Chapter 23

[English text for this chapter is available]

mahādevauvāca |
śṛṇu nārada vakṣyāmi māhātmyaṃ tulasībhavam |
yacchrutvā mucyate pāpādājanmamaraṇāṃtikāt || 1 ||
[Analyze grammar]

patraṃ puṣpaṃ phalaṃ mūlaṃ śākhā tvakskaṃdhasaṃjñitam |
tulasī saṃbhavaṃ sarvaṃ pāvanaṃ mṛttikādikam || 2 ||
[Analyze grammar]

śarīraṃ dahyate yeṣāṃ tulasīkāṣṭhavahninā |
datvā ca tulasīkāṣṭhaṃ sarvāṃgeṣu mṛtasya vai || 3 ||
[Analyze grammar]

paścādyaḥ kurute dāhaṃ so'pi pāpātpramucyate |
maraṇe yasya saṃprāptaṃ kīrtanaṃ smaraṇaṃ hareḥ || 4 ||
[Analyze grammar]

tulasīdāruṇā dāho na tasya punarāvṛtiḥ |
yadyekaṃ tulasīkāṣṭhaṃ madhye kāṣṭhaśatasya hi || 5 ||
[Analyze grammar]

dāhakāle bhavenmuktiḥ koṭipāpāyutasya ca |
gaṃgāṃbhasābhiṣekeṇa yāṃti puṇyāni puṇyatām || 6 ||
[Analyze grammar]

tulasīkāṣṭhamiśrāṇi yāṃti dārūṇi puṇyatām |
tulasīkāṣṭhasaṃmiśrā yāvatprajvalate citā || 7 ||
[Analyze grammar]

dahyaṃti tasya pāpāni kalpakoṭikṛtāni vai |
dahyamānaṃ naraṃ dṛṣṭvā tulasīkāṣṭhavahninā || 8 ||
[Analyze grammar]

nayaṃti taṃ viṣṇudūtā na ca vai yamakiṃkarāḥ |
janmakoṭisahasraistu mukto yāti janārdanam || 9 ||
[Analyze grammar]

dahyaṃte ye narā loke tulasīkāṣṭhavahninā |
tānvimānasthitāndevāḥ kṣipaṃti kusumāṃjalim || 10 ||
[Analyze grammar]

nṛtyaṃtyapsarasaḥ sarvā gītaṃ gāyaṃti gāyakāḥ |
jāyaṃte vīkṣya taṃ viṣṇuḥ saṃtuṣṭaḥ śaṃbhunā saha || 11 ||
[Analyze grammar]

gṛhītvā taṃ kare śaurirgṛhaṃ nītvāsya cāṃgataḥ |
mārjayetsarvapāpāni paśyatāṃ tridivaukasām || 12 ||
[Analyze grammar]

mahotsavaṃ kārayitvā jayaśabdapuraḥsaram |
jvalate yatra cājyena tulasīkāṣṭhapāvakaḥ || 13 ||
[Analyze grammar]

agnyagāre śmaśāne vā dahyate pātakaṃ nṛṇām |
homaṃ kurvaṃti ye viprāstulasīkāṣṭhavahninā |
sikte sikte tile vāpi agniṣṭomaphalaṃ labhet || 14 ||
[Analyze grammar]

yo dadāti harerdhūpaṃ tulasīkāṣṭhasaṃbhavam |
śatakratusamaṃ puṇyaṃ labhate gośataṃ phalam || 15 ||
[Analyze grammar]

naivedyaṃ pacyate yastu tulasīkāṣṭhavahninā |
merutulyaṃ bhaveddattaṃ tadannaṃ keśavasya hi || 16 ||
[Analyze grammar]

tulasīpāvakenātha yo dīpaṃ kurute hareḥ |
dīpalakṣasahasrāṇāṃ puṇyaṃ sa labhate phalam || 17 ||
[Analyze grammar]

na tena sadṛśo loke vaiṣṇavo bhuvi dṛśyate |
yaḥ prayacchati kṛṣṇasya tulasīkāṣṭhacaṃdanam || 18 ||
[Analyze grammar]

sa jāyate kṛpāpātraṃ viṣṇorvāḍavasattama || 19 ||
[Analyze grammar]

tulasīdārujātena caṃdanena kalau harim |
vilipya bhaktito nityaṃ ramate harisannidhau || 20 ||
[Analyze grammar]

tulasīpaṃkaliptāṃgaḥ kurute viṣṇupūjanam |
pūjāśatadinaikāhnā labhyate gośataṃ phalam || 21 ||
[Analyze grammar]

vilepārthe tu kṛṣṇasya tulasīkāṣṭhacaṃdanam |
maṃdire tiṣṭhate yāvattāvatpuṇyaphalaṃ śṛṇu || 22 ||
[Analyze grammar]

tilaprasthāṣṭakaṃ datvā yatpuṇyaṃ prāpnuyānnaraḥ |
tatphalaṃ jāyate puṃsāṃ prasādāccakrapāṇinaḥ || 23 ||
[Analyze grammar]

yo dadāti pitṝṇāṃ tu piṃḍe tulasisaṃbhavam |
dalaṃ saṃjāyate tṛptiḥ patre patre śatābdikā || 24 ||
[Analyze grammar]

tulasīmūlamṛtsnaiva snānaṃ kuryādviśeṣataḥ |
tena tīrthe kṛtaṃ snānaṃ yāvaccāṃge ca mṛttikā || 25 ||
[Analyze grammar]

tadīya yātu maṃjaryā pūjanaṃ ca karoti yaḥ |
nānāpuṣpaiḥ kṛtā pūjā yāvaccaṃdradivākarau || 26 ||
[Analyze grammar]

yasmingṛhe'vatiṣṭheta tulasī vṛkṣavāṭikā |
darśanātsparśanāccaiva brahmahatyādipātakam |
tatsarvaṃ vilayaṃ yāti darśanenaiva nārada || 27 ||
[Analyze grammar]

mahādeva uvāca |
athānyatte pravakṣyāmi śṛṇuṣvaikāgramānasaḥ |
na kasyāpi ca kathitaṃ śṛṇu devarṣisattama || 28 ||
[Analyze grammar]

yatra yatra gṛhe grāme vane vā tulasī bhavet |
tatra tatra jagatsvāmī prītātmā ca vaseddhariḥ || 29 ||
[Analyze grammar]

gṛhe tasminna dāridryaṃ nāyogo baṃdhusaṃbhavaḥ |
na duḥkhaṃ na bhayaṃ rogastulasī yatra tiṣṭhati || 30 ||
[Analyze grammar]

sarvatra tulasī puṇyā puṇyakṣetre viśeṣataḥ |
saṃnidhau tasya devasya ropaṇātpṛthivītale || 31 ||
[Analyze grammar]

teṣāṃ viṣṇupadaṃ nityaṃ tulasyāropaṇe kṛte |
utpādāndāruṇānrogāndurnimittānyanekaśaḥ |
tulasyābhyarcite bhaktyā haṃta śāṃtikaro hariḥ || 32 ||
[Analyze grammar]

tulasīgaṃdhamāghrāya yatra gacchati mārutaḥ |
diśo daśa ca tāḥ pūtā bhūtagrāmaścaturvidhaḥ || 33 ||
[Analyze grammar]

yasmingṛhe muniśreṣṭha tulasīmūlamṛttikā |
sarvadā tatra tiṣṭhaṃti devatāśca śivo hariḥ || 34 ||
[Analyze grammar]

tulasīvanajā chāyā yatra yatra bhaveddivaja |
tarpaṇaṃ kurute tatra pitṝṇāṃ dattamakṣayam || 35 ||
[Analyze grammar]

tasya mūle sthito brahmā madhye devo janārdanaḥ |
maṃjaryāṃ vasate rudraḥ tulasī tena pāvanī || 36 ||
[Analyze grammar]

vinā yastulasīṃ kuryātsaṃdhyākāle tu mārjanam |
tatsarvaṃ rākṣasahṛtaṃ narakaṃ ca prayacchati || 37 ||
[Analyze grammar]

tulasīpatragalitaṃ toyaṃ yaḥ śirasāvahet |
gaṃgāphalamavāpnoti śatadhenuphalaṃ labhet || 38 ||
[Analyze grammar]

śivālaye viśeṣeṇa ropayettulasīṃ yadi |
bījasaṃkhyā vasetsvarge pratyekaṃ yugasaṃkhyayā || 39 ||
[Analyze grammar]

umayā tu purā devi śaṃkarārthaṃ himālaye |
ropitāḥ śatavṛkṣāstu tulasyāḥ praṇato'smyaham || 40 ||
[Analyze grammar]

parvaṇyavasare yastu śrāvaṇe cātha ropayet |
saṃkrāṃtidivase caiva tulasī cātipuṇyadā || 41 ||
[Analyze grammar]

tulasīṃ pūjayennityaṃ daridra īśvaro bhavet |
sarvasiddhikarāmūrtiḥ kṛṣṇaḥ kīrtiṃ dadāti ca || 42 ||
[Analyze grammar]

śālagrāmaśilā yatra tatra saṃnihito hariḥ |
tatra snānaṃ ca dānaṃ ca vārāṇasyāṃ śatādhikam || 43 ||
[Analyze grammar]

kurukṣetraṃ prayāgaṃ ca naimiṣāraṇyameva ca |
tasya koṭiguṇaṃ puṇyaṃ śālagrāmaśilārcanāt || 44 ||
[Analyze grammar]

śālagrāmamayī mudrā saṃsthitā yatra hi kvacit |
vārāṇasyāṃ ca yatpuṇyaṃ sarvaṃ tatraiva tadbhavet || 45 ||
[Analyze grammar]

brahmahatyādikaṃ pāpaṃ yatkiṃcitkurute naraḥ |
tatsarvaṃ nāśayedāśu śālagrāmaśilārcanāt || 46 ||
[Analyze grammar]

iti śrīpādmemahāpurāṇe paṃcapaṃcāśatasahasrasaṃhitāyāṃ uttarakhaṇḍe |
umāpatināradasaṃvāde tulasīśālagrāmamāhātmyaṃnāma trayoviṃśo'dhyāyaḥ || 23 ||
[Analyze grammar]