Chapter 22

[English text for this chapter is available]

mahādeva uvāca |
gāṃgaṃ vakṣyāmi māhātmyaṃ yathoktaṃ munisattama |
yasya śravaṇamātreṇa aghaṃ naśyati tatkṣaṇāt || 1 ||
[Analyze grammar]

gaṃgāgaṃgeti yobrūyādyojanānāṃ śatairapi |
mucyate sarvapāpebhyo viṣṇulokaṃ sa gacchati || 2 ||
[Analyze grammar]

caraṇābjasamudbhūtā gaṃgā nāmeti viśrutā |
pāpānāṃ sthūlarāśīnāṃ nāśinī ceti nārada || 3 ||
[Analyze grammar]

narmadā sarayūścaiva tathā vetravatī nadī |
tāpī payoṣṇī caṃdrā ca vipāśā karmanāśinīm || 4 ||
[Analyze grammar]

puṣyā pūrṇā tathā dīpā vidīpā sūryatejasā |
sahasravṛṣadānāttu yatphalaṃ labhate dhruvam || 5 ||
[Analyze grammar]

tatphalaṃ samavāpnoti gaṃgādarśanataḥ kṣaṇāt |
iyaṃ gaṃgā mahāpuṇyā brahmaghnānāṃ viśeṣataḥ || 6 ||
[Analyze grammar]

teṣāṃ nirayayuktānāṃ gaṃgā pāpaprahāriṇī |
caṃdra sūryoparāge ca yatphalaṃ vidyate'nagha || 7 ||
[Analyze grammar]

tatphalaṃ samavāpnoti gaṃgādarśanamātrataḥ |
yathā sūryodaye tāta tamo gacchati dūrataḥ || 8 ||
[Analyze grammar]

tathā gaṃgāprabhāvena vilayaṃ yāti pātakam |
mānyeyaṃ sarvadā loke pavitrā pāpanāśinī || 9 ||
[Analyze grammar]

kalyāṇarūpā satataṃ viṣṇunā nirmitā purā |
divyarūpā tu jananī dīnānāṃ pāvanī smṛtā || 10 ||
[Analyze grammar]

devānāṃ ca yathā viṣṇustathā gaṃgottamā nadī |
ye kurvaṃti narāḥ snānaṃ māghamāse niraṃtaram || 11 ||
[Analyze grammar]

na teṣāṃ vidyate duḥkhaṃ kalpānāṃ ca śatatrayam |
yatra gaṃgā ca yamunā yatra caiva sarasvatī |
tatra snātvā ca pītvā ca muktibhāgī na saṃśayaḥ || 12 ||
[Analyze grammar]

mahādeva uvāca |
tvadvārtāṃ priyato bravīmi yadahaṃ sā stustutiste prabho yadbhuṃje tava tannivedanamatho yadyāmi sā preṣyatā |
yacchāṃtaḥ svapimi tvadaṃghriyugale daṃḍapraṇāmo'stu naḥ |
svāminyacca karomi tena sa bhavānviśveśvaraḥ prīyatām || 13 ||
[Analyze grammar]

dṛṣṭena vaṃditenāpi spṛṣṭena ca dhṛtena ke |
narā yena vimucyaṃte tadetad yāmunaṃ jalam || 14 ||
[Analyze grammar]

tāvad bhramaṃti bhuvane manujā bhavottha dāridyra roga maraṇa vyasanābhibhūtāḥ |
yāvajjalaṃ tava mahānadi nīlanīlaṃ paśyaṃti no dadhati mūrdhasu sūryaputri || 15 ||
[Analyze grammar]

yatsaṃsmṛtiḥ sapadi kṛṃtati duṣkṛtaughaṃ pāpāvalīṃ jayati yojana lakṣato'pi |
yannāma nāma jagaduccaritaṃ punāti diṣṭyā hi sā pathidṛśo bhavitādya gaṃgā || 16 ||
[Analyze grammar]

ālokotkaṃṭhitena pramudita manasā vartma yasyāḥ prayātaṃ sadyasminkṛtyametāmatha prathama kṛtī jajñivānsvargasiṃdhum |
snānaṃ saṃdhyā nivāpaḥ sura yajanamapi śrāddha viprāśanādyaṃ sarvaṃ saṃpūrṇametatbhavati bhagavataḥ prītidaṃ nāticitram || 17 ||
[Analyze grammar]

devībhūta paraṃ brahma paramānaṃdadāyinī |
arghaṃ gṛhāṇa me gaṃge pāpaṃ hara namostute || 18 ||
[Analyze grammar]

sākṣāddharma dravaughaṃ muraripu caraṇāṃbhoja pīyūṣasāraṃ |
duḥkhasyābdhestaritraṃ suramanujanutaṃ svargasopāna mārgam |
sarvāṃhohāri vāri pravara guṇagaṇaṃbhāsi yā saṃvahaṃtī |
tasyai bhāgīrathi śrīmati muditamanā devi kurve namaste || 19 ||
[Analyze grammar]

svaḥsiṃdho duritābdhimagna janatā saṃtāraṇi prollasatkallolā |
malakāṃtināśitatamastome jagatpāvani |
gaṃge devi punīhi duṣkṛtabhayakrāṃtaṃ kṛpābhājanaṃ mātarmāṃ śaraṇāgataṃ śaraṇade rakṣāthabhobhīṣitam || 20 ||
[Analyze grammar]

haṃ ho mānasa kaṃpase kimu sakhe trastobhayānnārakātkiṃ te |
bhītiriti śrutirduritakṛtsaṃjāyate nārakī |
mābhaiṣīḥ śṛṇu me gatiṃ yadi mayā pāpācala |
sparddhinī prāptā te nirayaṃ kathaḥ kimaparaṃ kiṃ me na dharmaṃ dhanam || 21 ||
[Analyze grammar]

sarveśādi praśaṃsā mudamanubhavanaṃ majjanaṃ yatra coktaṃ svarnāryovīkṣyahṛṣṭā |
vibudha surapatiḥ prāptisaṃbhāvanena |
nīre śrījahnu kanyeyam aniyamaratāḥ snāṃti ye tāvakīne |
devatvaṃ te labhaṃte sphuṭam aśubhakṛtopyatra vedāḥ pramāṇam || 22 ||
[Analyze grammar]

buddhe sadbuddhirevaṃ bhavatu tava sakhe mānasa svastite 'stu |
āstāṃ pādau padasthau satatamiha yuvāṃ sādhu dṛṣṭī ca dṛṣṭī |
vāṇi prāṇapriyedhi prakaṭa guṇa vapuḥ prāpnuhi prāṇi puṣṭiṃ yasmātsarvairbhavadbhiḥ |
sukhamatulamahaṃ prāpnuvaṃ tīrthapuṇyam || 23 ||
[Analyze grammar]

śrījāhnavī ravisutā parameṣṭhiputrī siṃdhutrayābharaṇatīrthavara prayāga |
sarveśa māmanugṛhāṇa nayasva cordhvamaṃtastamo daśavidhaṃ dalaya svadhāmnā || 24 ||
[Analyze grammar]

vāgīśa viṣṇvīśa puraṃdarādyāḥ pāpapraṇāśāya vidāṃvido'pi |
bhajaṃti yattīramanīlanīlaṃ satīrtharājo jayati prayāgaḥ || 25 ||
[Analyze grammar]

kaliṃdajā saṃgama vāpyayatra pratyaggatā svargadhunīdhunoti |
adhyātma tāpatritayaṃ janasya sa tīrtharājo jayati prayāgaḥ || 26 ||
[Analyze grammar]

śyāmo vaṭaḥ śyāmaguṇovṛṇoti svacchāyayā śyāmala yājanānām |
śyāmaśramaṃ kṛṃtati yatradṛṣṭaḥ sa tīrtharājo jayati prayāgaḥ || 27 ||
[Analyze grammar]

brahmādayopyātmakṛtiṃ vihāya bhajaṃti puṇyātmaka bhāgadheyam |
yatrojjhitādaṃḍadharaḥ svadaṃḍaṃ sa tīrtharājo jayati prayāgaḥ || 28 ||
[Analyze grammar]

yatsevayā deva nṛdevatādi devarṣayaḥ pratyahamāmanaṃti |
svargaṃ ca sarvottama bhūmirājyaṃ sa tīrtharājo jayati prayāgaḥ || 29 ||
[Analyze grammar]

enāṃsi haṃtīti prasiddhavārtā nāma pratāpena dṛśo bhavaṃti |
yasya trilokīṃ pratatāpa gobhiḥ sa tīrtharājo jayati prayāgaḥ || 30 ||
[Analyze grammar]

dhatte 'bhitaścāmara cārukāṃtiṃ sitāsite yatrasaridvareṇye |
ādyo vaṭaśchatramivātibhāti sa tīrtharājo jayati prayāgaḥ || 31 ||
[Analyze grammar]

brāhmīnaputrī tripathāstriveṇī samāgame sākṣatayāgamātrāt |
yatrāpnutānbrahmapadaṃ nayaṃti sa tīrtharājo jayati prayāgaḥ || 32 ||
[Analyze grammar]

keṣāṃcijjanmakoṭirvrajati suvacasāṃ yāmiyāmīti yasminkeṣāṃ |
citprepsatāṃ yaṃ niyatamatiyated varṣavṛṃdaṃ variṣṭham |
yatprāptaṃ bhāgyalakṣairbhavati bhavati no vāsa vācāmavācyo |
diṣṭyā veṇī viśiṣṭo bhavati dṛgatithiḥ kaṃ prayāga prayāgaḥ || 33 ||
[Analyze grammar]

lokānāmakṣamāṇāṃ makhakṛtiṣu kalau svargakāmairjaya stutyādi stotrairvacobhiḥ |
kathamamarapada prāpti ciṃtāturāṇām |
agniṣṭomāśvamedha pramukha makhaphalaṃ samyagālocyasāṃgaṃ |
brahmādyaistīrtharājo 'bhimatada upadiṣṭo 'yameva prayāgaḥ || 34 ||
[Analyze grammar]

mayā pramādāturatādi doṣataḥ saṃdhyā vidhirno samupāsito'bhūt |
cedatra saṃdhyāṃ carate prasādataḥ saṃdhyāstu pūrṇā 'khilajanmano'pi me || 35 ||
[Analyze grammar]

anyatrāpi pragarjanmahimani tapasi premabhirviprakṛṣṭairdhyātaḥ |
saṃkīrtito yo'bhimata pada vidhātāniśaṃ nirvyapekṣaṃm |
śrīmatpāṃśuṃ triveṇīparivṛḍham atulaṃ tīrtharājaṃ prayāgaṃ golaṃkāraprakāśaṃ svayamamaravaraṃ cetanaṃ taṃ namāmi || 36 ||
[Analyze grammar]

asmābhiḥ sutaponvatapta kimaho ejyaṃta kiṃvādhvarāḥ |
pātre dānamadāyi kiṃ bahuvidhaṃ kiṃ vā surāścārcitāḥ |
kiṃ sattīrthamasevi kiṃ dvijakulaṃ pūjādibhiḥ satkṛtaṃ yena prāpi sadā |
śivasya śivadā sā rājadhānī svayam || 37 ||
[Analyze grammar]

bhāgyairme'dhigatā hyanekajanuṣāṃ sarvāghavidhvaṃsinī |
sarvāścaryamayī śivapurī saṃsārasiṃdhostarī |
labdhaṃ sajjanuṣaḥ phalaṃ kulamalaṃ cakre pavitrīkṛtaḥ |
svātmā cāpyakhilaṃ kṛtaṃ kimaparaṃ sarvopariṣṭātsthitam || 38 ||
[Analyze grammar]

jīvannaraḥ paśyati bhadra lakṣamevaṃ vadaṃtīti mṛṣā na yasmāt |
tasmānmayā vai vapuṣe dṛśe na prāptāpi kāśī kṣaṇabhaṃgureṇa || 39 ||
[Analyze grammar]

kāśyāṃ vidhātumamarairapi divyabhūmau sattīrtha liṃgagaṇanārcanatā na śakyā |
yānīha gupta vivṛtāni purātanāni siddhāni yojitakaraḥ praṇamāmi tebhyaḥ || 40 ||
[Analyze grammar]

kiṃ bhītyā duritavrajātkimu mudā puṇyairagaṇyaiḥ kṛtaiḥ |
kiṃ vidyābhyasanānmadena jaḍatādoṣādviṣādena kim |
kiṃ garveṇa dhanodayādadhanatātāpena kiṃ bhojanāḥ |
snātvā śrīmaṇikarṇikāpayasi cedviśveśvaro dṛśyate || 41 ||
[Analyze grammar]

alpasphīti nirāmayāpi tanutā pravyaktaśakyātmatā protsāhāḍhya balena |
kevalamanorāgadvitīyena yat |
aprāpyāpi manorathairaviṣayāsvapnapravṛtterapi prāptā sā |
pi gadādharasya nagarī sadyopavargapradā || 42 ||
[Analyze grammar]

manyenātmakṛtirnapūrvapuruṣaprāpterbalaṃ cātra yannāpīdaṃ svajana |
pramāṇamacalaṃ kiṃsvāpatāpādikam |
yāduṣprāpa gayāprayāgayamunā kāśīsuparvāgamātprāptistatra |
mahāphalo vijayate śrīśāradānugrahaḥ || 43 ||
[Analyze grammar]

yaḥ śrāddhasamaye dūrātsmṛto'pi pitṛmuktidaḥ |
taṃ gayāyāṃ sthitaṃ sākṣānnamāmi śrīgadādharam || 44 ||
[Analyze grammar]

paṃthānaṃ samatītya dustaramimaṃ dūrādavīyastaraṃkṣudra vyāghratarakṣukaṃṭakaphaṇipratyārthibhiḥ |
saṃkulam |
āgatya prathamavyayaṃ kṛpaṇavāgyācejjanaḥ |
karparīśrīmadvārigadādhara pratidinaṃ tvāṃ draṣṭumutkaṃṭhate || 45 ||
[Analyze grammar]

sarvātmannijadarśanena ca gayāśrāddhena vai devatāḥ |
prīṇanviśvamanīhavatkathamihaudāsīnyamālaṃbase |
kiṃ te sarvadanirdayatvamadhunā kiṃ vā prabhutvaṃ kaleḥ kiṃ vā satva |
nirīkṣaṇaṃ nṛṣu ciraṃ kiṃ vāsya sevāruciḥ || 46 ||
[Analyze grammar]

gadādhara mayā śrāddhaṃ saṃcīrṇaṃ tvatprasādataḥ |
anujānīhi māṃ deva gamanāya gṛhaṃ prati || 47 ||
[Analyze grammar]

caturṇāṃ devatānāṃ ca stotraṃ svargārthadāyakam |
śrāddhakāle paṭhennityaṃ snānakāle tu yaḥ paṭhet || 48 ||
[Analyze grammar]

sarvatīrthasamaṃ snānaṃ śravaṇātpaṭhanājjapāt |
prayāgasya ca gaṃgāyā yamunāyāḥ stuterdvija |
śravaṇena vinaśyaṃti doṣāścaiva tu karmajāḥ || 49 ||
[Analyze grammar]

iti śrīpādme mahāpurāṇe paṃcapaṃcāśatasahasrasaṃhitāyāṃ uttarakhaṇḍe umāpatināradasaṃvāde gaṃgāprayāgayamunāstutirnāmadvāviṃśo'dhyāyaḥ || 22 ||
[Analyze grammar]