Chapter 117

[English text for this chapter is available]

sūta uvāca |
bhāradvājagṛhe bhuktvā rāmacaṃdraḥ prasannadhīḥ |
munīṃdra viṣṇusahito vānararkṣasamanvitaḥ || 1 ||
[Analyze grammar]

meghacchanne tathākāśe maṃdaṃ carati mārute |
tadvanābhyaṃtare kvāpi sudevagṛhamuttamam || 2 ||
[Analyze grammar]

aṣṭāpadastaṃbhayutaṃ hemapaṭṭikakalpitam |
maṇimauktikasaṃyuktaṃ rājataiḥ kalaśairyutam || 3 ||
[Analyze grammar]

pāṭīracaṃdrakastūrīkuṃkumaiḥ surabhīkṛtam |
karddamairjālakayutaṃ śakalopari saṃvṛti || 4 ||
[Analyze grammar]

caṃdrajotsnāgamaṃ sūryyā nirīkṣya madhyabhittikam |
gṛhāṃtarbhūtalaṃ kṛtsnaṃ caṃdrapuṣparasokṣitam || 5 ||
[Analyze grammar]

digudīcī tathā kṛtsnābhittikalpanavarjitā |
staṃbhestaṃbhe citrakārī svapādī parikalpitam || 6 ||
[Analyze grammar]

śatahastāṃgaṇaṃ tasya sphaṭikoparikalpitam |
gṛhāṃgaṇādhikacchāyaḥ pārijātamahīruhaḥ || 7 ||
[Analyze grammar]

kṛtsnaprāvṛtikaṃ tatra nibiḍaṃ kadalīvanam |
kadalīvanasaṃyuktaṃ ketakīvanasaṃvṛtam || 8 ||
[Analyze grammar]

mayūranādabahulaṃ maṃjukūjanmadhuvratam |
pārāvatagaṇadhvānaṃ nānopavanaśobhitam || 9 ||
[Analyze grammar]

prāsādaśatasaṃbādhaṃ mattakokilanāditam |
śākhālaṃbimahāratnaśobhitānekapādapam || 10 ||
[Analyze grammar]

kinnarīvanitāgītanādapūritadiṅmukham |
anekārāmasubhagaṃ gautamītaṭamuttamam || 11 ||
[Analyze grammar]

bhāradvājagṛhaṃ puṇyamanaṃtaguṇasevitam |
ratikaṃdarpasaṃkāśa dāsīdāsaśatānvitam || 12 ||
[Analyze grammar]

nānopakaraṇopetaṃ bhāradvājagṛhaṃ śubham |
tasya cāṃtargataḥ saudhastatrāṃtargṛhavāṭikāḥ || 13 ||
[Analyze grammar]

aṣṭau tanmadhyato hyekaṃ gṛhaṃ paramaśobhanam |
caturdikṣu mahādeva gṛhaprāsādaśobhitam || 14 ||
[Analyze grammar]

pratidevagṛhaṃ śyāmā tauryyatrikasuśobhitam |
svargasthitavarastrīṇāṃ viśrāmāyaiva kalpitam || 15 ||
[Analyze grammar]

bhāradvājagṛhādrāmo nirgatyāśeṣasaṃyutaḥ |
tasyaiva ca mahāgehaṃ vanamadhyagataṃ tvagāt || 16 ||
[Analyze grammar]

tadaṃtarācchāditakaṃbalaṃ tadā pṛthaksthavastrāsanasaṃyutaṃ ca |
siṃhāsanaṃ madhyagataṃ tathaikaṃ munyāsanānekagataṃ viveśa || 17 ||
[Analyze grammar]

paurāṇikasyānupamāsanāṃtaraṃ bhūpālaharyṛkṣavarāsanaṃ ca |
paurāṇikaṃ pūrvamathopaveśya tato vasiṣṭhaṃ munipuṃgavāṃśca || 18 ||
[Analyze grammar]

nārāyaṇaṃ bhūmipatīnkapīṃśca nīcāsanaṃ ca svayamāsasāda |
meghāvṛtaṃ vyomadiśaḥ prasannāḥ supuṣpamurvītalamuptabījam || 19 ||
[Analyze grammar]

tadaṃgaṇaṃ noṣṇamaho na śītalaṃ saṃtānapuṣpaṃ damapuṣpagaṃdhi |
śaṃbhuṃ vilokyātha vaco babhāṣe rāmaḥ kathāṃ kīrtaya śaṃkarasya || 20 ||
[Analyze grammar]

tṛptirna jātā munivaryya śṛṇvato māheśamākhyānamaghaughanāśanam |
cakāra kiṃ vā nanu gautamāśrame maheśvaro devagaṇādhisaṃvṛtaḥ || 21 ||
[Analyze grammar]

śiva uvāca |
mahāvipaṃcīmavalaṃbya niṣṭhitaḥ sa vāyusūnuḥ śivamanvapṛcchat |
nyāyārjitaireva hi pūjane vibhoḥ kīdṛgbhaveccānayajaiḥ phalaṃ vada || 22 ||
[Analyze grammar]

cauryyairatho kiṃ phalamarpitārpaṇe upāhṛtadravyasamarpaṇeṣu |
ekaikaśo me bhagavanvadeśa praśnottaraṃ kiṃ kathayāśu śaṃbho || 23 ||
[Analyze grammar]

atheśvaro vānaramābabhāṣe vadāmi sarvaṃ tava dhyānataḥ śṛṇu |
nyāyārjitaiḥ pūjya sadāśivaṃ tvajaṃ saṃprāpa caiśvaryamidaṃ hi gautamaḥ || 24 ||
[Analyze grammar]

purā dvijo maṃkaṇasūnurākathaḥ suśobhanāmāpa satīṃ dvijanmā |
draridra ekaḥ karuṇāsamanvitaḥ ṣaṣṭhāhabhojī pitṛvarjitaśca || 25 ||
[Analyze grammar]

upoṣya paṃcāhamathāpi bhoktuṃ pravṛtta evātha samāpatadyatiḥ |
yatirbabhāṣe madhuraṃ tadā kathaṃ māsopavāsī tava bhoktumāgataḥ || 26 ||
[Analyze grammar]

tiṣṭhāmi bhuṃje yadi cāsti te mune na me bubhukṣānyagṛhādvibhoktum |
ākatha uvāca |
na me bhujiḥ paṃcadinaṃ dvijeṃdra ṣaṣṭhe dine me bhujirāgataśca || 27 ||
[Analyze grammar]

tadā mayā kāryamaciṃtanīyaṃ prakṣālayāmyehi tavādya pādau |
omityatha kṣālitapādayugmaḥ sa bhojanaṃ kartumiyeṣa yogī || 28 ||
[Analyze grammar]

raṃbhādalāṃse bubhuje tadannaṃ vipācya saṃpāditamājyayuktam |
vanyaiḥ susaṃyuktamathādareṇa na kiṃciduccheṣitamannamasya || 29 ||
[Analyze grammar]

athākatho vīkṣya muniṃ sutuṣṭaṃ tutoṣa bhāryyāsahitastapasvī |
gato'tha bhuktvāpi yatiḥ sa cākathaḥ saṃtuṣṭacitto'tha japaṃ cakāra || 30 ||
[Analyze grammar]

kapotavṛttiṃ sa cakāra patnyā tapovitānāyasa sajjano muniḥ |
pīṭhe'tha kṛtvā tamumāpatiṃ śivaṃ liṃge samārādhya samanvitaṃ gaṇaiḥ || 31 ||
[Analyze grammar]

liṃgaṃ nidhāyātha nirīkṣamāṇo dadarśa cājñātakṛśākṛtiṃ dvijam |
digaṃbaraṃ pādavihīnametaṃ kāṇaṃ kuṇiṃ karṇavihīnakaṃ prabhum || 32 ||
[Analyze grammar]

sāmodgiraṃ taṃ bahuśāstrapāragaṃ gṛhaṃ samāyāṃtamatho dadarśa || 33 ||
[Analyze grammar]

athākatho bhāryāṃ suśobhanāmidamuvāca || 34 ||
[Analyze grammar]

ayaṃ hi vikṛtaveṣo brāhmaṇaḥ samāyāti || 35 ||
[Analyze grammar]

arddhaṃ deyametasmai bhojanaṃ rakṣārddhamannaṃ cāsminnapi dine gate ṣaṣṭhehni bhojanābhāvāttava jīvitaṃ na tiṣṭhatīti mama pratīyate kiṃ tu tvaṃ manyase vada || 36 ||
[Analyze grammar]

sā śobhanovāca |
āyurlalāṭe likhitaṃ nāṃtarā naśyati || 37 ||
[Analyze grammar]

ākatha āha |
yathā baddhāyuṣo'pi yajñasya vīrabhadreṇacchinnaṃ śira ajasrātmanaḥ kimuta nu yāṇāṃ pāpātmanāmiti tadenaṃ parihṛtya tvayā bhujyate yadi tvetasmai mayānnaṃ dīyate |
tavecchānusārato mama kartavyam || 38 ||
[Analyze grammar]

bhāryyā prāha kathamahaṃ bhokṣye tvayyabhukte mayā kiṃ pūrvaṃ bhuktamidamaparaṃ śṛṇu || 39 ||
[Analyze grammar]

annaṃ hi prāṇināṃ prāṇāḥ pratyakṣaṃ sarvadehinām |
tasmādannaprado yastu prāṇadaḥ sa nigadyate || 40 ||
[Analyze grammar]

annādbhūtāni jāyaṃte varddhaṃte tāni vai yataḥ |
tasmādannādhikaṃ kiṃcinnāsya dānaṃ mahāphalam || 41 ||
[Analyze grammar]

aśvatthacalapatrāgra līnatoyadravāstike |
jīvitena hi yo dadyāttasya janma nirarthakam || 42 ||
[Analyze grammar]

paralokasahāyo hi dharmo bhāryā na bāṃdhavāḥ |
bhāryyā vā pitarau putrā yāvadāyurna bāṃdhavāḥ || 43 ||
[Analyze grammar]

saṃpadvayaḥ suhṛdiha ihāmutra hi taṃ sthitam |
dharmaṃ dharmabhṛtāṃ śreṣṭhaṃ bhuṃkte cānye kimāvayoḥ || 44 ||
[Analyze grammar]

iti bhāryyāvacaḥ śrutvā ākathaḥ karuṇānidhiḥ |
aviśaṃkitamevāsmai dattavānannamūrjjitam |
ayaṃ sa śaṃkaro devo nānākaraṇamāgataḥ || 45 ||
[Analyze grammar]

iti niścitya manasā tasyāṃgaṃ pāpanāśanam || 46 ||
[Analyze grammar]

ājānupādaṃ prakṣālya parā jaṃghamataḥ param |
gulphaṃ ca tadadhastasya prakṣālyācāmaya ddvijam || 47 ||
[Analyze grammar]

athākatho'pi patsaṃdhiṃ gṛhāṃgaṇamupānayat |
unmucya pādasaṃdhiṃ sa niṣasādārpitāsane || 48 ||
[Analyze grammar]

samabhyarcyākathaḥ samyagbhojayāmāsa taṃ munim |
etasminnaṃtare kaścidunmatto gṛhamāgataḥ || 49 ||
[Analyze grammar]

pādasaṃdhimathādāya gṛhabāhyamupānayat |
athādahacca tadgehaṃ daṃpatī cāpyatāḍayat || 50 ||
[Analyze grammar]

ākathastāḍito vipro dahyamānaṃ gṛhaṃ tadā |
viveśa devamīśānamādātuṃ tūrṇameva vā || 51 ||
[Analyze grammar]

athādāya maheśānaṃ dagdhapūjaṃ dvijottamaḥ |
nirgatya ca tato dṛṣṭvā mukhasaṃtāpameva ca || 52 ||
[Analyze grammar]

dagdhapūjāṃ tiraskṛtya vīkṣya dagdhāṃgamapyuta |
bhāryāmuvāca dharmātmā yathāpūjā maheśituḥ || 53 ||
[Analyze grammar]

tathā mama samastāṃgaṃ karttavyamaviśaṃkitam |
vyaṃga uvāca |
paścādapi kṛtā pūjā saphalā te bhaviṣyati || 54 ||
[Analyze grammar]

yathānyadravyadahane tādṛśaṃ dīyate janaiḥ |
pūjāyā dahane tadvatpūjāsya kriyatāmiti || 55 ||
[Analyze grammar]

ākatha uvāca |
cauryeṇāpyarjitairdravyaiḥ pūjayā na hitaṃ bhavet |
na cānyāyārjjitairvipra śaṃbhoḥ pūjā śubhapradā || 56 ||
[Analyze grammar]

ityuktvā cākathastūrṇaṃ svāṃgaṃ dagdhumupākramat |
dagdhaṃ liṃgaṃ tadonmatto gṛhītvāṃtardadhe kṣaṇāt || 57 ||
[Analyze grammar]

atha vyaṃgo haro bhūtvā vārayāmāsa cākatham |
kimarthaṃ khidyate vipra varado'haṃ varaṃ vṛṇu || 58 ||
[Analyze grammar]

ākatho'pi vibhoḥ pāde bhaktiṃ vavre suniścalām |
sūta uvāca |
etāṃ śrutvā kathāṃ rāmaḥ prahṛṣṭo munibhirvṛtaḥ || 59 ||
[Analyze grammar]

bhāradvājaṃ namaskṛtya prayāṇājñāmayācata || 60 ||
[Analyze grammar]

atho bharadvājamuniḥ prasannaḥ śaṃbhuṃ vasiṣṭhaṃ munipuṃgavaṃ ca |
nārāyaṇaṃ carṣigaṇāṃśca natvā vyasarjayatte'pi yayuḥ praṇamya || 61 ||
[Analyze grammar]

naimiṣīyā ūcuḥ |
gatvāyodhyāṃ mahātejāḥ samastamunisaṃyutaḥ |
kiṃ cakāra tato rāmaḥ sa ca śaṃbhurmahāyaśāḥ || 62 ||
[Analyze grammar]

sūta uvāca |
kausalyā māsikaśrāddhamapare'hani rāghavaḥ |
cikīrṣurdvijapravarānṛṣikalpānnyamaṃtrayat || 63 ||
[Analyze grammar]

śaṃbhuṃ samastattvajñaṃ nāradaṃ romaśaṃ bhṛgum |
viśvāmitramatho rāma ekabhaktavratī tataḥ || 64 ||
[Analyze grammar]

bhūmau sukhāstṛtāyāṃ ca suṣvāpā vyākuleṃdriyaḥ |
paredyuratha saṃprāpte prātaḥsnātvā vidhānavit || 65 ||
[Analyze grammar]

annaṃ śākādikaṃ śuddhaṃ janairevānvakārayat |
nānānnāni vicitrāṇi coṣyādyāni tathaiva ca || 66 ||
[Analyze grammar]

vaṭakādīṃstathā bhakṣyānaṣṭatriṃśadakalpayat |
pāyasaṃ ṣaḍvidhaṃ caiva pakvaśākaśatadvayam || 67 ||
[Analyze grammar]

apakvamiśrakāṇāṃ ca śatatrayamakalpayat |
kālaśākādikaṃ śākaṃ phalāni vividhāni ca || 68 ||
[Analyze grammar]

mūlāni caikakaṃdāni valkalāni ca rāghavaḥ |
kārayitvā nadīṃ gatvā sahabhrātṛpurohitaḥ || 69 ||
[Analyze grammar]

sarayūsalile snātvā hutvāgniṃ svāgatāndvijān |
uktvā tu svāgataṃ tāṃstu kṛtadevārcano nṛpaḥ || 70 ||
[Analyze grammar]

prāṇānāyamya saṃkalpya kṣaṇaṃ caiva pradattavān |
romaśaṃ nāradaṃ rāmo vaiśvadeve nyamaṃtrayat || 71 ||
[Analyze grammar]

śaṃbhuṃ bhṛguṃ kauśikaṃ ca mātṛsthāne nyamaṃtrayat |
gomayena tataḥ kṛtvā maṃḍalaṃ pūjya cārhataḥ || 72 ||
[Analyze grammar]

pādaprakṣālanaṃ cakre sītādattodakena ca |
ācāmayitvā tānviprāngṛhaṃ gaṃtumathodyataḥ || 73 ||
[Analyze grammar]

abhyāgataḥ samāyātaḥ sthaviro vikṛtākṛtiḥ |
kṛśaḥ saṃpracaladgātro vepitāṃghriśirāstathā || 74 ||
[Analyze grammar]

laṃbamānatvagutkarṣacchvāsakāsādipīḍitaḥ |
dūṣikāklinnagaṃḍaśca lālāsaṃpṛktakūrcakaḥ || 75 ||
[Analyze grammar]

uvāca rāmaṃ rājānamahameko dvijaḥ sthitaḥ |
mamāpi bhojanaṃ deyaṃ sthavirasya kṛśasya ca || 76 ||
[Analyze grammar]

rāmo'pi tadvacaḥ śrutvā lakṣmaṇaṃ vākyamabravīt |
pādau prakṣālayāsya tvamahamabhyarcaye dvijam || 77 ||
[Analyze grammar]

abhyāgato'pi vacanamāha rāmamathākulam |
tvayā prakṣālite pāde mama bhojanamiṣyate || 78 ||
[Analyze grammar]

matto'dhikā dvijāḥ kiṃ te yena māmavamanyase |
śrāddhadharmaṃ na jānīṣe maharṣigaṇasevitam || 79 ||
[Analyze grammar]

mamāvamānataḥ sarvaviprāṇāmavamānanam |
śrāddhaṃ vihanyate cāpi narakaṃ ca gamiṣyasi || 80 ||
[Analyze grammar]

atha rāmaḥ svayaṃ viprapādau prākṣālayattadā |
ācāmayitvā taṃ vipraṃ gṛhaṃ prāveśayattataḥ || 81 ||
[Analyze grammar]

ācāntaśca svayaṃ rāmo viṣṭaraṃ dattavānatha |
āsīneṣu ca vipreṣu prāṇavāyuṃ nirudhya ca || 82 ||
[Analyze grammar]

svakarmakaraṇānujñāṃ labdhvā'tha satilaṃ jalam |
apahateti mantreṇa dvāradeśe vicikṣipet || 83 ||
[Analyze grammar]

udīratāmiti tathā pitṛpātrasthale kṣipet |
gāyatryā cākṣatajalaṃ devapātrasthale kṣipet |
pākajātaṃ tathā'bhyukṣyama ntrametadudīrayet || 84 ||
[Analyze grammar]

śrāddhabhūmiṃ gayāṃ dhyātvā dhyātvā devaṃ janārdanam |
vasvādīṃśca pitṝndhyātvā tataḥ śrāddhaṃ pravartayet || 85 ||
[Analyze grammar]

viśvedevārcanaṃ kuryādyavairvā taṇḍulairatha |
mūlāgrayojitau darbhau gṛhītvā sākṣatāvatha || 86 ||
[Analyze grammar]

bhūspṛṣṭadakṣajānustu dvijahaste jalārpaṇam |
purūravārdravāṇāṃ vai devānāmidamāsanam || 87 ||
[Analyze grammar]

iti dattvā'sanaṃ teṣāṃ śrāddhadaḥ prārthayetkṣaṇam || 88 ||
[Analyze grammar]

arghaṃ kṛtvā tataḥ paścāduttarāgrakuśeṣvatha |
nyubjaṃ pātraṃ tataḥ kṛtvā kuśagranthimathopari || 89 ||
[Analyze grammar]

uttānaṃ tu tataḥ kṛtvā jalairabhyukṣyaraukmakaiḥ |
pavitrāntarhite pātre śaṃ no devyā jalaṃ kṣipet || 90 ||
[Analyze grammar]

vaiśvadevyā'khilaṃ karma yāvattadvidhicoditam |
yavo'si dhānyarājo vā iti pātre kṣipedyavān || 91 ||
[Analyze grammar]

madhumiśrāṃstu karakāngandhapuṣpaistato dadet |
dvija te'stvargha ityuktvā tvastvarghottaratastataḥ || 92 ||
[Analyze grammar]

āvāhayiṣye tāndevāniti pṛṣṭvā taduttaram |
viśvedevāsa ityuktvā vipramūrdhni kuśānkṣipet || 93 ||
[Analyze grammar]

viśvedevāḥ śṛṇutemamāgacchantviti saṃjapet |
samāgato niṣaṇṇo'tha sadarbhaṃ pātramāharet || 94 ||
[Analyze grammar]

dakṣiṇe caraṇe kṣiptvā mukhyapātrodakaṃ tataḥ |
viprasya dakṣiṇe haste prāgagre'tha pavitrake || 95 ||
[Analyze grammar]

yā divyā iti maṃtreṇa nikṣipetpātravāritat |
idaṃ bho arghamityuktvā hyastvarghottaratastataḥ || 96 ||
[Analyze grammar]

pātre dhṛtvā'rghatoyaṃ ca tatpātraṃ sthāpayetkvacit |
atha dattvā kare toyaṃ yavairetānathārcayet || 97 ||
[Analyze grammar]

arcata prārcata iti pṛṣṭvā cottaratastataḥ |
pādādimūrdhaparyantamabhyarcya jaladastataḥ || 98 ||
[Analyze grammar]

gandhadvāreti mantreṇa tathetyuktvottarastataḥ |
pitṝṇāmarcanaṃ kuryādevamevāpasavyakam || 99 ||
[Analyze grammar]

upavītaṃ dvijaṃ kṛtvā kuśānbhagnāṃstilānvitān |
vāmajānuṃ bhūmigataṃ kṛtvā dadyāttadāsanam || 100 ||
[Analyze grammar]

dakṣiṇābhimukho bhūtvā kṣaṇapraśnamatho vadet |
dakṣiṇāgreṣu darbheṣu nyubjaṃ pātratrayaṃ nyaset || 101 ||
[Analyze grammar]

trikuśagranthisaṃyuktamuttānamatha kalpayet |
tataḥ saṃprokṣya pātreṣu sapavitratileṣu ca || 102 ||
[Analyze grammar]

śaṃ no devyā jalaṃ kṣiptvā tilo'sīti tilānkṣipet |
gandhapuṣpamatho dattvā svadhārgha iti pṛcchati || 103 ||
[Analyze grammar]

dattottaro'stvargha iti pitṝnāvāhayettataḥ |
tilapuṣpakuśaistiṣṭhankalpitārghaṃ kare dadhat || 104 ||
[Analyze grammar]

uśantastveti mantreṇa trirarghodakamarpayet |
arcanaṃ tu tadā teṣāmapasavyaṃ tu pūvarvat || 105 ||
[Analyze grammar]

prakṣālya bhājanaṃ svarṇaṃ devānāṃ parikalpayet |
pitṝṇāṃ rājataṃ kuryādyathāsaṃbhavameva vā || 106 ||
[Analyze grammar]

tadabhāve tu kāṃsyaṃ syādananyāśitamuttamam |
pātrāṇi tadabhāve syuḥ pālāśāni na madhyamam || 107 ||
[Analyze grammar]

rambhāṇi cūtapatrāṇi jambūpuṃnāgakāni ca |
parākānyatha cāmpāni madhūkakuṭajānyapi || 108 ||
[Analyze grammar]

mātuluṅgasya patrāṇi śrāddhe deyāni vai nṛbhiḥ |
darvyāmannamathā'dāya karābhyāmājyameva ca || 109 ||
[Analyze grammar]

praveṣaṇaṃ tataḥ pṛcchetprācīnāvītavāndvijam |
kariṣye'gnaukaraṇamiti kuruṣveti taduttaram || 110 ||
[Analyze grammar]

pariviṣyopavītī syādabhighārya samāharet |
hunetsomāya pitṛmate svadhā nama itīrayan || 111 ||
[Analyze grammar]

yamāyāṅgirase pitṛmate svadhā nama iti |
dvitīyāmāhutiṃ hutvā cābhighāryākṣataṃ tataḥ || 112 ||
[Analyze grammar]

agnaye kavyavāhanāya svadhā namastataḥ param |
hutvā'pasavyaṃ kṛtvā tu pariviṣya dvijānvrajet || 113 ||
[Analyze grammar]

mekṣaṇena tato'bhīkṣṇaṃ pātayetpitṛpātrake |
piṇḍapātramataḥ śeṣaṃ darvīprakṣālanaṃ tataḥ || 114 ||
[Analyze grammar]

mekṣaṇasyāgninikṣepaṃ tataḥ pātrāṇyupastaret |
pātradakṣiṇabhāge tu dadyādannamanantaram || 115 ||
[Analyze grammar]

bhakṣyāṇi bhojyaśākāni sarvāṇyeva sa dattavān |
athātithirmahāvṛddho vīkṣamāṇastatastataḥ || 116 ||
[Analyze grammar]

uvāca rāghavaṃ śāntaṃ śīghrameva namaskuru |
bubhukṣā vartate'smākaṃ bhokṣye'haṃ vā tavā'jñayā || 117 ||
[Analyze grammar]

rāmo babhāṣe vacanaṃ vilambaya kṣaṇaṃ mune |
devatāḥ pitaro maṅkṣu namasyante'dhunā mayā || 118 ||
[Analyze grammar]

ityuktvā rāghavaḥ prādādannaṃ pātragataṃ tadā |
prāksaumyāgrānkuśāndaive pratīcīdakṣiṇāgrakān || 119 ||
[Analyze grammar]

pitrye pavitre ye darbhā yavānatha tilānapi |
annapradānaṃ kurvanti pṛthivī iti mantrataḥ || 120 ||
[Analyze grammar]

idaṃ viṣṇuriti spṛṣṭamaṅguṣṭhena dvijasya tu |
devebhyaḥ prathamaṃ dadyādye devā iti vai paṭhan || 121 ||
[Analyze grammar]

pitṝṇāṃ ca tato dadyāddadyādatithaye tataḥ |
devatābhya iti mukhānuccāryā'pośanaṃ dadet || 122 ||
[Analyze grammar]

trirjapitvā tu gāyatrīmupavītī puromukhaḥ |
prācīnāvītavānbrūyānmadhutrayamataḥ param || 123 ||
[Analyze grammar]

bhuñjadhvamiti tānuktvā bhuñjāneṣu dvijātiṣu |
rakṣoghnamantrapaṭhanaṃ bhakṣyabhojyādi dāpayan || 124 ||
[Analyze grammar]

etasminnantare vipro yo'tithistadidaṃ tathā |
kṛtavānmahadāścaryaṃ tadvadāmi samāsataḥ || 125 ||
[Analyze grammar]

pātrasthitamaśeṣaṃ ca grāsenaikena cāgrasat |
prāṇāhutīnāṃ paryāptaṃ dīyatāmiti cābravīt || 126 ||
[Analyze grammar]

etāvaddātumaśaktaḥ kathaṃ śrāddhakriyodyataḥ |
mamaikasya pradāne tvamaśakto rāma kiṃ vṛthā || 127 ||
[Analyze grammar]

bahūnāṃ bhojanaṃ dātumudyukto rāma kiṃ vṛthā |
sahasā kṛtakarmāṇi na samāptiṃ prayānti ca || 128 ||
[Analyze grammar]

tvayā kṛtamaśeṣāṇāṃ nālaṃ prāṇāhutirmama |
kathaṃ me dīyate bhuktiḥ kathameṣāṃ tathā vada || 129 ||
[Analyze grammar]

rāmastamabravīdvīro bhuṃkṣva tvaṃ hi yathāsukham |
ityudīrya nirīkṣyāsya karma tatparamādbhutam || 130 ||
[Analyze grammar]

atha śaṃbhuṃ samāhūya prāha tvaṃ pariveṣaya |
tvaṃ pitā pārvatī mātā śivā devīti me matiḥ || 131 ||
[Analyze grammar]

annapūrṇeśvarī devī bhavānyeveti me matiḥ |
sā śāṃbhavī vacaḥ prāha tatparyāptaṃ dadāmyaham || 132 ||
[Analyze grammar]

athomā kāṃsyamādāya bhissāpūrṇamalaṃkṛtam |
svarṇadarvyā samādāya pāyasaṃ gandhakāntimat || 133 ||
[Analyze grammar]

asyākṣayamidaṃ bhūyāditi prādāttu pāyasam |
dvijasya dakṣiṇe haste sā'dadātsatkṛtaṃ mudā || 134 ||
[Analyze grammar]

saśiraḥ kampamānastu ūrdhvadṛṣṭirathābhavat |
prasāritakaraścā'sīdgṛhītvā pāyasaṃ kare || 135 ||
[Analyze grammar]

dīyatāṃ pāyasaṃ svādu suṣṭhu pakvamidaṃ tu kim |
śaṃbhupatnī babhāṣe taṃ kare bhuṃkṣva tato dade || 136 ||
[Analyze grammar]

abhakṣayattato vipraḥ punaḥ karatale sthitam |
tadakṣayamatha jñātvā prāsārayadathetaram || 137 ||
[Analyze grammar]

tasminkaratale devī pāyasaṃ dattavatyuta |
anyeṣāmapi viprāṇāṃ pakvākṣayyamadātsatī || 138 ||
[Analyze grammar]

atha pāṇidvayagataṃ vijñāyākṣayyapāyasam |
dṛṣṭvā karāntaramatho prāsārayata sa dvijaḥ || 139 ||
[Analyze grammar]

uvācānnaṃ pradātavyaṃ sasūpaghṛtamuttamam |
śivādevī tathā prādādakṣayyaṃ śaṃbhuvallabhā || 140 ||
[Analyze grammar]

yadyatprādāttadā sādhvī sarvameva tadakṣayam |
karāntaramathosṛṣṭaṃ paripūrṇaṃ punaḥpunaḥ || 141 ||
[Analyze grammar]

evaṃ karasahasraṃ tu kṛtvā sa virarāma ha |
uvāca vacanaṃ vipro dehi gaṇḍūṣavāri me |
tarpito'smi tvayā bhadre na rāmeṇa na sītayā || 142 ||
[Analyze grammar]

śaṃbhuruvāca |
rāmeṇa sītayā dattaṃ mayā dattaṃ hi yatra ca |
itaḥ paraṃ hi kiṃ deyaṃ pūrṇaṃ vā tvaṃ vadasva me || 143 ||
[Analyze grammar]

dvija uvāca |
tṛpto'smi na ca me deyamadhikaṃ ca karasthitam |
vidvannataḥ karagataṃ na papāta kathaṃcana || 144 ||
[Analyze grammar]

niṣaṇṇo hi ciraṃ dadhyau kathaṃ me kevalaḥ karaḥ |
bhuktyai kṛtamidaṃ sarvaṃ nānyasmai karmaṇe mama || 145 ||
[Analyze grammar]

tasmādanyakṛteretatsarvaṃ riktaṃ bhaviṣyati |
iti niścitya manasā liptāṅgo'tithirābhavat || 146 ||
[Analyze grammar]

paśyatsu sarvadeveṣu tadadbhutamivābhavat |
tṛptānatha dvijāñjñātvā rāghavaḥ paramārthavit || 147 ||
[Analyze grammar]

darvīkaro'tha tṛptāḥ stha iti pṛṣṭvā yathāvidhi |
tṛptāḥ sma iti viprendrā vikīryānnaṃ samantrakam || 148 ||
[Analyze grammar]

pātrasya yāmyābhimukhaḥ saṃnidhau piṇḍamarpayet |
gaṇḍūṣamapi viprāṇāṃ tatraiva parikalpayet || 149 ||
[Analyze grammar]

ucchiṣṭaparṇapātreṣu te gaṇḍūṣamakurvata |
gṛhāntare ca te viprā viviśustvatithiṃ vinā || 150 ||
[Analyze grammar]

āhātithirbahiḥ kāryaṃ mayā'camanaṃ viṭpate |
utthātuṃ naiva śaknomi karaṃ me dehi rāghava || 151 ||
[Analyze grammar]

atha rāmaḥ karaṃ prādānnotthitastu dvijottamaḥ |
hanūmānatha cāpyasya dattavānbalavatkaram || 152 ||
[Analyze grammar]

itareṇa gṛhītvā tu kareṇa dvijapuṃgavam |
ācakarṣa kapīndrastu dvijaḥ sākrośamuktavān || 153 ||
[Analyze grammar]

dvija uvāca |
chidyate me karo vyaktamutthāpaya tato'nyataḥ |
lāṃgūlena sapīṭhaṃ tamāvṛtyā'mastakaṃ balāt || 154 ||
[Analyze grammar]

athādhāvattataḥ pṛthvīṃ dvijastu na cacāla ha |
atha vānaravīrastu padbhyāṃ ca kṛntatāṃ mahīm || 155 ||
[Analyze grammar]

pādau vinyasya sudṛḍhau dvijamūrdhānamākṣipat |
viśīrṇamabhavadveśma dvijāḥ sarve bahistathā || 156 ||
[Analyze grammar]

saha vṛddhadvijaḥ so'tha hanūmānbahirabhyagāt |
pīṭhe ca sthāpayāmāsa brāhmaṇaṃ sthaviraṃ kṛśam || 157 ||
[Analyze grammar]

dvijāya jalamādāya jāmbavānmṛṇmaye ghaṭe |
āha svacchaṃ jalaṃ vipra tvayā'deyaṃ sabhājanam || 158 ||
[Analyze grammar]

sītā prakṣālayedaṅgaṃ lakṣmaṇo jalado bhavet |
jāmbavānāha taṃ rāmaṃ brāhmaṇoktamaśeṣataḥ || 159 ||
[Analyze grammar]

dvijaprakṣālane rāmo vyādideśānujaṃ priyām |
saumitrirjalamādāya dvijāṅgakṣālane tathā || 160 ||
[Analyze grammar]

prākṣālayadaśeṣāṅgaṃ pratimāmiva bhūbhujaḥ |
atha rāmopadeśena cakratustau tathaiva ca || 161 ||
[Analyze grammar]

athātithiḥ svagaṇḍūṣaṃ sītāvaktre vyamuñcata |
sālaṃkārā'mbubhirvyāptā prākṣālayadatho satī || 162 ||
[Analyze grammar]

śleṣmalālāsupracuraṃ mukhaṃ viprasya sā satī |
pramamārja punaḥ kṣālya nāsā śleṣmāṇamatyajat || 163 ||
[Analyze grammar]

ācāmayitvā saumitriruttiṣṭhetyabravīddvijam |
dvijo na śakyamityāha hanūmānapyathā'gataḥ || 164 ||
[Analyze grammar]

atithiḥ prāha taṃ vipraḥ pīḍito'haṃ hanūmatā |
gṛhītvoddharatā pūrvaṃ pātito vānareṇa ca || 165 ||
[Analyze grammar]

jāṃbavānatha taṃ prāha lomāṃgaṃ mama vai mṛdu |
mayātha dhriyase vipra na ca pīḍā bhaviṣyati || 166 ||
[Analyze grammar]

ityuktvā jāṃbavānvipraṃ dorbhyāmālaṃbya coddharat |
dvijaprāṃtamathādāya sthāpayāmāsa taṃ munim || 167 ||
[Analyze grammar]

atha rāmo dvijeṃdrāṇāṃ pradakṣiṇamavartata |
dattāśīrapi vipeṃdrairdatvā tāṃbūlamagrataḥ || 168 ||
[Analyze grammar]

pādāvalaṃbakṛdrāmo bhrātṛbhiḥ saha cābravīt |
ayi sīte'titherasya tvayā na kṣālitaṃ vapuḥ || 169 ||
[Analyze grammar]

jaṃghāyuge'titherasya malaṃ cāsyaṃ malānvitam |
samyakprakṣālaya mukhaṃ dvijo na sahate malam || 170 ||
[Analyze grammar]

sītovāca |
atha prakṣālitaṃ samyagidānīṃ nirgataṃ punaḥ |
rāma uvāca |
punaḥ prakṣālaya malaṃ doṣaḥ syādanyathā mama || 171 ||
[Analyze grammar]

atha sītā tathā kṛtvā tūṣṇīmeva babhūva ha |
āha rāmaṃ ca sītāṃ ca dvijaḥ paramakopavān || 172 ||
[Analyze grammar]

pādau yau mama rājeṃdra tau sītā laṃbayediti |
bhavānkarau ca bharato mama vījaṃ prayacchatu || 173 ||
[Analyze grammar]

lakṣmaṇaḥ keśanicaya prasādhanakaro bhavet |
śatrughnaḥ śleṣmanirmuktiṃ svavastreṇa karotu me || 174 ||
[Analyze grammar]

sūta uvāca |
atha te cakruratitheraśeṣamuditaṃ tathā |
tathāpurvismayaṃ viprā naravānararākṣasāḥ || 175 ||
[Analyze grammar]

śivā devī ca śaṃbhuśca sabhrūbhaṃgamudaikṣatām |
manasā cāpyabhāṣetāmatithiḥśaṃbhureva ca || 176 ||
[Analyze grammar]

atithiśca prasanno'bhū cchaṃkhacakragadādharaḥ |
pītāṃbaraḥ samastāṃgabhūṣito'tīva dīptimān || 177 ||
[Analyze grammar]

yaḥ purārādhitaḥ śaṃbhuḥ prasanno'bhūttrilocanaḥ |
śuddhasphaṭikasaṃkāśaḥ sarvābharaṇabhūṣitaḥ || 178 ||
[Analyze grammar]

koṭisūryyapratīkāśaḥ kirīṭīkaruṇānidhiḥ |
ālaṃbya cakriṇaḥ pāṇimātiṣṭhata sadāśivaḥ || 179 ||
[Analyze grammar]

rāmaḥ paramadharmmātmā pulakāṃcitavigrahaḥ |
daṃḍavannipapātorvyāmānaṃdaplāvite kṣaṇaḥ || 180 ||
[Analyze grammar]

anamanbhrātarastasya daṃḍavadbhūtale sthitāḥ |
śiva utthāpya kākutsthamāliṃgyāghrāya mastakam || 181 ||
[Analyze grammar]

uvāca madhuraṃ vākyaṃ rāmaṃ rājīvalocanam |
śiva uvāca |
varaṃ vṛṇu prasanno'smi brahmāderapi durlabham || 182 ||
[Analyze grammar]

tavādeyaṃ na me kiṃcidvṛṇu tvaṃ na cirāya vai |
śrīrāma uvāca |
na yācyaṃ me jagannātha bhūrājyaṃ mama sāṃpratam || 183 ||
[Analyze grammar]

svargaśca karmmabhiḥ prāpto bhaktistvatpādadarśanāt |
ārogyaṃ paśya bhuṃje'haṃ sā sītā yoṣitāṃ varā || 184 ||
[Analyze grammar]

vaśīkṛtāḥ sarvanṛpāḥ prajādharmasamanvitāḥ |
harṣa eva mamāpannastvadāgamanato'cyuta || 185 ||
[Analyze grammar]

tathāpi varaye kiṃcidbhaktirastu sthirā tvayi |
tathā mama gṛhe deva trivarṣaṃ tiṣṭha he prabho || 186 ||
[Analyze grammar]

bruvansamastadharmāṃśca rūpeṇānena śaṃkara |
śiva uvāca |
evamastu tathā rāma sarvaṃ te saṃbhaviṣyati || 187 ||
[Analyze grammar]

athāha cakrī rājānaṃ rāmaṃ rājīvalocanam |
varaṃ vṛṇu mahābhāga prasanno'haṃ yamicchasi || 188 ||
[Analyze grammar]

śrīrāma āha vacanaṃ mama prārthyaṃ na cāsti hi |
yatprāpyaṃ śaṃbhutaḥ prāptamanyatsarvamudīritam || 189 ||
[Analyze grammar]

kiṃ caikaṃ varaye viṣṇo prasannaḥ sarvadā bhava |
athasī tāṃ hariḥ prāha prasanno'haṃ tavādhunā || 190 ||
[Analyze grammar]

varaṃ vṛṇu prayacchāmi tataḥ sītābravīdidam |
varo vṛtaḥ purā bhartrā na cānyo me varovaraḥ || 191 ||
[Analyze grammar]

yadi kāmaṃ prayacchethā manaśca parapūruṣāt |
saṃnivṛttaṃ ca bhavatānnamaste'stu dvija prabho || 192 ||
[Analyze grammar]

atha te munayaḥ sarve praṇemurdevatottamau |
athāsau rāghavaṃ prāha bhuṃkṣva tvaṃ baṃdhubhiḥ saha || 193 ||
[Analyze grammar]

ekāṃtamaṃdire ramye devyāsahavasāmite |
viṣṇuḥ samastakaraṇaḥ samudra tanayānvitaḥ || 194 ||
[Analyze grammar]

ekasminmaṃdire rāma tiṣṭhatāṃ lolupo hi saḥ |
atha śuddhamahāgāre pīṭhāḍhye bahubhājane || 195 ||
[Analyze grammar]

agre vasiṣṭho bhagavānupaviṣṭastayormuniḥ |
apare ṛṣayaḥ sarve yathāvṛddhaṃ nṛpāstathā || 196 ||
[Analyze grammar]

teṣāmabhimukho rāmo bhrātṛbhiḥ sahito nṛpaḥ |
taruṇe samabhāge ca āsane tānaveśayat || 197 ||
[Analyze grammar]

hanūmatpramukhānbhṛtyānāharāmo'nusāṃtvayan |
bhavaṃtaḥ paritiṣṭhaṃtu paścādbhuṃje na cānyathā || 198 ||
[Analyze grammar]

tataste pradaduḥ sarve pādārghānanupūrvaśaḥ |
bubhujuścāpi te sarve ye rāmasyopasevinaḥ || 199 ||
[Analyze grammar]

teṣāṃ datvātha tāṃbūlaṃ kapīṃdrādīnabhojayat |
bhuktavatsu samasteṣu rāmo rājīvalocanaḥ || 200 ||
[Analyze grammar]

dīnāṃdhakṛpaṇādīnāṃ paśupakṣimṛgasya ca |
datvāhi bhojanaṃ saṃdhyāṃ vaṃdituṃ hi samārabhat || 201 ||
[Analyze grammar]

saṃdhyājapādikaṃ kṛtvā natvā teṣāṃ nṛpastataḥ |
siṃhāsanagato rāmaḥ paurajānapadādibhiḥ || 202 ||
[Analyze grammar]

sevyamānaḥ sabhāsthānagato reje sa rāghavaḥ |
sarvadevaparīvāro yathā devaḥ śacīpatiḥ || 203 ||
[Analyze grammar]

rājakāryamaśeṣaṃ ca kṛtavānbhrātṛbhiḥ saha |
nāmnā caikaikaśaḥ sarvānvisasarja sa rāghavaḥ || 204 ||
[Analyze grammar]

bhrātṝnvisarjayāmāsa vānarādīṃstathāparān |
atha rāmaṃ mahātejā vasiṣṭho vākyamuktavān || 205 ||
[Analyze grammar]

tava prātarhi yatkāryaṃ na ca vismara rāghava |
āste śaṃbhurjagannātho bhagavānaṃbikāpatiḥ || 206 ||
[Analyze grammar]

smartavyo vandanīyaśca bhagavānatha yatnataḥ |
tathetyuktvā guruṃ rājā natvā taṃ ca vyasarjayat || 207 ||
[Analyze grammar]

svayaṃ ca bhāryāmabhajaddevadevaṃ viciṃtayan |
ṛṣaya ūcuḥ |
prātaḥ samutthāya guro rāmo matimatāṃ varaḥ |
kiṃ cakāra tadākhyāhi śrotuṃ kautūhalaṃ hi naḥ || 208 ||
[Analyze grammar]

sūta uvāca |
śaṃbhuṃ vilokyātha tato babhāṣe rāmaḥ kathāṃ kīrttaya śaṃkarasya |
tṛptirna jātā munivarya śṛṇvato maheśamāhātmyamaghaughanāśanam || 209 ||
[Analyze grammar]

śaṃbhuruvāca |
athapraśnaśeṣasyottaramīśabhāṣitaṃ te kīrtayiṣyāmi |
anyāyopārjitadravyairīśvaraṃ ya upāsate te vyaṃgā jāyaṃte || 210 ||
[Analyze grammar]

tadyathākaścidrūpako nāma rākṣaso'nyāyārjitenadravyeṇa śaṃkaramārādhya tenaiva dravyeṇa ghaṃṭāmīśvaraprītaye kṛtavān || 211 ||
[Analyze grammar]

tasya putraḥ saṃpātiriti khyātaḥ cauryyārjitaiḥ śaṃkaraṃ pūjayāmāsa || 212 ||
[Analyze grammar]

tāvubhāvekasmindivase mamratuḥ gatau śivalokaṃ vīrabhadreṇa bhāṣitau ca || 213 ||
[Analyze grammar]

bho rūpaka anyāyārjitena dravyeṇa bhavatā pūjākṛtā ghaṃṭādikaṃ ca tena bhāvena vyaṃgo bhūtvā cauragaṇo bhaviṣyasi || 214 ||
[Analyze grammar]

śivapadavacanādvyaktaṃ nāmāśravaṇāt |
śrotraṃ tasya svanena dhvastaṃ bhavati no darśanametāvatādeva tvayeśvarapūjā samyakkṛtā || 215 ||
[Analyze grammar]

ato bhaktiśca bhaviṣyati vīrabhadrastvanaśanaṃ nāmagaṇaṃ kvacidvicaraṃtamityādideśa || 216 ||
[Analyze grammar]

tau ca tathābhūtau śivaloke'tiṣṭhatām || 217 ||
[Analyze grammar]

śaṃbhuruvāca |
athopahatadravyapūjākathāṃ hanūmate maheśabhāṣitāṃ kathayiṣyāmi || 218 ||
[Analyze grammar]

śṛṇu rāghava pramathānāṃ caritramekaikasya karmavipākaṃ kathayiṣyāmi || 219 ||
[Analyze grammar]

upahatāṃgagaṇavyākhyākriyatāmiti hanūmatpṛṣṭaḥ |
śiva uvāca || 220 ||
[Analyze grammar]

tadupahatadravyaṃ jñānato ya īśvare'payiṣyati etaduktaṃ jñānino'ta śṛṇuḥ || 221 ||
[Analyze grammar]

eṣa sarvāṃgasvedilaḥ sarvakālaṃ sarvāṃgasvedilaḥ svedārdra vasanaḥ svedasaṃpāditālpapravāhaśarīro nāsāgranipatitasvedabiṃduḥ sparśāyogyo dṛśyate || 222 ||
[Analyze grammar]

sa purā svedakaraṇeśvarārcanaṃ kṛtavān |
atretihāsaṃ kīrtayiṣyāmi || 223 ||
[Analyze grammar]

cekitāniriti khyāto brāhmaṇaḥ karṣakobhavat |
sa nityaṃ kṛṣimutpādya prātaḥ snātvā ca nityaśaḥ || 224 ||
[Analyze grammar]

madhyāhnakāle saṃprāpte saṃjapanbrāhmaṇastvasau |
annamānaya me kṣipramiti bhāryāmabhāṣata || 225 ||
[Analyze grammar]

tayānītena cānnena vegena śivapūjanam |
kṛtavānarkasaṃtaptaḥ svedilaḥ sarvadaiva tu || 226 ||
[Analyze grammar]

gaṃdhapuṣpākṣatādyaiśca svedabiṃdusamanvitaiḥ |
atha sāyaṃdine prāpte kṣālitāṃgaḥ suśobhanaḥ || 227 ||
[Analyze grammar]

pūjayāmāsa deveśaṃ kālasaṃbhavasādhanaiḥ |
mamārātha mahābuddhiḥ śivalokaṃ gataśca saḥ || 228 ||
[Analyze grammar]

vīrabhadreṇa cāpyukto bhava tvaṃ svedilo gaṇaḥ |
svedaspṛṣṭapadārthaiśca purā śaṃbhuḥ prapūjitaḥ || 229 ||
[Analyze grammar]

nityaṃ svedasamāyuktastena svedagaṇo bhava |
śaṃbhuruvāca |
vīreṇātha samādiṣṭaḥ prāpto rāmagaṇastvayam || 230 ||
[Analyze grammar]

amuṃ ghaṃṭāmukhaṃ paśyāyaṃ purā vaiśyo vibhāvasonāma dhārmiko mahādānakarttā nityaṃ brāhmaṇabhojanaṃ kārayitvā kṛtānuṣṭhānaḥ prātaḥkāle śivaṃ namaskṛtya kusumaiḥ saṃpūjya kiṃcitpradeśaṃ gomayenopalipya padmādikamarjayitvā devāya samarpya upahata ghaṃṭānādaṃ kṛtavān || 231 ||
[Analyze grammar]

rāma uvāca |
kathamupahataghaṃṭā || 232 ||
[Analyze grammar]

śaṃbhuruvāca |
āsītpurā balaḥ kaścitsoma ityabhiviśrutaḥ |
tasya putraśca maṃdākhyo daśavarṣavayā abhūt || 233 ||
[Analyze grammar]

sa cāgnipakvakulmāṣānghaṃṭāyāṃ prākṣipannṛpa |
tānabhakṣayadapyeṣa tena copahatābhavat || 234 ||
[Analyze grammar]

gṛhītumatha taṃ vaiśyaṃ yatamāno'bravīdidam |
atha vaiśyaḥ svayaṃ tatra niścitya dravyaśodhanam || 235 ||
[Analyze grammar]

laukike kṛtavāṃlloke vyavahārapadaśca tām |
etena pāpayogena gaṇo ghaṃṭāmukho'bhavat || 236 ||
[Analyze grammar]

rāma uvāca |
dravyaśuddherviśuddhā sā kathaṃ pāpasya kāraṇam |
samyaguktaṃ dravyaśuddhyai kathaṃ na dravyaśodhinī || 237 ||
[Analyze grammar]

śaṃbhuruvāca |
na laukikavyavahṛtau tavābhakto bhaviṣyati |
sa yāti ca śivasthānaṃ vaktā cāpi tathā bhavet || 238 ||
[Analyze grammar]

sūta uvāca |
yaśca vakti kathāmetāṃ sa tena sadṛśo bhuvi |
guhyādguhyatamaṃ viprāḥ śivajñānapradaṃ bhavet || 239 ||
[Analyze grammar]

etadvaḥ kathitaṃ viprāḥ puṇyāyuṣyatamaṃ mahat |
ya idaṃ śṛṇuyādbhaktyā śivaloke mahīyate || 240 ||
[Analyze grammar]

purāṇavaktre dātavyaṃ vastraṃ gohemabhūṣaṇam |
bhūmiḥ sasyaphalopetā deyā śaktyanusārataḥ || 241 ||
[Analyze grammar]

śivarāghavasaṃvādaṃ sarvāghaughanikṛṃtanam |
yaḥ paṭhecchṛṇuyādvāpi sa yāti paramaṃ padam || 242 ||
[Analyze grammar]

iti śrīpadmapurāṇe pātālakhaṃḍe śivarāghavasaṃvāde uparibhāge rāmamokṣonāma saptadaśādhikaśatatamo'dhyāyaḥ || 117 ||
[Analyze grammar]

samāptaṃ pañcamaṃ pātālakhaṇḍam || 5 ||
[Analyze grammar]