Chapter 66

[English text for this chapter is available]

śeṣa uvāca |
kathitau vai sumatinā vālmīkerāśrame śiśū |
putrau svīyāviti jñātvā vālmīkiṃ prati saṃjagau || 1 ||
[Analyze grammar]

śrīrāma uvāca |
kau śiśū mama sārūpyadhārakau balināṃ varau |
kimarthaṃ tiṣṭhatastatra dhanurvidyāviśāradau || 2 ||
[Analyze grammar]

amātyakathitau śrutvā vismayo mama jāyate |
yau śatrughnaṃ hanūmaṃtaṃ līlayāṃga babaṃdhatuḥ || 3 ||
[Analyze grammar]

tasmācchaṃsa mune sarvaṃ bālayośca viceṣṭitam |
yathā me paramā prītirbhavatyevamabhīpsitā || 4 ||
[Analyze grammar]

iti tatkathitaṃ śrutvā rājarājasya dhīmataḥ |
uvāca paramaṃ vākyaṃ spaṣṭākṣarasamanvitam || 5 ||
[Analyze grammar]

vālmīkiruvāca |
tavāṃtaryāmiṇo nṝṇāṃ kathaṃ jñānaṃ ca no bhavet |
tathāpi kathayāmyatra tava saṃtoṣahetave || 6 ||
[Analyze grammar]

rājanyau bālakau mahyamāśrame balināṃ varau |
tvatsārūpyadharau svāṃgamanoharavapurdharau || 7 ||
[Analyze grammar]

tvayā yadā vane tyaktā jānakī vai nirāgasī |
aṃtarvatnī vane ghore vilapaṃtī muhurmuhuḥ || 8 ||
[Analyze grammar]

kurarīmiva duḥkhārtāṃ vīkṣyāhaṃ tava vallabhām |
janakasya sutāṃ puṇyāmāśrame tvānayaṃ tadā || 9 ||
[Analyze grammar]

tasyāḥ parṇakuṭīramyā racitā muniputrakaiḥ |
tasyāmasūta putrau dvau bhāsayaṃtau diśo daśa || 10 ||
[Analyze grammar]

tayorakaravaṃ nāma kuśo lava iti sphuṭam |
vavṛdhāte'niśaṃ tatra śuklapakṣe yathā śaśī || 11 ||
[Analyze grammar]

kālenopanayādyāni sarvāṇi kṛtavānaham |
vedānsāṃgānahaṃ sarvāngrāhayāmāsa bhūpate || 12 ||
[Analyze grammar]

sarvāṇi sarahasyāni śṛṇuṣva mukhato mama |
āyurvedaṃ dhanurvidyāṃ śastravidyāṃ tathaiva ca || 13 ||
[Analyze grammar]

vidyāṃ jālaṃdharīṃ cātha saṃgītakuśalau kṛtau |
gaṃgākūle gāyamānau latākuṃjavaneṣu ca || 14 ||
[Analyze grammar]

caṃcalau calacittau tau sarvavidyāviśāradau |
tadāhamatisaṃtoṣaṃ prāptaścāhaṃ raghūttama || 15 ||
[Analyze grammar]

dattvā sarvāṇi cāstrāṇi mastake nihitaḥ karaḥ |
atīvagānakuśalau dṛṣṭvā lokā visiṣmire |
ṣaḍjamadhyamagāṃdhārasvarabhedaviśāradau || 16 ||
[Analyze grammar]

tathāvidhau vilokyāhaṃ gāpayāmi manoharam |
bhaviṣyajñānayogācca kṛtaṃ rāmāyaṇaṃ śubham || 17 ||
[Analyze grammar]

mṛdaṃgapaṇavādyādi yaṃtravīṇāviśāradau |
vanevane ca gāyaṃtau mṛgapakṣivimohakau || 18 ||
[Analyze grammar]

adbhutaṃ gītamādhuryaṃ tava rāmakumārayoḥ |
śrotuṃ tau varuṇo bālā vā nināya vibhāvarīm || 19 ||
[Analyze grammar]

manoharavayorūpau gānavidyābdhipāragau |
kumārau jagadustatra lokeśādeśataḥ kalam || 20 ||
[Analyze grammar]

paramaṃ madhuraṃ ramyaṃ pavitraṃ caritaṃ tava |
śuśrāva varuṇaḥ sārddhaṃ kuṭuṃbena ca gāyakaiḥ || 21 ||
[Analyze grammar]

śṛṇvannaiva gatastṛptiṃ mitreṇa varuṇaḥ saha |
sudhāto'pi paraṃ svāducaritaṃ raghunaṃdana || 22 ||
[Analyze grammar]

gānānaṃdamahālobha hṛtaprāṇeṃdriyakriyaḥ |
pratyāgaṃtuṃ dideśāsau kumārau na hi tāvakau || 23 ||
[Analyze grammar]

ramaṇīya mahābhogairlobhitāvapi bālakau |
calitau na guroścātmamātuḥ pādāṃbujasmṛteḥ || 24 ||
[Analyze grammar]

ahaṃ cāpi gataḥ paścādvaruṇālayamuttamam |
varuṇaḥ premasahitaḥ pūjāṃ cakre mama prabho || 25 ||
[Analyze grammar]

pṛcchate janmakarmādi sarvajñāyāpi bālayoḥ |
varuṇāyābruvaṃ sarvaṃ janmavidyādyupāgamam || 26 ||
[Analyze grammar]

śrutvā sītāsutau devaḥ sa cakreṃbarabhūṣaṇaiḥ |
devadattamiti grāhyamiti madvākyagauravāt || 27 ||
[Analyze grammar]

āhṛtaṃ rājaputrābhyāṃ yaddattaṃ varuṇena tat |
prasannena tayorvādyagānavidyāvayoguṇaiḥ |
tato māmabravītsītāmuddiśya varuṇaḥ kṛtī || 28 ||
[Analyze grammar]

sītāpati vratādhuryā rūpaśīlavayonvitā |
vīraputrā mahābhāgā tyāgaṃ nārhati karhicit || 29 ||
[Analyze grammar]

mahatī hāniretasyāstyāge hi raghunaṃdana |
siddhīnāṃ paramāsiddhireṣā te hyanapāyinī || 30 ||
[Analyze grammar]

pāmarairmahimānāsyā jñāyate yadi dūṣitaiḥ |
kā hānistāvatā rāma puṇyaśravaṇakīrtana || 31 ||
[Analyze grammar]

asmatsākṣikametasyāḥ pāvanaṃ caritaṃ sadā |
sadyaste siddhimāyāṃti ye sītāpadaciṃtakāḥ || 32 ||
[Analyze grammar]

yasyāḥ saṃkalpamātreṇa janmasthitilayādikāḥ |
bhavaṃti jagatāṃ nityaṃ vyāpārā aiśvarā amī || 33 ||
[Analyze grammar]

sītā mṛtyuḥsudhā ceyaṃ tapatyeṣā ca varṣati |
svargo mokṣastapo yogo dānaṃ ca tava jānakī || 34 ||
[Analyze grammar]

brahmāṇaṃ śivamanyāṃśca lokapālānmadādikān |
karotyeṣā karotyeva nānyā sītā tava priyā || 35 ||
[Analyze grammar]

tvaṃ pitā sarvalokānāṃ sītā ca jananītyataḥ |
kudṛṣṭiratra tu kṣemayogyā na tava karhicit || 36 ||
[Analyze grammar]

vetti sītāṃ sadā śuddhāṃ sarvajño bhagavānsvayam |
bhavānapi sutāṃ bhūmeḥ prāṇādapi garīyasīm || 37 ||
[Analyze grammar]

ādartavyā tvayā tasmātpriyā śuddheti jānakī |
na ca śāpaparābhūtiḥ sītāyāṃ tvayi vā vibho || 38 ||
[Analyze grammar]

imāni mama vākyāni vācyāni jagatāṃ patim |
rāmaṃ prati tvayā sākṣādvālmīke munisattama || 39 ||
[Analyze grammar]

ityukto varuṇenāhaṃ sītāsaṃgrahakāraṇāt |
evameva hi sarvaiśca lokapālairapi prabho || 40 ||
[Analyze grammar]

śrutaṃ rāmāyaṇodgānaṃ putrābhyāṃ te surāsuraiḥ |
gaṃdharvairapi sarvaiśca kautukāviṣṭamānasaiḥ || 41 ||
[Analyze grammar]

prasannā eva sarve'pi praśaśaṃsuḥ sutau ca te |
trailokyaṃ mohitaṃ tābhyāṃ rūpagānavayoguṇaiḥ || 42 ||
[Analyze grammar]

dattaṃ yallokapālaistu sutābhyāṃ svīkṛtaṃ hi tat |
ṛṣibhiśca varā ābhyāmanyebhyaḥ kīrtireva ca || 43 ||
[Analyze grammar]

ekarāmaṃ jagatsarvaṃ pūrvaṃ munivilokitam |
trirāmamadhunā jāṃtaṃ sutābhyāṃ tekhilekṣitam || 44 ||
[Analyze grammar]

ekakāmaparāmūrtirloke pūrvamavekṣitā |
kāmaiścaturbhiradyāyaṃ jāyate ca yatastataḥ || 45 ||
[Analyze grammar]

sarvatrānyatra rājeṃdra rāmaputrau kuśīlavau |
gīyate atra saṃkocaḥ kiṃ kṛto viduṣi tvayi || 46 ||
[Analyze grammar]

kṛteṣu tava sarveṣu śrūyate mahatī stutiḥ |
tyāgādanyatra sītāyāḥ puṇyaślokaśiromaṇe || 47 ||
[Analyze grammar]

tvayā trailokyanāthena gārhasthyamanukurvatā |
aṃgīkāryau sutau rāmavidyāśīlaguṇānvitau || 48 ||
[Analyze grammar]

na tau svāṃ mātaraṃ hitvā sthāsyato'bhavadaṃtike |
jananyā sahitau tasmādākāryau bhavatā sutau || 49 ||
[Analyze grammar]

datta eva tayedānīṃ senāsaṃjīvanātpunaḥ |
pratyayaḥ sarvalokānāṃ pāvanaḥ patatāmapi || 50 ||
[Analyze grammar]

nājñātaṃ tena cāsmākaṃ nāmarāṇāṃ ca mānada |
śuddhau tasyāstu lokānāṃ yannaṣṭaṃ tadiha dhruvam || 51 ||
[Analyze grammar]

śeṣa uvāca |
iti vālmīkinā rāmaḥ sarvajño'pyavabodhitaḥ |
stutvā natvā ca vālmīkiṃ pratyuvāca sa lakṣmaṇam || 52 ||
[Analyze grammar]

gaccha tātādhunā sītāmānetuṃ dharmacāriṇīm |
saputrāṃ rathamāsthāya sumaṃtrasahitaḥ sakhe || 53 ||
[Analyze grammar]

śrāvayitvā mamemāni muneśca vacanānyapi |
saṃbodhya ca purīmetāṃ sītāṃ pratyānayāśu tām || 54 ||
[Analyze grammar]

lakṣmaṇa uvāca |
yāsyāmi tava saṃdeśātsarveṣāṃ naḥ prabhorvibho |
devyā yāsyati ceddeva yātrā me saphalā tataḥ || 55 ||
[Analyze grammar]

mayi sāmābhyasūyaiva pūrvadoṣavaśātsatī |
anāgatāyāṃ tasyāṃ tu kṣamasvāgaṃtukaṃ mama || 56 ||
[Analyze grammar]

ityuktvā lakṣmaṇo rāmaṃ rathe sthitvā nṛpājñayā |
sumitramuniśiṣyābhyāṃ yuto'gādbhūmijāśramam || 57 ||
[Analyze grammar]

kathaṃ prasādanīyā syātsītā bhagavatī mayā |
pūrvadoṣaṃ vijānaṃtī rāmādhīnasya me sadā || 58 ||
[Analyze grammar]

evaṃ saṃciṃtayannaṃtarharṣasaṃkoca madhyagaḥ |
lakṣmaṇaḥ prāpa sītāyā āśramaṃ śramanāśanam || 59 ||
[Analyze grammar]

rathātsothāvaruhyārādaśruruddhavilocanaḥ |
ārye pūjye bhagavati śubhe iti vadanmuhuḥ || 60 ||
[Analyze grammar]

papāta pādayostasyā vepamānākhilāṃgakaḥ |
utthāpitastayā devyā prītivihvalayā sa ca || 61 ||
[Analyze grammar]

kimarthamāgataḥ saumya vanaṃ munijanapriyam |
āste sa kuśalī devaḥ kausalyāśuktimauktikaḥ || 62 ||
[Analyze grammar]

aroṣo mayi kaścitsa kīrtyā kevalayādṛtaḥ |
kīrtyate sarvalokaiśca kalyāṇaguṇasāgaraḥ || 63 ||
[Analyze grammar]

akīrtibhītimāpannastyaktuṃ māṃ tvāṃ niyuktavān |
yadi tataśca lokeṣu kīrtistasyāmalābhavat || 64 ||
[Analyze grammar]

mṛtvāpi patisatkīrtiṃ kurvaṃtyā me hi susthirā |
patisāmīpyamevāśu bhūyādeva hi devara || 65 ||
[Analyze grammar]

tyaktayāpi mayā tena nāsau tyakto manāgapi |
phalaṃ hi sādhanāyattaṃ hetuḥ phalavaśo na tu || 66 ||
[Analyze grammar]

kausalyāśalyaśūnyāsau kṛpāpūrṇā sadā mayi |
āste kuśalinī yasyāḥ putrastrailokyapālakaḥ || 67 ||
[Analyze grammar]

sarve kuśalinaḥ saṃti bharatādyāśca bāṃdhavāḥ |
sumitrā ca mahābhāgā yasyāḥ prāṇādahaṃ priyā || 68 ||
[Analyze grammar]

madvatkiṃ tvamapi tyaktaḥ sarvalokeṣu kīrtaye |
rājñaḥ kiṃ dustyajaṃ tasya svātmāpi yasya na priyaḥ || 69 ||
[Analyze grammar]

ityevaṃ bahudhā pṛṣṭastayā rāmānujaḥ satām |
uvāca kuśalī devaḥ kuśalaṃ tvayi pṛcchati || 70 ||
[Analyze grammar]

kausalyā ca sumitrā ca yāścānyā rājayoṣitaḥ |
papracchuḥ kuśalaṃ devi prītyā tvāmāśiṣā saha || 71 ||
[Analyze grammar]

kuśalapraśnapūrvaṃ hi tava pādābhivaṃdanam |
nivedayāmi śatrughna bharatābhyāṃ kṛtaṃ śubhe || 72 ||
[Analyze grammar]

gurubhirgurupatnībhiḥ sarvābhirapi te śubhe |
dattāśīḥ kuśalapraśnaḥ kṛtaśca tvayi jānaki || 73 ||
[Analyze grammar]

ākārayati devastvāṃ nirvyalīkena cātmavān |
alabhyānyaratistvatto'nyatra sarvatra bhāmini || 74 ||
[Analyze grammar]

śūnyā eva diśaḥ sarvāstvāṃ vinā janakātmaje |
paśyanroditi nātho no rodayannitarānapi || 75 ||
[Analyze grammar]

yatra devi sthitāsi tvaṃ nityaṃ smarati rāghavaḥ |
aśūnyaṃ tu tamevāsau manyamāno videhaje || 76 ||
[Analyze grammar]

dhanyo'yamāśramo jāto vālmīkeryatra jānakī |
kālaṃ kṣapati vārtābhirmadīyābhirvadanniti || 77 ||
[Analyze grammar]

uktavānyadrudankiṃcitsvāmī nastvayi tacchṛṇu |
vyaktībhavati vakturyaddhṛdgataṃ tadasaṃśayam || 78 ||
[Analyze grammar]

lokā vadaṃti māmeva sarveṣāmīśvareśvaram |
ahaṃ tvadṛṣṭamevaiṣāṃ svataṃtraṃ kāraṇaṃ bruve || 79 ||
[Analyze grammar]

adṛṣṭameva kāryeṣu sarveśo'pyanugacchati |
īśanīyāḥ kuto naitadanvīyuḥ sukhaduḥkhayoḥ || 80 ||
[Analyze grammar]

dhanurbhaṃge matibhraṃśe kaikayyā maraṇe pituḥ |
araṇyagamane tatra haraṇe tava vāridheḥ || 81 ||
[Analyze grammar]

taraṇe rakṣasāṃ bharturmāraṇe'pi raṇeraṇe |
sahāyībhavane mahyamṛkṣavānararakṣasām || 82 ||
[Analyze grammar]

lābhe tava pratijñāyāḥ satyatve ca satīmaṇe |
punaḥ svabaṃdhusaṃbaṃdhe rājyaprāptau ca bhāmini || 83 ||
[Analyze grammar]

punaḥ priyāviyoge ca kāraṇaṃ yadavāraṇam |
prasīdati tadevādya saṃyoge punarāvayoḥ || 84 ||
[Analyze grammar]

vedo'nyathā kṛto yena lokotpatti layau yataḥ |
lokānanugatastasmātkāraṇaṃ prathamaṃ tvaham || 85 ||
[Analyze grammar]

adṛṣṭamanuvartaṃte lokāḥ saṃpratibodhakāḥ |
bhogena jīryate'dṛṣṭaṃ tattadbhuktaṃ tvayā vane || 86 ||
[Analyze grammar]

sneho'kāraṇakaḥ sīte vardhamāno mama tvayi |
lokādṛṣṭe tiraskṛtya tvāmāhvayata ādarāt || 87 ||
[Analyze grammar]

śaṅkitenāpi doṣeṇa snehanairmalyamajjanam |
bhavatīti sa vai śuddha āsvādyo vibudhaiḥ sadā || 88 ||
[Analyze grammar]

snehaśuddhiriyaṃ bhadre kṛtā me tvayi nānyathā |
maṃtavyaṃ rakṣito'pyeṣa lokaḥ śiṣṭānuvartinā || 89 ||
[Analyze grammar]

āvayorniṃdayā devi sarvāvasthā suśuddhaye |
loko naśyeddhi saṃmūḍhaścaritairmahatāmayam || 90 ||
[Analyze grammar]

āvayorujjvalā kīrtirāvayorujjvalo rasaḥ |
āvayorujjvalau vaṃśāvāvayorujjvalāḥ kriyāḥ || 91 ||
[Analyze grammar]

bhaveyurāvayoḥ kīrtirgāyakā ujjvalā bhuvi |
āvayorbhaktimaṃto ye te yāṃtyaṃte bhavāṃbudheḥ || 92 ||
[Analyze grammar]

ityuktā bhavatī tena prīyamāṇena te guṇaiḥ |
patyuḥ pādāṃbuje draṣṭuṃ karotu sadayaṃ manaḥ || 93 ||
[Analyze grammar]

vāsāṃsi ramaṇīyāni bhūṣaṇāni mahāṃti ca |
aṃgarāgastathā gaṃdhā manojñāstvayi yojitāḥ || 94 ||
[Analyze grammar]

ratho dāsyaśca rāmeṇa preṣitā utsavāyate |
chatraṃ ca cāmare śubhre gajā aśvāśca śobhane || 95 ||
[Analyze grammar]

stūyamānā dvijaśreṣṭhaiḥ sūtamāgadhabaṃdibhiḥ |
vaṃdyamānā purastrībhiḥ sevyamānā ca yoddhṛbhiḥ || 96 ||
[Analyze grammar]

puṣpaiḥ saṃchādyamānā ca devīdevāṃganādibhiḥ |
dhanāni dadatī tebhyo dvijātibhyo yathepsitam || 97 ||
[Analyze grammar]

gajārūḍhau kumārau ca puraskṛtya janeśvarī |
mayānugamyamānā ca gacchāyodhyāṃ nijāṃ purīm || 98 ||
[Analyze grammar]

tvayi tatra gatāyāṃ tu saṃgatāyāṃ priyeṇa te |
sarvāsāṃ rājanārīṇāmāgatānāṃ ca sarvaśaḥ || 99 ||
[Analyze grammar]

sarvāsāmṛṣipatnīnāṃ kausalānāṃ tathaiva ca |
maṃgalairvādyagītādyairbhavatvadya mahotsavaḥ || 100 ||
[Analyze grammar]

śeṣa uvāca |
itivijñāpanāṃ devī śrutvā sītā tamāha sā |
nāhaṃ kīrtikarī rājño hyapakīrtiḥ svayaṃ tvaham || 101 ||
[Analyze grammar]

kiṃ mayā tasya sādhyaṃ syāddharmakāmārthaśūnyayā |
satyevaṃ bhavatāṃ bhūpe ko viśvāso niraṃkuśe || 102 ||
[Analyze grammar]

pratyakṣā vā parokṣā vā bharturdoṣā manaḥsthitāḥ |
na vācyā jātu mādṛśyā kalyāṇakulajātayā || 103 ||
[Analyze grammar]

pāṇigrahaṇakāle me yadrūpo hṛdaye sthitaḥ |
tadrūpo hṛdayānnāsau kadācidapasarpati || 104 ||
[Analyze grammar]

lakṣmaṇemau kumārau me tattejoṃśasamudbhavau |
vaṃśāṃkurau mahāśūrau dhanurvidyāviśāradau || 105 ||
[Analyze grammar]

nītvā pituḥ samīpaṃ tu lālanīyau prayatnataḥ |
tapasārādhayiṣyāmi rāmaṃ kāmamiha sthitā || 106 ||
[Analyze grammar]

vācyaṃ tvayā mahābhāga pūjyapādābhivaṃdanam |
sarvebhyaḥ kuśalaṃ cāpi gatveto madapekṣayā || 107 ||
[Analyze grammar]

putrau samādiśatsītā gacchataṃ pituraṃtikam |
śuśrūṣaṇīya evāsau bhavadbhyāṃ svapadapradaḥ || 108 ||
[Analyze grammar]

ājñaptāvapyanicchaṃtau tau kumārau kuśīlavau |
vālmīkivacanāttatra jagmatuśca salakṣmaṇau || 109 ||
[Analyze grammar]

vālmīkereva pādābjasamīpaṃ tatsutau gatau |
lakṣmaṇo'pi vavaṃde taṃ gatvā bālakasaṃyutaḥ || 110 ||
[Analyze grammar]

vālmīkirlakṣmaṇastau tu kumārau militā amī |
sabhāyāṃ saṃsthitaṃ rāmaṃ jñātvā te jagmurutsukāḥ || 111 ||
[Analyze grammar]

lakṣmaṇaḥ praṇipatyātha sītāvākyādisarvaśaḥ |
kathayāmāsa rāmāya harṣaśokayutaḥ sudhīḥ || 112 ||
[Analyze grammar]

sītāsaṃdeśavākyebhyo rāmo mūrcchāṃ samanvabhūt |
saṃjñāmavāpya covāca lakṣmaṇaṃ nayakovidam || 113 ||
[Analyze grammar]

gaccha mitra punastatra yatnena mahatā ca tām |
śīghramānaya bhadraṃ te madvākyāni nivedya ca || 114 ||
[Analyze grammar]

araṇye kiṃ tapasyaṃtyā gatiranyā viciṃtitā |
śrutā dṛṣṭātha vā matto yannāgacchasi jānaki || 115 ||
[Analyze grammar]

tvadicchayā tvameveto gatāraṇyaṃ munipriyam |
pūjitā munipatnyastā dṛṣṭā munigaṇāstvayā || 116 ||
[Analyze grammar]

pūrṇo manorathaste'dya kiṃ nāgacchasi bhāmini |
na doṣaṃ mayi paśyestvaṃ svātmecchāyā vilokanāt || 117 ||
[Analyze grammar]

gatvā gatvātha vāmoru patireva gatiḥ striyāḥ |
nirguṇopi guṇāṃbhodhiḥ kiṃpunarmanasepsitaḥ || 118 ||
[Analyze grammar]

yāyā kriyākulastrīṇāṃ sāsā patyuḥ pratuṣṭaye |
pūrvamevapratuṣṭo'hamidānīṃ sutarāṃ tvayi || 119 ||
[Analyze grammar]

yāgo japastapodānaṃ vrataṃ tīrthaṃ dayādikam |
devāśca mayi saṃtuṣṭe tuṣṭametadasaṃśayam || 120 ||
[Analyze grammar]

śeṣa uvāca |
iti saṃdeśamādāya sītāṃ prati jagatpateḥ |
āha lakṣmaṇa ātmeśamānataḥ praṇayāddharau || 121 ||
[Analyze grammar]

sītānayanamuddiśya prasannastvaṃ yadūcivān |
kathayiṣyāmi tadvākyaṃ vinayena samanvitam || 122 ||
[Analyze grammar]

ityuktvā pādayornatvā raghunāthasya lakṣmaṇaḥ |
jagāma tvaritaḥ sītāṃ rathe tiṣṭhanmahājave || 123 ||
[Analyze grammar]

vālmīkiḥ śrīyutau vīkṣya rāmaputrau mahaujasau |
uvāca smitamādhāya mukhaṃ kṛtvā manoharam || 124 ||
[Analyze grammar]

yuvāṃ pragāyatāṃ putrau rāmacāritramadbhutam |
vīṇāṃ pravādayaṃtau ca kalagānena śobhitam || 125 ||
[Analyze grammar]

ityaktau tau sutau rāmacāritraṃ bahupuṇyadam |
agāyatāṃ mahābhāgau suvākyapadacitritam || 126 ||
[Analyze grammar]

yasmindharmavidhiḥ sākṣātpātivratyaṃ tu yatsthitam |
bhrātṛsneho mahānyatra gurubhaktistathaiva ca || 127 ||
[Analyze grammar]

svāmisevakayoryatra nītirmūrtimatī kila |
adharmakaraśāstiṃ vai yatra sākṣādraghūdvahāt || 128 ||
[Analyze grammar]

tadgānena jagadvyāptaṃ divi devā api sthitāḥ |
kinnarā api yadgānaṃ śrutvā mūrcchāmitāḥ kṣaṇāt || 129 ||
[Analyze grammar]

vīṇāyāraṇitaṃ śrutvā tālamānena śobhitam |
nikhilā pariṣattatra śālabhaṃ jīvacitritā || 130 ||
[Analyze grammar]

harṣādaśrūṇimuṃcaṃto rāmādyā bhūmipāstathā |
tadgānapaṃcamālāpamohitāścitritopamāḥ || 131 ||
[Analyze grammar]

tatra rāmaḥ sutau dṛṣṭvā mahāgānavimohakau |
adāttābhyāṃ suvarṇasya lakṣaṃ lakṣaṃ pṛthakpṛthak || 132 ||
[Analyze grammar]

tadā dānaparaṃ dṛṣṭvā vālmīkiṃ munisattamam |
abrūtāṃ prahasaṃtau tau kiṃcidvakrabhruvau tataḥ || 133 ||
[Analyze grammar]

mune mahānayonena kriyate bhūmipena vai |
yadāvābhyāṃ suvarṇāni dātumicchati lobhayan || 134 ||
[Analyze grammar]

pratigraho brāhmaṇānāṃ śasyate netareṣu vai |
pratigrahaparo rājā narakāyaiva kalpate || 135 ||
[Analyze grammar]

āvayoḥ kṛpayā muktaṃ rājyaṃ bhuṃkte mahīpatiḥ |
kathaṃ dātuṃ suvarṇāni vāṃchati śreyasāṃcitaḥ || 136 ||
[Analyze grammar]

ityuktavaṃtau tau dṛṣṭvā vālmīkiḥ kṛpayāyutaḥ |
aśaṃsadyuṣmatpitaraṃ jānīthāṃ nītivittamau || 137 ||
[Analyze grammar]

iti śrutvā munervākyaṃ bālakau nṛpapādayoḥ |
lagnau vinayasaṃyuktau mātṛbhaktyātinirmalau || 138 ||
[Analyze grammar]

rāmo bālau dṛḍhaṃ svāṃge parirabhya mudānvitaḥ |
mene striyāstadā dharmau mūrtimaṃtāvupasthitau || 139 ||
[Analyze grammar]

sabhāpi rāmasutayorvīkṣya vaktre manorame |
jānakīpatibhaktitvaṃ satyaṃ mene munīśvara || 140 ||
[Analyze grammar]

iti śeṣamukhaproktaṃ śrutvā vātsyāyano'bravīt |
rāmāyaṇaṃ śrotumanāḥ sarvadharmasamanvitam || 141 ||
[Analyze grammar]

vātsyāyana uvāca |
kasminkāle kṛtaṃ svāminrāmāyaṇamidaṃ mahat |
kasmāccakāra kintatra varṇanaṃ tadvadasva me || 142 ||
[Analyze grammar]

śeṣa uvāca |
ekadā gatavānvipro vālmīkirvipinaṃ mahat |
yatra tālāstamālāśca kiṃśukā yatra puṣpitāḥ || 143 ||
[Analyze grammar]

ketakī yatra rajasā kurvatī saurabhaṃ vanam |
śaśiprabheva mahatī dṛśyate śubhrakarṇabhṛt |
caṃpakobakulaścāpi kovidāraḥ kuraṃṭakaḥ || 144 ||
[Analyze grammar]

aneke puṣpitā yatra pādapāḥ śobhane vane |
kokilānāṃ virāveṇa ṣaṭpadānāṃ ca śabditaiḥ || 145 ||
[Analyze grammar]

saṃghuṣṭaṃ sarvato ramyaṃ manoharavayonvitam |
tatra krauṃcayugaṃ ramyaṃ kāmabāṇaprapīḍitam || 146 ||
[Analyze grammar]

parasparaṃ prahṛṣitaṃ reme snigdhatayā sthitam |
tadā vyādhaḥ samāgatya tayorekaṃ manoharam || 147 ||
[Analyze grammar]

avadhīnnirdayaḥ kaścinmāṃsāsvādanalolupaḥ |
tadā krauṃcī vyādhahataṃ svapatiṃ vīkṣya duḥkhitā || 148 ||
[Analyze grammar]

vilalāpa bhṛśaṃ duḥkhānmuṃcaṃtī rāvamuccakaiḥ |
tadā muniḥ prakupito niṣādaṃ krauṃcaghātakam || 149 ||
[Analyze grammar]

śaśāpa vāryupaspṛśya saritaḥ pāvanaṃ śubham |
mā niṣāda pratiṣṭhāṃ tvamagamaḥ śāśvatīḥ samāḥ || 150 ||
[Analyze grammar]

yatkrauṃcapakṣiṇorekamavadhīḥ kāmamohitam |
tadā prabaṃdhaṃ ślokasya jātaṃ matvā hyanudvijāḥ || 151 ||
[Analyze grammar]

ūcurmuniṃ prahṛṣṭāste śaṃsaṃtaḥ sādhusādhviti |
svāmiñchāpodite vākye bhāratīślokamātanot || 152 ||
[Analyze grammar]

atyaṃtaṃ mohano jātaḥ śloko'yaṃ munisattama |
tadā muniḥ prahṛṣṭātmā babhūva vāḍavarṣabha |
tasminkāle samāgatya brahmā putraiḥ samanvitaḥ || 153 ||
[Analyze grammar]

vaco jagāda vālmīkiṃ dhanyosi tvaṃ munīśvara |
bhāratī tvanmukhe sthitvā ślokatvaṃ samapadyata || 154 ||
[Analyze grammar]

tasmādrāmāyaṇaṃ ramyaṃ kuruṣva madhurākṣaram |
yena te vimalā kīrtirākalpāṃtaṃ bhaviṣyati || 155 ||
[Analyze grammar]

dhanyā saiva mukhe vāṇī rāmanāmnā samanvitā |
anyā kāmakathā nṝṇāṃ janayatyeva pātakam || 156 ||
[Analyze grammar]

tasmātkuruṣva rāmasya caritaṃ lokaviśrutam |
yena syātpāpināṃ pāpahānireva padepade || 157 ||
[Analyze grammar]

ityuktvāṃtardadhe sraṣṭā sarvadevaiḥ samanvitaḥ |
tataḥ saciṃtayāmāsa kathaṃ rāmāyaṇaṃ bhavet || 158 ||
[Analyze grammar]

tadā dhyānaparo jāto nadītīre manorame |
tasya cetasyatho rāmaḥ prādurbhūto manoharaḥ || 159 ||
[Analyze grammar]

nīlotpaladalaśyāmaṃ rāmaṃ rājīvalocanam |
nirīkṣya tasya caritaṃ bhūtaṃbhāvibhavacca yat || 160 ||
[Analyze grammar]

tadātyaṃtaṃ mudaṃ prāpto rāmāyaṇamathāsṛjat |
manoramapadairyuktaṃ vṛttairbahuvidhairapi || 161 ||
[Analyze grammar]

ṣaṭkāṃḍāni suramyāṇi yatra rāmāyaṇe'nagha |
bālamāraṇyakaṃ cānyatkiṣkiṃdhā suṃdaraṃ tathā || 162 ||
[Analyze grammar]

yuddhamuttaramanyacca ṣaḍetāni mahāmate |
śṛṇuyādyo naraḥ puṇyātsarvapāpaiḥ pramucyate || 163 ||
[Analyze grammar]

tatra bāle tu saṃtuṣṭaḥ putreṣṭyā caturassutān |
prāpa paṃktirathaḥ sākṣāddhariṃ brahmasanātanam || 164 ||
[Analyze grammar]

sa kauśikamakhaṃ gatvā sītāmudvāhya bhārgavam |
āgatya puramutkṛṣṭo yauvarājyaprakalpanam || 165 ||
[Analyze grammar]

mātṛvākyādvanaṃ prāgādgaṃgāmuttīrya parvatam |
citrakūṭaṃ mahilayā lakṣmaṇena samanvitaḥ || 166 ||
[Analyze grammar]

bharatastaṃ vane śrutvā jagāma bhrātaraṃ nayī |
tamaprāpya svayaṃ naṃdigrāme vāsamacīkarat || 167 ||
[Analyze grammar]

bālametacchṛṇuṣvānyadāraṇyakasamudbhavam |
munīnāmāśrame vāsastatra tatropavarṇanam || 168 ||
[Analyze grammar]

nāsācchedaḥ śūrpaṇakhyāḥ kharadūṣaṇanāśanam |
māyāmārīcahananaṃ daityādrāmāpahāraṇam || 169 ||
[Analyze grammar]

vane virahiṇā bhrāṃtaṃ manuṣyacaritaṃ bhṛtam |
kabaṃdhaprekṣaṇaṃ tatra pampāyāṃ gamanaṃ tathā || 170 ||
[Analyze grammar]

hanūmatā saṃgamanamityetadvanasaṃjñitam |
aparaṃ ca śṛṇu mune saṃkṣipya kathayāmyaham || 171 ||
[Analyze grammar]

saptatālaprabhedaśca vālermāraṇamadbhutam |
sugrīve rājyadānaṃ ca nagavarṇanamityuta || 172 ||
[Analyze grammar]

lakṣmaṇātkarmasaṃdeśaḥ sugrīvasya vivāsanam |
tathā sainyasamuddeśaḥ sītānveṣaṇamapyuta || 173 ||
[Analyze grammar]

saṃpātiprekṣaṇaṃ tatra vāridherlaṃghanaṃ tathā |
paratīre kapiprāptiḥ kaiṣkiṃdhaṃ kāṃḍamadbhutam || 174 ||
[Analyze grammar]

suṃdaraṃ śṛṇu kāṃḍaṃ vai yatra rāmakathādbhutā |
pratigehe prati bhrāṃtiḥ kapeścitrasya darśanam || 175 ||
[Analyze grammar]

sītāsaṃdarśanaṃ tatra jānakyābhāṣaṇaṃ tathā |
vanabhaṃgaḥ prakupitairbaṃdhanaṃ vānarasya ca || 176 ||
[Analyze grammar]

tato laṃkāprajvalanaṃ vānaraiḥ saṃgatistataḥ |
rāmābhijñānadānaṃ ca sainyaprasthānameva ca || 177 ||
[Analyze grammar]

samudre setukaraṇaṃ śukasāraṇasaṃgatiḥ |
iti suṃdaramākhyātaṃ yuddhe sītāsamāgamaḥ || 178 ||
[Analyze grammar]

uttare ṛṣisaṃvādo yajñaprāraṃbha eva ca |
tatrānekā rāmakathāḥ śṛṇvatāṃ pāpanāśakāḥ || 179 ||
[Analyze grammar]

iti ṣaṭkāṃḍamākhyātaṃ brahmahatyāpanodanam |
saṃkṣepato mayā tubhyamākhyātaṃ sumanoharam || 180 ||
[Analyze grammar]

caturviṃśatisāhasraṃ ṣaṭkāṃḍaparicihnitam |
tadvai rāmāyaṇaṃ proktaṃ mahāpātakanāśanam || 181 ||
[Analyze grammar]

tacchrutvā rāghavaḥ prītaḥ putrāvādhāya cāsane |
dṛḍhaṃ tau parirabhyātha sītāṃ sasmāra vallabhām || 182 ||
[Analyze grammar]

iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe |
rāmāyaṇagānaṃnāma ṣaṭṣaṣṭitamo'dhyāyaḥ || 66 ||
[Analyze grammar]