Chapter 78

[English text for this chapter is available]

pārvatyuvāca |
vaiṣṇavānāṃ ca yaddharmaṃ sarvaṃ tathyaṃ ca me vada |
yatkṛtvā mānavāḥ sarve bhavāṃbhodhiṃ taraṃti hi || 1 ||
[Analyze grammar]

īśvara uvāca |
atha dvādaśadhā śuddhirvaiṣṇavānāmihocyate |
gṛhopalepanaṃ caiva tathānugamanaṃ hareḥ || 2 ||
[Analyze grammar]

bhaktyā pradakṣiṇā caiva pādayoḥ śodhanaṃ punaḥ |
pūjārthaṃ patrapuṣpāṇāṃ bhaktyaivottolanaṃ hareḥ || 3 ||
[Analyze grammar]

karayoḥ sarvaśuddhīnāmiyaṃ śuddhirviśiṣyate |
tannāmakīrtanaṃ caiva guṇānāmapi kīrttanam || 4 ||
[Analyze grammar]

bhaktyā śrīkṛṣṇadevasya vacasaḥ śuddhiriṣyate |
tatkathāśravaṇaṃ caiva tasyotsavanirīkṣaṇam || 5 ||
[Analyze grammar]

śrotrayornetrayoścaiva śuddhiḥ samyagihocyate |
pādodakaṃ ca nirmālyaṃ mālānāmapi dhāraṇam || 6 ||
[Analyze grammar]

ucyate śirasaḥ śuddhiḥ praṇatasya hareḥ puraḥ |
āghrāṇaṃ tasya puṣpādernirmālyasya tathā priye || 7 ||
[Analyze grammar]

viśuddhiḥ syādaṃtarasya ghrāṇasyāpi vidhīyate |
yatra puṣpādikaṃ yacca kṛṣṇapādayugārpitam || 8 ||
[Analyze grammar]

tadekaṃ pāvanaṃ loke taddhi sarvaṃ viśodhayet |
pūjā ca paṃcadhā proktā tāsāṃ bhedaṃ śṛṇuṣva me || 9 ||
[Analyze grammar]

abhigamanamupādānaṃ yogaḥ svādhyāya eva ca |
ijyā paṃcaprakārārcā krameṇa kathayāmi te || 10 ||
[Analyze grammar]

tatvābhigamanaṃ nāma devatāsthānamārjanam |
upalepaṃ ca nirmālyadūrīkaraṇameva ca || 11 ||
[Analyze grammar]

upādānaṃ nāma gaṃdha puṣpādicayanaṃ tathā |
yogo nāma svadevasya svātmanaivātmabhāvanā || 12 ||
[Analyze grammar]

svādhyāyo nāma maṃtrārthānusaṃdhāpūrvako japaḥ |
sūktastotrādipāṭhaśca hareḥ saṃkīrttanaṃ tathā || 13 ||
[Analyze grammar]

tattvādiśāstrābhyāsaśca svādhyāyaḥ parikīrtitaḥ |
ijyā nāma svadevasya pūjanaṃ ca yathārthataḥ || 14 ||
[Analyze grammar]

iti paṃcaprakārārcā kathitā tava suvrate |
sārṣṭi sāmīpya sālokya sāyujya sārūpyadā kramāt || 15 ||
[Analyze grammar]

prasaṃgātkathayiṣyāmi śālagrāmaśilārcanam |
keśavādeścaturbāhordakṣiṇordhvakarakramāt || 16 ||
[Analyze grammar]

śaṃkhacakragadāpadmī keśavākhyo gadādharaḥ |
nārāyaṇaḥ padmagadācakraśaṃkhāyudhaiḥ kramāt || 17 ||
[Analyze grammar]

mādhavaścakraśaṃkhābhyāṃ padmena gadayā bhavet |
gadābjaśaṃkhacakrī ca goviṃdākhyo gadādharaḥ || 18 ||
[Analyze grammar]

padmaśaṃkhāri gadine viṣṇurūpāya te namaḥ |
saśaṃkhābja gadācakra madhusūdana mūrtaye || 19 ||
[Analyze grammar]

namo gadāriśaṃkhābjayuktatrivikramāya ca |
sārikaumodakī padmaśaṃkha vāmana mūrttaye || 20 ||
[Analyze grammar]

cakrābjaśaṃkhagadine namaḥ śrīdharamūrttaye |
hṛṣīkeśasārigadāśaṃkhapadminnamostu te || 21 ||
[Analyze grammar]

sābjaśaṃkhagadācakrapadmanābha svamūrttaye |
dāmodaraśaṃkhagadācakrapadminnamostu te || 22 ||
[Analyze grammar]

śaṃkhābjacakragadine namaḥ saṃkarṣaṇāya ca |
sāriśaṃkhagadābjāya vāsudeva namostute || 23 ||
[Analyze grammar]

śaṃkhacakragadābjāya dhṛta pradyumnamūrttaye |
namo'niruddhāya gadāśaṃkhābjārividhāriṇe || 24 ||
[Analyze grammar]

sābjaśaṃkhagadācakrapuruṣottamamūrttaye |
namo'dhokṣajarūpāya gadāśaṃkhāri padmine || 25 ||
[Analyze grammar]

nṛsiṃhamūrttaye padmagadāśaṃkhāridhāriṇe |
padmāriśaṃkhagadine namostvacyutamūrttaye || 26 ||
[Analyze grammar]

sagadābjāriśaṃkhāya namaḥ śrīkṛṣṇamūrttaye |
śālagrāmaśilādvāragatalagnadvicakradhṛk || 27 ||
[Analyze grammar]

śuklābharekhaḥ śobhāḍhyaḥ sadevaḥ śrīgadādharaḥ |
lagnadvicakro raktābhaḥ pūrvabhāgastu puṣkalaḥ || 28 ||
[Analyze grammar]

saṃkarṣaṇo'tha pradyumnaḥ sūkṣmacakrastu pītakaḥ |
sudīrghasuṣiracchidro hyaniruddhastu varttulaḥ || 29 ||
[Analyze grammar]

nīlo dvāre trirekhaśca atha nārāyaṇo'sitaḥ |
madhye gadākṛtī rekhā nābhipadmaṃ mahonnatam || 30 ||
[Analyze grammar]

pṛthucakro nṛsiṃho yaḥ kapilo yastribiṃdukaḥ |
athavā paṃcabiṃdostu pūjanaṃ brahmacāriṇaḥ || 31 ||
[Analyze grammar]

varāhaḥ sa triliṃgo yo viṣamadvayacakrakaḥ |
nīlastrirekhaḥ sthūlo'tha kūrmamūrtiḥ sabiṃdukaḥ || 32 ||
[Analyze grammar]

kṛṣṇaḥ savartulāvartta pāṃḍuro dhṛtapṛṣṭhakaḥ |
śrīdharaḥ paṃcarekhaśca vanamālī gadāṃkitaḥ || 33 ||
[Analyze grammar]

vāmano vartulo nāma madhyacakraḥ sanīlakaḥ |
nānāvarṇānekamūrti nāgabhogī tvanaṃtakaḥ || 34 ||
[Analyze grammar]

sthūlo dāmodaro nīlo madhye cakraḥ sanīlakaḥ |
saṃkarṣaṇadvārakovyādatha brahmā sulohitaḥ || 35 ||
[Analyze grammar]

sudīrgharekhāsuṣira ekacakrāṃbujaḥ pṛthuḥ |
pṛthucakraḥ sthūlachidraḥ kṛṣṇo biṃduśca biṃdumān || 36 ||
[Analyze grammar]

hyagrīvoṃ'kuśākāraḥ paṃcarekhaḥ sakaustubhaḥ |
vaikuṃṭho mallavadbhāti ekacakramayositaḥ || 37 ||
[Analyze grammar]

matsyo dīrghāṃbujākāro dīrgharekhaśca pāṃḍuraḥ |
rāmacakro dakṣarekho yaḥ śyāmaḥ sa trivikramaḥ || 38 ||
[Analyze grammar]

śālagrāmadvārakāyāṃ sthitāya gadine namaḥ |
ekena lakṣito yovyādgadādhārī sudarśanaḥ || 39 ||
[Analyze grammar]

lakṣmīnārāyaṇo dvābhyāṃ tribhiścaiva trivikramaḥ |
caturbhiśca caturvyūho vāsudevaśca paṃcabhiḥ || 40 ||
[Analyze grammar]

pradyumnaḥ ṣaḍbhirevāvyātsaṃkarṣaṇaśca saptabhiḥ |
puruṣottamo'ṣṭabhiśca syānnavavyūho navo hitaḥ || 41 ||
[Analyze grammar]

daśāvatāro daśabhiraniruddho'vatādatha |
dvādaśātmā dvādaśabhirataūrddhvamanaṃtakaḥ || 42 ||
[Analyze grammar]

brahmā caturmukho daṃḍī kamaṃḍalusragunnataḥ |
maheśvaraḥ paṃcavaktro daśabāhurvṛṣadhvajaḥ || 43 ||
[Analyze grammar]

yathāyudhastathāgaurī caṃḍikā ca sarasvatī |
mahālakṣmīrmātaraśca padmahasto divākaraḥ || 44 ||
[Analyze grammar]

gajāsyaśca gajaskaṃdhaḥ ṣaṇmukhonekadhā gaṇāḥ |
ete sthitāḥ sthāpitā syuḥ prasādevātha pūjitāḥ || 45 ||
[Analyze grammar]

dharmārthakāmamokṣā hi prāpyaṃte puruṣeṇa ca || 46 ||
[Analyze grammar]

iti śrīpadmapurāṇe pātālakhaṃḍe śālagrāmanirṇayo |
nāmāṣṭasaptatitamo'dhyāyaḥ || 78 ||
[Analyze grammar]