodbhijjajātīnāṃ rasānāṃ pataye namaḥ || 41 ||
[Analyze grammar]

snāto'haṃ sarvatīrtheṣu hradaprasravaṇeṣu ca |
nadīṣu devakhāteṣu idaṃ snānaṃ tu me bhavet || 42 ||
[Analyze grammar]

jāmadagnyaṃ muniṃ caiva kārayitvā hiraṇmayam |
māṣakasya suvarṇasya tadarddhārddhena vā punaḥ || 43 ||
[Analyze grammar]

gṛhamāgatya pūjāyāḥ pūjāhomaṃ tu kārayet |
tataścāmalakīṃ gacchetsarvopaskarasaṃyutaḥ || 44 ||
[Analyze grammar]

āmalakīṃ tato gatvā pariśodhya samaṃtataḥ |
sthāpayetsatataṃ kuṃbhamavraṇaṃ maṃtrapūrvakam || 45 ||
[Analyze grammar]

paṃcaratnasamopetaṃ divyagaṃdhādhivāsitam |
chatropānadyugopetaṃ sitacaṃdanacarcitam || 46 ||
[Analyze grammar]

sragdāmalaṃbitagrīvaṃ sarvadhūpavidhūpitam |
dīpamālākulaṃ kuryātsarvataḥ sumanoharam || 47 ||
[Analyze grammar]

tasyopari nyasetpātraṃ divyalājaiḥ prapūritam |
pātropari nyaseddevaṃ jāmadagnyaṃ mahāprabham || 48 ||
[Analyze grammar]

viśokāya namaḥ pādau jānunī viśvarūpiṇe |
ugrāya ca tato'pyūrū kaṭī dāmodarāya ca || 49 ||
[Analyze grammar]

udaraṃ padmanābhāya uraḥ śrīvatsadhāriṇe |
cakriṇe vāmabāhuṃ ca dakṣiṇaṃ gadine namaḥ || 50 ||
[Analyze grammar]

vaikuṃṭhāya namaḥ kaṃṭhamāsyaṃ yajñamukhāya vai |
nāsāṃ viśokanidhaye vāsudevāya cākṣiṇī || 51 ||
[Analyze grammar]

lalāṭaṃ vāmanāyeti rāmāyeti bhruvau namaḥ |
sarvātmane tu tacchīrṣaṃ nama ityabhipūjayet || 52 ||
[Analyze grammar]

tato devādhidevāya arghaṃ caiva pradāpayet |
phalena caiva śubhreṇa bhaktiyuktena cetasā || 53 ||
[Analyze grammar]

tato jāgaraṇaṃ kuryādbhaktiyuktena cetasā |
nṛtyairgītaiśca vāditrairddharmākhyānaiḥ stavairapi || 54 ||
[Analyze grammar]

vaiṣṇavaiśca tathākhyānaiḥ kṣapayetsarvaśarvarīm |
pradakṣiṇāṃ tataḥ kuryāddhātryā vai viṣṇunāmabhiḥ || 55 ||
[Analyze grammar]

aṣṭādhikaṃ śataṃ caiva aṣṭāviṃśatireva vā |
tataḥ prabhāte samaye kṛtvā nīrājanaṃ hareḥ || 56 ||
[Analyze grammar]

brāhmaṇaṃ pūjayitvā tu sarvaṃ tasmai nivedayet |
jāmadagnya ghaṭe tatra vastrayugmamupānahau || 57 ||
[Analyze grammar]

jāmadagnyasvarūpeṇa prīyatāṃ mama keśavaḥ |
tataścāmalakīṃ spṛṣṭvā kṛtvā caiva pradakṣiṇām || 58 ||
[Analyze grammar]

snānaṃ kṛtvā vidhānena brāhmaṇānbhojayettataḥ |
tataśca svayamaśnīyātkuṭuṃbena samāvṛtaḥ || 59 ||
[Analyze grammar]

evaṃ kṛtena yatpuṇyaṃ tatsarvaṃ kathayāmi te |
sarvatīrtheṣu yatpuṇyaṃ sarvadāneṣu yatphalam || 60 ||
[Analyze grammar]

sarvayajñādhikaṃ caiva labhate nātra saṃśayaḥ |
etadvaḥ sarvamākhyātaṃ vratānāmuttamaṃ vratam || 61 ||
[Analyze grammar]

etāvaduktvā deveśastatraivāṃtaradhīyata |
te cāpi ṛṣayaḥ sarve cakruḥ sarvamaśeṣataḥ || 62 ||
[Analyze grammar]

tathā tvamapi rājendra kartumarhasi sattama |
vratametaddurādharṣaṃ sarvapāpapramocanam || 63 ||
[Analyze grammar]

iti śrīpādmemahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde phālgunaśuklāmalakyekādaśīnāma paṃcacatvāriṃśo'dhyāyaḥ || 45 ||
[Analyze grammar]