Padma Purana [sanskrit]

462,305 words | ISBN-13: 9789385005305

The Padma-purana Book 5 Chapter 83 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

nārada uvāca |
bhagavansarvamākhyātaṃ yadyatpṛṣṭaṃ mayā guro |
adhunā śrotumicchāmi bhāvamārgamanuttamam || 1 ||
[Analyze grammar]

śiva uvāca |
sādhu vipra tvayā pṛṣṭaṃ sarvalokahitaiṣiṇā |
rahasyamapi vakṣyāmi tanme nigadataḥ śṛṇu || 2 ||
[Analyze grammar]

dāsyaḥ sakhāyaḥ pitarau preyasyaśca hareriha |
sarve nityā muniśreṣṭha vasaṃti guṇaśālinaḥ || 3 ||
[Analyze grammar]

yathā prakaṭalīlāyāṃ purāṇeṣu prakīrtitāḥ |
tathā te nityalīlāyāṃ saṃti vṛṃdāvane bhuvi || 4 ||
[Analyze grammar]

gamanāgamane nityaṃ karoti vanagoṣṭhayoḥ |
gocāraṇaṃ vayasyaiśca vinā'suravighātanam || 5 ||
[Analyze grammar]

karakīyābhimāninyastathā tasya priyā janāḥ |
pracchannenaiva bhāvena ramayaṃti nijapriyam || 6 ||
[Analyze grammar]

ātmānaṃ ciṃtayettatra tāsāṃ madhye manoramām |
rūpayauvanasaṃpannāṃ kiśorīṃ pramadākṛtim || 7 ||
[Analyze grammar]

nānāśilpakalābhijñāṃ kṛṣṇabhogānurūpiṇīm |
prārthitāmapi kṛṣṇena tatra bhogaparāṅmukhīm || 8 ||
[Analyze grammar]

rādhikānucarīṃ tatra tatsevanaparāyaṇām |
kṛṣṇādapyadhikaṃ prema rādhikāyāṃ prakurvatīm || 9 ||
[Analyze grammar]

prītyānudivasaṃ yatnāttayoḥ saṃgamakāriṇīm |
tatsevanasukhāhlādabhāvenātisunirvṛtām || 10 ||
[Analyze grammar]

ityātmānaṃ viciṃtyaiva tatra sevāṃ samācaret |
brāhmaṃ muhūrttamārabhya yāvatsyāttu mahāniśā || 11 ||
[Analyze grammar]

nārada uvāca |
harerdainaṃdinīṃ līlāṃ śrotumicchāmi tattvataḥ |
līlāmajānatā sevyo manasā tu kathaṃ hariḥ || 12 ||
[Analyze grammar]

śiva uvāca |
nāhaṃ jānāmi tāṃ līlāṃ harernāradatattvataḥ |
vṛṃdādevīmito gaccha sā te līlāṃ pravakṣyati || 13 ||
[Analyze grammar]

avidūra itaḥ sthānātkeśītīrthasamīpataḥ |
sakhīsaṃghavṛtā sāste goviṃdaparicārikā || 14 ||
[Analyze grammar]

sūta uvāca |
ityuktastaṃ parikramya hṛṣṭo natvā punaḥ punaḥ |
vṛṃdāśramaṃ jagāmātha nārado munisattamaḥ || 15 ||
[Analyze grammar]

vṛṃdāpi nāradaṃ dṛṣṭvā praṇamya ca punaḥpunaḥ |
uvāca ca muniśreṣṭha kathamatrāgatistava || 16 ||
[Analyze grammar]

nārada uvāca |
tvatto veditumicchāmi naityakaṃ caritaṃ hareḥ |
tadādito mama brūhi yadi yogyo'smi śobhane || 17 ||
[Analyze grammar]

vṛṃdovāca |
rahasyamapivakṣyāmi kṛṣṇabhaktosi nārada |
na prakāśyaṃ tvayāpyetadguhyādguhyataraṃ mahat || 18 ||
[Analyze grammar]

madhye vṛṃdāvane ramye paṃcāśatkuṃjamaṃḍite |
kalpavṛkṣanikuṃje tu divyaratnamaye gṛhe || 19 ||
[Analyze grammar]

nidritau tiṣṭhatastalpe nibiḍāliṃgitau mithaḥ |
madājñākāribhiḥ paścātpakṣibhirbodhitāvapi || 20 ||
[Analyze grammar]

gāḍhāliṃganajānaṃdamāptau tadbhaṃgakātarau |
na manaḥ kurutastalpātsamutthātuṃ manāgapi || 21 ||
[Analyze grammar]

tataśca sārikāsaṃghaiḥ śukādyaiḥ parito muhuḥ |
bodhitau vividhairvākyaiḥ svatalpādudatiṣṭhatām || 22 ||
[Analyze grammar]

upaviṣṭau tato dṛṣṭvā sakhyastalpe mudānvitau |
praviśya sevāṃ kurvaṃti tatkāle hyucitāṃ tayoḥ || 23 ||
[Analyze grammar]

punaśca sārikāvākyaistāvutthāya svatalpataḥ |
gacchataḥ svasvabhavanaṃ bhītyutkaṃṭhākulau tataḥ || 24 ||
[Analyze grammar]

prātaśca bodhito mātrā talpādutthāya satvaraḥ |
kṛtvā kṛṣṇo daṃtakāṣṭhaṃ baladevasamanvitaḥ || 25 ||
[Analyze grammar]

mātrānumodito yāti gośālāṃ sakhibhirvṛtaḥ |
rādhāpi bodhitā vipra vayasyābhiḥ svatalpataḥ || 26 ||
[Analyze grammar]

utthāya daṃtakāṣṭhādi kṛtvābhyaṃgaṃ samācaret |
snānavedīṃ tato gatvā snāpitā sā nijālibhiḥ || 27 ||
[Analyze grammar]

bhūṣāgṛhe vrajettatra vayasyā bhūṣayaṃtyapi |
bhūṣaṇairvividhairdivyairgaṃdhamālyānulepanaiḥ || 28 ||
[Analyze grammar]

tataḥ sakhījanaistasyāḥ śvaśrūṃ saṃprārthya yatnataḥ |
kartumāhūyatesvannaṃ sasakhī sā yaśodayā || 29 ||
[Analyze grammar]

nārada uvāca |
kathamāhūyate devi pākārthaṃ tu yaśodayā |
satīṣu pākakartrīṣu rohiṇīpramukhāsvapi || 30 ||
[Analyze grammar]

vṛṃdovāca |
pūrvaṃ durvāsasā datto varastasyai mahāmune |
iti kātyāyanī vaktrācchrutamāsīnmayā purā || 31 ||
[Analyze grammar]

tvayā yatpacyate devi tadannaṃ madanugrahāt |
miṣṭaṃ syādamṛtasparddhi bhokturāyuṣkaraṃ tathā || 32 ||
[Analyze grammar]

ityāhvayati tāṃ nityaṃ yaśodā putravatsalā |
āyuṣmānme bhavetputraḥ svādulobhāttathā satī || 33 ||
[Analyze grammar]

śrutvānumoditā hṛṣṭā sāpi naṃdālayaṃ vrajet |
sasakhīprakarā tatra gatvā pākaṃ karoti ca || 34 ||
[Analyze grammar]

kṛṣṇo'pi dugdhvā gāḥ kāściddohayitvā janaiḥ parāḥ |
āgacchati piturvākyātsvagṛhaṃ sakhibhirvṛtaḥ || 35 ||
[Analyze grammar]

abhyaṃgamardanaṃ kṛtvā dāsaiḥ saṃsnāpito mudā |
dhautavastradharaḥ sragvī caṃdanāktakalevaraḥ || 36 ||
[Analyze grammar]

dviphālabaddhacikurairgrīvā bhāloparisphuran |
caṃdrākārasphuradbhālatilakālakaraṃjitaḥ || 37 ||
[Analyze grammar]

kaṃkaṇāṃgadakeyūra ratnamudrā lasatkaraḥ |
muktāhārasphuradvakṣā makarākṛtikuṃḍalaḥ || 38 ||
[Analyze grammar]

muhurākārito mātrā praviśedbhojanālayam |
avalaṃbya karaṃ sakhyurbaladevamanuvrataḥ || 39 ||
[Analyze grammar]

bhuṃkte'tha vividhānnāni bhrātrā ca sakhibhirvṛtaḥ |
hāsayanvividhairhāsyaiḥ sakhīṃstairhasati svayam || 40 ||
[Analyze grammar]

itthaṃ bhuktvā tathācamya divyakhaṭvopari kṣaṇam |
viśramya sevakairdattaṃ tāṃbūlaṃ vibhajannadan || 41 ||
[Analyze grammar]

gopaveṣadharaḥ kṛṣṇo dhenuvṛṃdapurassaraḥ |
vrajavāsijanaiḥ prītyā sarvairanugataḥ pathi || 42 ||
[Analyze grammar]

pitaraṃ mātaraṃ natvā netrāṃte nāpitaṃ gaṇam |
yathāyogyaṃ tathā cānyānvinivartya vanaṃ vrajet || 43 ||
[Analyze grammar]

vanaṃ praviśya sakhibhiḥ krīḍayitvā kṣaṇaṃ tataḥ |
vihārairvividhaistatra vane vikrīḍate mudā || 44 ||
[Analyze grammar]

vaṃcayitvā tataḥ sarvāndvitraiḥ priyasakhairvṛtaḥ |
saṃketakaṃ vrajeddharṣātpriyāsaṃdarśanotsukaḥ || 45 ||
[Analyze grammar]

sāpi kṛṣṇaṃ vanaṃ yātaṃ dṛṣṭvā svaṃ gṛhamāgatā |
sūryādipūjāvyājena kusumāhṛtaye tathā || 46 ||
[Analyze grammar]

vaṃcayitvā gurūnyāti priyasaṃgecchayā vanam |
itthaṃ tau bahuyatnena militvā kānane tataḥ || 47 ||
[Analyze grammar]

vihārairvividhaistatra dinaṃ vikrīḍato mudā |
dolāyāṃ ca samārūḍhau sakhibhirdolitau kvacit || 48 ||
[Analyze grammar]

kvāpi veṇuṃ karasrastaṃ priyayāpahnutaṃ hariḥ |
anveṣayannupālabdho vipralabdhapriyāgaṇaiḥ || 49 ||
[Analyze grammar]

hasitairbahudhā tābhirhāsitastatra tiṣṭhati |
vasaṃtavāyunā juṣṭaṃ vanakhaṇḍaṃ mudā kvacit || 50 ||
[Analyze grammar]

praviśya caṃdanāṃbhobhiḥ kuṃkumādijalairapi |
niṣiṃcato yaṃtramuktaistatpaṃkairliṃpato mithaḥ || 51 ||
[Analyze grammar]

sakhyo'pyevaṃ niṣiṃcaṃti tāśca tau siṃcataḥ punaḥ |
vasaṃtavāyujuṣṭeṣu vanakhaṃḍeṣu sarvataḥ || 52 ||
[Analyze grammar]

tattatkālocitairnānāvihāraiḥ sagaṇau dvija |
śrāṃtau kvacidvṛkṣamūlamāsādya munisattama || 53 ||
[Analyze grammar]

upaviśyāsane divye madhupānaṃ pracakratuḥ |
tato madhumadonmattau nidrayā mīlitekṣaṇau || 54 ||
[Analyze grammar]

mithaḥ pāṇī samālaṃbya kāmabāṇavaśaṃ gatau |
riraṃsūviśataḥkuñjaṃskhaladvāṅmanasaupathi || 55 ||
[Analyze grammar]

krīḍataśca tatastatra kariṇīyūthapau yathā |
sakhyo'pi madhubhirmattā nidrayāpīḍitekṣaṇāḥ || 56 ||
[Analyze grammar]

abhito maṃjukuṃjeṣu sarvā evāpi śiśyire |
pṛthagekena vapuṣā kṛṣṇo'pi yugapadvibhuḥ || 57 ||
[Analyze grammar]

sarvāsāṃ saṃnidhiṃ gacchetpriyayā prerito muhuḥ |
ramayitvā ca tāḥ sarvāḥ kariṇīrgajarāḍiva || 58 ||
[Analyze grammar]

priyayā ca tathā tābhiḥ krīḍārthaṃ ca saro vrajet |
jalasekairmithastatra krīḍataḥ sagaṇau tataḥ || 59 ||
[Analyze grammar]

vāsaḥ srakcaṃdanairdivyairbhūṣaṇairapi bhūṣitau |
tatraiva sarasastīre divyaratnamaye gṛhe || 60 ||
[Analyze grammar]

prāgeva phalamūlāni kalpitāni mayā mune |
haristu prathamaṃ bhuktvā kāṃtayā pariveṣṭitaḥ || 61 ||
[Analyze grammar]

dvitrābhiḥ sevito gacchecchayyāṃ puṣpavinirmitām |
tāṃbūlairvyajanaistatra pādasaṃvāhanādibhiḥ || 62 ||
[Analyze grammar]

sevyamāno hasaṃstābhirmodate preyasīṃ smaran |
rādhikāpi harau supte sagaṇā muditāṃtarā || 63 ||
[Analyze grammar]

api tatra gataprāṇā taducchiṣṭaṃ bhunakti ca |
kiṃcideva tato bhuktvā vrajecchayyāniketanam || 64 ||
[Analyze grammar]

draṣṭuṃ kāṃtamukhāṃbhojaṃ cakorīva niśākaram |
tāṃbūlacarvitaṃ tasya tatratyābhirniveditam || 65 ||
[Analyze grammar]

tāṃbūlānyapi cāśnāti vibhajaṃtī priyāliṣu |
kṛṣṇo'pi tāsāṃ śuśrūṣuḥ svacchaṃdaṃ bhāṣitaṃ mithaḥ || 66 ||
[Analyze grammar]

prāptanidra ivābhāti vinidro'pi paṭāvṛtaḥ |
tāśca kṣvelī kṣaṇaṃ kṛtvā kutaścidanumānataḥ || 67 ||
[Analyze grammar]

vidaśya rasanāṃ dadbhiḥ paśyaṃtyo'nyonyamānanam |
vilīnā iva lajjābdhau kṣaṇamūcurna kiṃcana || 68 ||
[Analyze grammar]

kṣaṇādeva tato vastraṃ dūrīkṛtya tadaṃgataḥ |
sādhunidrāṃ gato'sīti hāsayaṃtyo hasaṃti ca || 69 ||
[Analyze grammar]

evaṃ tairvividhairhāsyai ramamāṇau gaṇaiḥ saha |
anubhūya kṣaṇaṃ nidrā sukhaṃ ca munisattama || 70 ||
[Analyze grammar]

upaviśyāsane divye sagaṇau vistṛte mudā |
paṇīkṛtya mithohāra cuṃbāśleṣaparicchadān || 71 ||
[Analyze grammar]

akṣai rvikrīḍataḥ premṇā narmālāpapurassaram |
parājito'pi priyayā jitohamiti vai bruvan || 72 ||
[Analyze grammar]

hārādigrahaṇe tasyāḥ pravṛttastāḍyate tayā |
tayaivaṃ tāḍitaḥ kṛṣṇaḥ kareṇāsya saroruhe || 73 ||
[Analyze grammar]

viṣaṇṇamānaso bhūtvā gaṃtuṃ prakurute matim |
jito'smi cettvayā devi gṛhyatāṃ yatpaṇīkṛtam || 74 ||
[Analyze grammar]

cuṃbanādi mayā dattamityuktvā sā tathācaret |
kauṭilyaṃ tadbhruvordraṣṭuṃ śrotuṃ tadbhartsanaṃ vacaḥ || 75 ||
[Analyze grammar]

tataḥ sārīśukānāṃ ca śrutvā vāgāhavaṃ mithaḥ |
nirgacchatastataḥ sthānādgaṃtukāmau gṛhaṃ prati || 76 ||
[Analyze grammar]

kṛṣṇaḥ kāṃtāmanujñāpya gavāmabhimukhaṃ vrajet |
sā tu sūryagṛhaṃ gacchetsakhīmaṃḍalasaṃyutā || 77 ||
[Analyze grammar]

kiyaddūraṃ tato gatvā parāvṛtya hariṃ punaḥ |
vipraveṣaṃ samāsthāya yāti sūryagṛhaṃ prati || 78 ||
[Analyze grammar]

sūryaṃ prapūjayettatra prārthitastatsakhījanaiḥ |
tadaiva kalpitairvedaiḥ parihāsavigarbhitaiḥ || 79 ||
[Analyze grammar]

tatastā jñāpitaṃ kāṃtaṃ parijñāya vicakṣaṇāḥ |
ānaṃdasāgare magnā na viduḥ svaṃ na cāparam || 80 ||
[Analyze grammar]

vihārairvividhairevaṃ sārddhayāmadvayaṃ mune |
nītvā gṛhaṃ vrajeyustāḥ sa ca kṛṣṇo gavāṃ vrajet || 81 ||
[Analyze grammar]

saṃgamya svasakhīnkṛṣṇo gṛhītvā gāḥ samaṃtataḥ |
āgacchati vrajaṃ harṣānnādayanmuraladyaṃ mune || 82 ||
[Analyze grammar]

tato naṃdādayaḥ sarve śrutvā veṇuravaṃ hareḥ |
godhūlipaṭalavyāptaṃ dṛṣṭvā cāpi nabhastalam || 83 ||
[Analyze grammar]

visṛjya sarvakarmāṇi striyo bālādayo'pi ca |
kṛṣṇasyābhimukhaṃ yāṃti taddarśanasamutsukāḥ || 84 ||
[Analyze grammar]

rājamārge vrajadvāri yatra sarve vrajaukasaḥ |
kṛṣṇo'pi tānsamāgamya yathāvadanupūrvaśaḥ || 85 ||
[Analyze grammar]

darśanasparśanairvācā smitapūrvāvalokanaiḥ |
gopavṛddhānnamaskāraiḥ kāyikairvācikairapi || 86 ||
[Analyze grammar]

aṣṭāṃgapātaiḥ pitarau rohiṇīmapi nārada |
netrāṃtasūcitenaiva vinayena priyāṃ tathā || 87 ||
[Analyze grammar]

evaṃ taistadyathāyogyaṃ vrajaukobhiḥ prapūjitaḥ |
gavālaye tathā gāśca saṃpraveśya samaṃtataḥ || 88 ||
[Analyze grammar]

pitṛbhyāmarthito yāti bhrātrā saha nijālayam |
snātvā pītvā tatra kiṃcidbhuktvā mātrānumoditaḥ || 89 ||
[Analyze grammar]

gavālayaṃ punaryāti dogdhukāmo gavāṃ payaḥ |
tāśca dugdhvā dohayitvā pāyayitvā ca kāścana || 90 ||
[Analyze grammar]

pitrā sārddhaṃ gṛhaṃ yāti tatra bhāvaśatānugaḥ |
tatra pitrā pitṛvyaiśca tatputraiśca balena ca || 91 ||
[Analyze grammar]

bhunakti vividhānnāni carvyacoṣyādikāni ca |
tanmatiḥ prārthanātpūrvaṃ rādhikā ca tadaiva ha || 92 ||
[Analyze grammar]

prasthāpayetsakhīdvārā pakvānnāni tadālayam |
ślāghayaṃśca haristāni bhuktvā pitrādibhiḥ saha || 93 ||
[Analyze grammar]

sabhāgṛhaṃ vrajettaiśca juṣṭaṃ baṃdijanādibhiḥ |
pakvānnāni gṛhītvā yāḥ sakhyastatra purāgatāḥ || 94 ||
[Analyze grammar]

bahūni ca punastāni pradattāni yaśodayā |
sakhyastatra tayā dattaṃ kṛṣṇocchiṣṭaṃ nayaṃti ca || 95 ||
[Analyze grammar]

sarvaṃ tābhiḥ samānīya rādhikāyai nivedyate |
sāpi bhuktvā sakhīvargayutā tadanupūrvaśaḥ || 96 ||
[Analyze grammar]

sakhībhirmaṃḍitā tiṣṭhedabhisarttuṃ samudyatā |
prasthāpyate mayā kācidita eva tataḥ sakhī || 97 ||
[Analyze grammar]

tayābhisāritā sātha yamunāyāḥ samīpataḥ |
kalpavṛkṣanikuṃje'smindivyaratnamaye gṛhe || 98 ||
[Analyze grammar]

sitakṛṣṇaniśāyogyaveṣā yāti sakhīvṛtā |
kṛṣṇo'pi vividhaṃ tatra dṛṣṭvā kautūhalaṃ tataḥ || 99 ||
[Analyze grammar]

kātyāyanyā manojñāni śrutvā saṃgītakānyapi |
dhanadhānyādibhistāśca prīṇayitvā vidhānataḥ || 100 ||
[Analyze grammar]

janairārādhito mātrā yāti sakhyāniketanam |
mātari prasthitāyāṃ ca bhojayitvā tato gṛham || 101 ||
[Analyze grammar]

saṃketakaṃ kāṃtayātra samāgacchedalakṣitaḥ |
militvā tāvubhāvatra krīḍato vanarājiṣu || 102 ||
[Analyze grammar]

vihārairvividhai rāsalāsyahāsapurassaraiḥ |
sārddhayāmadvayaṃ nītvā rātrerevaṃ vihārataḥ || 103 ||
[Analyze grammar]

suṣupsū viśataḥ kuṃjaṃ pakṣiṇībhiralakṣitau |
ekāṃte kusumaiḥ kḷpte kelitalpe manohare || 104 ||
[Analyze grammar]

suptā vā tiṣṭhatastatra sevyamānau nijālibhiḥ |
iti te sarvamākhyātaṃ naityakaṃ caritaṃ hareḥ || 105 ||
[Analyze grammar]

pāpino'pi vimucyaṃte śravaṇādasya nārada |
nārada uvāca |
dhanyo'smyanugṛhīto'smi tvayā devi na saṃśayaḥ || 106 ||
[Analyze grammar]

harerdainaṃdinīlīlā yato me'dya prakāśitā |
sūta uvāca |
ityuktvā tāṃ parikramya tayā cāpi prapūjitaḥ || 107 ||
[Analyze grammar]

aṃtardhānaṃ gato brahmannārado munisattamaḥ |
mayāpyetaccānupūrvyātsarvameva prakīrtitam || 108 ||
[Analyze grammar]

japennityaṃ prayatnena maṃtrayugmamanuttamam |
kṛṣṇavaktrādidaṃ labdhaṃ purā rudreṇa yatnataḥ || 109 ||
[Analyze grammar]

tenoktaṃ nāradāyāpi nāradena mamoditam |
saṃskārāṃśca vidhāyaiva mayāpyetattavoditam || 110 ||
[Analyze grammar]

tvayāpyetadgopanīyaṃ rahasyaṃ paramādbhutam |
śaunaka uvāca |
kṛtakṛtyobhavaṃ sākṣāttvatprasādādahaṃ guro || 111 ||
[Analyze grammar]

rahasyānāṃ rahasyaṃ yattvayā mahyaṃ prakāśitam |
sūta uvāca |
dharmānetānupātiṣṭhañjalpanmaṃtramaharniśam || 112 ||
[Analyze grammar]

acirādeva taddāsyamavāpsyasi na saṃśayaḥ |
mayāpi gamyate brahmannityamāyatanaṃ vibhoḥ || 113 ||
[Analyze grammar]

gurorgurorbhānujāyāḥ kūle gopīśvarasya ca || 114 ||
[Analyze grammar]

idaṃ caritraṃ paramaṃ pavitraṃ proktaṃ maheśena mahānubhāvam |
śṛṇvaṃti ye bhaktiyutā manuṣyāste yāṃti nityaṃ padamacyutasya || 115 ||
[Analyze grammar]

dhanyaṃ yaśasyamāyuṣyamārogyābhīṣṭasiddhidam |
svargāpavargasaṃpattikāraṇaṃ pāpanāśanam || 116 ||
[Analyze grammar]

bhaktyā paṭhaṃti ye nityaṃ mānavā viṣṇutatparāḥ |
na teṣāṃ punarāvṛttirviṣṇulokātkathaṃcana || 117 ||
[Analyze grammar]

iti śrīpadmapurāṇe pātālakhaṃḍe vṛṃdāvanamāhātmye tryaśītitamo'dhyāyaḥ || 83 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 83

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: