Chapter 82

[English text for this chapter is available]

śiva uvāca |
atha dīkṣāvidhiṃ vakṣye śṛṇu nārada tattvataḥ |
śravaṇādeva mucyeta vinā tasya vidhānataḥ || 1 ||
[Analyze grammar]

āviraṃcyājjagatsarvaṃ vijñāya naśvaraṃ budhaḥ |
ādhyātmikādi trividha duḥkhamevānubhūya ca || 2 ||
[Analyze grammar]

anityatvācca sarveṣāṃ sukhānāṃ munisattama |
duḥkhapakṣe vinikṣipya tāni tebhyo vivarjitaḥ || 3 ||
[Analyze grammar]

virajya saṃsṛterhānau sādhanāni viciṃtayet |
anuttamasukhasyāpi saṃprāptau bhṛśanirvṛtaḥ || 4 ||
[Analyze grammar]

narāṇāṃ duṣkaratvaṃ hi vijñāya ca mahāmatiḥ |
bhṛśamārttastato vipra māṃ guruṃ śaraṇaṃ vrajet || 5 ||
[Analyze grammar]

śāṃto vimatsaraḥ kṛṣṇe bhakto'nanyaprayojanaḥ |
ananyasādhanaḥ śrīmānkāmalobhavivarjitaḥ || 6 ||
[Analyze grammar]

śrīkṛṣṇarasatattvajñaḥ kṛṣṇamaṃtravidāṃ varaḥ |
kṛṣṇamaṃtrāśrayo nityaṃ maṃtrabhaktaḥ sadā śuciḥ || 7 ||
[Analyze grammar]

saddharmaśāsakonityaṃ sadācāraniyojakaḥ |
saṃpradāyī kṛpāpūrṇo virāgī gururucyate || 8 ||
[Analyze grammar]

evamādiguṇaḥ prāyaḥ śuśrūṣurgurupādayoḥ |
gurau nitāṃtabhaktaśca mumukṣuḥ śiṣya ucyate || 9 ||
[Analyze grammar]

yatsākṣātsevanaṃ tasya premṇā bhāgavato bhavet |
sa mokṣaḥ procyate prājñairvedavedāṃgavedibhiḥ || 10 ||
[Analyze grammar]

āśritya svaguroḥ pādau nijavṛttaṃ nivedayet |
sa saṃdehānapākṛtya bodhayitvā punaḥ punaḥ || 11 ||
[Analyze grammar]

svapādapraṇataṃ śāṃtaṃ śuśrūṣuṃ nijapādayoḥ |
atihṛṣṭamanāḥ śiṣyaṃ manumadhyāpayetparam || 12 ||
[Analyze grammar]

caṃdanena mṛdā vāpi vilikhedbāhumūlayoḥ |
vāmadakṣiṇayorvipra śaṃkhacakre yathākramam || 13 ||
[Analyze grammar]

ūrddhvapuṃḍraṃ tataḥ kuryādbhālādiṣu vidhānataḥ |
tatomaṃtradvayaṃ tasya dakṣakarṇe vinirdiśet || 14 ||
[Analyze grammar]

maṃtrārthaṃ ca vadettasmai yathāvadanupūrvaśaḥ |
dāsaśabdayutaṃ nāma dhāryaṃ tasya prayatnataḥ || 15 ||
[Analyze grammar]

tato'tibhaktyā sasnehaṃ vaiṣṇavānbhojayedbudhaḥ |
śrīguruṃ pūjayeccāpi vastrālaṃkaraṇādibhiḥ || 16 ||
[Analyze grammar]

sarvasvaṃ gurave dadyāttadarddhaṃ vā mahāmune |
svadehamapi nikṣipya gurau stheyamakiṃcanaiḥ || 17 ||
[Analyze grammar]

ya etaiḥ paṃcabhirvidvānsaṃskāraiḥ saṃskṛto bhavet |
dāsyabhāgī sa kṛṣṇasya nānyathā kalpakoṭibhiḥ || 18 ||
[Analyze grammar]

aṃkanaṃ corddhvapuṃḍraśca maṃtro nāmavidhāraṇam |
paṃcamo yāga ityuktāḥ saṃskārāḥ pūrvasūribhiḥ || 19 ||
[Analyze grammar]

aṃkanaṃ śaṃkhacakrādyaiḥ sacchidraṃ puṃḍramucyate |
dāsaśabdayutaṃ nāmamaṃtro yugalasaṃjñakaḥ || 20 ||
[Analyze grammar]

guruvaiṣṇavayoḥ pūjā yāga ityabhidhīyate |
ete paramasaṃskārā mayā te parikīrtitāḥ || 21 ||
[Analyze grammar]

atha tubhyaṃ prapannānāṃ dharmānvakṣyāmi nārada |
yānāsthāya gamiṣyaṃti haridhāma narāḥ kalau || 22 ||
[Analyze grammar]

itthaṃ gurorlabdhamaṃtro gurubhaktiparāyaṇaḥ |
sevamāno guruṃ nityaṃ tatkṛpāṃ bhāvayetsudhīḥ || 23 ||
[Analyze grammar]

satāṃ dharmāṃ stataḥ śikṣetprapannānāṃ viśeṣataḥ |
sveṣṭadevadhiyā nityaṃ vaiṣṇavānparitoṣayet || 24 ||
[Analyze grammar]

tāḍanaṃ bhartsanaṃ kāmibhogyatvena yathā striyaḥ |
gṛhṇaṃti vaiṣṇavānāṃ ca tattadgrāhyaṃ tathā budhaiḥ || 25 ||
[Analyze grammar]

aihikyāmuṣmikī ciṃtā naiva kāryā kadācana |
aihikaṃ tu sadā bhāvyaṃ pūrvācaritakarmaṇā || 26 ||
[Analyze grammar]

āmuṣmikaṃ tathā kṛṣṇaḥ svayameva kariṣyati |
ato hi tatkṛte tyājyaḥ prayatnaḥ sarvathā naraiḥ || 27 ||
[Analyze grammar]

sarvopāyaparityāgaḥ kṛṣṇīyātmatayārcanam |
suciraṃ proṣite kāṃte yathā patiparāyaṇā || 28 ||
[Analyze grammar]

priyānurāgiṇī dīnā tasyasaṃgaikakāṃkṣiṇī |
tadguṇānbhāvayennityaṃ gāyatyapi śṛṇoti ca || 29 ||
[Analyze grammar]

śrīkṛṣṇaguṇalīlādi smaraṇādi tathācaret |
na punaḥ sādhanatvena kāryaṃ tattu kadācana || 30 ||
[Analyze grammar]

ciraṃ proṣyāgataṃ kāṃtaṃ prāpya kāṃtadhiyā yathā |
cuṃbaṃtī vā śliṣyaṃtīva netrāṃte na pibaṃtyapi || 31 ||
[Analyze grammar]

brahmānaṃdagatevāśu sevate parayā mudā |
śrīmadarcāvatāreṇa tathā paricareddharim || 32 ||
[Analyze grammar]

ananyaśaraṇo nityaṃ tathaivānanyasādhanaḥ |
ananyasādhanārthatvātsyādananya prayojanaḥ || 33 ||
[Analyze grammar]

nānyaṃ ca pūjayeddevaṃ na namettaṃ smarenna ca |
na ca paśyenna gāyecca na ca niṃdetkadācana || 34 ||
[Analyze grammar]

nānyocchiṣṭaṃ ca bhuṃjīta nānyaśeṣaṃ ca dhārayet |
avaiṣṇavānāṃ saṃbhāṣā vaṃdanādi vivarjayet || 35 ||
[Analyze grammar]

īśavaiṣṇavayorniṃdāṃ śṛṇuyānna kadācana |
karṇau pidhāya gaṃtavyaṃ śaktau daṃḍaṃ samācaret || 36 ||
[Analyze grammar]

āśritya cātakīṃ vṛttiṃ dehapātāvadhi dvija |
dvayasyārthaṃ bhāvayitvā stheyamityeva me matiḥ || 37 ||
[Analyze grammar]

saraḥ samudra nadyādīnvihāya cātako yathā |
tṛṣito mriyate vāpi yācate vā payodharam || 38 ||
[Analyze grammar]

evameva prayatnena sādhanāni viciṃtayet |
sveṣṭadevaḥsadāyācyogatistvaṃmebhaveriti || 39 ||
[Analyze grammar]

sveṣṭadeva tadīyānāṃ gurorapi viśeṣataḥ |
ānukūlye sadā stheyaṃ prātikūlyaṃ vivarjayet || 40 ||
[Analyze grammar]

sakṛtprapanno vakṣyāmi kalyāṇaguṇatāṃ tayoḥ |
viciṃtya viśvasedetau māmimāvuddhariṣyataḥ || 41 ||
[Analyze grammar]

saṃsārasāgarānnātha mitra putra gṛhā kulāt |
goptārau me yuvāmeva prapannabhayabhaṃjanau || 42 ||
[Analyze grammar]

yohaṃ mamāsti yatkiṃcidiha loke paratra ca |
tatsarvaṃ bhavatoradya caraṇeṣu samarcitam || 43 ||
[Analyze grammar]

ahamasmyaparādhānāmālayastyakta sādhanaḥ |
agatiśca tato nāthau bhavaṃtāveva me gatiḥ || 44 ||
[Analyze grammar]

tavāsmi rādhikākāṃta karmaṇā manasā girā |
kṛṣṇakāṃte tavaivāsmi yuvāmeva gatirmama || 45 ||
[Analyze grammar]

śaraṇaṃ vāṃ prapanno'smi karuṇānikarākarau |
prasādaṃ kuru taṃ dāsyaṃ mayi duṣṭe'parādhini || 46 ||
[Analyze grammar]

ityevaṃ japatā nityaṃ sthātavyaṃ padyapaṃcakam |
acirādeva taddāsyamicchatā munisattama || 47 ||
[Analyze grammar]

bāhyadharmā mayā hyete saṃkṣepeṇopavarṇitāḥ |
āṃtaraḥ paramo dharmaḥ prapannānāmathocyate || 48 ||
[Analyze grammar]

kṛṣṇapriyā sakhībhāvaṃ samāśritya prayatnataḥ |
tayoḥ sevāṃ prakurvīta divānaktamataṃdritaḥ || 49 ||
[Analyze grammar]

ukto maṃtrastadaṃgāni tathā tasyādhikāriṇaḥ |
taddharmāśca tathā tebhyaḥ phalaṃ maṃtrasya nārada || 50 ||
[Analyze grammar]

anutiṣṭha tvamapyetattayordāsyamavāpsyasi |
svādhikārakṣaye vipra saṃdeho nātra kaścana || 51 ||
[Analyze grammar]

sakṛnmātraprapannāya tavāsmīti ca yācate |
nijadāsyaṃ harirdadyānna me'trāsti vicāraṇā || 52 ||
[Analyze grammar]

atra te varṇayiṣyāmi rahasyaṃ paramādbhutam |
śrutapūrvaṃ mayā kṛṣṇātsākṣādbhagavataḥ param || 53 ||
[Analyze grammar]

eṣa te kathito dharma āṃtaro munisattama |
guhyādeṣa guhyatamo gopanīyaḥ prayatnataḥ || 54 ||
[Analyze grammar]

maṃtraratnamahaṃ pūrvaṃ japankailāsamūrddhani |
dhyāyannārāyaṇaṃ devamavasaṃ gahane vane || 55 ||
[Analyze grammar]

tatastu bhagavāṃstuṣṭaḥ prādurāsa mamāgrataḥ |
vriyatāṃ vara ityukte mayāpyudghāṭya locane || 56 ||
[Analyze grammar]

dṛṣṭo devaḥpriyā sārddhaṃ saṃsthito garuḍopari |
praṇipatyāvocamahaṃ varadaṃ kamalāpatim || 57 ||
[Analyze grammar]

yadrūpaṃ te kṛpāsiṃdho paramānaṃdadāyakam |
sarvānaṃdāśrayaṃ nityaṃ mūrtimatsarvato'dhikam || 58 ||
[Analyze grammar]

nirguṇaṃ niṣkriyaṃ śāṃtaṃ yadbrahmeti vidurbudhāḥ |
tadahaṃ draṣṭumicchāmi cakṣurbhyāṃ parameśvara || 59 ||
[Analyze grammar]

tato māmāha bhagavānprapannaṃ kamalāpatiḥ |
tadadya drakṣyase rūpaṃ yatte manasi kāṃkṣitam || 60 ||
[Analyze grammar]

yamunā paścime tīre gaccha vṛṃdāvanaṃ mama |
ityuktvāṃtardadhe devaḥ priyāsārddhaṃ jagatpatiḥ || 61 ||
[Analyze grammar]

ahamapyāgatastarhi yamunāyāstaṭaṃ śubham |
tatra kṛṣṇamapaśyaṃ ca sarvadeveśvareśvaram || 62 ||
[Analyze grammar]

gopaveṣadharaṃ kāṃtaṃ kiśoravayasānvitam |
priyāskaṃdhe suvinyasta vāmahastaṃ manoharam || 63 ||
[Analyze grammar]

hasaṃtaṃ hāsayataṃ tāṃ madhye gopīkadaṃbake |
snigdhameghasamābhāsaṃ kalyāṇaguṇamaṃdiram || 64 ||
[Analyze grammar]

prahasya ca tataḥ kṛṣṇo māmāhāmṛtabhāṣaṇaḥ |
ahaṃ te darśanaṃ yāto jñātvā rudra tavepsitam || 65 ||
[Analyze grammar]

yadadya me tvayā dṛṣṭamidaṃ rūpamalaukikam |
ghanībhūtāmalaprema saccidānaṃdavigraham || 66 ||
[Analyze grammar]

nīrūpaṃ nirguṇaṃ vyāpi kriyāhīnaṃ parātparam |
vadaṃtyupaniṣatsaṃghā idameva mamānagham || 67 ||
[Analyze grammar]

prakṛtyutthaguṇābhāvādanaṃtatvāttatheśvaram |
asiddhatvānmadguṇānāṃ nirguṇaṃ māṃ vadaṃti hi || 68 ||
[Analyze grammar]

adṛśyatvānmamaitasya rūpasya carmacakṣuṣā |
arūpaṃ māṃ vadaṃtyete vedāḥ sarve maheśvara || 69 ||
[Analyze grammar]

vyāpakatvāccidaṃśena brahmeti ca vidurbudhāḥ |
akartṛtvātprapaṃcasya niṣkriyaṃ māṃ vadaṃti hi || 70 ||
[Analyze grammar]

māyāguṇairyatomeṃ'śā kurvaṃti sarjanādikam |
na karomi svayaṃ kiṃcitsṛṣṭyādikamahaṃ śiva || 71 ||
[Analyze grammar]

ahamāsāṃ mahādeva gopīnāṃ premavihvalaḥ |
kriyāṃtaraṃ na jānāmi nātmānamapi nārada || 72 ||
[Analyze grammar]

viharāmyanayā nityamasyāḥ premavaśīkṛtaḥ |
imāṃ tu matpriyāṃ viddhi rādhikāṃ paradevatām || 73 ||
[Analyze grammar]

asyāśca paritaḥ paśya sakhyaḥ śatasahasraśaḥ |
nityāḥ sarvā imā rudra yathāhaṃ nityavigrahaḥ || 74 ||
[Analyze grammar]

gopā gāvo gopikāśca sadā vṛṃdāvanaṃ mama |
sarvametannityameva cidānaṃdarasātmakam || 75 ||
[Analyze grammar]

idamānaṃdakaṃdākhyaṃ viddhi vṛṃdāvanaṃ mama |
yasminpraveśamātreṇa na punaḥ saṃsṛtiṃ viśet || 76 ||
[Analyze grammar]

madvanaṃ prāpya yo mūḍhaḥ punaranyatra gacchati |
sa ātmahā bhavedeva satyaṃ satyaṃ mayoditam || 77 ||
[Analyze grammar]

vṛṃdāvanaṃ parityajya naiva gacchāmyahaṃ kvacit |
nivasāmyanayā sārddhamahamatraiva sarvadā || 78 ||
[Analyze grammar]

ityevaṃ sarvamākhyātaṃ yatte rudra hṛdi sthitam |
kathayasva mamedānīṃ kimanyacchrotumicchasi || 79 ||
[Analyze grammar]

tatastamabravaṃ devamahaṃ ca munisattama |
īdṛśastvaṃ kathaṃ labhyastamupāyaṃ vadasva me || 80 ||
[Analyze grammar]

tato māmāha bhagavānsādhu rudra tavoditam |
atiguhyatamaṃ hyetadgopanīyaṃ prayatnataḥ || 81 ||
[Analyze grammar]

sakṛdāvāṃ prapanno yastyaktopāya upāsate |
gopībhāvena deveśa sa māmeti na cetaraḥ || 82 ||
[Analyze grammar]

sakṛdāvāṃ prapanno vā matpriyāmekikāmuta |
sevatenanyabhāvena sa māmeti na saṃśayaḥ || 83 ||
[Analyze grammar]

yo māmeva prapannaśca matpriyāṃ na maheśvara |
na kadāpi sa cāpnoti māmevaṃ te mayoditam || 84 ||
[Analyze grammar]

sakṛdeva prapannoyastavāsmīti vadedapi |
sādhanena vināpyeva māmāpnoti na saṃśayaḥ || 85 ||
[Analyze grammar]

tasmātsarvaprayatnena matpriyāṃ śaraṇaṃ vrajet |
āśritya matpriyāṃ rudra māṃ vaśīkarttumarhasi || 86 ||
[Analyze grammar]

idaṃ rahasyaṃ paramaṃ mayā te parikīrtitam |
tvayāpyetanmahādeva gopanīyaṃ prayatnataḥ || 87 ||
[Analyze grammar]

tvamapyenāṃ samāśritya rādhikāṃ mama vallabhām |
japanme yugalaṃ maṃtraṃ sadā tiṣṭha madālaye || 88 ||
[Analyze grammar]

śiva uvāca |
ityuktvā dakṣiṇe karṇe mama kṛṣṇo dayānidhiḥ |
upadiśya paraṃ maṃtraṃ saṃskārāṃśca vidhāya hi || 89 ||
[Analyze grammar]

sagaṇoṃ'tardadhe vipra tatraiva mama paśyataḥ |
ahamapyatra tiṣṭhāmi tadārabhya niraṃtaram || 90 ||
[Analyze grammar]

sarvametanmayā tubhyaṃ sāṃgameva prakīrttitam |
adhunā vada vipreṃdra kiṃ bhūyaḥ śrotumicchasi || 91 ||
[Analyze grammar]

iti śrīpadmapurāṇe pātālakhaṃḍe vṛṃdāvanamāhātmye |
dvyaśītitamo'dhyāyaḥ || 82 ||
[Analyze grammar]