Chapter 39

[English text for this chapter is available]

yudhiṣṭhira uvāca |
vaṃde viṣṇuṃ vibhuṃ sākṣāllokatrayasukhāvaham |
viśveśaṃ viśvakartāraṃ purāṇaṃ puruṣottamam || 1 ||
[Analyze grammar]

pṛcchāmi devadeveśa saṃśayo'sti mahānmama |
lokānāṃ ca hitārthāya pāpānāṃ kṣayahetave || 2 ||
[Analyze grammar]

mārgaśīrṣesite pakṣe bhavedekādaśī tu yā |
kiṃ nāma ko vidhistasyāḥ ko devastatra pūjyate |
etadācakṣva me svāminvistareṇa yathātatham || 3 ||
[Analyze grammar]

śrīkṛṣṇa uvāca |
sādhu pṛṣṭaṃ tvayā rājansādhu te vimalaṃ yaśaḥ |
kathayiṣyāmi rājeṃdra harivāsaramuttamam || 4 ||
[Analyze grammar]

utpannā cāsite pakṣe dvādaśī mama vallabhā |
mārgaśīrṣotpattiriti mama deha samudbhavā || 5 ||
[Analyze grammar]

surāsuravadhārthāya hyutpannā bharatarṣabha |
kathitā ca mayā sā vai tavāgre rājasattama || 6 ||
[Analyze grammar]

pūrvā caikādaśī rājaṃstrailokye sacarācare |
mārgaśīrṣe site pakṣe utpattiriti nāmataḥ || 7 ||
[Analyze grammar]

ataḥ paraṃ pravakṣyāmi mārgaśīrṣe sitā tu yā |
yasyāḥ śravaṇamātreṇa vājapeyaphalaṃ labhet || 8 ||
[Analyze grammar]

mokṣā nāmeti sā proktā sarvapāpaharā parā |
devaṃ dāmodaraṃ rājanpūjayecca prayatnataḥ || 9 ||
[Analyze grammar]

tulasyā maṃjarībhiśca dhūpairdīpaiḥ prayatnataḥ |
pūrveṇa vidhinā caiva daśamyekādaśī tathā || 10 ||
[Analyze grammar]

mokṣā caikādaśī nāmnā mahāpātakanāśinī |
rātrau jāgaraṇaṃ kāryaṃ nṛtyagītastavairmama || 11 ||
[Analyze grammar]

śṛṇu rājanpravakṣyāmi divyāṃ paurāṇikīkathām |
yasyāḥ śravaṇamātreṇa sarvapāpakṣayo bhavet || 12 ||
[Analyze grammar]

adhoyonigataścaiva pitaro yasya pāpataḥ |
asyāśca puṇyadānena mokṣaṃ yāṃti na saṃśayaḥ || 13 ||
[Analyze grammar]

caṃpake nagare ramye vaiṣṇavaiśca vibhūṣite |
vaikhānaso nāma nṛpaḥ putravatpālayetprajāḥ || 14 ||
[Analyze grammar]

vasaṃti bahavo viprā vedavedāṃgapāragāḥ |
ṛddhimatyaḥ prajāstasya rājño vaikhānasasya hi || 15 ||
[Analyze grammar]

evaṃ rājyaṃ prakurvāṇo rātrau svapnasya madhyataḥ |
svakīyapitaro dṛṣṭvā adhoyonigatā nṛpa || 16 ||
[Analyze grammar]

evaṃ dṛṣṭvā ca tānsarvānvismayāviṣṭamānasaḥ |
kathayāmāsa vṛttāṃtaṃ svapnajātaṃ dvijānprati || 17 ||
[Analyze grammar]

rājovāca |
mayā svapitaro dṛṣṭvā narakopagatā dvijāḥ |
tārayeti tanūjatvamasmānnirayasāgarāt || 18 ||
[Analyze grammar]

evaṃ bruvāṇāste nūnaṃ rodamānā muhurmuhuḥ |
mayā dṛṣṭā dvijaśreṣṭhā etasmācca na me sukham || 19 ||
[Analyze grammar]

etadrājyaṃ mama mahatsukhadāyi na vidyate |
aśvā gajāstathā sarve rocaṃte me na bho dvijāḥ || 20 ||
[Analyze grammar]

na dārā na sutā mahyaṃ rocaṃte dvijasattamāḥ |
kiṃ karomi kva gacchāmi hṛdayaṃ me'varudhyate || 21 ||
[Analyze grammar]

tadvrataṃ taṃ tapoyogaṃ yenaiva mama pūrvajāḥ |
mokṣaṃ prayāṃti sadyo vai kathyatāṃ ca dvijottamāḥ || 22 ||
[Analyze grammar]

putre tu jīvitaprāye balīyasi mahātmani |
pitāsti narake ghore tasya putrasya kiṃ phalam || 23 ||
[Analyze grammar]

brāhmaṇā ūcuḥ |
parvatasya mune rājannikaṭe cāśramo mahān |
gamyatāṃ rājaśārdūla bhūtaṃ bhavyaṃ vijānataḥ || 24 ||
[Analyze grammar]

teṣāṃ śrutvā tato vākyaṃ rājā vaikhānaso mahān |
jagāma cāśu tatraiva cāśramaṃ parvatasya ca || 25 ||
[Analyze grammar]

brāhmaṇairveṣṭito rājā rājabhiśca samanvitaḥ |
āśramaṃ vipulaṃ tasya saṃprāpto rājasattamaḥ || 26 ||
[Analyze grammar]

tatrargveda yajurveda sāmādhyayanakovidaiḥ |
veṣṭitaṃ munibhiścaiva dvitīyaṃ brahmaṇo yathā || 27 ||
[Analyze grammar]

dṛṣṭvā taṃ muniśārdūlaṃ rājā vaikhānasastathā |
daṃḍavatpraṇatiṃ kṛtvā pasparśa caraṇau muneḥ || 28 ||
[Analyze grammar]

papraccha kuśalaṃ tasya saptasvaṃgeṣvasau muniḥ |
rājye niṣkaṃṭakatvaṃ ca rājñaḥ saukhyasamanvitam || 29 ||
[Analyze grammar]

rājovāca |
tava prasādādbho svāminkuśalaṃ me'ṅgasaptasu |
bhaktā ye viṣṇuvipreṣu kathaṃ teṣāṃ ca vighnatā || 30 ||
[Analyze grammar]

mayā svapitaro dṛṣṭāḥ svapne ca narake sthitāḥ |
kasya puṇyasya sāmarthyānmokṣaṃ yāṃti dvijottama || 31 ||
[Analyze grammar]

ayaṃ me saṃśayaḥ svāminpraṣṭuṃ taṃ tvāmupāgataḥ |
upāyaḥ kaścidevātra kartavyo munisattama || 32 ||
[Analyze grammar]

etadvākyaṃ tataḥ śrutvā parvato munisattamaḥ |
dhyānastimitanetro'bhūttapasvī brahmasaṃnibhaḥ || 33 ||
[Analyze grammar]

muhūrtamekaṃ dhyānastho bhūpatiṃ pratyuvāca ha |
jñātaṃ hi tava rājeṃdra pitṝṇāṃ pūrvaceṣṭitam || 34 ||
[Analyze grammar]

pūrvajanmani tātaste kṣatriyo rājyagarvitaḥ |
sapatnyā ṛtukāle tu rājadharmapravartitaḥ || 35 ||
[Analyze grammar]

gato grāme tu tāṃ tyaktvā kāryārthī nijayoṣitam |
tava pitrā tu tasyāśca na dattamṛtudānakam || 36 ||
[Analyze grammar]

tena pāpaprabhāvena narake pitṛbhiḥ saha |
patito rājaśārdūla tava tātaḥ sudāruṇe || 37 ||
[Analyze grammar]

tataḥ punaruvācedaṃ rājā vaikhānaso munim |
kena vrataprabhāvena mokṣasteṣāṃ bhavenmune || 38 ||
[Analyze grammar]

muniruvāca |
mārgaśīrṣe site pakṣe mokṣā nāmeti nāmataḥ |
sarvaiścetadvrataṃ kāryaṃ pitre puṇyaṃ pradīyatām || 39 ||
[Analyze grammar]

tena puṇyaprabhāvena mokṣasteṣāṃ bhaviṣyati |
satyametanmahābhāga brahmaṇo vacanaṃ yathā || 40 ||
[Analyze grammar]

munervākyaṃ tataḥ śrutvā svagṛhaṃ punarāgataḥ |
mārgaśīrṣastathā māsaḥ prāptaḥ kaṣṭena tena vai || 41 ||
[Analyze grammar]

munervākyena tatkṛtvā vrataṃ vaikhānaso nṛpaḥ |
adadatpuṇyamakhilaiḥ sārddhaṃ pitre sa bhūmipaḥ || 42 ||
[Analyze grammar]

datte puṇyakṣaṇenaiva puṣpavṛṣṭirabhūddivi |
vaikhānasasya tāto vai pitṛbhirmokṣamāviśat || 43 ||
[Analyze grammar]

rājānaṃ cāṃtarikṣe sa giraṃ puṇyāmuvāca ha |
svastisvastīti te putra procya caivaṃ divaṃ gataḥ || 44 ||
[Analyze grammar]

evaṃ yaḥ kurute rājanmokṣāmekādaśīṃ śubhām |
tasya pāpāni naśyaṃti mṛto mokṣamavāpnuyāt || 45 ||
[Analyze grammar]

nātaḥ paratarā kācitmokṣadaikādaśī bhavet |
puṇyasaṃkhyāṃ na jānāmi rājanme priyakṛdvratam || 46 ||
[Analyze grammar]

ciṃtāmaṇisamā hyeṣā nṛṇāṃ mokṣapradāyinī |
paṭhanācchravaṇādasyā vājapeyaphalaṃ labhet || 47 ||
[Analyze grammar]

iti śrīpādme mahāpurāṇe paṃcapaṃcāśatsāhasryāṃ saṃhitāyāṃ uttarakhaṃḍe umāpatināradasaṃvāde mārgaśīrṣaśukla mokṣadā |
ekādaśīnāmaikonacatvāriṃśo'dhyāyaḥ || 39 ||
[Analyze grammar]