Padma Purana [sanskrit]

462,305 words | ISBN-13: 9789385005305

The Padma-purana Book 6 Chapter 10 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

nārada uvāca |
atrottare mayā gatvā kathitaṃ siṃdhusūnave |
tvāṃ haṃtu sarvavīreśa pratijñā śaṃbhunā kṛtā |
śrutvetthaṃ madvaco rājaṃstataḥ papraccha so'suraḥ || 1 ||
[Analyze grammar]

jālaṃdhara uvāca |
kimasti śūlino gehe ratnajātaṃ mahāmune |
tanmamācakṣva sakalaṃ nāsti yuddhaṃ nirāmiṣam || 2 ||
[Analyze grammar]

nārada uvāca |
bhūtirgātre vṛṣo jīrṇaḥ phaṇinoṃ'ge gale viṣam |
bhikṣāpātraṃ kare putrau gajānana ṣaḍānanau || 3 ||
[Analyze grammar]

ityādi vibhavastasya yadanyattannibodha me |
tanayā girirājasya viśālā hyunnatastanī || 4 ||
[Analyze grammar]

dagdhasmaro'pi bhagavānyasyārūpeṇa mohitaḥ |
maheśo yadvinodāya kurute nitya kautukam || 5 ||
[Analyze grammar]

nṛtyangāyaṃśca tāñchaṃbhuḥ svayaṃ bhavati hāsakaḥ |
sā pārvatīti vikhyātā sauṃdaryāvadhi daivatam || 6 ||
[Analyze grammar]

vṛṃdā varāṃganā rājannimāścāpsarasaḥ śubhāḥ |
na cāpnuvaṃti pārvatyāḥ ṣoḍaśīmapi tāṃ kalām || 7 ||
[Analyze grammar]

ityuktvāhaṃ mahīpāla jālaṃdharamamarṣaṇam |
paśyatāṃ sarvadaityānāmaṃtardhānaṃ gataḥ kṣaṇāt || 8 ||
[Analyze grammar]

atha sa preṣayaddūtaṃ siṃdhujaḥ siṃhikāsutam |
kṣaṇenāsādya kailāsaṃ devāvāsamapaśyata || 9 ||
[Analyze grammar]

atrāṃtare harirbhīmamāpṛcchya tu tadā haram |
jagāmālakṣitastūrṇaṃ kṣīrābdhiṃ bhedaśaṃkayā || 10 ||
[Analyze grammar]

dadarśa rāhurbhavanaṃ śaṃkarasyātidīptimat |
ātmānamātmanā vīkṣya kimityāha suvismitaḥ || 11 ||
[Analyze grammar]

praveṣṭukāmo balibhirdvāri dvāsthairnirodhitaḥ |
yatnavānsa niṣiddho'pi tadā te prodyatāyudhāḥ || 12 ||
[Analyze grammar]

tānnivārya gaṇānnaṃdī vyājahāra vidhuṃtudam |
kastvaṃ kasmādihāyātaḥ kiṃ kāryaṃ tava barbara |
brūhi kāryaṃ gaṇā yāvattvāṃ na hanyurbhayāvahāḥ || 13 ||
[Analyze grammar]

rāhuruvāca |
dūto jālaṃdharasyāhaṃ tvaṃ māṃ śarvāṃtike naya |
na vācyamaṃtare dvāstha mahārājaprayojanam || 14 ||
[Analyze grammar]

naṃdī dūtoktamākarṇya nīlalohitamāyayau |
daṃḍavatpraṇipatyāgre sthitvā śaṃkaramabravīt || 15 ||
[Analyze grammar]

saiṃhikeyo mahārāja dvāre tiṣṭhati kāryataḥ |
sa prayātvathavāyātu bhavānājñaptumarhati || 16 ||
[Analyze grammar]

naṃdinoktamathākarṇya tvaranniva maheśvaraḥ |
suptāmaṃtaḥpurāddevīṃ prasthāpya ca sakhīvṛtām || 17 ||
[Analyze grammar]

paścādvāsthaṃ jagādātha naṃdindūtaṃ praveśaya |
tato haste pragṛhyāmuṃ dūtaṃ naṃdī mahābalaḥ || 18 ||
[Analyze grammar]

ānayāmāsa devānāṃ madhye śaṃbhumadarśayat |
taṃ dadarśa tadā rāhurjaṭilaṃ nīlamātmani || 19 ||
[Analyze grammar]

paṃcavaktraṃ daśabhujaṃ nāgayajñopavītinam |
devīvirahitaṃ mūrdhni caṃdralekhāvibhūṣitam || 20 ||
[Analyze grammar]

ucchvāsocchvāsanirmuṃcatpṛdākugaṇasevitam |
sarvadevagaṇopetaṃ sevitaṃ gaṇakoṭibhiḥ || 21 ||
[Analyze grammar]

prāptaṃ jñātvā tato dūtaṃ śaṃbhurālokya cāgrataḥ |
prāha brūhi tadā rāhurvaktuṃ samupacakrame || 22 ||
[Analyze grammar]

rāhuruvāca |
deva jālaṃdhareṇāhaṃ preṣitastava sannidhau |
tasya śivavacaḥ śrutvā manmukhena drutaṃ kuru || 23 ||
[Analyze grammar]

giriśatvaṃ taponiṣṭho nirguṇo dharmavarjitaḥ |
tava nāsti pitā mātā vasu gotrādi varjitaḥ || 24 ||
[Analyze grammar]

jālaṃdharo mahābāhurbhuṃkte'sau bhuvanatrayam |
tasyaiva vaśyastvamapi tataścoktaṃ samācara || 25 ||
[Analyze grammar]

purāṇapuruṣaḥ kāmī vṛṣārūḍhaḥ kathaṃ bhavān |
evaṃ vadati saṃprāptau sutau skaṃdavināyakau || 26 ||
[Analyze grammar]

tasminkāle devadevo yatavāgaṃgamardanam |
cakāra ca karairvyastairvāsukirbhūtale'patat || 27 ||
[Analyze grammar]

heraṃbavāhanasyākhoḥ pucchaṃ grastamathāhinā |
svapatraṃ grastamālokya muṃcamuṃcetyuvāca ha || 28 ||
[Analyze grammar]

atrāṃtare skaṃdavāhaṃ kṣubdhaṃ vīkṣya mahāsvaram |
tadbhayādvāsukirgrastamākhupucchamathodgirat || 29 ||
[Analyze grammar]

athāruhya harasyāṃgaṃ galamāveṣṭya saṃsthitaḥ |
tasya niśvāsapavanairatha jāto hutāśanaḥ || 30 ||
[Analyze grammar]

tasyoṣmaṇā caṃdra lekhā jaṭājūṭāṭavī sthitā |
sārdratāṃ tu tadā sāyātplāvitaṃ tadvapuryathā || 31 ||
[Analyze grammar]

tasyāhyamṛtadhārābhirbrahmamastakamālikā |
haramaulikapālānāmabhūtsaṃjīvitā tadā || 32 ||
[Analyze grammar]

papāṭha pūrvamabhyastaṃ sarvayogaśrutikramam |
śrutvā parasparādhītaṃ vivadaṃti śirāṃsyatha || 33 ||
[Analyze grammar]

ahamādirahaṃ pūrvamahameva parātparaḥ |
ahaṃ sraṣṭā ahaṃ pātetyutsukāni parasparam || 34 ||
[Analyze grammar]

śocaṃtyetāni no dattaṃ no bhuktaṃ na hutaṃ mayā |
lobhagrastena manasā no vittaṃ brahmaṇe'pi tam || 35 ||
[Analyze grammar]

atheśvarajaṭājūṭādāvirāsīdgaṇo mahān |
tryānanastricaraṇastripucchaḥ saptahastavān || 36 ||
[Analyze grammar]

sa ca kīrtimukho nāma piṃgalo jaṭilo mahān |
taṃ dṛṣṭvā sā kapālālī bhayāttasthau mṛteva sā || 37 ||
[Analyze grammar]

purataḥ prāha sagaṇastataḥ kīrtimukhaḥ prabhum |
praṇipatya śivaṃ devamatyarthaṃ kṣudhitaḥ prabho || 38 ||
[Analyze grammar]

tadoktaḥ śaṃkareṇāho bhakṣaya tvaṃ raṇe hatān |
kṣaṇaṃ vicārya sa gaṇaḥ kvāpyadṛṣṭvā raṇaṃ tadā || 39 ||
[Analyze grammar]

brahmāṇaṃ bhakṣituṃ prāptaḥ śaṃkareṇa nivāritaḥ |
tataḥ kīrtimukhenātha svāṃgaṃ sarvaṃ ca bhakṣitam || 40 ||
[Analyze grammar]

bubhukṣitena cātyaṃtaṃ niṣiddhena ca sarvataḥ |
tatsāhasaṃ tadā dṛṣṭvā bhaktiṃ kīrttimukhasya ca || 41 ||
[Analyze grammar]

tamuvāceśvaraḥ prītaḥ prāsāde tiṣṭha me sadā |
tvaccittarahito yaśca bhaviṣyati mamālaye || 42 ||
[Analyze grammar]

sa patiṣyati śīghraṃ hītyuktaḥ soṃ'tarhito'bhavat |
śaṃbhormūdhni tadā devā vavṛṣuḥ puṣpavṛṣṭibhiḥ || 43 ||
[Analyze grammar]

evamatyadbhutaṃ dṛṣṭvā sabhāyāṃ tu triśūlinaḥ |
svarbhānurapi deveśaṃ punaḥ provāca vismitaḥ || 44 ||
[Analyze grammar]

spṛśaṃti tvāṃ kathaṃ bhāvaṃ svādhīnaṃ yoginaṃ balāt |
iṃdriyaiḥ pūjyase tvaṃ hi prāpyo'yaṃ viṣayaiḥ katham || 45 ||
[Analyze grammar]

brāhmādilokapālānāṃ pūjāṃ gṛhṇāsi sarvataḥ |
na tvaṃ paśyasi kaṃ devaṃ tvaṃ pūjayasi kaṃcana || 46 ||
[Analyze grammar]

īśvaro'si kathaṃ loke bhikṣābhojī pratiṣṭhitaḥ |
saṃgopayasi yogīndra gaurīṃ ramyāṃ prayaccha me || 47 ||
[Analyze grammar]

skaṃdalaṃbodarābhyāṃ tvaṃ putrābhyāṃ sahito'dhunā |
bhikṣāpātraṃ gṛhītvā tu bhrama nityaṃ gṛhegṛhe || 48 ||
[Analyze grammar]

evaṃ bahuvidhaṃ tatra rāhurāheśvaraṃ prati |
bhagavānapi tacchrutvā nottaraṃ kiṃcidabravīt || 49 ||
[Analyze grammar]

atheśaṃ mauninaṃ tyaktvā rāhurnaṃdinamabravīt |
tva maṃtrī hyasi senānīrvikaṭānana biṃbadhṛk || 50 ||
[Analyze grammar]

evamācarita bhraṣṭaṃ tvaṃ śikṣayitumarhasi |
nocedroṣeṇeṃdra iva patiṣyati raṇe hataḥ || 51 ||
[Analyze grammar]

ityākarṇya vacastasya naṃdī vijñāpya ceśvaram |
bhrūsaṃjñayaiva sa tadā matamājñāya śūlinaḥ || 52 ||
[Analyze grammar]

saṃpūjya preṣayāmāsa rāhuṃ naṃdī gaṇāgraṇīḥ |
atha jālaṃdharaṃ gatvā kathayāmāsa vistarāt |
svarbhānustasya vṛttāṃtaṃ gaurīrūpaṃ manoharam || 53 ||
[Analyze grammar]

iti śrīpādmemahāpurāṇe paṃcapaṃcāśatsahasrasaṃhitāyāmuttarakhaṇḍe yudhiṣṭharanārada |
samvāde jālaṃdharopākhyāne kailāsādrāhupratyāgamanaṃ nāma daśamo'dhyāyaḥ || 10 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 10

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: