Chapter 87

[English text for this chapter is available]

| saptāśītitamo'dhyāyaḥ |
sūtauvāca |
iti tasya vacaḥ śrutvā nāradasya sa bhūpatiḥ |
praṇamya vismitaḥ prāha cintayanmanasā harim || 1 ||
[Analyze grammar]

aṃbarīṣa uvāca |
kathametadvimuhyāmaḥ svalpāyāsena vai mune |
prāpyate snānamātreṇa phalaṃ caivātidurllabham || 2 ||
[Analyze grammar]

nārada uvāca |
satyamuktaṃ tvayā rājannalpāyāsena yanmahat |
phalaṃ saṃprāpyate tatra śraddhatsva vidhibhāṣitam || 3 ||
[Analyze grammar]

dharmasya gatayaḥ sūkṣmā durjñeyā hīśvarairapi |
muhyaṃte cātra vidvāṃso'ciṃtyaśakti hareḥ kṛtau || 4 ||
[Analyze grammar]

viśvāmitrādayo rājandharmādhikyena bāhujāḥ |
brāhmaṇyaṃ samupāyātāḥ sūkṣmā dharmagatistvataḥ || 5 ||
[Analyze grammar]

ajāmilo'pi bhūpāla dāsīpatiriti śrutaḥ |
dharmapatnīparityāgī nityaṃ pāpapathisthitaḥ || 6 ||
[Analyze grammar]

mriyamāṇaḥ sutasnehātprocya nārāyaṇeti ca |
taddhyānanāmagrahaṇātpadaṃ lebhe sudurllabham || 7 ||
[Analyze grammar]

anicchayāpi dahati spṛṣṭo hutavaho yathā |
tathā dahati goviṃda nāmavyājādapīritam || 8 ||
[Analyze grammar]

kānīnasya muneḥ pautrā bhrātṛjāyābhigāminaḥ |
golakasya ca vai paṃḍoḥ putrāḥ kuṃḍāḥ svayaṃ tathā || 9 ||
[Analyze grammar]

te paṃcāpi ca bhūpāla pāṃḍavā draupadīratāḥ |
teṣāṃ ca puṇyaślokatvaṃ sūkṣmādharmagatistataḥ || 10 ||
[Analyze grammar]

vicitrāṇi ca karmāṇi vicitrā bhūtabhāvanāḥ |
vicitrāṇi ca bhūtā nivicitrāḥ karmaśaktayaḥ || 11 ||
[Analyze grammar]

kadācitsukṛtaṃ karma kūṭasthaṃ yadavasthitam |
kenacitkarmaṇā bhūpa śubhena parivardhate || 12 ||
[Analyze grammar]

phalaṃ dadāti sumahatkasminnapi ca janmani |
sūkṣmo dharmo'tigahano mīyate na yathā tathā || 13 ||
[Analyze grammar]

naitasya phaladānasya śrūyate bhūpaniścayaḥ |
yatkiṃcitsukṛtaṃ karmacchannaṃ pāpāṃtarairapi || 14 ||
[Analyze grammar]

tadāgatya kutaḥ kvāpi svaṃ phalaṃ ca prayacchati |
kṛtasya neha nāśo'sti puṇyasya duritasya ca || 15 ||
[Analyze grammar]

tathāpi bahubhiḥ puṇyairduritaṃ yāti dāruṇam |
yaduktaṃ bhavatā rājannāyāsādhikyato bhavet || 16 ||
[Analyze grammar]

mahatpuṇyaṃ ca tatrāpi kāraṇaṃ me niśāmaya |
svalpāyāsamahāyāsau yadyalpatva mahattvayoḥ || 17 ||
[Analyze grammar]

mahāpuṇyāstataste syuḥ saṃtataṃ karṣakādayaḥ |
maṃtroccāraṃ ca siṃhāderāyāsaṃ bahulaṃ tvataḥ || 18 ||
[Analyze grammar]

paṃcagavyaṃ praśastaṃ hi vratāṃgatvena no bhavet |
iti kartavyabāhulyaṃ mahattvaṃ ca tadalpatā || 19 ||
[Analyze grammar]

jalāgnyādipraveśasya prasajyeta vratāṃtarāt |
idamalpaṃ mahaccaitaditi naiva niyāmakam || 20 ||
[Analyze grammar]

phalaṃ yaccoditaṃ śāstre tadeva syānmahannṛpa |
yathālpanāśo mahatā mahannāśastathālpataḥ || 21 ||
[Analyze grammar]

kiṃ tvalpavisphuliṃgena tṛṇarāśiḥ pradahyate || 22 ||
[Analyze grammar]

hatyāyutaṃ pāpasahasramugraṃ gurvaṃganākoṭiniṣevaṇaṃ ca |
steyādi pāpāni ca kṛṣṇabhaktairajñānajātāni layaṃ hriyaṃte || 23 ||
[Analyze grammar]

viṣṇubhaktimatāvīra yatkiṃcitkriyate'lpakam |
sukṛtaṃ sādhuviduṣā tadakṣayaphalaṃ labhet || 24 ||
[Analyze grammar]

saṃdeho nātra karttavyo mādhavemāsi mādhavam |
samārādhya naro bhaktyā tattadvāṃcchitamāpnuyāt || 25 ||
[Analyze grammar]

apatyaṃ draviṇaṃ ratnaṃ dārāharmyaṃ hayā gajāḥ |
sukhāni svargamokṣau ca na dūre haribhaktitaḥ || 26 ||
[Analyze grammar]

evaṃ śāstroktavidhinā svalpenāpi na saṃśayaḥ |
pāpasya mahato'pi syātkṣayo vṛddhiḥ sukarmaṇaḥ || 27 ||
[Analyze grammar]

phalādhikyaṃ bhavedbhūpa tvādhikyādbhāvakarmaṇoḥ |
sūkṣmā dharmasya vijñeyā gatistu vividhairapi || 28 ||
[Analyze grammar]

priyo mādhavamāso'yaṃ mādhavasya mahātmanaḥ |
ekopyanuṣṭhito lokaiḥ samagrepsitadāyakaḥ || 29 ||
[Analyze grammar]

puṇyena gāṃgena jalena kāle deśe'pi yaḥ snānaparo'pi bhūpa |
ājanmato bhāvahato'pi dātā na śuddhimetīti mataṃ mamaitat || 30 ||
[Analyze grammar]

gaṃgāditīrtheṣu vasaṃti jīvā devālaye pakṣigaṇāśca nityam |
vināśamāyāṃti kṛtopavāsā bhāvojjhitā naiva gatiṃ labhaṃte || 31 ||
[Analyze grammar]

bhāvaṃ tato hṛtkamale nidhāya śrīmādhavaṃ mādhavamāsi bhaktyā |
yajeta yaḥ snānaparo viśuddhaḥ puṇyaṃ na śaktā vayamasya vaktum || 32 ||
[Analyze grammar]

prajvālya vahniṃ ghṛtatailasiktaṃ pradakṣiṇāvartaśikhaṃ svakāle |
praviśya dagdhaḥ kila bhāvaduṣṭo na svargamāpnoti phalaṃ na cānyat || 33 ||
[Analyze grammar]

śraddhatsvabhūpa tasmāttvaṃ mādhavasya phalaṃ prati |
svalpaṃ cāpi śubhaṃ karma vikarmaśatanāśanam || 34 ||
[Analyze grammar]

yathā harernāmabhayena bhūpa naśyaṃti sarve duritasya vṛṃdāḥ |
nūnaṃ ravau meṣagate vibhāte snānena tīrthe ca haristavena || 35 ||
[Analyze grammar]

tejasā vainateyasya pāpmānaḥ pannagā iva |
vidravaṃti ca vaiśākhasnānenoṣasi niścitam || 36 ||
[Analyze grammar]

gaṃgāyāṃ narmadāyāṃ vā snātvā meṣagate ravau |
pāpapraśamanastotraṃ yaḥ paṭhedbhaktibhāvataḥ || 37 ||
[Analyze grammar]

ekakālaṃ dvikālaṃ vā trisaṃdhyamapi bhūpate |
sa yāti paramaṃ sthānaṃ sarvapāpavivarjitaḥ || 38 ||
[Analyze grammar]

aṃbarīṣa mahatpuṇyaprāptaye kuru vīkṣaṇam |
mādhavemāsi vai snānaṃ prātarniyamasaṃsthitaḥ || 39 ||
[Analyze grammar]

yadānarttapure proktaṃ vasatāṃ varṣakoṭibhiḥ |
tatprātarmādhave māsi snānenaikena labhyate || 40 ||
[Analyze grammar]

ihārthe yatpurāvṛttaṃ tadākarṇaya bhūpate |
bhāryayā saha saṃvādaṃ devaśarmadvijanmanaḥ || 41 ||
[Analyze grammar]

revātīre supuṇye ca tīrthe cāmarakaṃṭake |
kauśikasya suto jāto devaśarmā dvijottamaḥ || 42 ||
[Analyze grammar]

dhanaputravihīnastu bahuduḥkhasamanvitaḥ |
dāridreṇa suduḥkhena sarvadaivaprapīḍitaḥ || 43 ||
[Analyze grammar]

putropāyaṃ dhanasyāpi divārātrau praciṃtayet |
ekadā tu priyā tasya sumanā nāma suvratā || 44 ||
[Analyze grammar]

bhartāraṃ ciṃtayopetamadhomukhamalakṣayat |
samālokya tadā kāṃtaṃ tamuvāca yaśasvinī || 45 ||
[Analyze grammar]

duḥkhajālairasaṃkhyaistu tava cittaṃ prakarṣitam |
vyāmohena pramūḍhosi tyaja ciṃtāṃ mahāmate || 46 ||
[Analyze grammar]

mama duḥkhaṃ samācakṣva svastho bhava sukhaṃ vraja |
nāsti ciṃtāsamaṃ duḥkhaṃ kāyaśoṣaṇameva hi || 47 ||
[Analyze grammar]

tāṃ saṃtyajya pravarteta sa sukhena pramodate |
ciṃtāyāḥ kāraṇaṃ vipra kathayasva mama prabho || 48 ||
[Analyze grammar]

nārada uvāca |
priyāvākyaṃ sa saṃśrutya devaśarmā mahāmatiḥ |
uvāca vacanaṃ prīto duḥkhito'pi satīsakhaḥ || 49 ||
[Analyze grammar]

devaśarmovāca |
yattvayā ciṃtitaṃ bhadre kiṃcidduḥkhasya kāraṇam |
tatsarvaṃ tu pravakṣyāmi śrutvā caivāvadhāryatām || 50 ||
[Analyze grammar]

na jāne kena pāpena dhanahīno'smi suvrate |
tathā putravihīno'smi etadduḥkhasya kāraṇam || 51 ||
[Analyze grammar]

sumanovāca |
śrūyatāmabhidhāsyāmi sarvasaṃdehanāśanam |
svarūpamupadeśasya sarvavijñānadarśanam || 52 ||
[Analyze grammar]

saṃtoṣa eva paramaṃ puṇyaṃ saukhyādikāraṇam |
asaṃtoṣaḥ paraṃ pāpamityāha bhagavānhariḥ || 53 ||
[Analyze grammar]

lobhaḥ pāpasya bījo'yaṃ moho mūlaṃ ca tasya vai |
asatyaṃ tasya hi skaṃdho mahāśākhā suvistarāt || 54 ||
[Analyze grammar]

madakauṭilya patrāṇi kubuddhyā puṣpitaḥ sadā |
anṛtaṃ tasya saugaṃdhyamajñānaṃ phalameva ca || 55 ||
[Analyze grammar]

kuḍyaṃ pāṣaṃḍacaurāśca krūrāḥ kūṭāśca pāpinaḥ |
pakṣiṇo mohavṛkṣasya mahāśākhāsamāśritāḥ || 56 ||
[Analyze grammar]

ajñānaṃ suphalaṃ tasya raso dharmaṃ phalasya hi |
bhāvodakena saṃvṛddhistasya śraddhā kratu priyā || 57 ||
[Analyze grammar]

adharmeṣu rasastasya utkledairmadhurāyate |
tādṛśaiśca phalaiścaivasaphalo lobhapādapaḥ || 58 ||
[Analyze grammar]

tasyacchāyāṃ samāśritya yo naraḥ parivartate |
phalāni tasya so'śnāti svapakvāni dinedine || 59 ||
[Analyze grammar]

phalānāṃ ca rasenāpi adharmeṇa tu poṣitaḥ |
sa saṃpuṣṭo bhavenmartyaḥ patanāya prayacchati || 60 ||
[Analyze grammar]

tasmācciṃtāṃ pariśritya svāmi lobhaṃ na kārayet |
dhanaputrakalatrāṇāṃ ciṃtāmetāṃ na kārayet || 61 ||
[Analyze grammar]

yo hi vidvānnacetkāṃta mūrkhāṇāṃ pathameva hi |
mṛṣā ciṃtayate nityaṃ divārātrau vimohitaḥ || 62 ||
[Analyze grammar]

śubhārthaṃ ca praviṃdāmi kathaṃ putrānahaṃ labhe |
evaṃ ciṃtayate nityaṃ divārātrau vimohitaḥ || 63 ||
[Analyze grammar]

kṣaṇamekaṃ prapaśyetsa ciṃtāmadhye mahatsukham |
punaścaitanyamāyāti mahāduḥkhena pīḍyate || 64 ||
[Analyze grammar]

ciṃtāmohau parityajya anuvartasva taṃ dvija |
saṃsāre nāsti saṃbaṃdhaḥ kena sārdhaṃ mahāmate || 65 ||
[Analyze grammar]

mitrāśca bāṃdhavāḥ putrāḥ pitāmātā sutāstathā |
svasaṃbaṃdhā bhavaṃtyete kalatrādi tathaiva ca || 66 ||
[Analyze grammar]

devaśarmovāca |
saṃbaṃdhaḥ kīdṛśo bhadre tanme vistarato vada |
yena jāyaṃti te sarve dhanaputrādi bāṃdhavāḥ || 67 ||
[Analyze grammar]

sumanovāca |
bhartaḥ paṃcavidhāḥ putrā jāyaṃte tānvadāmyaham |
nyāsāpahārakaṃ caikamṛṇasaṃbaṃdhinaṃ param || 68 ||
[Analyze grammar]

ripuṃ labhyamudāsīnamiti kāṃta bhavaṃti te |
lakṣaṇāni pravakṣyāmi teṣāmīśa pṛthakpṛthak || 69 ||
[Analyze grammar]

putrā mitrāḥ priyā bhāryā pitā mātā ca bāṃdhavāḥ |
svenasvena hi jāyaṃte saṃbaṃdhena mahītale || 70 ||
[Analyze grammar]

nyāsāpahārabhāvena yasya yena hṛtaṃ bhuvi |
nyāsasvāmī bhavetputro guṇavānrūpavānbhuvi || 71 ||
[Analyze grammar]

yena hyapahṛtaṃ nyāsaṃ tasya gehe na saṃśayaḥ |
nyāsāpahāraṇaṃ duḥkhaṃ sa dattvā dāruṇaṃ gataḥ || 72 ||
[Analyze grammar]

nyāsasvāmī suputro'bhūnnyāsāpahārakasya ca |
guṇavānrūpavāṃścaiva sarvalakṣaṇasaṃyutaḥ || 73 ||
[Analyze grammar]

bhaktiṃ ca darśayettasya putro bhūtvā dinedine |
priyavāṅmadhurovāgmī bahusnehaṃ vidarśayet || 74 ||
[Analyze grammar]

svīyaṃ dravyaṃ samudgrāhya prītimutpādya cātulām |
yathā tena pradattaṃ tannyāsāpaharaṇātparam || 75 ||
[Analyze grammar]

duḥkhamevaṃ mahābhāga dāruṇaṃ prāṇanāśanam |
tādṛśaṃ tasya so dadyātputro bhūtvā mahāguṇaḥ || 76 ||
[Analyze grammar]

alpāyuṣastathā bhūtvā maraṇaṃ copagacchati |
duḥkhaṃ datvā prayātyevaṃ prahṛtyaivaṃ punaḥpunaḥ || 77 ||
[Analyze grammar]

yadāha putraputreti pralāpaṃ hi karoti yaḥ |
tadā hāsyaṃ karotyeṣa kastu putro hi kasya ca || 78 ||
[Analyze grammar]

anenāpahṛtaṃ nyāsaṃ madīyaṃ pāpacāriṇā |
dravyāpahāraṇenāpi mama prāṇāgatāḥ kila || 79 ||
[Analyze grammar]

duḥkhena mahatā caiva asahyena ca vai purā |
tadā duḥkhaṃ mayā datvādravyamudgrāhyamuttamam || 80 ||
[Analyze grammar]

iti śrīpadmapurāṇe pātālakhaṃḍe vaiśākhamāhātmye |
saptāśītitamo'dhyāyaḥ || 87 ||
[Analyze grammar]