Chapter 85

[English text for this chapter is available]

aṃbarīṣa uvāca |
sādhusādhu muniśreṣṭha lokānugrahakāraka |
viṣṇordhyānaṃ tvayā proktaṃ saguṇaṃ nirguṇaṃ ca yat || 1 ||
[Analyze grammar]

adhunā lakṣaṇaṃ brūhi bhakteḥ sādhu kṛpākara |
yādṛśī kriyate yena yathā yatra yadā tathā || 2 ||
[Analyze grammar]

sūta uvāca |
ityuktamākarṇya nṛpottamasya muniḥ prahṛṣṭo nijagāda bhūpam |
śṛṇuṣva rājannikhilāghahāriṇīṃ bhaktiṃ hareste pravadāmi samyak || 3 ||
[Analyze grammar]

atha bhaktiṃ pravakṣyāmi vividhāṃ pāpanāśinīm |
vividhā bhaktiruddiṣṭā manovākkāyasaṃbhavā || 4 ||
[Analyze grammar]

laukikī vaidikī cāpi bhavedādhyātmikī tathā |
dhyānadhāraṇayā buddhyā vedānāṃ smaraṇaṃ hi yat || 5 ||
[Analyze grammar]

viṣṇuprītikarī caiṣā mānasī bhaktirucyate |
maṃtravedasamuccārairaviśrāṃtaviciṃtanaiḥ || 6 ||
[Analyze grammar]

jāpyaiścāraṇyakaiścaiva vācikī bhaktirucyate |
vratopavāsaniyamaiḥ pañceṃdriyajayena ca || 7 ||
[Analyze grammar]

kāyikī saiva nirdiṣṭā bhaktiḥ sarvārthasādhinī |
bhūṣaṇairhemaratnāṃkaiścitrābhirvāgbhireva ca || 8 ||
[Analyze grammar]

vāsaḥ pratisaraiḥ sūtraiḥ pāvakavyajanocchritaiḥ |
nṛtyavāditragītaiśca sarvabalyupahārakaiḥ || 9 ||
[Analyze grammar]

bhakṣyabhojyānnapānaiśca yā pūjā kriyate naraiḥ |
nārāyaṇaṃ samuddiśya bhaktiḥ sā laukikī matā || 10 ||
[Analyze grammar]

kāyikī saiva nirdiṣṭā bhaktiḥ sarvārthasādhikī |
ṛgyajuḥsāmajāpyāni saṃhitādhyayanāni ca || 11 ||
[Analyze grammar]

kriyaṃte viṣṇumuddiśya sā bhaktirvaidikocyate |
vedamaṃtrahaviryāgaiḥ kriyāyā vaidikī matā || 12 ||
[Analyze grammar]

darśe ca paurṇamāsyāṃ ca karttavyaṃ cāgnihotrakam |
prāśanaṃ dakṣiṇādānaṃ puroḍāśaṃ caru kriyā || 13 ||
[Analyze grammar]

iṣṭirdhṛtiḥ somapānaṃ yājñiyaṃ karma sarvaśaḥ |
agnibhūmyanilākāśa dyuti śaṃkara bhāskaram || 14 ||
[Analyze grammar]

tamuddiśyakṛtaṃ karma tatsarvaṃ viṣṇudaivatam |
ādhyātmikīti vividhā brahmabhaktisthitā nṛpa || 15 ||
[Analyze grammar]

sāṃkhyākhyāṃ yogasaṃjātāṃ śṛṇu bhūpa yathoditām |
caturviṃśati tattvāni pradhānādīni saṃkhyayā || 16 ||
[Analyze grammar]

acetanāni bhogyāni puruṣaḥ paṃcaviṃśakaḥ |
cetanaḥ sa samuddiṣṭo kartā bhoktā ca karmaṇām || 17 ||
[Analyze grammar]

ātmā nityovyayaścaiva adhiṣṭhātā prayojakaḥ |
puruṣo'vyakta nityaḥ syātkāraṇaṃ ca maheśvaraḥ || 18 ||
[Analyze grammar]

tattvasargo bhāvasargo bhūtasargaśca tattvataḥ |
saṃkhyāyāḥ parisaṃkhyāyāḥ pradhānaṃ ca guṇātmakam || 19 ||
[Analyze grammar]

jñātvā sādharmyavaidharmyaṃ pradhānaṃ ca vidharmi ca |
kāraṇaṃ brahmaṇaścaiva kāmitvamidamucyate || 20 ||
[Analyze grammar]

prayojyatvaṃ pradhānasya vaidharmyamidamucyate |
sarvatra kartṛtā brahma puruṣasyāpyakartṛtā || 21 ||
[Analyze grammar]

acetanapradhānena samatvamidamucyate |
tattvāṃtaraṃ ca tattvānāṃ kāryakāraṇameva ca || 22 ||
[Analyze grammar]

prayojanaṃ prayojyatvaṃ jñātvā tattvaprasaṃkhyayā |
saṃkhyātamucyate prājñairvijayārthaviciṃtakaiḥ || 23 ||
[Analyze grammar]

iti matvāsya sadbhāvaṃ tattvaṃ saṃkhyāṃ ca tattvataḥ |
brahmatattvādhikaṃ cāpi bhūtatattvaṃ vidurbudhāḥ || 24 ||
[Analyze grammar]

sāṃkhyaiḥ kṛtā bhaktireṣā bhaktirādhyātmikī smṛtā |
yogajāmapi te bhūpa śṛṇu bhaktiṃ vadāmyaham || 25 ||
[Analyze grammar]

prāṇāyāmaparo nityaṃ dhyānavānniyateṃdriyaḥ |
bhaikṣyabhakṣavratī cāpi sarvapratyāhṛtendriyaḥ || 26 ||
[Analyze grammar]

dhāraṇaṃ hṛdaye kṛtvā dhyāyamāno maheśvaram |
hṛtpadmakarṇikāsīnaṃ pītavastraṃ sulocanam || 27 ||
[Analyze grammar]

paśyannudyotitamukhaṃ brahmasūtrakaṭītaṭam |
śvetavarṇaṃ caturbāhuṃ varadābhayahastakam || 28 ||
[Analyze grammar]

yogajā mānasīsiddhirviṣṇubhaktiḥ parā smṛtā |
ya evaṃ bhaktimāndevaṃ viṣṇubhaktiḥ sa ucyate || 29 ||
[Analyze grammar]

evaṃ bhaktiḥ samuddiṣṭā vividhā nṛpanaṃdana |
sātvikī rājasī caiva tāmasībhedatastvimāḥ || 30 ||
[Analyze grammar]

nānāprakārā vijñeyā viṣṇoramitatejasaḥ |
yathāgniḥ susamṛddhārcciḥ karotyedhāṃsi bhasmasāt || 31 ||
[Analyze grammar]

pāpāni bhagavadbhaktistathā dahati tatkṣaṇāt || 32 ||
[Analyze grammar]

yāvajjano na śṛṇute bhuvi viṣṇubhaktiṃ sākṣātsudhārasamaśeṣarasaikasāram |
tāvajjarāmaraṇajanmaśatābhighātaduḥkhāni tāni labhate bahudehajāni || 33 ||
[Analyze grammar]

saṃkīrtitaściṃtitakīrtiraṃtaḥ śrutānubhāvo bhagavānanaṃtaḥ |
samaṃtato'ghavinihaṃti meghaṃ vāyuryathābhānurivāṃdhakāram || 34 ||
[Analyze grammar]

na dāna devārcana yāga tīrtha snāna śrutācāra tapaḥ kriyābhiḥ |
tathā viśuddhiṃ labhateṃ'tarātmā yathā hṛdisthe bhagavatyanaṃte || 35 ||
[Analyze grammar]

kathā viśuddhā naranātha tathyāstā eva pathyā harinātha tathyāḥ |
saṃkīrtitā yatra pavitramūrteḥ saṃśrūyate ca śrutasādhukīrtiḥ || 36 ||
[Analyze grammar]

dhanyosi dhīradharaṇīdhara dharmadhuryya dhyānaikatāna hṛdayaḥ puruṣottamasya |
yannaiṣṭhikīmatirasau tava saubhagaśrīḥ śrīkṛṣṇanāthasukṛtaḥ śravaṇe pravṛttā || 37 ||
[Analyze grammar]

anārādhya hariṃ bhaktyā varadaṃ viṣṇumavyayam |
kutaḥ śreyo bhavedbhūpa puruṣasyātmamāninaḥ || 38 ||
[Analyze grammar]

māyājaniramāyo'sau bhaktyā rājannamāyayā |
sādhyate sādhupuruṣaḥ svayaṃ jānāti tadbhavān || 39 ||
[Analyze grammar]

na vidyate te nṛpa dharmatattvamajñātametadvimalaṃ punarmām |
tvaṃ pṛcchase tīrthapadaṃ prasaṃgātkathārasaṃ vaiṣṇava gauraveṇa || 40 ||
[Analyze grammar]

nātaḥ paraṃ paramatoṣaviśeṣapoṣaṃ paśyāmi puṇyamucitaṃ ca paraspareṇa |
saṃtaḥ prasahya yadanaṃtaguṇānanaṃtaśreyonidhīnadhikabhāvabhujo bhujaṃti || 41 ||
[Analyze grammar]

brāhmaṇāḥ surabhī satya śraddhā yāga tapāṃsi ca |
śruti smṛti dayā dīkṣā śāṃtayastanavo hareḥ || 42 ||
[Analyze grammar]

ādityaścaṃdramā vāyurbhūmirāpoṃ'baraṃ diśaḥ |
brahmāviṣṇuśca rudraśca sarvabhūtamayo vibhuḥ || 43 ||
[Analyze grammar]

viśvarūpaḥ svayaṃ cakre jagadetaccarācaram |
svayaṃ brāhmaṇamāviśya sadānnamupabhuṃjate || 44 ||
[Analyze grammar]

tatastu tīrthāspadapādareṇūndharādharātmālaya bhūmidevān |
parātmanaḥ pūjaya puṇyalakṣmī sarvasvabhūtānakhilātmabhūtān || 45 ||
[Analyze grammar]

brāhmaṇaṃ viṣṇubuddhyyā yo vidvāṃsaṃ sādhu paśyati |
sa eva vaiṣṇavo yaśca svasvakarmaikaniṣṭhitaḥ || 46 ||
[Analyze grammar]

kiṃcidetanmayāproktaṃ rahasyaṃ samayo hi me |
snātuṃ gaṃtuṃ ca gaṃgāyāṃ na kathāvasaro'dhikaḥ || 47 ||
[Analyze grammar]

prāpto'yaṃ mādhavo māsaḥ puṇyo mādhavavallabhaḥ |
tasyāpi saptamī śuklā gaṃgāyāmatidurllabhā || 48 ||
[Analyze grammar]

vaiśākha śukla saptamyāṃ jāhnavī jahnunā purā |
krodhātpītā punastyaktā karṇaraṃdhrāttu dakṣiṇāt || 49 ||
[Analyze grammar]

tasyāṃ samarcayeddevīṃ gaṃgāṃ gaganamekhalām |
snātvā samyagvidhānena sa dhanyaḥ sukṛtī naraḥ || 50 ||
[Analyze grammar]

tasyāṃ yastarpayeddevānpitṝnmartyo yathāvidhi |
sākṣātpaśyati taṃ gaṃgā snātakaṃ gatapāpakam || 51 ||
[Analyze grammar]

na mādhava samo māso na gaṃgā sadṛśī nadī |
durllabhaḥ khalu yogo'yaṃ haribhaktyaiva labhyate || 52 ||
[Analyze grammar]

viṣṇupādodakodbhūtā brahmalokādupāgatā |
tribhiḥ srotobhiraśrāṃtā yā punāti jagattrayam || 53 ||
[Analyze grammar]

svargārohaṇaniḥśreṇī satatānaṃdakāriṇī |
anekaduritodgārahāriṇī durgatāriṇī || 54 ||
[Analyze grammar]

śrīmaheśajaṭājūṭavāsinī duḥkhanāśinī |
bhajamānajanasvāṃtakāntakeli vināśinī || 55 ||
[Analyze grammar]

sagarānvayanirvāṇakāriṇī dharmadhāriṇī |
trimārgacāriṇī devī lokālaṃkṛtikāriṇī || 56 ||
[Analyze grammar]

darśana sparśana snāna kīrttana dhyāna sevanaiḥ |
puṇyānapuṇyānpuruṣānpāvayaṃtī sahasraśaḥ || 57 ||
[Analyze grammar]

gaṃgā gaṃgeti gaṃgeti yaistrisaṃdhyamitīritam |
sudūrasthaiśca tatpāpaṃ haṃti janmatrayārjitam || 58 ||
[Analyze grammar]

yojanānāṃ sahasreṣu gaṃgāṃ yaḥ smarate naraḥ |
api duṣkṛtakarmāsau labhate paramāṃ gatim || 59 ||
[Analyze grammar]

vaiśākhe śukla saptamyāṃ durllabhā sā viśeṣataḥ |
prāpyate jagatīpāla hari vipra prasādataḥ || 60 ||
[Analyze grammar]

na mādhavasamo māso na mādhavasamo vibhuḥ |
gatohi duritāṃbhodhau majjamānajanasya yaḥ || 61 ||
[Analyze grammar]

dattaṃ japtaṃ hutaṃ snātaṃ yadbhaktyā māsi mādhave |
tadakṣayaṃ bhavedbhūpa puṇyaṃ koṭiśatādhikam || 62 ||
[Analyze grammar]

yathā deveṣu viśvātmā devo nārāyaṇo hariḥ |
yathā japyeṣu gāyatrī saritāṃ jāhnavī tathā || 63 ||
[Analyze grammar]

yathomā sarvanārīṇāṃ tapatāṃ bhāskaro yathā |
ārogyalābho lābhānāṃ dvipadāṃ brāhmaṇo yathā || 64 ||
[Analyze grammar]

paropakāraḥ puṇyānāṃ vidyānāṃ nigamo yathā |
maṃtrāṇāṃ praṇavo yadvaddhyānānāmātmaciṃtanam || 65 ||
[Analyze grammar]

satyaṃ svadharmavartitvaṃ tapasāṃ ca yathā varam |
śaucānāmarthaśaucaṃ ca dānānāmabhayaṃ yathā || 66 ||
[Analyze grammar]

guṇānāṃ ca yathā lobhakṣayo mukhyo guṇaḥ smṛtaḥ |
māsānāṃ pravaro māsastathāsau mādhavo mataḥ || 67 ||
[Analyze grammar]

tatra yatkriyate śrāddhaṃ yajña dānamupoṣaṇam |
tapo'dhyayanapūjādi tadakṣayaphalaṃ smṛtam || 68 ||
[Analyze grammar]

vaiśākhāṃtāni pāpāni sūryāṃtāni tamāṃsi ca |
parāpakārapaiśunya prāṃtāni sukṛtāni ca || 69 ||
[Analyze grammar]

kārtike māsi yatkiṃcittulāsaṃsthe divākare |
snānadānādikaṃ rājaṃstatparārdhaguṇaṃ bhavet || 70 ||
[Analyze grammar]

tasmātsahasraguṇitaṃ māghe makarage ravau |
tato'pi śatasaṃkhyātaṃ vaiśākhemeṣage ravau || 71 ||
[Analyze grammar]

te dhanyāste sukṛtino narā vaiśākha māsi ye |
prātaḥ snātvā vidhānena pūjayaṃti madhudviṣam || 72 ||
[Analyze grammar]

prātaḥsnānaṃ ca vaiśākhe yajñadānamupoṣaṇam |
haviṣyaṃ brahmacaryaṃ ca mahāpātakanāśanam || 73 ||
[Analyze grammar]

punaḥ kaliyuge rājannetadgopyaṃ bhaviṣyati |
aśvamedhādikaṃ yasmānmāhātmyaṃ mādhavasya yat || 74 ||
[Analyze grammar]

aśvamedhamakhaḥ puṇyaḥ kalau naiva pravartate |
eṣa mādhavamāsasya hayamedha samo vidhiḥ || 75 ||
[Analyze grammar]

aśvamedhasya yatpuṇyaṃ svargamokṣaphalapradam |
na vetsyaṃti kalau pāpā janā duritabuddhayaḥ || 76 ||
[Analyze grammar]

tasminbhavairnaraiḥ pāpairgaṃtavyaṃ narakārṇave |
atastu viralastasya pracāro yena nirmitaḥ || 77 ||
[Analyze grammar]

iti śrīpadmapurāṇe pātālakhaṃḍe vaiśākhamāsamāhātmye paṃcāśītitamo'dhyāyaḥ || 85 ||
[Analyze grammar]