Chapter 65

[English text for this chapter is available]

śeṣa uvāca |
kṣaṇānmūrcchāṃ jahau vīraḥ śatrughnaḥ samarāṃgaṇe |
anye'pi vīrābalino mūrcchāṃ prāptāḥ sujīvitāḥ || 1 ||
[Analyze grammar]

śatrughno vājināṃ śreṣṭhaṃ dadarśa purataḥ sthitam |
ātmānaṃ ca śirastrāṇarahitaṃ sainyajīvitam || 2 ||
[Analyze grammar]

vīkṣya citramidaṃ svāṃte cakāraca jagāda ha |
sumatiṃ maṃtriṇāṃ śreṣṭhaṃ mūrcchāvirahitaṃ tadā || 3 ||
[Analyze grammar]

kṛpāṃ kṛtvā hayaṃ prādādbālo yajñasya pūrtaye |
gacchāma rāmaṃ tarasā hayāgamanakāṃkṣiṇam || 4 ||
[Analyze grammar]

ityuktvā sa rathe sthitvā hayamādāya vegataḥ |
yayau tadāśramāddūraṃ bherīśaṃkhavivarjitaḥ || 5 ||
[Analyze grammar]

tatpṛṣṭhato mahāsainyaṃ caturaṃgasamanvitam |
cacāla kurvansaṃbhagnaṃ svabhāreṇa phaṇīśvaram || 6 ||
[Analyze grammar]

javena jāhnavīṃ tīrtvā kallolajalaśālinīm |
jagāma viṣaye svīye svakīyajanaśobhite || 7 ||
[Analyze grammar]

puṣkalena yuto rājā surathena samanvitaḥ |
rathe maṇimaye tiṣṭhanmahatkodaṃḍadhārakaḥ || 8 ||
[Analyze grammar]

hayaṃ taṃ purataḥ kṛtvā ratnamālāvibhūṣitam |
śvetātapatraṃ tasyaiva mūrdhni cāmarabhūṣitam || 9 ||
[Analyze grammar]

anekarathasāhasraiḥ parito balibhirnṛpaiḥ |
udyatkodaṃḍalalitairvīranādavibhūṣitaiḥ || 10 ||
[Analyze grammar]

krameṇa nagarīṃ prāpa sūryavaṃśavibhūṣitām |
anekaiḥ ketubhiḥ śreṣṭhairbhūṣitāṃ durgarājitām || 11 ||
[Analyze grammar]

rāmaḥ śrutvā hayaṃ prāptaṃ śatrughnena sahāmunā |
puṣkalena ca vīreṇa yayau harṣamanekadhā || 12 ||
[Analyze grammar]

kaṭakaṃ nirdideśāsau caturaṃgaṃ mahābalam |
lakṣmaṇaṃ preṣayāmāsa bhrātaraṃ balināṃ varam || 13 ||
[Analyze grammar]

lakṣmaṇaḥ sainyasahito gatvā bhrātaramāgatam |
parirebhe mudākrāṃtaḥ kṣataśobhitagātrakam || 14 ||
[Analyze grammar]

sarvatra kuśalaṃ pṛṣṭo vārtāṃ cātra cakāra saḥ |
paramaṃ harṣamāpannaḥ śatrughnaḥ saṃgato mudā || 15 ||
[Analyze grammar]

saumitriḥ svarathe sthitvā bhrātrā saha mahāmanāḥ |
sainyena mahatā vīro yayau svanagarīṃ prati || 16 ||
[Analyze grammar]

sarayūḥ puṇyasalilā pavitrita jagattrayā |
rāmapādarajaḥ pūtā śaraccaṃdrasamaprabhā || 17 ||
[Analyze grammar]

haṃsakāraṃḍavākīrṇā cakravākopaśobhitā |
vicitrataravarṇaiśca pakṣibhirnāditā bhṛśam || 18 ||
[Analyze grammar]

maṃḍapāstatra bahuśo rāmacaṃdreṇakāritāḥ |
brāhmaṇānāṃ vedavidāṃ pṛthakpāṭhaninādakāḥ || 19 ||
[Analyze grammar]

kṣatriyāstatra bahavo dhanuḥpāṇi suśobhitāḥ |
jyāṭaṃkāreṇa bahunā nādayaṃto mahītalam || 20 ||
[Analyze grammar]

bhuṃjate brāhmaṇā yatra vicitrānnairmanoharaiḥ |
parasparaṃ prapaśyaṃto vārtāṃ cakrurmanoharām || 21 ||
[Analyze grammar]

pāyasānnāni śubhrāṇi caṃdrakāṃtisamāni ca |
kṣīrājyabahuyuktāni śarkarāmiśritāni ca || 22 ||
[Analyze grammar]

apūpāstatra bahulāścaṃdrabiṃbasamāḥ śriyā |
karpūrādisugaṃdhena vāsitāḥ sumanoharāḥ || 23 ||
[Analyze grammar]

phenikāghaṭakāḥ snigdhāḥ śatacchidrā viraṃdhrakāḥ |
śaṣkulyo maṃḍakāmṛṣṭā madhurānnasamanvitāḥ || 24 ||
[Analyze grammar]

bhaktaṃ kumudasaṃkāśaṃ mudgadālivimiśritam |
sugaṃdhena samāyuktamatyaṃtaṃ prītidāyakam || 25 ||
[Analyze grammar]

odano dadhinā yukto bhīmasenasamanvitaḥ |
svādupākakaraiḥ sṛṣṭaḥ pātre muktaḥ praveṣakaiḥ || 26 ||
[Analyze grammar]

tatra keciddvijāḥ pātre nikṣiptaṃ vīkṣya pāyasam |
parasparaṃ te pratyūcuḥ kimidaṃ dṛśyate'dbhutam || 27 ||
[Analyze grammar]

kiṃ caṃdrabiṃbaṃ nabhasaḥ patitaṃ tamaso bhayāt |
amṛtaṃ tu bhavatyatra mṛtyunāśakamadbhutam || 28 ||
[Analyze grammar]

tacchrutvā roṣatāmrākṣaḥ provācānyo dvijottamaḥ |
nabhavatyeva caṃdrasya biṃbaṃ tvamṛtaviplutam || 29 ||
[Analyze grammar]

ekamiṃdorvapustvetaddṛśyate sadṛśaṃ katham |
brāhmaṇānāṃ sahasrasya pātre pātre pṛthakpṛthak || 30 ||
[Analyze grammar]

tato jānīhi kumudaṃ karpūraṃ vā bhaviṣyati |
mā jānīhi mṛgāṃkasya biṃbaṃ śubhraśriyānvitam || 31 ||
[Analyze grammar]

tāvadanyo ruṣākrāṃto dhunvansvaṃ mastakaṃ tathā |
na jānaṃti dvijā mūḍhāḥ svādujñānā vicakṣaṇāḥ || 32 ||
[Analyze grammar]

idaṃ tu kṣaudrakaṃdasyarasena paripācitam |
jānīhi śatapatrasya puṣpāṇi madhurāṇi ca || 33 ||
[Analyze grammar]

evaṃ parasparaṃ viprāḥ kaṃdamūlaphalāśinaḥ |
tarkayaṃti mune prītā rasajñāne'tilolupāḥ || 34 ||
[Analyze grammar]

tāvadanyo dvijaḥ prāha kṣattriyāṇāṃ varaṃ januḥ |
bhokṣyaṃte tādṛśaṃ tvannaṃ mahatpuṇyairupaskṛtam || 35 ||
[Analyze grammar]

tadā taṃ prābravīdvipro dattasya phalamīdṛśam |
ye dadatyagrajanmabhyaḥ prāpnuvaṃti ta īpsitam || 36 ||
[Analyze grammar]

yairarcito naiva harirnaivedyairvividhairmuhuḥ |
teṣāmetādṛśaṃ bhojyaṃ na bhavedakṣigocaram || 37 ||
[Analyze grammar]

yairnarairagrajanmāno bhojitā vividhai rasaiḥ |
bhuṃjate te svādurasaṃ pāpināṃ cakṣurujjhitam || 38 ||
[Analyze grammar]

evaṃvidhairasairmiṣṭairbhojitā dvijasattamāḥ |
maṃḍape vipaṭhaṃtaste śabdabrahmavicakṣaṇāḥ || 39 ||
[Analyze grammar]

nṛtyaṃtyeke hasantyeke nadantyeke praharṣitāḥ |
utsavo bahurudbhāti tatra śatrughna āgamat || 40 ||
[Analyze grammar]

rāmaḥ śatrughnamāyāṃtaṃ puṣkalena samanvitam |
nirīkṣyamudamudbhūtāṃ rakṣituṃ nāśakattadā || 41 ||
[Analyze grammar]

yāvaduttiṣṭhate rāmo bhrātaraṃ hayapālakam |
tāvadrāmapadelagnaḥ śatrughno bhrātṛvatsalaḥ || 42 ||
[Analyze grammar]

pādayoḥ patitaṃ vīkṣya bhrātaraṃ vinayānvitam |
parirebhe dṛḍhaṃ prītaḥ kṣatasaṃśobhitāṃgakam || 43 ||
[Analyze grammar]

aśrūṇi bahudhā muṃcanharṣācchirasi rāghavaḥ |
atyaṃtaṃ paramāṃ prāpa mudaṃ vacanadūragām || 44 ||
[Analyze grammar]

puṣkalaṃ svīyapadayornamraṃ vinayavihvalaḥ |
sudṛḍhaṃ bhujayormadhye vinīyāpīḍayadbhṛśam || 45 ||
[Analyze grammar]

hanūmaṃtaṃ tathā vīraṃ sugrīvaṃ cāṃgadaṃ tathā |
lakṣmīnidhiṃ janakajaṃ pratāpāgryaṃ ripuṃjayam || 46 ||
[Analyze grammar]

subāhuṃ sumadaṃ vīraṃ vimalaṃ nīlaratnakam |
satyavaṃtaṃ vīramaṇiṃ surathaṃ rāmasevakam || 47 ||
[Analyze grammar]

anyānapi mahābhāgānraghunāthaḥ svayaṃ tadā |
parirebhe dṛḍhaṃ snigdhānpādayoḥ praṇatānnṛpān || 48 ||
[Analyze grammar]

sumatiḥ śrīraghupatiṃ bhaktānugrahakārakam |
parirabhya dṛḍhaṃ prītaḥ saṃmukhe tiṣṭhadunnataḥ || 49 ||
[Analyze grammar]

tadā rāmo nijāmātyaṃ vīkṣya sānnidhyamāgatam |
uvāca paramaprītyā maṃtriṇaṃ vadatāṃ varaḥ || 50 ||
[Analyze grammar]

sumate maṃtriṇāṃ śreṣṭha śaṃśa me vāgmināṃ vara |
ka ete bhūmipāḥ sarve kathamatra samāgatāḥ || 51 ||
[Analyze grammar]

kutrakutra hayaḥ prāptaḥ kenakena niyaṃtritaḥ |
kathaṃ vai mocito bhrātrā mahābalasuśālinā || 52 ||
[Analyze grammar]

śeṣa uvāca |
ityukto maṃtriṇāṃ śreṣṭhaḥ sumatiḥ prāha rāghavam |
prahasanmeghagaṃbhīra nādena ca subuddhimān || 53 ||
[Analyze grammar]

sumatiruvāca |
sarvajñasya puraste'dya mayā kathamudīryate |
pṛcchasi tvaṃ lokarītyā sarvaṃ jānāsi sarvadṛk || 54 ||
[Analyze grammar]

tathāpi tava nirdeśaṃ śirasyādhāya sarvadā |
bravīmi tacchṛṇuṣvādya sarvarājaśiromaṇe || 55 ||
[Analyze grammar]

tvatprasādādaho svāminsarvatra jagatītale |
paribabhrāma te vāho bhālapatrasuśobhitaḥ || 56 ||
[Analyze grammar]

na kaścittaṃ nijagrāha svanāmabaladarpitaḥ |
svaṃ svaṃ rājyaṃ samarpyātha praṇemuste padāṃbujam || 57 ||
[Analyze grammar]

ko vā rāvaṇa daityeṃdra nihaṃturvājisattamam |
gṛhṇāti vijayākāṃkṣī jarāmaraṇavarjitaḥ || 58 ||
[Analyze grammar]

ahicchatrāṃ gatastāvattava vājī manoramaḥ |
tadrājā sumadaḥ śrutvā hayaṃ prāptaṃ tava prabho || 59 ||
[Analyze grammar]

saputraḥ prabalaḥ sarvasainyena balinā vṛtaḥ |
sarvaṃ samarpayāmāsa rājyaṃ nihatakaṃṭakam || 60 ||
[Analyze grammar]

yo rājā jagatāṃ netrīṃ mātaraṃ jagadaṃbikām |
prasādya ciramāyuṣyaṃ lebhe rājyamakaṃṭakam || 61 ||
[Analyze grammar]

sa eṣa tvāṃ praṇamati sumadaḥ prabhusevitam |
taṃ gṛhāṇa kṛpādṛṣṭyā cirāddarśanakāṃkṣakam || 62 ||
[Analyze grammar]

tataḥ subāhubhūpasya nagare balapūrite |
damanastasya vai putraḥ prajagrāha hayottamam || 63 ||
[Analyze grammar]

tena sākaṃ mahadyuddhaṃ babhūva damanena ca |
puṣkalo jayamāpede saṃmūrchya subhujātmajam || 64 ||
[Analyze grammar]

tataḥ subāhuḥ saṃkruddho raṇe pavanajaṃ balāt |
yuyudhe tava pādābjasevakaṃ balināṃ varam || 65 ||
[Analyze grammar]

tasya pādāhato jñānaṃ prāpya śāpatiraskṛtam |
tubhyaṃ samarpya sakalaṃ vājinaḥ pālako'bhavat || 66 ||
[Analyze grammar]

eṣa tvāṃ subhujo rājā praṇamatyunnatāṃgakaḥ |
kṛpādṛṣṭyābhiṣiṃca tvaṃ subāhuṃ nayakovidam || 67 ||
[Analyze grammar]

tato mukto hayo revāhrade sa nimamajja ha |
tatra prāptaṃ mohanāstraṃ śatrughnena balīyasā || 68 ||
[Analyze grammar]

tato devapure prāgācchivavāsavibhūṣite |
tatratyaṃ tu vijānāsi yatastvaṃ tatra cāgataḥ || 69 ||
[Analyze grammar]

vidyunmālī hato daityaḥ satyavānsaṃgatastataḥ |
surathena samaṃ yuddhaṃ jānāsi tvaṃ mahāmate || 70 ||
[Analyze grammar]

tataḥ kuṃḍalakānmukto hayo babhrāma sarvataḥ |
na kaścittaṃ nijagrāha svavīryabaladarpitaḥ || 71 ||
[Analyze grammar]

vālmīkerāśrame ramye hayaḥ prāpto manoramaḥ |
tatra yatkutukaṃ jātaṃ tacchṛṇuṣva narottama || 72 ||
[Analyze grammar]

tatrārbhastava sārūpyaṃ bibhratṣoḍaśavārṣikaḥ |
jagrāha vīkṣya patrāṃkaṃ vājinaṃ balavattamaḥ || 73 ||
[Analyze grammar]

tatra kālajitā yuddhaṃ mahajjātaṃ narottama |
nihatastena vīreṇa śitadhāreṇa hetinā || 74 ||
[Analyze grammar]

aneke nihatāḥ saṃkhye puṣkalādyā mahābalāḥ |
mūrcchitaṃ cāpi śatrughnaṃ cakre vīraśiromaṇiḥ || 75 ||
[Analyze grammar]

tadā rājā mahadduḥkhaṃ vicārya hṛdisaṃyuge |
kopena mūrcchitaṃ cakre vīro hi balināṃ varaḥ || 76 ||
[Analyze grammar]

sa yāvanmūrcchito rājñā tāvadanyaḥ samāgataḥ |
tenaitena ca saṃjīvya nāśitaṃ kaṭakaṃ tava || 77 ||
[Analyze grammar]

sarveṣāṃ mūrcchitānāṃ tu śastrāṇyābharaṇāni ca |
gṛhītvā vānarau baddhau jagmatuḥ svāśramaṃ prati || 78 ||
[Analyze grammar]

kṛpāṃ kṛtvā punastena datto'śvo yajñiyo mahān |
jīvanaṃ prāpitaṃ sarvaṃ kaṭakaṃ naṣṭajīvitam || 79 ||
[Analyze grammar]

vayaṃ gṛhītvā taṃ vāhaṃ prāptāstava samīpataḥ |
etadeva mayā jñātaṃ taduktaṃ te purovacaḥ || 80 ||
[Analyze grammar]

iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe |
sumatinivedanaṃnāma paṃcaṣaṣṭitamo'dhyāyaḥ || 65 ||
[Analyze grammar]