Chapter 72

[English text for this chapter is available]

īśvara uvāca |
tadekāgramanā bhūtvā śṛṇu devi varānane |
āsīdugratapā nāma munireko dṛḍhavrataḥ || 1 ||
[Analyze grammar]

sāgniko hyagnibhakṣaśca cacārātyadbhutaṃ tapaḥ |
jajāpa paramaṃ jāpyaṃ maṃtraṃ paṃcadaśākṣaram || 2 ||
[Analyze grammar]

kāmamaṃtreṇa puṭitaṃ kāmaṃ kāmavarapradāt |
kṛṣṇāyeti padaṃ svāhā sahitaṃ siddhidaṃ param || 3 ||
[Analyze grammar]

dadhyau ca śyāmalaṃ kṛṣṇaṃ rāsonmattaṃ varotsukam |
pītapaṭṭadharaṃ veṇuṃ kareṇādharamarpitam || 4 ||
[Analyze grammar]

navayauvanasaṃpannaṃ karṣaṃtaṃ pāṇinā priyām |
evaṃ dhyānaparaḥ kalpaśatāṃte dehamutsṛjan || 5 ||
[Analyze grammar]

sunaṃda nāma gopasya kanyābhūtsa mahāmuniḥ |
sunaṃdeti samākhyātā yā vīṇāṃ bibhratī kare || 6 ||
[Analyze grammar]

muniranyaḥ satyatapā iti khyāto mahāvrataḥ |
saśuṣkapatraṃ bhuṃkte yaḥ prajajāpa paraṃ manum || 7 ||
[Analyze grammar]

ratyaṃtaṃ kāmabījena puṭitaṃ ca daśākṣaram |
sa pradadhyau munivaraścitraveṣadharaṃ harim || 8 ||
[Analyze grammar]

dhṛtvā ramāyā dorvallīdvitayaṃ kaṃkaṇojjvalam |
nṛtyaṃtamunmadaṃtaṃ ca saṃśliṣyaṃ taṃ muhurmuhuḥ || 9 ||
[Analyze grammar]

hasaṃtamuccairānaṃdataraṃgaṃ jaṭharāṃbare |
dadhataṃ veṇumājānu vaijayaṃtyā virājitam || 10 ||
[Analyze grammar]

svedāṃbhaḥ kaṇasaṃsikta lalāṭavalitānanam |
tyaktvā tyaktvā sa vai dehaṃ tapasā ca mahāmuniḥ || 11 ||
[Analyze grammar]

daśakalpāṃtare jāto hyayaṃ naṃdavanādiha |
subhadra nāmno gopasya kanyā bhadreti viśrutā || 12 ||
[Analyze grammar]

yasyāḥ pṛṣṭhatale divyaṃ vyajanaṃ paridṛśyate |
haridhāmābhidhānastu kaścidāsīnmahāmuniḥ || 13 ||
[Analyze grammar]

so'pyatapyattapaḥ kṛcchraṃ nityaṃ patraikabhojanam |
āśusiddhikaraṃ maṃtraṃ viṃśatyarṇaṃ prajaptavān || 14 ||
[Analyze grammar]

anaṃtaraṃ kāmabījādadhyārūḍhaṃ tadeva tu |
māyā tatpurato vyoma haṃsāsṛgdyuticaṃdrakam || 15 ||
[Analyze grammar]

tato daśākṣaraṃ paścānnamoyuktaṃ smarādikam |
dadhyau vṛṃdāvane ramye mādhavīmaṃḍape prabhum || 16 ||
[Analyze grammar]

uttānaśāyinaṃ cārupallavāstaraṇopari |
kayācidatikāmārtta ballavyā raktanetrayā || 17 ||
[Analyze grammar]

vakṣojayugamācchādya vipuloraḥ sthalaṃ muhuḥ |
saṃcuṃbyamānagaṃḍāṃtaṃ tṛpyamānaradacchadam || 18 ||
[Analyze grammar]

kalayaṃtaṃ priyāṃ dorbhyāṃ sahāsaṃ samudādbhutam |
sa muniśca bahūndehāṃ styaktvā kalpatrayāṃtare || 19 ||
[Analyze grammar]

sāraṃganāmno gopasya kanyābhūcchubhalakṣaṇā |
raṃgaveṇīti vikhyātā nipuṇā citrakarmaṇi || 20 ||
[Analyze grammar]

yasyā daṃteṣu dṛśyaṃte citritāḥ śoṇabiṃdavaḥ |
brahmavādī muniḥ kaścijjābāliriti viśrutaḥ || 21 ||
[Analyze grammar]

satapaḥ surato yogī vicaranpṛthivīmimām |
sa ekasminmahāraṇye yojanāyutavistṛte || 22 ||
[Analyze grammar]

yadṛcchayāgato'paśyadekāṃ vāpīṃ suśobhanām |
sarvataḥ sphāṭikābaṃdhataṭāṃ svādujalānvitām || 23 ||
[Analyze grammar]

vikāsikamalāmodavāyunā pariśīlitām |
tasyāḥ paścimadigbhāge mūle vaṭamahīruhaḥ || 24 ||
[Analyze grammar]

apaśyattāpasīṃ kāṃcitkurvaṃtīṃ dāruṇaṃ tapaḥ |
tāruṇyavayasāyuktāṃ rūpeṇāti manoharām || 25 ||
[Analyze grammar]

caṃdrāṃśuṃ sadṛśābhāsāṃ sarvāvayavaśobhanām |
kṛtvā kaṭitaṭe vāmapāṇiṃ dakṣiṇatastadā || 26 ||
[Analyze grammar]

jñānamudrāṃ ca bibhrāṇāmanimeṣavilocanām |
tyaktāhāravihārāṃ ca suniścalatayāsthitām || 27 ||
[Analyze grammar]

jijñāsustāṃ munivarastasthau tatra śataṃ samāḥ |
tadaṃte tāṃ samutthāpya calitāṃ vinayānmuniḥ || 28 ||
[Analyze grammar]

apṛcchatkā tvamāścaryarūpe kiṃ vā cariṣyasi |
yadi yogyaṃ bhavettarhi kṛpayā vaktumarhasi || 29 ||
[Analyze grammar]

athābravīcchanairbālā tapasātīva karśitā |
brahmavidyāhamatulā yogīṃdrairyā vimṛgyate || 30 ||
[Analyze grammar]

sāhaṃ haripadāmbhojakāmyayā suciraṃ tapaḥ |
carāmyasminvane ghore dhyāyaṃtī puruṣottamam || 31 ||
[Analyze grammar]

brahmānaṃdena pūrṇāhaṃ tenānaṃdena tṛptadhīḥ |
tathāpi śūnyamātmānaṃ manye kṛṣṇaratiṃ vinā || 32 ||
[Analyze grammar]

idānīmatinirviṇṇā dehasyāsya visarjjanam |
karttumicchāmi puṇyāyāṃ vāpikāyāmihaiva tu || 33 ||
[Analyze grammar]

tacchrutvā vacanaṃ tasyā muniratyaṃtavismitaḥ |
patitvā caraṇe tasyāḥ kṛṣṇopāsāvidhiṃ śubham || 34 ||
[Analyze grammar]

papraccha paramaprītastyaktvādhyātmavirocanam |
tayoktaṃ maṃtramājñāya jagāma mānasaṃ saraḥ || 35 ||
[Analyze grammar]

tato'tiduścaraṃ cakre tapo vismayakārakam |
ekapādasthitaḥ sūryaṃ nirnimeṣaṃ vilokayan || 36 ||
[Analyze grammar]

maṃtraṃ jajāpa paramaṃ paṃcaviṃśativarṇakam |
dadhyau paramabhāvena kṛṣṇamānaṃdarūpiṇam || 37 ||
[Analyze grammar]

caraṃtaṃ vrajavīthīṣu vicitragatilīlayā |
lalitaiḥ pādavinyāsaiḥ kvaṇayaṃtaṃ ca nūpuram || 38 ||
[Analyze grammar]

citrakaṃdarpaceṣṭābhiḥ sasmitāpāṃgavīkṣitaiḥ |
saṃmohanākhyayā vaṃśyā paṃcamāruṇacitrayā || 39 ||
[Analyze grammar]

biṃbauṣṭhapuṭacuṃbinyā kalālāpairmanojñayā |
haraṃtaṃ vrajarāmāṇāṃ manāṃsi ca vapūṃṣi ca || 40 ||
[Analyze grammar]

ślathannīvībhirāgatya sahasāliṃgitāṃgakam |
divyamālyāṃbaradharaṃ divyagaṃdhānulepanam || 41 ||
[Analyze grammar]

śyāmalāṃgaprabhāpūrṇairmohayaṃtaṃ jagattrayam |
sa evaṃ bahudevena samupāsya jagatpatim || 42 ||
[Analyze grammar]

navakalpāṃtare jātā gokule divyarūpiṇī |
kanyā pracaṃḍanāmnastu gopasyāti yaśasvinaḥ || 43 ||
[Analyze grammar]

citragaṃdheti vikhyātā kumārī ca śubhānanā |
nijāṃgagaṃdhairvividhairmodayaṃtī diśo daśa || 44 ||
[Analyze grammar]

tāmenāṃ paśya kalyāṇīṃ vṛṃdaśo madhupāyinīm |
aṃgeṣu svapatiṃ kṛtvā rasāveśasamākulām || 45 ||
[Analyze grammar]

asyāḥ stanapariṣvaṃge hāraiḥ sarvairvihanyate |
vakṣaḥsthalātpracyavadbhiścitragaṃdhādisaurabhaiḥ || 46 ||
[Analyze grammar]

apare munivaryāstu satataṃ pūtamānasāḥ |
vāyubhakṣāstapastepurjapaṃtaḥ paramaṃ manum || 47 ||
[Analyze grammar]

smaraḥ kṛṣṇāya kāmārti kalādivṛttiśāline |
āgneyīsahitaṃ kṛtvā maṃtraṃ paṃcadaśākṣaram || 48 ||
[Analyze grammar]

dadhyurmunivarāḥ kaṣṇamūrtiṃ divyavibhūṣaṇām |
divyacitradukūlena pūrṇapīnakaṭisthalām || 49 ||
[Analyze grammar]

mayūrapicchakaiḥ kḷptacūḍāmujjvalakuṃḍalām |
savyajaṃghāṃta ādāya dakṣiṇaṃ caraṇāṃbujam || 50 ||
[Analyze grammar]

bhramaṃtīṃ saṃpuṭīkṛtya cāruhastāṃbujadvayam |
kakṣadeśavinikṣiptaveṇuṃ paricalatpuṭīm || 51 ||
[Analyze grammar]

ānaṃdayaṃtīṃ gopīnāṃ nayanāni manāṃsi ca |
paramāścaryarūpeṇa praviṣṭāṃ raṃgamaṃḍape || 52 ||
[Analyze grammar]

prasūnavarṣargopībhiḥ pūryamāṇāṃ ca sarvataḥ |
atha kalpāṃtare dehaṃ tyaktvā jātā ihādhunā || 53 ||
[Analyze grammar]

yāsāṃ karṇeṣu dṛśyaṃte tāṭaṃkā raśmidīpitāḥ |
ratnamālyāni kaṃṭheṣu ratnapuṣpāṇi veṇiṣu || 54 ||
[Analyze grammar]

muniḥ śuciśravā nāma suvarṇo nāma cāparaḥ |
kuśadhvajasya brahmarṣeḥ putrau tau vedapāragau || 55 ||
[Analyze grammar]

ūrdhvapādau tapo ghoraṃ tepatustryakṣaraṃ manum |
hrīṃ haṃsa iti kṛtvaiva japaṃtau yatamānasau || 56 ||
[Analyze grammar]

dhyāyaṃtau gokule kṛṣṇaṃ bālakaṃ daśavārṣikam |
kaṃdarpasamarūpeṇa tāruṇyalalitena ca || 57 ||
[Analyze grammar]

paśyaṃtīrvrajabiṃboṣṭhīrmohayaṃtamanāratam |
tau kalpāṃte tanūṃ tyaktvā labdhavaṃtau janiṃ vraje || 58 ||
[Analyze grammar]

suvīranāma gopasya sute paramaśobhane |
yayorhaste pradṛśyete sārike śubharāviṇī || 59 ||
[Analyze grammar]

jaṭilo jaṃghapūtaśca ghṛtāśī karbureva ca |
catvāro munayo dhanyā ihāmutra ca niḥspṛhāḥ || 60 ||
[Analyze grammar]

kevalenaikabhāvena prapannā ballavīpatim |
tepuste salile magnā japaṃto manumeva ca || 61 ||
[Analyze grammar]

ramātrayeṇa puṭitaṃ smarādyaṃ tadaśākṣaram |
dadhyuśca gāḍhabhāvena ballavībhirvane vane || 62 ||
[Analyze grammar]

bhramaṃtaṃ nṛtyagītādyairmānayaṃtaṃ manoharam |
caṃdanāliptasarvāṃgaṃ japāpuṣpāvataṃsakam || 63 ||
[Analyze grammar]

kalhāramālayāvītaṃ nīlapītapaṭāvṛtam |
kalpatrayāṃte jātāste gokule śubhalakṣaṇāḥ || 64 ||
[Analyze grammar]

imāstāḥ purato ramyā upaviṣṭā natabhruvaḥ |
yāsāṃ dharmakṛtānyeva valayāni prakoṣṭhake || 65 ||
[Analyze grammar]

vicitrāṇi ca ratnādyairdivyamuktāphalādibhiḥ |
munirdīrghatapā nāma vyāso'bhūtpūrvakalpake || 66 ||
[Analyze grammar]

tatputraḥ śuka ityeva muniḥ khyāto varaḥ sudhīḥ |
so'pi bālo mahāprājñaḥ sadaivānusmaranpadam || 67 ||
[Analyze grammar]

vihāya pitṛmātrādi kṛṣṇaṃ dhyātvā vanaṃ gataḥ |
sa tatra mānasairdivyairupacārairaharniśam || 68 ||
[Analyze grammar]

anāhāro'rcayadviṣṇuṃ goparūpiṇamīśvaram |
ramayā puṭitaṃ maṃtraṃ japannaṣṭādaśākṣaram || 69 ||
[Analyze grammar]

dadhyau paramabhāvena hariṃ haimataroradhaḥ |
haimamaṃḍapikāyāṃ ca hemasiṃhāsanopari || 70 ||
[Analyze grammar]

āsīnaṃ hemahastāgrairdadhānaṃ hemavaṃśikām |
dakṣiṇena bhrāmayaṃtaṃ pāṇinā hemapaṃkajam || 71 ||
[Analyze grammar]

hemavarṇeṣṭapriyayā parikḷptāṃgacitrakam |
hasaṃtamatiharṣeṇa paśyaṃtaṃ nijamāśramam || 72 ||
[Analyze grammar]

harṣāśrupūrṇaḥ pulakācitāṃgaḥ prasīdanātheti vadannathoccaiḥ |
daṃḍapraṇāmāya papāta bhūmau saṃvepamānastrijagadvidhātuḥ || 73 ||
[Analyze grammar]

taṃ bhaktikāmaṃ patitaṃ dharaṇyāmāyāsitosmīti vadaṃtamuccaiḥ |
daṃḍapraṇāmasya bhujau gṛhītvā pasparśa harṣopacitekṣaṇena || 74 ||
[Analyze grammar]

uvāca ca priyārūpaṃ labdhavaṃtaṃ śukaṃ hariḥ |
tvaṃ me priyatamā bhadre sadā tiṣṭha mamāṃtike || 75 ||
[Analyze grammar]

madrūpaṃ ciṃtayaṃtī ca premāspadamupāgatā |
dve ca mukhyatame gopyau samānavayasī śubhe || 76 ||
[Analyze grammar]

ekavrate ekaniṣṭhe ekanakṣatranāmanī |
taptajāṃbūnadaprakhyā tatraivānyā taḍitprabhā || 77 ||
[Analyze grammar]

ekānidrā yamāṇākṣī parā saumyāyatekṣaṇā |
so'rcayatparayā bhaktyā te hareḥ savyadakṣiṇe || 78 ||
[Analyze grammar]

sa kalpāṃte tanuṃ tyaktvā gokule'bhūnmahātmanaḥ |
upanaṃdasya duhitā nīlotpaladalacchaviḥ || 79 ||
[Analyze grammar]

seyaṃ śrīkṛṣṇavanitā pītaśāṭīparicchadā |
raktacolikayā pūrṇā śātakuṃbhaghaṭastanī || 80 ||
[Analyze grammar]

dadhānā raktasiṃdūraṃ sarvāṃgasyāvaguṃṭhanam |
svarṇakuṃḍalavibhrājadgaṃḍadeśāṃ suśobhanām || 81 ||
[Analyze grammar]

svarṇapaṃkajamālāḍhyā kuṃkumāliptasustanī |
yasyā haste carvaṇīyaṃ dṛśyate hariṇārpitam || 82 ||
[Analyze grammar]

veṇuvādyātinipuṇā keśavasya niṣevaṇī |
kṛṣṇena parituṣṭena kadācidgītakarmaṇi || 83 ||
[Analyze grammar]

vinyastā kaṃbukaṃṭhe'syā bhāti guṃjāvali śubhā |
parokṣepi ca kṛṣṇasya kāṃtibhiśca smarārditā || 84 ||
[Analyze grammar]

sakhībhirvādayaṃtībhirgāyaṃtī susvaraṃ param |
narttayetpriyaveṣeṇa veṣayitvā vadhūmimām || 85 ||
[Analyze grammar]

vāraṃvāraṃ ca goviṃdaṃ bhāvenāliṃgya cuṃbati |
priyāsau sarvagopīnāṃ kṛṣṇasyāpyativallabhā || 86 ||
[Analyze grammar]

śvetaketoḥ sutaḥ kaścidvedavedāṃgapāragaḥ |
sarvameva parityajya pracaṃḍaṃ tapa āsthitaḥ || 87 ||
[Analyze grammar]

murāreḥ sevitapadāṃ sudhāmadhuranādinīm |
goviṃdasya priyāṃ śaktiṃ brahmarudrādidurgamām || 88 ||
[Analyze grammar]

bhajaṃtīmekabhāvena śriyameva manoharām |
dhyāyañjajāpa satataṃ maṃtramekādaśākṣaram || 89 ||
[Analyze grammar]

hasitaṃ sakalaṃ kṛtvā batamāyeṣu yojayan |
kāṃtyādibhirhasaṃtībhirvāsayaṃtyabhito jagat || 90 ||
[Analyze grammar]

vasaṃte vasatetyevaṃ maṃtrārthaṃ ciṃtayansadā |
so'pi kalpadvayenaiva siddho'tra janimāptavān || 91 ||
[Analyze grammar]

seyaṃ bālāyate putrī kṛśāṃgī kuḍmalastanī |
muktāvalilasatkaṃṭhī śuddhakauśeyavāsinī || 92 ||
[Analyze grammar]

muktācchuritamaṃjīrakaṃkaṇāṃgadamudrikā |
bibhratī kuṃḍale divye amṛtasrāviṇī śubhe || 93 ||
[Analyze grammar]

vṛttakastūrikāveṇī madhye siṃdūrabiṃduvat |
dadhānā citrakaṃ bhāle sārddhaṃ caṃdanacitrakaiḥ || 94 ||
[Analyze grammar]

yā saiva dṛśyate śāṃtā japaṃtī paramaṃ padam |
āsīccaṃdraprabho nāma rājarṣiḥ priyadarśanaḥ || 95 ||
[Analyze grammar]

tasya kṛṣṇaprasādena putro'bhūnmadhurākṛtiḥ |
citradhvaja iti khyātaḥ kaumārāvadhi vaiṣṇavaḥ || 96 ||
[Analyze grammar]

sa rājā susutaṃ saumyaṃ susthiraṃ dvādaśābdikam |
ādeśayaddvijānmaṃtraṃ paramaṣṭādaśākṣaram || 97 ||
[Analyze grammar]

abhiṣicyamānaḥ sa śiśurmaṃtrāmṛtamayairjalaiḥ |
tatkṣaṇe bhūpatiṃ premṇā natvodaśruprakalpitaḥ || 98 ||
[Analyze grammar]

tasmindine sa vai bālaḥ śucivastradharaḥ śuciḥ |
hāranūpurasūtrādyairgraiveyāṃgadakaṃkaṇaiḥ || 99 ||
[Analyze grammar]

vibhūṣito harerbhaktimupaspṛśyāmalāśayaḥ |
viṣṇorāyatanaṃ gatvā sthitvaikākī vyaciṃtayat || 100 ||
[Analyze grammar]

kathaṃ bhajāmi taṃ bhaktaṃ mohanaṃ gopayoṣitām |
vikrīḍaṃtaṃ sadā tābhiḥ kāliṃdīpuline vane || 101 ||
[Analyze grammar]

itthamatyākulamatiściṃtayanneva bālakaḥ |
athāpaparamāṃ vidyāṃ svapnaṃ ca samavāpyata || 102 ||
[Analyze grammar]

āsītkṛṣṇapratikṛtiḥ puratastasya śobhanā |
śilāmayī svarṇapīṭhe sarvalakṣaṇalakṣitā || 103 ||
[Analyze grammar]

sābhūdiṃdīvaraśyāmā snigdhalāvaṇyaśālinī |
tribhaṃgalalitākāra śikhaṃḍī picchabhūṣaṇā || 104 ||
[Analyze grammar]

kūjayaṃtī mudā veṇuṃ kāṃcanīmadhare'rpitām |
dakṣasavyagatābhyāṃ ca suṃdarībhyāṃ niṣevitām || 105 ||
[Analyze grammar]

varddhayaṃtīṃ tayoḥ kāmaṃ cuṃbanāśleṣaṇādibhiḥ |
dṛṣṭvā citradhvajaḥ kṛṣṇaṃ tādṛgveṣavilāsinam || 106 ||
[Analyze grammar]

avanamya śirastasmai puro lajjitamānasaḥ |
athovāca harirdakṣapārśvagāṃ preyasīṃ hasan || 107 ||
[Analyze grammar]

salajjaṃ paramaṃ cainaṃ svaśarīrāsanāgatam |
nirmāyātmasamaṃ divyaṃ yuvatīrūpamadbhutam || 108 ||
[Analyze grammar]

ciṃtayasva śarīreṇa hyabhedaṃ mṛgalocane |
atho tvadaṃgatejobhiḥ spṛṣṭastvadrūpamāpsyati || 109 ||
[Analyze grammar]

tataḥ sā padmapatrākṣī gatvā citradhvajāṃtikam |
nijāṃgakaistadaṃgānāmabhedaṃ dhyāyatī sthitā || 110 ||
[Analyze grammar]

athāsyāstvaṃgatejāṃsi tadaṃgaṃ paryapūrayan |
stanayorjyotiṣā jātau pīnau cārupayodharau || 111 ||
[Analyze grammar]

nitaṃbajyotiṣā jātaṃ śroṇibiṃbaṃ manoharam |
kuṃtalajyotiṣā keśapāśo'bhūtkarayoḥ karau || 112 ||
[Analyze grammar]

sarvamevaṃ susaṃpannaṃ bhūṣāvāsaḥ sragādikam |
kalāsu kuśalā jātā saurabhenāṃtarātmani || 113 ||
[Analyze grammar]

dīpāddīpamivālokya subhagāṃ bhuvi kanyakām |
citradhvajāṃ trapābhaṃgi smitaśobhāṃ manoharām || 114 ||
[Analyze grammar]

premṇā gṛhītvā karayoḥ sā tāmapaharanmudā |
goviṃdavāmapārśvasthāṃ preyasīṃ parirabhya ca || 115 ||
[Analyze grammar]

uvāca tava dāsīyaṃ nāma cāsyāścakāra ya |
sevāṃ cāsyai vada prītyā yathābhirucitāṃ priyām || 116 ||
[Analyze grammar]

atha citrakaletyetannāma cātmamatena sā |
cakāra cāha sevārthaṃ dhṛtvā cāpi vipaṃcikām || 117 ||
[Analyze grammar]

sadā tvaṃ nikaṭe tiṣṭha gāyasva vividhaiḥ svaraiḥ |
guṇātmanprāṇanāthasya tavāyaṃ vihito vidhiḥ || 118 ||
[Analyze grammar]

atha citrakalā tvājñāṃ gṛhītvānamya mādhavam |
tatpreyasyāśca caraṇaṃ gṛhītvā pādayo rajaḥ || 119 ||
[Analyze grammar]

jagau sumadhuraṃ gītaṃ tayorānaṃdakāraṇam |
atha prītyopagūḍhā sā kṛṣṇenānaṃdamūrtinā || 120 ||
[Analyze grammar]

yāvatsukhāṃbudhau pūrṇā tāvadevāpyabudhyata |
citradhvajo mahāpremavihvalaḥ smaratatparaḥ || 121 ||
[Analyze grammar]

tameva paramānaṃdaṃ muktakaṃṭho ruroda ha |
tadārabhya rudanneva muktvā harivicārakam || 122 ||
[Analyze grammar]

ābhāṣito'pi pitrādyairnaivāvocadvacaḥ kvacit |
māsamātraṃ gṛhe sthitvā niśīthe kṛṣṇasaṃśrayaḥ || 123 ||
[Analyze grammar]

nirgatyāraṇyamacarattapo vai muniduṣkaram |
kalpāṃte dehamutsṛjya tapasaiva mahāmuniḥ || 124 ||
[Analyze grammar]

vīraguptābhidhānasya gopasya duhitā śubhā |
jātā citrakaletyeva yasyāḥ skaṃdhe manoharā || 125 ||
[Analyze grammar]

vipaṃcī dṛśyate nityaṃ saptasvaravibhūṣitā |
upatiṣṭhati vai vāme ratnabhṛṃgāramadbhutam || 126 ||
[Analyze grammar]

dadhānā dakṣiṇe haste sā vai ratnapatadgraham |
ayamāsītpurā sarvaṃ tāpasairabhivaṃditaḥ || 127 ||
[Analyze grammar]

muniḥ puṇyaśravā nāma kāśyapaḥ sarvadharmavit |
pitā tasyābhavacchaivaḥ śatarudrīyamanvaham || 128 ||
[Analyze grammar]

prastuvandevadeveśaṃ viśveśaṃ bhaktavatsalam |
prasanno bhagavāṃstasya pārvatyā saha śaṃkaraḥ || 129 ||
[Analyze grammar]

caturdaśyāmarddharātreḥ pratyakṣaḥ pradadau varam |
tvatputro bhavitā kṛṣṇe bhaktimānbāla eva hi || 130 ||
[Analyze grammar]

upanīyāṣṭame varṣe tasmai siddhamanustvayam |
upadiśaikaviṃśatyā yo mayā te nigadyate || 131 ||
[Analyze grammar]

gopālavidyānāmāyaṃ maṃtro vāksiddhidāyakaḥ |
etatsādhakajihvāgre līlācaritamadbhutam || 132 ||
[Analyze grammar]

anaṃtamūrtirāyāti svayameva varapradaḥ |
kāmamāyā ramākaṃṭha seṃdrā dāmodarojjvalāḥ || 133 ||
[Analyze grammar]

madhye daśākṣarīṃ procya punastā eva nirdiśet |
daśākṣaroktaṛṣyādidhyānaṃ cāsya bravīmyaham || 134 ||
[Analyze grammar]

pūrṇāmṛtanidhermadhye dvīpaṃ jyotirmayaṃ smaret |
kāliṃdyā veṣṭitaṃ tatra dhyāyedvṛṃdāvane vane || 135 ||
[Analyze grammar]

sarvartukusumasrāvi drumavallībhirāvṛtam |
naṭanmattaśikhisvānaṃ gāyatkokilaṣaṭpadam || 136 ||
[Analyze grammar]

tasya madhye vasatyekaḥ pārijātatarurmahān |
śākhopaśākhāvistāraiḥ śatayojanamucchritaḥ || 137 ||
[Analyze grammar]

tale tasyātha vimale parito dhenumaṃḍalam |
tadaṃtarmaṃḍalaṃ gopabālānāṃ veṇuśṛṃgiṇām || 138 ||
[Analyze grammar]

tadaṃtare tu ruciraṃ maṃḍalaṃ vraja subhruvām |
nānopāyanapāṇīnāṃ madavihvalacetasām || 139 ||
[Analyze grammar]

kṛtāṃjalipuṭānāṃ ca maṃḍalaṃ śuklavāsasām |
śuklābharaṇabhūṣāṇāṃ premavihvalitātmanām || 140 ||
[Analyze grammar]

ciṃtayecchrutikanyānāṃ gṛhṇatīnāṃ vacaḥ priyam |
ratnavedyāṃ tato dhyāyeddukūlāvaraṇaṃ harim || 141 ||
[Analyze grammar]

ūrau śayānaṃ rādhāyāḥ kadalīkāṃḍakopari |
tadvaktraṃ caṃdra susmeraṃ vīkṣamāṇaṃ manoharam || 142 ||
[Analyze grammar]

kiṃcitkuṃcitavāmāṃghriṃ veṇuyuktena pāṇinā |
vāmenāliṃgya dayitāṃ dakṣeṇa cibukaṃ spṛśan || 143 ||
[Analyze grammar]

mahāmārakatābhāsaṃ mauktikacchāyameva ca |
puṃḍarīkaviśālākṣaṃ pītanirmalavāsasam || 144 ||
[Analyze grammar]

barhabhāralasacchīrṣaṃ muktāhāramanoharam |
gaṃḍaprāṃtalasaccāru makarākṛtikuṃḍalam || 145 ||
[Analyze grammar]

āpādatulasīmālaṃ kaṃkaṇāṃgadabhūṣaṇam |
nūpurairmudrikābhiśca kāṃcyā ca parimaṃḍitam || 146 ||
[Analyze grammar]

sukumārataraṃ dhyāyetkiśoravayasānvitam |
pūjā daśākṣaroktaiva vedalakṣaṃ puraskriyā || 147 ||
[Analyze grammar]

ityuktvāṃtardadhe devo devī ca girijā satī |
munirāgatya putrāya tathaivopadideśa ha || 148 ||
[Analyze grammar]

puṇyaśravāstu tanmaṃtra grahaṇādeva keśavam |
varṇayāmāsa vividhairjitvā sarvānmunīnsvayam || 149 ||
[Analyze grammar]

rūpalāvaṇyavaidagdhya sauṃdaryāścaryalakṣaṇam |
tadā hṛṣṭamanā bālo nirgatya svagṛhāttataḥ || 150 ||
[Analyze grammar]

vāyubhakṣastapastepe kalpānāmayutatrayam |
tadaṃte gokule jātā naṃdabhrāturgṛhe svayam || 151 ||
[Analyze grammar]

lavaṃgā iti tannāma kṛṣṇeṃgita nirīkṣaṇā |
yasyā haste pradṛśyeta mukhamārjanayaṃtrakam || 152 ||
[Analyze grammar]

iti te kathitāḥ kāścitpradhānāḥ kṛṣṇavallabhāḥ || 153 ||
[Analyze grammar]

harivividharasādyairyuktamadhyāyametadvrajavaratanayābhiścāruhāsekṣaṇābhiḥ |
paṭhati ya iha bhaktyā pāṭhayedvā manuṣyo vrajati bhagavataḥ śrīvāsudevasya dhāma || 154 ||
[Analyze grammar]