Chapter 61

[English text for this chapter is available]

śatrughna uvāca |
jānāsi kiṃ mahāmaṃtrinko bālo hayamāharat |
yena me kṣapitaṃ sarvaṃ balaṃ vāridhisannibham || 1 ||
[Analyze grammar]

sumatiruvāca |
svāminnayaṃ muniśreṣṭha vālmīkerāśramo mahān |
kṣattriyāṇāmatra vāso nāstyeva paratāpana || 2 ||
[Analyze grammar]

iṃdro bhaviṣyati paramamarṣī hayamāharat |
purārirvānyathā vāhaṃ tava kaḥ samupāharet || 3 ||
[Analyze grammar]

kālajidyena nāśaṃ vai prāptaḥ paramadāruṇaḥ |
taṃ prati śrīmahārāja gaṃtā kaḥ puṣkalānyataḥ || 4 ||
[Analyze grammar]

tvaṃ ca vīrairbhaṭaiḥ sarvairājabhiḥ parivāritaḥ |
tatra gacchasva sainyena mahatā śatrukṛṃtana || 5 ||
[Analyze grammar]

gatvā sa jīvitaṃ vīraṃ baddhvā tu kutukārthine |
darśayiṣyāmi rāmāya mataṃ me tvidamādṛtam || 6 ||
[Analyze grammar]

iti vākyaṃ samākarṇya vīrānsarvānsamādiśat |
sainyena mahatā yāta yūyamāyāmi pṛṣṭhataḥ || 7 ||
[Analyze grammar]

nirdiṣṭāste kṣaṇādvīrā jagmuryatra lavo balī |
dhanurvisphārayaṃstatra sudṛḍhaṃ guṇapūritam || 8 ||
[Analyze grammar]

āyātaṃ tanmahaddṛṣṭvā balaṃ vīraprapūritam |
na kiṃcinmanasā bibhyelavena balaśālinā || 9 ||
[Analyze grammar]

lavaḥ siṃha ivottasthau mṛgānmatvā'khilānbhaṭān |
dhanurvisphārayanroṣāccharānmuṃcansahasraśaḥ || 10 ||
[Analyze grammar]

te śaraiḥ pīḍyamānāstu mahāroṣeṇa pūritāḥ |
vīraṃ bālaṃ manyamānāḥ saṃmukhaṃ prādravaṃstadā || 11 ||
[Analyze grammar]

vīrānsahasraśo dṛṣṭvā bhramibhiḥ paryavasthitān |
lavo javena saṃdhāya śarānroṣaprapūritaḥ || 12 ||
[Analyze grammar]

bhramirādyā sahasreṇa dvitīyāyutasaṃkhyayā |
tṛtīyāyutayugmena turīyāyutapaṃcabhiḥ || 13 ||
[Analyze grammar]

paṃcamī lakṣayodhānāṃ ṣaṣṭhī yodhāyutādhikaiḥ |
saptamī lakṣayugmena saptabhirbhramibhirvṛtaḥ || 14 ||
[Analyze grammar]

madhye lavo bhramivyāptaḥ sa caranvahnivattadā |
dāhayāmāsa sarvānvai sainikānbhramikārakān || 15 ||
[Analyze grammar]

kācitkhaṅgaiḥ śaraiḥ kācitkācitprāsaiśca kuṃtalaiḥ |
paṭṭiśaiḥ parighaiḥ sarvā bhramirbhagnā mahātmanā || 16 ||
[Analyze grammar]

saptabhirbhramibhirmukto rarāja sa kuśānujaḥ |
meghavṛṃdavinirmuktaḥ śaśīva śaradāgame || 17 ||
[Analyze grammar]

prāharatsarvathā yodhānbhiṃdangajakarānbahūn |
chiṃdañchirāṃsi vīrāṇāṃ cakrabhrūṇi mahāṃti ca || 18 ||
[Analyze grammar]

aneke patitā vīrā lavabāṇaprapīḍitāḥ |
mumuhuḥ samare'thānye naṣṭā anye sukātarāḥ || 19 ||
[Analyze grammar]

palāyanaparaṃ sainyaṃ lavabāṇaprapīḍitam |
vīkṣya vīro raṇe yoddhuṃ prāyātpuṣkalasaṃjñakaḥ || 20 ||
[Analyze grammar]

tiṣṭhatiṣṭheti ca vadanroṣapūritalocanaḥ |
rathe suhayaśobhāḍhye tiṣṭhanprāyāllavaṃ balī || 21 ||
[Analyze grammar]

sa lavaṃ pratyuvācātha puṣkalaḥ paramāstravit |
tiṣṭha datte mayā saṃkhye rathe suhayaśobhite || 22 ||
[Analyze grammar]

padātinā tvayā yuddhaṃ karomi kimathāhave |
tasmāttiṣṭha rathe paścādyuddhye'haṃ bhavatā saha |
etadvākyaṃ niśamyāsau lavaḥ puṣkalamabravīt || 23 ||
[Analyze grammar]

tvayā datte rathe sthitvā yuddhaṃ kuryāmahaṃ raṇe |
tadā me pāpameva syājjayaḥ saṃdigdha eva hi || 24 ||
[Analyze grammar]

na vayaṃ brāhmaṇā vīra pratigrahaparāyaṇāḥ |
vayaṃ tu kṣatriyā nityaṃ dānakarmakriyāratāḥ || 25 ||
[Analyze grammar]

idānīṃ tvadrathaṃ kopādbhanajmi pratyahaṃ bhavān |
pādacārī bhavatyeva paścādyuddhaṃ kariṣyati || 26 ||
[Analyze grammar]

puṣkalo vākyamākarṇya dharmadhairyasamanvitam |
visismāya ciraṃ citte dhanuḥ sajyamathākarot || 27 ||
[Analyze grammar]

tamāttadhanuṣaṃ dṛṣṭvā lavaḥ kopasamanvitaḥ |
cāpaṃ ciccheda pāṇisthaṃ śarasaṃdhānamācaran || 28 ||
[Analyze grammar]

sa yāvatsa guṇaṃ cāpaṃ kurute tāvaduddhataḥ |
rathabhaṃgaṃ cakārāsya samare prahasanbalī || 29 ||
[Analyze grammar]

bhagnaṃ rathaṃ svakaṃ vīkṣya dhanuśchinnaṃ mahātmanā |
mahāvīraṃ manyamānaḥ padātiḥ prādravadraṇe || 30 ||
[Analyze grammar]

ubhau dhanurdharau vīrāvubhāvapi śaroddhatau |
ubhau kṣatajavipluṣṭau chinnasannāhitāvubhau || 31 ||
[Analyze grammar]

parasparaṃ bāṇaghātaviśīrṇāvapulakṣitau |
jayākāṃkṣāṃ prakurvaṃtau parasparavadhaiṣiṇau || 32 ||
[Analyze grammar]

jayaṃtakārtikeyau vā purāriḥ purabhidyathā |
evaṃ parasparaṃ yuddhaṃ prakurvāṇau raṇāṃgaṇe || 33 ||
[Analyze grammar]

puṣkalaḥ pratyuvācātha bālaṃ śūraśiromaṇe |
tvādṛśo na mayā dṛṣṭaḥ kaścidvīraśiromaṇiḥ || 34 ||
[Analyze grammar]

śiraste pātayāmyadya bāṇaiḥ śitasuparvabhiḥ |
mā palāyasva samare prāṇānrakṣasva saṃyataḥ || 35 ||
[Analyze grammar]

evamuktvā lavaṃ vīraṃ cakāra śarapaṃjare |
puṣkalasya śarā bhūmau nabhasi vyāpya saṃsthitāḥ || 36 ||
[Analyze grammar]

śarapaṃjaramadhyastho lavaḥ puṣkalamabravīt |
mahatkarma kṛtaṃ vīra yanmāṃ bāṇairapīḍayat || 37 ||
[Analyze grammar]

ityuktvā bāṇasaṃghātaṃ pracchidya vacanaṃ punaḥ |
jagāda puṣkalaṃ vīraḥ śarasaṃdhānakovidaḥ || 38 ||
[Analyze grammar]

pālayātmānamājisthaṃ maccharāghātapīḍitaḥ |
patiṣyasi mahīpṛṣṭhe rudhireṇa pariplutaḥ || 39 ||
[Analyze grammar]

evamuktaṃ samākarṇya puṣkalaḥ kopasaṃyutaḥ |
raṇe saṃyodhayāmāsa lavaṃ vīraṃ mahābalam || 40 ||
[Analyze grammar]

lavaḥ prakupito bāṇaṃ tīkṣṇaṃ vairividāraṇam |
jagrāha lavataḥ kośādāśīviṣamiva krudhā || 41 ||
[Analyze grammar]

jājvalyamānaḥ saśaraścāpamukto lavasya ca |
hṛdayaṃ bhettumudyuktaśchinno bhāratināśu saḥ || 42 ||
[Analyze grammar]

chinne bhāratinā saṃkhye śareṇa prāṇahāriṇā |
atyaṃtaṃ kupito ghoraṃ śaramanyaṃ samādade || 43 ||
[Analyze grammar]

ākarṇākṛṣṭacāpena sa mukto niśitaḥ śaraḥ |
bibheda hṛdayaṃ tasya puṣkalasya mahāraṇe || 44 ||
[Analyze grammar]

bhinno vakṣasi vīreṇa sāyakenāśugāminā |
papāta dharaṇīpṛṣṭhe mahāśūraśiromaṇiḥ || 45 ||
[Analyze grammar]

patitaṃ taṃ samālokya puṣkalaṃ pavanātmajaḥ |
gṛhītvā rāghavabhrātre dadau mūrcchāsamanvitam || 46 ||
[Analyze grammar]

mūrcchitaṃ taṃ samālokya śokavihvalamānasaḥ |
hanūmaṃtaṃ lavaṃ haṃtuṃ nidideśa krudhānvitaḥ || 47 ||
[Analyze grammar]

hanūmānkrodhasaṃpluṣṭo lavaṃ saṃkhye mahābalam |
vijetuṃ tarasā prāgādvṛkṣamudyamya śālmalim || 48 ||
[Analyze grammar]

vṛkṣeṇa hatavānmūrdhni lavasya hanumānbalī |
tamāpataṃtaṃ tarasā ciccheda śatadhā lavaḥ || 49 ||
[Analyze grammar]

chinne nage punaḥ kopādvṛkṣānutpāṭya mūlataḥ |
tāḍayāmāsa hṛdaye mastake ca mahābalaḥ || 50 ||
[Analyze grammar]

yānyānvṛkṣānsamāhṛtyātāḍayatpavanātmajaḥ |
tāṃstāṃściccheda tarasā balavānnataparvabhiḥ || 51 ||
[Analyze grammar]

tadā śilāḥ samutpāṭya gaṃḍaśailopamāḥ kapiḥ |
pātayāmāsa śirasi kṣipravegena mārutiḥ || 52 ||
[Analyze grammar]

sa āhataḥ śilāsaṃghaiḥ saṃkhye kodaṃḍamunnayan |
bāṇaistāścūrṇayāmāsa yaṃtrikābhiryathā kaṇāḥ || 53 ||
[Analyze grammar]

tadātyaṃtaṃ prakupito mārutiḥ pucchaveṣṭanam |
cakāra samaropāṃte lavasya balinaḥ kṛtī || 54 ||
[Analyze grammar]

svaṃ pucchena samāviddhaṃ vīkṣya svāṃbāṃ hṛdi smaran |
muṣṭinā tāḍayāmāsa lāṃgūlaṃ māruterbalī || 55 ||
[Analyze grammar]

tanmuṣṭighātavyathito mārutistamamūmucat |
sa muktaḥ pucchato yuddhe śarānmuṃcannabhūdbalī || 56 ||
[Analyze grammar]

durvāraśaraghātena saṃpīḍitatanuḥ kapiḥ |
bāṇavarṣaṃ manyamāno duḥsahaṃ samare bahu || 57 ||
[Analyze grammar]

kiṃkartavyamito'smābhiḥ palāyya yadi gamyate |
tadā me svāmino lajjā tāḍayedbālako'tra mām || 58 ||
[Analyze grammar]

brahmadattavaratvāttu mūrcchā na maraṇaṃ nahi |
duḥsahā bāṇapīḍātra kiṃ kartavyaṃ mayādhunā || 59 ||
[Analyze grammar]

śatrughnaḥ samare gatvā jayaṃ prāpnotu bālakāt |
ahaṃ tāvajjayākāṃkṣī śaye kapaṭamūrcchayā || 60 ||
[Analyze grammar]

ityevaṃ mānase kṛtvā papāta raṇamaṃḍale |
paśyatāṃ sarvavīrāṇāṃ kapaṭena vimūrcchitaḥ || 61 ||
[Analyze grammar]

taṃ mūrcchitaṃ samājñāya hanūmaṃtaṃ mahābalam |
jaghāna sarvānnṛpatīñcharamokṣavicakṣaṇaḥ || 62 ||
[Analyze grammar]

iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe |
hanumatpatanaṃnāmaikaṣaṣṭitamo'dhyāyaḥ || 61 ||
[Analyze grammar]