Chapter 1

[English text for this chapter is available]

oṃ śrīviṣṇave namaḥ |
oṃ śrīvedavyāsāya namaḥ |
oṃ nārāyaṇaṃ namaskṛtya naraṃ caiva narottamam |
devīṃ sarasvatīṃ vyāsaṃ tato jayamudīrayet || 1 ||
[Analyze grammar]

ajñānatimirāṃdhasya jñānāṃjanaśalākayā |
cakṣurunmīlitaṃ yena tasmai śrīgurave namaḥ || 2 ||
[Analyze grammar]

ṛṣaya ūcuḥ |
śrutaṃ pātālakhaṃḍaṃ ca tvayākhyātaṃ vidāṃvara |
nānākhyānasamāyuktaṃ paramānaṃdadāyakam || 3 ||
[Analyze grammar]

adhunā śrotumicchāmo bhagavadbhaktivarddhanam |
pādme yaccheṣamastīha tadbrūhi kṛpayā guro || 4 ||
[Analyze grammar]

sūta uvāca |
śṛṇudhvaṃ munayaḥ sarve yaduktaṃ śaṃkareṇa hi |
pṛcchate nāradāyaiva vijñānaṃ pāpanāśanam || 5 ||
[Analyze grammar]

ekādā nārado lokānparyaṭanbhagavatpriyaḥ |
gato'dri maṃdaraṃ śaṃbhuṃ praṣṭuṃ kiṃcinmanogatam || 6 ||
[Analyze grammar]

tatrāsīnamumānāthaṃ praṇipatya śivājñayā |
upaviṣṭaḥ samādiṣṭa āsane'bhimukho vibhoḥ || 7 ||
[Analyze grammar]

nārada uvāca |
papraccha idameveśaṃ yanmāṃ pṛcchatha sattamāḥ |
bhagavandevadeveśa pārvatīśa jagadguro || 8 ||
[Analyze grammar]

bhagavattatvavijñānaṃ yena syāttanmamādiśa |
śiva uvāca |
śṛṇu nārada vakṣyāmi purāṇaṃ vedasaṃmitam || 9 ||
[Analyze grammar]

yacchrutvā sarvapāpebhyo mucyate nātra saṃśayaḥ |
prathamottarakīrtiḥ syātparvatākhyānameva ca || 10 ||
[Analyze grammar]

jālaṃdharaṃ tathākhyānaṃ śrīśailākhyaṃ tataḥ param |
haridvārasya vyākhyānaṃ viṣṇupādodbhavāṃ tathā || 11 ||
[Analyze grammar]

prayāgatīrthaṃ te vakṣye daśāśvamedhikaṃ ca tat |
tulasīmahimācaiva śaṃkhacakragadādikam || 12 ||
[Analyze grammar]

dvārakāyāstathākhyānaṃ mahotsavavidhistataḥ |
taḍākajaṃ tathā puṇyaṃ vāpīkūpaprapādikam || 13 ||
[Analyze grammar]

gāṇapatyaṃ tato vakṣye vaiṣṇavāgamameva ca |
jīrṇoddhārasya māhātmyaṃ maṃdākinī samāgamam || 14 ||
[Analyze grammar]

sābhramatyāstu māhātmyaṃ māhātmyaṃ tīrajaṃ tathā |
strīśūdrāṇāṃ tathā dharmaṃ tathā tyājyaiśca dhāraṇam || 15 ||
[Analyze grammar]

umāmaheśasaṃvāde proktaṃ nāmasahasrakam |
kailāsāttatsamānītaṃ nāradenāgrajanmanā || 16 ||
[Analyze grammar]

lokānāṃ brāhmaṇānāṃ ca kṣatriyāṇāṃ viśeṣataḥ |
strīśūdrāṇāṃ viśeṣeṇa paṭhitavyaṃ samāhitaiḥ || 17 ||
[Analyze grammar]

idaṃ pavitraṃ paramaṃ puṇyamāyuṣyavardhanam |
paṭhitavyaṃ viśeṣeṇa viṣṇoḥ sāyujyamāpnuyāt || 18 ||
[Analyze grammar]

viṣṇornāmasahasraṃ tatpāvanaṃ bhuvi viśrutam |
caturviṃśatimūrtīnāṃ sthānakānīha saṃvadet || 19 ||
[Analyze grammar]

teṣāṃ ca mātāpitarāvaṃtaraṃ ca bravīmyaham |
gotraṃ vedāṃścateṣāṃ vai karmāṇīha tathaiva ca || 20 ||
[Analyze grammar]

striyasteṣāṃ pravakṣyāmi yathāvijñānadarśanāt |
caturviṃśatyekādaśīnāṃ dvādaśīnāṃ prabhāvatām || 21 ||
[Analyze grammar]

godāvaryāśca māhātmyaṃ śaṃkhacakrādidhāraṇam |
brāhmaṇānāṃ viśeṣeṇa dhāraṇaṃ vidhipūrvakam || 22 ||
[Analyze grammar]

yamunāyāśca māhātmyaṃ gaṃḍikāyāstathā mune |
vetravatyāstu māhātmyaṃ vacmyahaṃ te na saṃśayaḥ || 23 ||
[Analyze grammar]

gillitīrthodbhavaṃ puṇyaṃ śilākṣetraṃ mahacca yat |
tatsarvaṃ saṃpravakṣyāmi khaṃḍe uttarasaṃjñake || 24 ||
[Analyze grammar]

arbudeśvaramāhātmyaṃ tatra tīrthādikaṃ ca yat |
sarasvatyāśca māhātmyaṃ siddhakṣetrādikaṃ ca yat || 25 ||
[Analyze grammar]

padmanābhasamutpattiṃ tulasyāścaiva dhāraṇam |
gopīcaṃdanamāhātmyaṃ paṭṭapūjāṃ tathaiva ca || 26 ||
[Analyze grammar]

niraṃjanasya māhātmyaṃ tathā vijñānadarśanam |
tatra dīpapradānaṃ ca dhūpadānaṃ viśeṣataḥ || 27 ||
[Analyze grammar]

kārtikasyātha māhātmyaṃ māhātmyaṃ māghajaṃ tathā |
sarveṣāṃ ca vratānāṃ ca māhātmyaṃ vidhipūrvakam || 28 ||
[Analyze grammar]

śṛṇu nārada vakṣyāmi jagannāthākhyamuttamam |
yaṃ dṛṣṭvā mucyate loko brahmahatyādipātakāt || 29 ||
[Analyze grammar]

yatra siddhaṃ tathā bhuktaṃ pāralaukikadāyakam |
brāhmaṇā yatra bhuṃjanti vedaśāstra viśāradaḥ || 30 ||
[Analyze grammar]

anyeṣāṃ caiva lokānāṃ kā kathā caiva suvrata |
paṃcaviṃśatyatra nāgā nartakyo vividhāstathā || 31 ||
[Analyze grammar]

brahmahatyā bālahatyā gavāṃhatyā tathaiva ca |
tāḥ sarvā vilayaṃ yāṃti jagannāthasya darśanāt || 32 ||
[Analyze grammar]

jagannāthetyuccarañjaṃturmahāpāpaiḥ pramucyate |
viṣṇoḥ pūjanakaṃ puṣpaistanmāhātmyamapi bruve || 33 ||
[Analyze grammar]

parvatānāṃ varṇanaṃ ca deśānāṃ varṇanaṃ tathā |
gopūjanādimāhātmyaṃ siddhānāṃ caiva pūjanam || 34 ||
[Analyze grammar]

sikthe datte tu yatpuṇyaṃ tatsarvaṃ pravadāmyaham |
kadalīgarbhadānaṃ ca vṛkṣadānaṃ tataḥ param || 35 ||
[Analyze grammar]

aśvadānaṃ hastidānaṃ japamāhātmyamuttamam |
maṃtradīkṣāgamaṃ caiva gurorlakṣaṇameva ca || 36 ||
[Analyze grammar]

śiṣyasya lakṣaṇaṃ proktaṃ yathā paurāṇikā viduḥ |
caraṇodakamāhātmyaṃ pitṛśrāddhādikaṃ ca yat || 37 ||
[Analyze grammar]

pitṛkṣayāhadānaṃ ca nīlotsargavidhistataḥ |
grahaṇaṃ caṃdrasūryasya tatra dānaṃ ca yadbhavet || 38 ||
[Analyze grammar]

śālagrāmasya dānasya māhātmyaṃ mālyagaṃdhayoḥ |
daśamyaikādaśīvedhaṃ dvādaśī harivāsaram || 39 ||
[Analyze grammar]

teṣāṃ caiva tumāhātmyaṃ rudranāmādikaṃ ca yat |
mathurāyāśca māhātmyaṃ kurukṣetrādikaṃ tathā || 40 ||
[Analyze grammar]

setubaṃdhasya cākhyānaṃ śrīrāmeśvarajaṃ tathā |
tryaṃbakasya ca māhātmyaṃ paṃcavaṭyāśca yatphalam || 41 ||
[Analyze grammar]

daṃḍakāraṇyamāhātmyaṃ śṛṇu vāḍavasattama |
daṃḍakāraṇyamāhātmyaṃ nṛsiṃhotpattikāraṇam || 42 ||
[Analyze grammar]

gītāyāścaiva māhātmyaṃ tathā bhāgavatasya ca |
kāliṃdyāścaiva māhātmyamindraprasthasya varṇanam || 43 ||
[Analyze grammar]

rukmāṃgadacaritraṃ tu mahimā vaiṣṇavasya ca |
vaiṣṇave hyekabhukte tu śṛṇu vāḍavasattama || 44 ||
[Analyze grammar]

sasāgarāṃ ca pṛthivīṃ dattvā caiva tu yatphalam |
tatphalaṃ samavāpnoti bhukte hyeke tu vaiṣṇave || 45 ||
[Analyze grammar]

sātvikāḥ sattvasaṃpannā rājasāḥ kāmukāḥ smṛtāḥ |
tāmasā adhamāḥ proktā vaiṣṇavānāṃ tu lakṣaṇam || 46 ||
[Analyze grammar]

brāhmaṇā vaiṣṇavā ye tu vedadharmaparāyaṇāḥ |
teṣāṃ māhātmyaṃ vakṣyāmi yathoktaṃ caiva nārada || 47 ||
[Analyze grammar]

viṣṇuniṃdāratā ye vai dravyalobhena sattama |
teṣāṃ pāpaṃ tu vakṣyāmi sāṃprataṃ ṛṣisattama || 48 ||
[Analyze grammar]

jvālāmukhyāstathākhyānaṃ himaśailekṣaṇaṃ tathā |
brahmotpattistu vai yatra taṃ pradeśaṃ vadāmyaham || 49 ||
[Analyze grammar]

kāyasthānāṃ samutpatirgayāvyākhyānameva ca |
gadādharasvarūpaṃ ca phalguvarṇanameva ca || 50 ||
[Analyze grammar]

eteṣāṃ caiva māhātmyaṃ pādme dṛṣṭaṃ tathā śrutam |
mahābodhasvarūpaṃ ca sakalkeryaśa eva ca || 51 ||
[Analyze grammar]

rāmagayāyā māhātmyaṃ tathā pretaśilābhavam |
brahmaṇaśca tathākhyānaṃ śilākhyānaṃ vadāmyaham || 52 ||
[Analyze grammar]

brahmayonestathākhyānamakṣayākhya vaṭasya ca |
śrāddhe tatra mahatpuṇyaṃ yattatsarvaṃ vadāmyaham || 53 ||
[Analyze grammar]

maheśvarakṛtāṃ bhaktiṃ viṣṇunā ca mahātmanā |
adyāpi kāśyāṃ japati mahārudro hyanāmayam || 54 ||
[Analyze grammar]

māhātmyaṃ ca tato vakṣye sāgarasya hi nārada |
tilatarpaṇajaṃ puṇyaṃ yavajaṃ puṇyameva ca || 55 ||
[Analyze grammar]

tulasīdalasaṃyuktaṃ tarpaṇaṃ devajaṃ tathā |
tanmāhātmyaṃ pravakṣyāmi yathoktaṃ brahmaṇā mama || 56 ||
[Analyze grammar]

śaṃkhanādasya māhātmyaṃ puṇyaṃ cāsaṃkhyasaṃjñakam || 57 ||
[Analyze grammar]

ravervārasya māhātmyaṃ yogasya viṣṇusaṃjñinaḥ |
vaidhṛtasya ca māhātmyaṃ vyatīpātasya vai tathā || 58 ||
[Analyze grammar]

etatsarvaṃ pravakṣyāmi yathoktaṃ caiva nārada |
annadānaṃ vastradānaṃ bhūmidānaṃ tathaiva ca || 59 ||
[Analyze grammar]

śayyādānaṃ ca godānaṃ tathā vṛṣabhameva ca |
janmāṣṭamyāśca māhātmyaṃ matsyamāhātmyameva ca || 60 ||
[Analyze grammar]

kūrmamāhātmyaṃ tatproktaṃ vārāhasya tathaiva ca |
māhātmyaṃ ca gavādīnāṃ dānānāṃ pravadāmyaham || 61 ||
[Analyze grammar]

prahlādamukhabhaktā ye ye kecidbhuvi viśrutāḥ |
tanmāhātmyaṃ tato vakṣye śṛṇu devarṣisattama || 62 ||
[Analyze grammar]

jāgare mahimā caiva dīpadāne kṛte ca yat |
prahareṣu pṛthakpūjāphalaṃ devarṣisattama || 63 ||
[Analyze grammar]

parśurāmasya cākhyānaṃ reṇukāyā vadhastathā |
brāhmaṇānāṃ bhūmidānaṃ rāmeṇaiva ca yatkṛtam || 64 ||
[Analyze grammar]

rāmasyāśramajaṃ puṇyaṃ vadāmyahamaśeṣataḥ |
narmadāyāstathākhyānaṃ puṇyapūjanayostathā || 65 ||
[Analyze grammar]

dānaṃ vedapurāṇānāmāśramāṇāṃ nirūpaṇam |
hiraṇyadānapuṇyaṃ ca brahmāṃḍadānameva ca || 66 ||
[Analyze grammar]

padmapurāṇadānaṃ ca khaṃḍānāṃ vyaktayastathā |
prathamaṃ sṛṣṭikhaṃḍaṃ ca dvitīyaṃ bhūmikhaṃḍakam || 67 ||
[Analyze grammar]

svargakhaṃḍaṃ tṛtīyaṃ ca turyaṃ pātālasaṃjñakam |
uttaraṃ paṃcamaṃ proktaṃ khaṃḍānyanukrameṇa vai || 68 ||
[Analyze grammar]

etatpadmapurāṇaṃ tu vyāsena tu mahātmanā |
kṛtaṃ lokahitārthāya brāhmaṇaśreyase tathā || 69 ||
[Analyze grammar]

śūdrāṇāṃ puṇyajananaṃ tīvradāridryanāśanam |
mokṣadaṃ sukhadaṃ cāśu kalyāṇapradamavyayam |
śrutvā dānaṃ tathā kuryādvidhinā tatra nārada || 70 ||
[Analyze grammar]

iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe maheśanāradasaṃvāde bījasamuccayonāma prathamo'dhyāyaḥ || 1 ||
[Analyze grammar]