Chapter 42

[English text for this chapter is available]

yudhiṣṭhira uvāca |
sādhu kṛṣṇa jagannātha ādideva jagatpate |
kathayasva prasādena kṛpāṃ kuru mamopari || 1 ||
[Analyze grammar]

māghasya kṛṣṇapakṣe tu kā vā caikādaśī bhavet |
kiṃ nāma ko vidhistasyā etadvistarato vada || 2 ||
[Analyze grammar]

śrībhagavānuvāca |
śṛṇu tvaṃ nṛpaśārdūla kṛṣṇamāghasya yā bhavet |
ṣaṭtilā nāma vikhyātā sarvapāpapraṇāśinī || 1 ||
[Analyze grammar]

ṣaṭtilāyāḥ śṛṇuṣva tvaṃ kathāṃ pāpaharāṃ śubhām |
yāṃ pulastyo muniśreṣṭho dālabhyaṃ prati coktavān || 2 ||
[Analyze grammar]

dālabhya uvāca |
martyalokamanuprāptāḥ pāpaṃ kurvaṃti jaṃtavaḥ |
brahmahatyādipāpaiśca yuktā ye vividhādibhiḥ || 3 ||
[Analyze grammar]

paradravyāpahārāśca paravyasanamohitāḥ |
kathaṃ na yāṃti narakaṃ brahmaṃstadbrūhi tattvataḥ || 4 ||
[Analyze grammar]

anāyāsena bhagavandānenālpena kenacit |
pāpaṃ praśamanaṃ yāti etanme vaktumarhasi || 5 ||
[Analyze grammar]

pulastya uvāca |
sādhusādhu mahābhāga guhyametatsudurllabham |
yanna kasyacidākhyātaṃ viṣṇubrahmeṃdradaivataiḥ || 6 ||
[Analyze grammar]

tadahaṃ kathayiṣyāmi tvayā pṛṣṭo dvijottama |
māghamāse tu saṃprāpte śucisnāto jiteṃdriyaḥ || 7 ||
[Analyze grammar]

kāmakrodhābhimānerṣyālobha paiśunya varjitaḥ |
devadevaṃ ca saṃsmṛtya pādau prakṣālya vāribhiḥ || 8 ||
[Analyze grammar]

bhūmāvapatitaṃ gṛhya gomayaṃ tatra mānavaḥ |
tilānprakṣipya kārpāṃsaṃ piṃḍikāścaiva kārayet || 9 ||
[Analyze grammar]

aṣṭottaraśataṃ caiva nātra kāryā vicāraṇā |
tato māghe ca saṃprāpte hyāṣāḍharkṣaṃ bhavedyadi || 10 ||
[Analyze grammar]

mūlaṃ vā kṛṣṇapakṣasyaikādaśī niyamāṃstataḥ |
gṛhṇīyātpuṇyakāle ca vidhānaṃ tatra me śṛṇu || 11 ||
[Analyze grammar]

devadevaṃ samabhyarcya susnātaḥ prayataḥ śuciḥ |
kṛṣṇanāmāni saṃkīrtya punaḥ praskhalitādiṣu || 12 ||
[Analyze grammar]

rātrau jāgaraṇaṃ kuryādādau homaṃ ca kārayet |
arcayeddevadeveśaṃ dvitīye'hni punarharim || 13 ||
[Analyze grammar]

caṃdanāgurukarpūrairnaivedyaṃ kṛsaraṃ tathā |
saṃsmṛtya nāmnā ca tataḥ kṛṣṇākhyena punaḥ punaḥ || 14 ||
[Analyze grammar]

kūṣmāṃḍairnārikeraiśca hyathavā bījapūrakaiḥ |
sarvābhāve'pi vipreṃdra śastapūgaphalairvṛtam |
arghaṃ dadyādvidhānena pūjayitvā janārdanam || 15 ||
[Analyze grammar]

kṛṣṇakṛṣṇa kṛpālustvamagatīnāṃ gatirbhava |
saṃsārārṇava magnānāṃ prasīda puruṣottama || 16 ||
[Analyze grammar]

namaste puṃḍarīkākṣa namaste viśvabhāvana |
subrahmaṇya namaste'stu mahāpuruṣapūrvaja |
gṛhāṇārghyaṃ mayā dattaṃ lakṣmyā saha jagatpate || 17 ||
[Analyze grammar]

ityarghamaṃtraḥ |
tatastu pūjayedvipramudakuṃbhaṃ pradāpayet |
chatropānahavastraiśca kṛṣṇo me prīyatāmiti || 18 ||
[Analyze grammar]

kṛṣṇā dhenuḥ pradātavyā yathāśakti dvijottame |
tilapātraṃ dvijaśreṣṭha dadyātpātravicakṣaṇaḥ || 19 ||
[Analyze grammar]

snāne prāśanake śastāstathā kṛṣṇatilā mune |
tānpradadyātprayatnena yathāśakti dvijottame |
tilaprarohajāḥ kṣatre yāvatsaṃkhyāstilā dvija || 20 ||
[Analyze grammar]

tāvadvarṣasahasrāṇi svargaloke mahīyate |
tilasnāyī tilodvartī tilahomī tilodakī || 21 ||
[Analyze grammar]

tiladātā ca bhoktā ca ṣaṭtilāḥ pāpanāśanāḥ |
nārada uvāca |
kṛṣṇakṛṣṇa mahābāho namaste viśvabhāvana || 22 ||
[Analyze grammar]

ṣaṭtilaikādaśībhūtaṃ kīdṛśaṃ phalamasti vai |
sopākhyānaṃ mama brūhi yadi tuṣṭo'si yādava |
śrīkṛṣṇa uvāca |
śṛṇu rājanyathāvṛttaṃ dṛṣṭaṃ tatkathayāmi te |
martyaloke purā hyāsīdbrāhmaṇyekā ca nārada |
vratacaryāratā nityaṃ devapūjāratā sadā || 23 ||
[Analyze grammar]

māsopavāsaniratā mama bhaktā ca sarvadā |
kṛṣṇopavāsasaṃyuktā mama pūjāparāyaṇā || 24 ||
[Analyze grammar]

śarīraṃ kleśitaṃ caiva upavāsairdvijottama |
devānāṃ brāhmaṇānāṃ ca kumārīṇāṃ ca bhaktitaḥ || 25 ||
[Analyze grammar]

gṛhādikaṃ prayacchaṃtī sarvakālaṃ mahāsatī |
atikṛcchraratā sā tu sarvakālaṃ tu vai dvija || 26 ||
[Analyze grammar]

na dattā bhikṣuke bhikṣā brāhmaṇā na ca tarpitāḥ || 27 ||
[Analyze grammar]

tataḥ kālena mahatā mayā vai ciṃtitaṃ dvija |
śuddhamasyāḥ śarīraṃ hi vrataiḥ kṛcchrairna saṃśayaḥ || 28 ||
[Analyze grammar]

arcito vaiṣṇavo lokaḥ kāyakleśena vai tayā |
na dattamannadānaṃ hi yena tṛptiḥ parā bhavet || 29 ||
[Analyze grammar]

evaṃ jñātvā ahaṃ brahmanmartyalokamupāgataḥ |
kāpālaṃ rūpamāsthāya bhikṣāpātre ca yācitā || 30 ||
[Analyze grammar]

kasmāttvamāgato brahmankva yāsi vada me'grataḥ |
punareva mayā proktaṃ dehi bhikṣāṃ ca suṃdari || 31 ||
[Analyze grammar]

tayā kopena mahatā mṛtpiṃḍastāmrabhājane |
kṣipto yāvadahaṃ brahmanpunaḥ svargaṃ gato dvija || 32 ||
[Analyze grammar]

tataḥ kālena mahatā tāpasī sumahāvratā |
sadehā svargamāyātā vratacaryā prabhāvataḥ || 33 ||
[Analyze grammar]

mṛtpiṃḍikāpradānena gṛhaṃ prāptaṃ manoramam |
saṃjātaṃ caiva viprarṣe dhānyarāśi vivarjitam || 34 ||
[Analyze grammar]

gṛhaṃ yāvannirīkṣeta na kiṃcittatra paśyati |
tāvadgṛhādviniṣkrāṃtā mamāṃte cāgatā dvija || 35 ||
[Analyze grammar]

krodhena mahatāviṣṭamidaṃ vacanamabravīt |
mayā vrataiśca kṛcchraiśca upavāsairanekaśaḥ || 36 ||
[Analyze grammar]

pūjayārādhito devaḥ sarvalokasya pālakaḥ |
na tatra dṛśyate kiṃcidgṛhe mama janārdana || 37 ||
[Analyze grammar]

tataścoktaṃ mayā tasyai gṛhaṃ gaccha mahāvrate |
āgamiṣyaṃti sutarāṃ kautūhala samanvitāḥ || 38 ||
[Analyze grammar]

devapatnyo hi draṣṭuṃ tvāṃ vismayābhisamanvitāḥ |
dvāraṃ nodghāṭaya vinā ṣaṭtilāpuṇyavācanāt || 39 ||
[Analyze grammar]

evamuktā mayā sā tu gatā vai mānuṣī tadā |
atrāṃtare samāyātā devapatnyaśca vāḍava || 40 ||
[Analyze grammar]

tābhiśca kathitaṃ tatra tvāṃ draṣṭuṃ hi samāgatāḥ |
dvāramudghāṭayasvādya tvāṃ prapaśyāma śobhane || 41 ||
[Analyze grammar]

mānuṣyuvāca |
yadi maddarśanaṃ kāryaṃ satyaṃ vācyaṃ viśeṣataḥ |
ṣaṭtilāyā vrataṃ puṇyaṃ dvārodghāṭanakāraṇāt || 42 ||
[Analyze grammar]

śrīkṛṣṇa uvāca |
ekāpināvadattatra ṣaṭtilaikādaśīvratam |
anyayā kathitaṃ tatra draṣṭavyā mānuṣī mayā || 43 ||
[Analyze grammar]

tato dvāraṃ samudghāṭya dṛṣṭā tābhiśca mānuṣī |
na devī na ca gaṃdharvī nāsurī na ca pannagī || 44 ||
[Analyze grammar]

dṛṣṭā pūrvaṃ tathā nārī yādṛśīyaṃ dvijarṣabha |
devīnāmupadeśena ṣaṭtilāyā vrataṃ kṛtam || 45 ||
[Analyze grammar]

mānuṣyā satyavratayā bhuktimuktiphalapradam |
rūpakāṃtisamāyuktā kṣaṇena samavāpa sā || 46 ||
[Analyze grammar]

dhanaṃ dhānyaṃ ca vastrādi suvarṇaṃ raupyameva ca |
bhavanaṃ sarvasaṃpannaṃ ṣaṭtilāyāḥ prabhāvataḥ || 47 ||
[Analyze grammar]

rūpakāṃtisamāyuktā kṣaṇena samapadyata || 48 ||
[Analyze grammar]

atitṛṣṇā na karttavyā vittaśāṭhyaṃ vivarjayet |
ātmavittānusāreṇa tilānvastrāṇi dāpayet || 49 ||
[Analyze grammar]

labhate caivamārogyaṃ naro janmani janmani |
na dāridryaṃ na kaṣṭatvaṃ na ca daurbhāgyameva ca || 50 ||
[Analyze grammar]

saṃbhavedvai dvijaśreṣṭha ṣaṭtilāsamupoṣaṇāt |
anena vidhinā bhūpa tiladātā na saṃśayaḥ || 51 ||
[Analyze grammar]

mucyate pātakaiḥ sarvairanāyāsena mānavaḥ |
dānaṃ ca vidhivatpātre sarvapātakanāśanam |
nānarthaḥ kaścinnāyāsaḥ śarīre nṛpasattama || 52 ||
[Analyze grammar]