Chapter 104

[English text for this chapter is available]

ṛṣaya ūcuḥ |
bhūyo vada mahābhāga rāmacāritramadbhutam |
rāmamāhātmyasarvasvaṃ bhaktānāṃ prītidāyakam || 1 ||
[Analyze grammar]

sūta uvāca |
aśvamedhaṃ kratuvaraṃ kṛtvā dāśarathiryathā || 2 ||
[Analyze grammar]

pravṛtto lokakṛtyeṣu śāstrakṛtyeṣu kovidaḥ |
ayodhyāṃ gaṃtukāmena śaṃkareṇa mahātmanā || 3 ||
[Analyze grammar]

pārvatyā saha devena uṣitaḥ sarayūtaṭe |
munayastaṃ samabhyetya śaṃkaraṃ viśvarūpiṇam || 4 ||
[Analyze grammar]

kaśyapādyā mahātmānaḥ papracchuramitaujasam |
svāgataṃ te muniśreṣṭha sabhāryaḥ kuta āgataḥ || 5 ||
[Analyze grammar]

kimāgamanakṛtyaṃ te kaṃ deśaṃ gaṃtumudyataḥ |
śaṃkara uvāca |
ahaṃ śaṃbhuriti khyāto vipro himagiristhitaḥ || 6 ||
[Analyze grammar]

draṣṭuṃ ca rāghavaṃ gacche mama kāryaṃ mahattataḥ |
māmāhvayati rājāsau purāṇaśravaṇe rataḥ || 7 ||
[Analyze grammar]

āgacchaṃtu bhavaṃto'pi rāghavaḥ parituṣyati |
tataste munayaḥ śaṃbhuryayū rāmadidṛkṣayā || 8 ||
[Analyze grammar]

tānāgatānvasiṣṭhastu jñātvā rāmāya coktavān |
tataḥ satvaramutthāya niryayau sa purohitaḥ || 9 ||
[Analyze grammar]

arghyapādyādikaissarvānpūjayāmāsa tānṛṣīn |
gṛharājaṃ tataḥ sarvānprāveśayadariṃdamaḥ || 10 ||
[Analyze grammar]

pratyekamāsanaṃ datvā svāgatoktyāsanasthitān |
krameṇa raghuśārdūlaḥ pūjayāmāsa tānṛṣīn || 11 ||
[Analyze grammar]

vācā madhurayā prīṇannidamāhāsanasthitān |
śrīrāma uvāca |
adya me saphalaṃ janma prāptamadya tapaḥ phalam || 12 ||
[Analyze grammar]

adyābhyāsasya vidyānāṃ phalakālo'yamāgataḥ |
adya me pitarastuṣṭā rājyaṃ ca saphalaṃ mama || 13 ||
[Analyze grammar]

adya me saphalaṃ vṛttamadya me saphalaṃ śrutam |
evaṃ vadaṃtaṃ rājānaṃ brāhmaṇāḥ kaśyapādayaḥ || 14 ||
[Analyze grammar]

ūcuḥ priyataraṃ vākyaṃ rāmaṃ rājīvalocanam |
ṛṣaya ūcuḥ |
ayaṃ śaṃbhurdvijaḥ prāptaḥ sarvaśāstraviśāradaḥ || 15 ||
[Analyze grammar]

vedavedāṃgatattvajñaḥ sarvabhūtahite rataḥ |
kailāsavāsī satataṃ tapase kṛtaniścayaḥ || 16 ||
[Analyze grammar]

brahmaṇā brahmavarcaske tulyo brahmavidāṃ varaḥ |
hariṇā brahmavātsalye prasāde śaṃkaropamaḥ || 17 ||
[Analyze grammar]

evaṃvidho mahātejāḥ śaṃbhurbrāhmaṇapuṃgavaḥ |
aṣṭādaśapurāṇajño mīmāṃsā nyāyakovidaḥ || 18 ||
[Analyze grammar]

tvadbhāgyagauravādeva prāpto'yaṃ munisattamaḥ |
tvayāhūto munivaraḥ kailāsādāgataḥ prabho || 19 ||
[Analyze grammar]

ataḥ pṛccha mahābhāga purāṇākhyānamuttamam |
śrotukāmā vayaṃ prāptāstvāmadya raghunaṃdana || 20 ||
[Analyze grammar]

aṃtaṃ gatasya vedānāṃ sarvaśāstrārthavedinaḥ |
puṃso'śrutapurāṇasya na samyagyāti darśanam || 21 ||
[Analyze grammar]

sūta uvāca |
evamukto raghuśreṣṭho munibhistattvadarśibhiḥ |
praharṣamatulaṃ lebhe purāṇaśravaṇotsukaḥ || 22 ||
[Analyze grammar]

śrīrāma uvāca |
ligārcanaprakāraṃ ca liṃgamāhātmyameva ca |
maheśanāmamāhātmyaṃ pūjāmāhātmyameva ca || 23 ||
[Analyze grammar]

namaskārasya māhātmyaṃ dṛṣṭimāhātmyameva ca |
jaladānasya māhātmyaṃ dhūpadānasya sattama || 24 ||
[Analyze grammar]

dīpagaṃdhādidānasya puṣpamāhātmyameva ca |
nānākhyānetihāsānāṃ kathāṃ pāpapraṇāśinīm || 25 ||
[Analyze grammar]

dharmārthakāmamokṣāṃśca tadupāyāṃśca suvrata |
tatsarvaṃ śrotumicchāmi tvatto munivarottama || 26 ||
[Analyze grammar]

śaṃbhuruvāca |
rāmarāma mahābāho puṇyavānasi rāghava |
rājyāsaktasya te jātā purāṇaśravaṇe ratiḥ || 27 ||
[Analyze grammar]

syānmahatsevayā rāma puṇyatīrthaniṣevaṇāt |
sā jihvā yā śivaṃ gāyettaccittaṃ yattadarppitam || 28 ||
[Analyze grammar]

tāveva kevalau ślāghyau yau tatpūjākarau karau |
sujanmadehamatyarthaṃ tadevāśeṣajanmasu || 29 ||
[Analyze grammar]

yadevotpulakobhāsi hara nāmānukīrtanāt |
kṛtārtho'si mahārāja tatpraśnānugatā matiḥ || 30 ||
[Analyze grammar]

anaṃtaraṃ samājagmurjāṃghikāḥ satvaraśramāḥ |
tatkarātpatrikāṃ gṛhya papāṭha raghusattamaḥ || 31 ||
[Analyze grammar]

manasā'ciṃtayadrāmaḥ kathametadabhūditi |
rāmaṃ śaṃbhustadā prāha devyā brāhmaṇaveṣavān || 32 ||
[Analyze grammar]

kiṃ ciṃtayasi kākutstha muniṣvagre vasatsvapi |
tadvākyaṃ rāghavaḥ śrutvā papraccha munipuṃgavān || 33 ||
[Analyze grammar]

śrīrāmauvāca |
vibhīṣaṇaḥ kathamasau baddhaḥ śṛṃkhalayā nṛbhiḥ |
matsthāpitaṃ śivaṃ ligaṃ dṛṣṭvā rāmeśvaraṃ tvaho || 34 ||
[Analyze grammar]

drāviḍaiḥ kuṭilairduṣṭairātmanā tadvicāryatām |
vicārya munivaryāste neśāstajjñātumalpataḥ || 35 ||
[Analyze grammar]

na jānīma iti prāhū rāmaṃ rāmastadābravīt |
purāṇaṃ vīkṣya vidhinā tatsarvaṃ brūta sattamāḥ || 36 ||
[Analyze grammar]

bhavadajñānahetuśca vicāryastadanaṃtaram |
kiṃ kiṃ purāṇaṃ prekṣyaṃ syādvarjanīyaṃ tathaiva kim || 37 ||
[Analyze grammar]

praśastaḥ kīdṛśaḥ ślokastadanyaḥ kīdṛśo bhavet |
kīdṛśeṣu ca kāryeṣu kīdṛśaḥ pūjakastathā || 38 ||
[Analyze grammar]

pūjā ca kīdṛśairbhaktaiḥ kāryā nirṇayadarśane |
iti rāmasya vacanaṃ śrutvā te dvijasattamāḥ || 39 ||
[Analyze grammar]

pratyūcustaṃ raghuśreṣṭhaṃ ciṃtāvyākulamānasam |
na vaktāro varaṃ rāma vīkṣatāṃ tu purāṇavit || 40 ||
[Analyze grammar]

tacchrutvā rāghavaḥ śaṃbhuṃ papraccha vinayānvitaḥ |
sopi tadvākyamākarṇya pratyuvāca mahāmatiḥ || 41 ||
[Analyze grammar]

śaṃbhuruvāca |
purāṇajīvī pūjārhaḥ svaśākhādhyayanaḥ śuciḥ |
mīmāṃsātattvavijñānaḥ śrotriyo'nṛtadūṣakaḥ || 42 ||
[Analyze grammar]

deveṣu ca samasteṣu samadṛṣṭiḥ śive rataḥ |
śatarudriyajāpī ca sāgnikaścātivācakaḥ || 43 ||
[Analyze grammar]

yajurvedī viśeṣeṇa pūjayetpustakaṃ sudhīḥ |
śrītālapatralikhitaṃ devalipyanvitaṃ śubham || 44 ||
[Analyze grammar]

baṃdhādyatiprapaṃcaṃ yadyugapatpraṇavākṣaram |
prāgūrddhvaṃrekhayoḥ prāṃte praṇavasyāgrayojikā || 45 ||
[Analyze grammar]

rekhā bhavedevamekā akārastasyapārśvataḥ |
śirobhāgamupakramya sakoṇādhaḥ pralaṃbinī || 46 ||
[Analyze grammar]

ākāraḥ sa hi vijñeyaḥ paṭṭikādakṣarekhayā |
vāme ṣaḍvakrabiṃdūdvā vikāra iti kīrtitaḥ || 47 ||
[Analyze grammar]

tasya vāmaśirorekhā laṃbinyā ī udāhṛtaḥ |
sarvākṣare śirorekhā avakrā praṇavaṃ vinā || 48 ||
[Analyze grammar]

tasyāṃ tu laṃbarekhānyā tadaṃte calavitravat |
ukāraḥ sa hi vikhyāto lavitradvayatastadū || 49 ||
[Analyze grammar]

evamanyāni sarvāṇi akṣarāṇyāha bhāratī |
lipyānayaiva likhitaṃ purāṇaṃ tu praśasyaste || 50 ||
[Analyze grammar]

brāhmaṃ pādmaṃ vaiṣṇavaṃ ca mārtaṃḍaṃ nāraderitam |
mārkaṃḍeyamathāgneyaṃ kaurmaṃ vāmanameva ca || 51 ||
[Analyze grammar]

gāruḍaṃ laiṃgamākhyātaṃ skāṃdaṃ mātsyaṃ nṛsiṃhakam |
tathaiva gaditaṃ rāma purāṇaṃ kāpilaṃ tathā || 52 ||
[Analyze grammar]

vārāhaṃ brahmavaivartaṃ śakuneṣu praśasyate |
śaivaṃ bhāgavataṃ daurgaṃ bhaviṣyottarameva ca || 53 ||
[Analyze grammar]

bhaviṣyaṃ copasaṃjñāni tvanyāni ca vivarjayet |
vimucya pustakaṃ ratnapīṭhe nikṣipya saṃskṛtam || 54 ||
[Analyze grammar]

dhautavastradharaḥ snātvā śucirakrodhano'jvaraḥ |
ādāvātmānamabhyarcya kṛtvā saṃkalpameva ca || 55 ||
[Analyze grammar]

aṃkuśaṃ cākṣasūtraṃ ca pāśaṃ pustakameva ca |
dhārayaṃtīṃ sitāṃ dhyāyetprasannāsyāṃ sarasvatīm || 56 ||
[Analyze grammar]

gokṣīrasadṛśākāraṃ trinetraṃ vṛṣavāhanam |
sahāsavadanaṃ śāṃtaṃ śuklāṃbaradharaṃ śivam || 57 ||
[Analyze grammar]

hariṇaṃ cābhayaṃ corddhvabāhuyugmaṃ kirīṭinam |
vyākhyāmudrā caṃ dakṣedho vāmahaste varapradam || 58 ||
[Analyze grammar]

nānāratnavibhūṣāḍhyaṃ girijārddhāṃbujāsanam |
bahubhirmunimukhyaistu dhyāyamāna padāṃbujam || 59 ||
[Analyze grammar]

mūrtimadbhistathā vedaiḥ stūyamānaṃ purāṇakaiḥ |
anyaiḥ samastalokaiśca saṃsevitapadāṃbujam || 60 ||
[Analyze grammar]

dhyātvaivaṃ pūjakaḥ samyagādau pūjāṃ samārabhet |
āpo vā idamityetatkalaśasyābhimaṃtraṇam || 61 ||
[Analyze grammar]

tajjalaṃ ca gṛhītvā ca pātrasthamabhimaṃtrayet |
tatsadbrahmeti maṃtreṇa praśasya praṇavena tu || 62 ||
[Analyze grammar]

ātmānaṃ sarvapātrāṇi tata āvāhayediti |
yadvāgiti tṛ cenaiva bhāratī ṣoḍaśārcanam || 63 ||
[Analyze grammar]

puruṣasūktena vā kuryādgāyatryā vā samarcayet |
oṃ namo bhagavate amuka purāṇeti purāṇamarcayet || 64 ||
[Analyze grammar]

kāṃḍāditi hi maṃtreṇa dūrvāmānīya pūjayet |
oṃ namo bhagavatyai dūrvāyai iti || 65 ||
[Analyze grammar]

salokapāla pūjā syādatha kanyā samarcanam |
vatsarātpaṃcakādūrddhvaṃ daśavarṣādadhaḥ śubhāḥ || 66 ||
[Analyze grammar]

anutpannaṛturvāpi tāṃ prayatnena pūjayet |
gaṃdhapuṣpākṣatairdhūpairdīpatāṃbūlabhūṣaṇaiḥ || 67 ||
[Analyze grammar]

pāṭhayedapyamuṃ maṃtraṃ pūjakaḥ kanyakāmimām || 68 ||
[Analyze grammar]

satyaṃ brūhi priyaṃ brūhi bhagavati sarasvati namaste namasta iti || 69 ||
[Analyze grammar]

gāyatryānukramārthāttu dūrvāyugmaṃ tu kārayet |
sannidhau pustakasyādhaḥ sahasraparametyṛcā || 70 ||
[Analyze grammar]

dūrvāyugmatrayaṃ dadyāttasyā haste vicakṣaṇaḥ |
sā prakṣipetpustasaṃdhau śalākātrayamanvanu || 71 ||
[Analyze grammar]

visṛjyatāṃ punardadyācchivābhyāṃ nama ityatha |
patrayormadhyamaḥ ślokaḥ kāryasiddherhi sūcakaḥ || 72 ||
[Analyze grammar]

pūrvapatre samāptiḥ syācchlokasya yadi rāghava |
parapatre paṭhecchlokaṃ vivicyārthamudīrayet || 73 ||
[Analyze grammar]

śanaiḥśanaiḥ paṭhetprājño vyākhyāsecca śanaiḥśanaiḥ |
tvareha na hi kartavyā kupyati tvarayā tu gīḥ || 74 ||
[Analyze grammar]

ghaṭikāyāstu pādaḥ syādatvarāsyāttatodhikā |
tvarayenna ca vaktāraṃ jñātavyāṃśamanudvijam || 75 ||
[Analyze grammar]

vivicya pāṭhaṃ ślokasya niścityārthaṃ ca mānase |
pratīpaṃ tanna vaktavyaṃ vivicya raghunaṃdana || 76 ||
[Analyze grammar]

yadi yuktamayuktaṃ vā ślokamanyaṃ paṭhedasau |
pustakasthaṃ ca hitvaiva pūjakaḥ sa dvijo yadi || 77 ||
[Analyze grammar]

tattathaiva hi vijñeyaṃ visaṃvādo na śasyate |
daivāgato hi sa śloko daivaṃ hi balavattaram || 78 ||
[Analyze grammar]

upaśrutiṣu yadvacca nāparādho dvijasya tu |
vismayo na ca kartavyo daivasya kuṭilā gatiḥ || 79 ||
[Analyze grammar]

yattatpadaviparyāse patre coparivāriṇi |
tamādeśaṃ tiraskṛtya dvitīyaṃ tu paṭhedataḥ || 80 ||
[Analyze grammar]

tatastṛtīyaṃ pāṭhyaṃ syāttataḥ kāryaṃ vivecanam |
avisargāṃtapūrvāste pavargetarapaṃcamāḥ || 81 ||
[Analyze grammar]

stutiliḍvarjitaḥ ślokaḥ śakuneṣu praśasyate |
adhyāyādiḥ samāptiśca vṛthā patraṃ vṛthā lipiḥ || 82 ||
[Analyze grammar]

uktānuvacanaṃ caiva dvyupastutamathaiva ca |
dagdhapatraṃ naṣṭalipiḥ saṃdigdhākṣarameva ca || 83 ||
[Analyze grammar]

etāni śakune nityaṃ varjanīyāni paṃḍitaiḥ |
praśno hi dvividho jñeyo dīptaśāṃta prabhedataḥ || 84 ||
[Analyze grammar]

śāṃtaṃ ca dvividhaṃ jñeyamutpattisthitivṛddhitaḥ |
tatra śāṃtaṃ praśastaṃ syāllakṣitaṃ pūrvalakṣaṇaiḥ || 85 ||
[Analyze grammar]

kāryabhedāstu varṇyaṃte kecinmartyopayoginaḥ |
kasyacitkāryamādāya kaścitpraṣṭā bhavatyapi || 86 ||
[Analyze grammar]

sa karoti tadā praśnaṃ sametya smarate'tra kim |
sa punardhārya patraṃ tattasminpatraṃ praśasyate || 87 ||
[Analyze grammar]

athavā tatkṣamopetaṃ vairāgyaṃ parameva ca |
yataḥ kutaściddṛṣṭastu stutipādakameva ca || 88 ||
[Analyze grammar]

parihṛtya paraṃ cāpi tasminnarthe śubhāvaham |
mṛto gṛhṇāti vāgarthamiti praśno'śubhapradaḥ || 89 ||
[Analyze grammar]

vivāde vijayapraśne jayadyotakamiṣyate |
sṛṣṭirapyatra śastā syātkrūrāyāṃ kleśato jayaḥ || 90 ||
[Analyze grammar]

praśāṃtāyāmupāyaistu miśrāyāṃ viḍvaro bhavet |
purādivarṇanaṃ yattu madhyamaṃ yadi cottamam || 91 ||
[Analyze grammar]

kalisaṃbhāvanāyāstu śṛṃgārasyopavarṇane |
rājyanirvāhaciṃtāyāṃ rājyaliṃgaṃśubhāvaham || 92 ||
[Analyze grammar]

yasyāpi yādṛśaṃ yogyaṃ vicārya tādṛśaṃ budhaiḥ |
stutivairāgyayoḥ kāryaṃ vilayaḥ parikīrtitaḥ || 93 ||
[Analyze grammar]

kāryālpasiddhiḥ skhalitena ca nirvāhamṛcchati |
tasyānyārthasyānyabhāvo rāma śāṃtivicāraṇe || 94 ||
[Analyze grammar]

visargāṃtaśca pūrvārddha viparyāso bhaviṣyataḥ |
saṃkalpitānyathābhāvo hyadhyāyasya samāpane || 95 ||
[Analyze grammar]

kāṃḍādestu samāptau tu syāttatkāryavināśanam |
tasmādetādṛśe doṣe śakunasya viparyayaḥ || 96 ||
[Analyze grammar]

kṣute pustakapāte ca tvāhate mastakādiṣu |
vaktā vaimānanaṃ yāti tataḥ śakunanāśanam || 97 ||
[Analyze grammar]

tasmādetādṛśe doṣe śakunaṃ parivarjayet |
upamāyāṃ bhavedrāma kāryābhāso na vastutaḥ || 98 ||
[Analyze grammar]

saṃtānaṃ bhonyatra coktā sṛṣṭirmadhyaphalapradā |
stutiḥ praśastā kutrāpi guṇavatkāryanirṇaye || 99 ||
[Analyze grammar]

vivāhe cauṣadhe dāne vyavahāre kṛṣau tathā |
yathārthā ca stutī rāma nirvāhe'pi na dūṣaṇam || 100 ||
[Analyze grammar]