Chapter 77

[English text for this chapter is available]

pārvatyuvāca |
vistareṇa samācakṣva nāmārthapadagauravam |
īśvarasya svarūpaṃ ca tatsthānānāṃ vibhūtayaḥ || 1 ||
[Analyze grammar]

tadviṣṇoḥ paramaṃ dhāma vyūhabhedāstathā hareḥ |
nirvāṇākhyāhi tattvena mama sarvaṃ sureśvara || 2 ||
[Analyze grammar]

īśvara uvāca |
sāre vṛṃdāvane kṛṣṇaṃ gopīkoṭibhirāvṛtam |
tatra gaṃgā parāśaktistatsthamānaṃdakānanam || 3 ||
[Analyze grammar]

nānā sukusumāmodasamīrasurabhīkṛtam |
kaliṃdatanayā divyataraṃgarāgaśītalam || 4 ||
[Analyze grammar]

sanakādyairbhāgavataiḥ saṃsṛṣṭaṃ munipuṃgavaiḥ |
āhlādimadhurārāvairgovṛṃdairabhimaṃḍitam || 5 ||
[Analyze grammar]

ramyasragbhūṣaṇopetairnṛtyadbhirbālakairvṛtam |
tatra śrīmānkalpatarurjāṃbūnadaparicchadaḥ || 6 ||
[Analyze grammar]

nānāratnapravālāḍhyo nānāmaṇiphalojjvalaḥ |
tasya mūle ratnavedī ratnadīdhitidīpitā || 7 ||
[Analyze grammar]

tatra trayīmayaṃ ratnasiṃhāsanamanuttamam |
tatrāsīnaṃ jagannāthaṃ triguṇātītamavyayam || 8 ||
[Analyze grammar]

koṭicaṃdrapratīkāśaṃ koṭibhāskarabhāsvaram |
koṭikaṃdarpalāvaṇyaṃ bhāsayantaṃ diśodaśa || 9 ||
[Analyze grammar]

trinetraṃ dvibhujaṃ gauraṃ taptajāṃbūnadaprabham |
śliṣyamāṇamaṃganābhiḥ sadāmānaṃ ca sarvaśaḥ || 10 ||
[Analyze grammar]

brahmādyaiḥ sanakādyaiśca dhyeyaṃ bhaktavaśīkṛtam |
sadāghūrṇitanetrābhirnṛtyaṃtībhirmahotsavaiḥ || 11 ||
[Analyze grammar]

cuṃbaṃtībhirhasaṃtībhiḥ śliṣyaṃtībhirmuhurmuhuḥ |
avāptagopīdehābhiḥ śrutibhiḥ koṭikoṭibhiḥ || 12 ||
[Analyze grammar]

tatpādāṃbujamādhvīkacittābhiḥ parito vṛtam |
tāsāṃ tu madhye yā devī taptacāmīkaraprabhā || 13 ||
[Analyze grammar]

dyotamānā diśaḥ sarvāḥ kurvatī vidyudujjvalāḥ |
pradhānaṃ yā bhagavatī yayā sarvamidaṃ tatam || 14 ||
[Analyze grammar]

sṛṣṭisthityaṃtarūpā yā vidyā vidyātrayīparā |
svarūpā śaktirupā ca māyārūpā ca cinmayī || 15 ||
[Analyze grammar]

brahmaviṣṇuśivādīnāṃ dehakāraṇakāraṇam |
carācaraṃ jagatsarvaṃ yanmāyāpariraṃbhitam || 16 ||
[Analyze grammar]

vṛṃdāvaneśvarī nāmnā rādhā dhātrānukāraṇāt |
tāmāliṃgya vasaṃtaṃ taṃ mudā vṛṃdāvaneśvaram || 17 ||
[Analyze grammar]

anyonyacuṃbanāśleṣa madāveśavighūrṇitam |
dhyāyedevaṃ kṛṣṇadevaṃ sa ca siddhimavāpnuyāt || 18 ||
[Analyze grammar]

maṃtrarājamimaṃ guhyaṃ tasya maṃtraṃ ca maṃtravit |
yo japecchṛṇuyādvāpi sa mahātmā sudurllabhaḥ || 19 ||
[Analyze grammar]

rādhiṃkā citrarekhā ca caṃdrā madanasuṃdarī |
śrīpriyā śrīmadhumatī śaśirekhā haripriyā || 20 ||
[Analyze grammar]

suvarṇaśobhā saṃmohā premaromāṃcarājitā |
vaivarṇyasvedasaṃyuktā bhāvāsaktā priyaṃvadā || 21 ||
[Analyze grammar]

suvarṇamālinī śāṃtā surāsarasikā tathā |
sarvastrī jīvanā dīnavatsalā vimalāśayā || 22 ||
[Analyze grammar]

nipītanāmapīyūṣā sā rādhā parikīrtitā |
sudīrghasmitasaṃyuktā taptacāmīkaraprabhā || 23 ||
[Analyze grammar]

mūrcchatpremanadī rādhā varaṇā locanāṃjanā |
māyāmātsaryasaṃyuktā dānasāmrājya jīvanā || 24 ||
[Analyze grammar]

suratotsava saṃgrāmā citrarekhā prakīrtitā |
gaurāṃgī nātidīrghā ca sadā vādanatatparā || 25 ||
[Analyze grammar]

dainyānurāganaṭanā mūrcchāromāṃcavihvalā |
haridakṣiṇapārśvasthā sarvamaṃtrapriyā tathā || 26 ||
[Analyze grammar]

anaṃgalobhamādhuryā caṃdrā sā parikīrtitā |
salīlamaṃtharagatirmaṃjumudrita locanā || 27 ||
[Analyze grammar]

premadhārojjvalākīrṇā dalitāṃjana śobhanā |
kṛṣṇānurāgarasikā rāsadhvanisamutsukā || 28 ||
[Analyze grammar]

ahaṃkārasamāyuktā mukhaniṃditacaṃdramāḥ |
madhurālāpacaturā jiteṃdriyaśiromaṇiḥ || 29 ||
[Analyze grammar]

suṃdarasmitasaṃyuktā sā vai madanasuṃdarī |
viviktarāsarasikā śyāmā śyāmamanoharā || 30 ||
[Analyze grammar]

premṇā premakaṭākṣeṇa hareścittavimohanī |
jiteṃdriyā jitakrodhā sā priyā parikīrtitā || 31 ||
[Analyze grammar]

sutaptasvarṇagaurāṃgī līlāgamanasuṃdarī |
smarottha premaromāṃca vaicitramadhurākṛtiḥ || 32 ||
[Analyze grammar]

suṃdarasmitasaṃyukta mukhaniṃditacaṃdramāḥ |
madhurālāpacaturā jiteṃdriyaśiromaṇiḥ || 33 ||
[Analyze grammar]

kīrtitā sā madhumatī premasādhanatatparā |
saṃmohajvararomāṃca premadhārā samanvitā || 34 ||
[Analyze grammar]

dānadhūlivinodā ca rāsadhvani mahānaṭī |
śaśirekhā ca vijñeyā gopālapreyasī sadā || 35 ||
[Analyze grammar]

kṛṣṇātmā sottamā śyāmā madhupiṃgalalocanā |
tatpādapremasaṃmohātkvacitpulakacuṃbitā || 36 ||
[Analyze grammar]

śivakuṃḍe śivānaṃdā naṃdinī dehikātaṭe |
rukmiṇī dvāravatyāṃ tu rādhā vṛṃdāvane vane || 37 ||
[Analyze grammar]

devakī mathurāyāṃ tu jātā me parameśvarī |
caṃdrakūṭe tathā sītā viṃdhye viṃdhyanivāsinī || 38 ||
[Analyze grammar]

vārāṇasyāṃ viśālākṣī vimalā puruṣottame |
vṛṃdāvanādhipatyaṃ ca dattaṃ tasyai prasīdatā || 39 ||
[Analyze grammar]

kṛṣṇenānyatra devī tu rādhā vṛṃdāvane vane |
nityānaṃdatanuḥ śauriryo'śarīrīti bhāṣyate || 40 ||
[Analyze grammar]

vāyvagninākabhūmīnāmaṃgādhiṣṭhitadevatā |
nirūpyate brahmaṇo'pi tathā goviṃdavigrahaḥ || 41 ||
[Analyze grammar]

seṃdriyo'pi yathā sūryastejasā nopalakṣyate |
tathā kāṃtiyutaḥ kṛṣṇaḥ kālaṃ mohayati dhruvam || 42 ||
[Analyze grammar]

na tasya prākṛtī mūrtirmedomāṃsāsthisaṃbhavā |
yogī caiveśvaraścānyaḥ sarvātmā nityavigrahaḥ || 43 ||
[Analyze grammar]

kāṭhinyaṃ devayogena karakāghṛtayoriva |
kṛṣṇasyāmitatattvasya pādapṛṣṭhaṃ na devatā || 44 ||
[Analyze grammar]

vṛṃdāvanarajovṛṃde tatra syurviṣṇukoṭayaḥ |
ānaṃdakiraṇe vṛṃdavyāptaviśvakalānidhiḥ || 45 ||
[Analyze grammar]

guṇātmatātmani yathā jīvāstatkiraṇāṃgakāḥ |
bhujadvayavṛtaḥ kṛṣṇo na kadāciccaturbhujaḥ || 46 ||
[Analyze grammar]

gopyaikayā vṛtastatra parikrīḍati sarvadā |
goviṃda eva puruṣo brahmādyāḥ striya eva ca || 47 ||
[Analyze grammar]

tata eva svabhāvoyaṃ'prakṛterbhāva īśvaraḥ |
puruṣaḥ prakṛtiścādyau rādhāvṛṃdāvaneśvarau || 48 ||
[Analyze grammar]

prakṛtervikṛtaṃ sarvaṃ vinā vṛṃdāvaneśvaram || 49 ||
[Analyze grammar]

samudbhavenaiva samudbhavedidaṃ bhedaṃ gataṃ tasya vināśato hi |
svarṇasya nāśo na hi vidyate tathā matsyādināśe'pi na kṛṣṇavicyutiḥ || 50 ||
[Analyze grammar]

triguṇādiprapaṃco'yaṃ vṛṃdāvanavihāriṇaḥ |
ūrmmīvābdhestaraṃgasya yathābdhirnaiva jāyate || 51 ||
[Analyze grammar]

na rādhikā samā nārī na kṛṣṇasadṛśaḥ pumān |
vayaḥ paraṃ na kaiśorātsvabhāvaḥ prakṛteḥ paraḥ || 52 ||
[Analyze grammar]

dhyeyaṃ kaiśorakaṃ dhyeyaṃ vanaṃ vṛṃdāvanaṃ vanam |
śyāmameva paraṃ rūpamādidevaṃ paro rasaḥ || 53 ||
[Analyze grammar]

bālyaṃ paṃcamavarṣāṃtaṃ paugaṃḍaṃ daśamāvadhi |
aṣṭapaṃcakakaiśoraṃ sīmā paṃcadaśāvadhi || 54 ||
[Analyze grammar]

yauvanodbhinnakaiśoraṃ navayauvanamucyate |
tadvayastasya sarvasvaṃ prapaṃcamitaradvayaḥ || 55 ||
[Analyze grammar]

bālyapaugaṃḍakaiśoraṃ vayo vaṃde manoharam |
bālagopālagopālaṃ smaragopālarūpiṇam || 56 ||
[Analyze grammar]

vaṃde madanagopālaṃ kaiśorākāramadbhutam |
yamāhuryauvanodbhinna śrīmanmadanamohanam || 57 ||
[Analyze grammar]

akhaṃḍātulapīyūṣa rasānaṃdamahārṇavam |
jayati śrīpatergūḍhaṃ vapuḥ kaiśorarūpiṇaḥ || 58 ||
[Analyze grammar]

ekamapyavyayaṃ pūrvaṃ ballavīvṛṃdamadhyagam |
dhyānagamyaṃ prapaśyaṃti rucibhedātpṛthagdhiyaḥ || 59 ||
[Analyze grammar]

yannakheṃdurucirbrahma dhyeyaṃ brahmādibhiḥ suraiḥ |
guṇatrayamatītaṃ taṃ vaṃde vṛṃdāvaneśvaram || 60 ||
[Analyze grammar]

vṛṃdāvanaparityāgo goviṃdasya na vidyate |
anyatra yadvapustattu kṛtrimaṃ tanna saṃśayaḥ || 61 ||
[Analyze grammar]

sulabhaṃ vrajanārīṇāṃ durllabhaṃ tanmumukṣuṇām |
taṃ bhaje naṃdasūnuṃ yannakhatejaḥ paraṃ manuḥ || 62 ||
[Analyze grammar]

pārvatyuvāca |
bhuktimuktispṛhā yāvatpiśācī hṛdi varttate |
tāvatpremasukhasyātra kathamabhyudayo bhavet || 63 ||
[Analyze grammar]

īśvara uvāca |
sādhupṛṣṭaṃ tvayā bhadre yanme manasi varttate |
tatsarvaṃ kathayiṣyāmi sāvadhānā niśāmaya || 64 ||
[Analyze grammar]

smṛtvā guṇānsmarannāma gānaṃ vā manaraṃjanam |
bodhayatyātmanātmānaṃ satataṃ premṇi līyate || 65 ||
[Analyze grammar]

iti śrīpadmapurāṇe pātālakhaṃḍe vṛṃdāvanamāhātmye pārvatīśivasaṃvāde śrīkṛṣṇarūpavarṇanaṃnāma saptasaptatitamo'dhyāyaḥ || 77 ||
[Analyze grammar]