Chapter 43

[English text for this chapter is available]

yudhiṣṭhira uvāca |
sādhu kṛṣṇa tvayā proktamādidevo bhavānprabho |
svedajā aṃḍajāścaiva udbhijjāśca jarāyujāḥ || 1 ||
[Analyze grammar]

teṣāṃ karttā vikarttā tvaṃ pālakaḥ kṣayakārakaḥ |
māghasya kṛṣṇapakṣe tu ṣaṭtilā kathitā tvayā || 2 ||
[Analyze grammar]

śukle ca kā bhaveddeva kathayasva prasādataḥ |
kiṃ nāma ko vidhistasyāḥ ko devastatra pūjyate || 3 ||
[Analyze grammar]

śrīkṛṣṇa uvāca |
kathayiṣyāmi rājeṃdra śukle māghasya yā bhavet |
jayā nāmeti vikhyātā sarvapāpaharā parā || 4 ||
[Analyze grammar]

pavitrā pāpahaṃtrī ca kāmadā mokṣadā nṛṇām |
brahmahatyāpahaṃtrī ca piśācatvavināśinī || 5 ||
[Analyze grammar]

naiva tasyā vrate cīrṇe pretatvaṃ jāyate nṛṇām |
nātaḥ paratarā kācitpāpaghnī mokṣadāyinī || 6 ||
[Analyze grammar]

etasmātkāraṇādrājankarttavyā sā prayatnataḥ |
śrūyatāṃ rājaśārdūla kathā paurāṇikī śubhā || 7 ||
[Analyze grammar]

paṃkaje ca purāṇe'syā mahimā kathito mayā |
ekadā nākaloke vai iṃdro rājyaṃ cakāra ha || 8 ||
[Analyze grammar]

devāstatra sukhenaiva nivasaṃti manorame |
pīyūṣapānaniratā apsarogaṇasevitāḥ || 9 ||
[Analyze grammar]

naṃdanaṃ tu vanaṃ tatra pārijātopasevitam |
ramayaṃti ramaṃte'tra apsarobhirdivaukasaḥ || 10 ||
[Analyze grammar]

ekadā ramamāṇo'sau deveṃdraḥ svecchayā nṛpa |
narttayāmāsa vai harṣātpaṃcāśatkoṭināyakaḥ || 11 ||
[Analyze grammar]

gaṃdharvāstatra gāyaṃti gaṃdharvaḥ puṣpadaṃtakaḥ |
citrasenastu tatraiva citrasenasutā tathā || 12 ||
[Analyze grammar]

mālinīti ca nāmnā tu citrasenasya yoṣitā |
mālinyāstu samutpannā puṣpadaṃtī ca nāmataḥ || 13 ||
[Analyze grammar]

puṣpadaṃtasya putro'sau mālyavānnāma nāmataḥ |
puṣpadaṃtyāśca rūpeṇa mālyavānatimohitaḥ || 14 ||
[Analyze grammar]

tayā hyevaṃ kaṭākṣaiśca mālyavāṃśca vaśīkṛtaḥ |
lāvaṇyaṃ rūpasaṃpannaṃ tasyā rūpaṃ niśāmaya || 15 ||
[Analyze grammar]

bāhū tasyāśca kāmena kaṃṭhapāśau kṛtāviva |
karṇāyate tu nayane raktāṃte ghūrṇite tathā || 16 ||
[Analyze grammar]

karṇau tu śobhanau tasyāḥ kuṇḍalābhyāṃ nṛpottama |
kaṃbugrīvāyutā saiva divyābharaṇabhūṣitā || 17 ||
[Analyze grammar]

pīnonnatau kucau tasyāstau hemakalaśāviva |
madhyaṃ kṣāmaṃ ca cārvaṃgyā muṣṭigrāhyamanuttamam || 18 ||
[Analyze grammar]

nitaṃbau vistṛtau cāsyā vistīrṇā jaghanasthalī |
caraṇau śobhamānau ca raktotpalasamadyutī || 19 ||
[Analyze grammar]

īdṛśyā puṣpavatyā sa mālyavānatimohitaḥ |
śakrasya paritoṣāya nṛtyārthaṃ tau samāgatau || 20 ||
[Analyze grammar]

gāyamānau tu tau tatra apsarogaṇasevitau |
madanābhiparītāṃgau puṣpadaṃtī ca mālyavān || 21 ||
[Analyze grammar]

parasparānurāgeṇa vyāmohavaśamāgatau |
na śuddhagānaṃ gāyetāṃ cittabhramasamanvitau || 22 ||
[Analyze grammar]

baddhadṛṣṭī tathānyonyaṃ kāmabāṇavaśaṃ gatau |
jñātvā lekharṣabhastatra saṃgataṃ mānasaṃ tayoḥ || 23 ||
[Analyze grammar]

tālakriyāmānalopāttathā gītavisarjanāt |
ciṃtayitvā tu maghavā hyavamānaṃ tathātmanaḥ || 24 ||
[Analyze grammar]

kupitaśca tayorarthe śāpaṃ dāsyannidaṃ jagau |
dhigdhigvāṃ patitau mūḍhāvājñābhaṃga kṛtau mama || 25 ||
[Analyze grammar]

yuvāṃ piśācau bhavatāṃ daṃpatībhāvadhāriṇau |
martyalokamanuprāptau bhuṃjānau karmaṇaḥ phalam || 26 ||
[Analyze grammar]

evaṃ maghavatā śaptāvubhau duḥkhitamānasau |
himavaṃtaṃ giriṃ prāptāviṃdraśāpādvimohitau || 27 ||
[Analyze grammar]

ubhau piśācatāṃ prāptau dāruṇaṃ duḥkhameva ca |
saṃtaptamānasau tatra himakṛcchragatāvubhau || 28 ||
[Analyze grammar]

gaṃdharvatvamapsarastvaṃ na jānīto vimauhitau |
pīḍyamānau nidāghena dehapātakajena ca || 29 ||
[Analyze grammar]

na niśāyāṃ sukhaṃ śāṃtiṃ labhete karmapīḍitau |
parasparaṃ vādamānau ceraturgirigahvare || 30 ||
[Analyze grammar]

pīḍyamānau tu śītena tuṣāraprabhavena tau |
daṃtagharṣaṃ prakurvāṇau romāṃcitavapurddharau || 31 ||
[Analyze grammar]

ūce piśācaḥ sa tadā tāṃ patnīṃ svāṃ piśācikām |
kimanalpakṛtaṃ pāpaṃ dāruṇaṃ romaharṣaṇam || 32 ||
[Analyze grammar]

yena prāptaṃ piśācatvaṃ svena duṣkṛtakarmaṇā |
narakaṃ dāruṇaṃ matvā piśācatvaṃ ca duḥkhadam || 33 ||
[Analyze grammar]

tasmātsarvaprayatnena pātakaṃ na samācaret |
iti ciṃtāparau tatra tāvāstāṃ duḥkhakarṣitau || 34 ||
[Analyze grammar]

daivayogāttayoḥ prāptā māghasyaikādaśī tithiḥ |
jayānāmeti vikhyātā tithīnāmuttamā tithiḥ || 35 ||
[Analyze grammar]

tasmindine tu saṃprāpte tāvāhāravivarjitau |
āsāte tatra nṛpate jalapānavivarjitau || 36 ||
[Analyze grammar]

na kṛto jīvaghātaśca na patraphalabhakṣaṇam |
aśvatthasya samīpe tau sarvadā duḥkhasaṃyutau || 37 ||
[Analyze grammar]

ravirastaṃgato rājaṃstathaiva sthitayostayoḥ |
prāptā caiva niśā ghorā dāruṇā prāṇahāriṇī || 38 ||
[Analyze grammar]

vepamānau tatastau tu tataḥ suṣupataḥ kṣitau |
paraspareṇa saṃlagnau gātrayorbhujayorapi || 39 ||
[Analyze grammar]

na nidrā na rataṃ tatra na tau saukhyamaviṃdatām |
evaṃ tau rājaśārdūla śāpeneṃdrasya pīḍitau || 40 ||
[Analyze grammar]

itthaṃ tayorduḥkhitayornirjagāma niśīthinī |
mārtaṃḍa udayaṃ prāpto dvādaśī divasāgame || 41 ||
[Analyze grammar]

mayā tu rājaśārdūla tayormuktirdhṛtā hṛdi |
jayāyāḥ suvrataṃ cīrṇaṃ rātrau jāgaraṇaṃ kṛtam || 42 ||
[Analyze grammar]

tasmādvrataprabhāvācca yathājātaṃ tathā śṛṇu |
dvādaśīdivase prāpte tathā cīrṇe jayā vrate || 43 ||
[Analyze grammar]

viṣṇoḥ prabhāvānnṛpate piśācatvaṃ tayorgatam |
puṣpadaṃtī mālyavatau pūrvarūpau babhūvatuḥ || 44 ||
[Analyze grammar]

purātanasnehayutau pūrvālaṃkāradhāriṇau |
vimānamadhirūḍhau tau gatau nāke manorame || 45 ||
[Analyze grammar]

deveṃdrasyāgrato gatvā praṇāmaṃ cakraturmudā |
tathāvidhau tu tau dṛṣṭvā maghavā vismito'bravīt || 46 ||
[Analyze grammar]

iṃdra uvāca |
vada taṃ kena puṇyena piśācatvaṃ hi vāṃ gatau |
mama śāpaṃ ca saṃprāptau kena devena mocitau || 47 ||
[Analyze grammar]

mālyavānuvāca |
vāsudevaprasādena jayāyāstu vratena ca |
piśācatvaṃ gataṃ svāmiṃstava bhaktiprabhāvataḥ || 48 ||
[Analyze grammar]

iti śrutvā tu maghavā pratyuvāca punastathā |
pavitrau pāvanau jātau vaṃdanīyau mamāpi ca || 49 ||
[Analyze grammar]

harivāsarakartārau viṣṇubhaktiparāyaṇau |
harivāsarasaṃllīnā ye ca kṛṣṇaparāyaṇāḥ || 50 ||
[Analyze grammar]

asmākamapi martyāste pūjyāścaiva na saṃśayaḥ |
viharasva yathāsaukhyaṃ puṣpadaṃtyā surālaye || 51 ||
[Analyze grammar]

kṛṣṇa uvāca |
etasmātkāraṇādrājankarttavyo harivāsaraḥ |
jayā tu rājaśārdūla brahmahatyāpahāriṇī || 52 ||
[Analyze grammar]

sarvadānāni tenaiva sarvayajñā aśeṣataḥ |
dattāni kāritāścaiva jayāyāstu vrataṃ kṛtam || 53 ||
[Analyze grammar]

kalpakoṭirbhavettāvadvaikuṃṭhe modate dhruvam |
paṭhanācchravaṇādrājannagniṣṭomaphalaṃ labhet || 54 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde māghaśuklajayaikādaśīmāhātmyaṃnāma tricatvāriṃśo'dhyāyaḥ || 43 ||
[Analyze grammar]