Chapter 60

[English text for this chapter is available]

śeṣa uvāca |
śatrughno nijavīrāṇāṃ chinnānbāhūnnirīkṣayan |
uvāca tānsukupito roṣasaṃdaṃśitādharaḥ || 1 ||
[Analyze grammar]

kena vīreṇa vo bāhukṛṃtanaṃ samakāri bhoḥ |
tasyāhaṃ bāhū kṛṃtāmi devaguptasya vai bhaṭāḥ || 2 ||
[Analyze grammar]

na jānāti mahāmūḍho rāmacaṃdra balaṃ mahat |
idānīṃ darśayiṣyāmi parākrāṃtyā balaṃ svakam || 3 ||
[Analyze grammar]

sa kutra vartate vīro hayaḥ kutra manoramaḥ |
ko vā'gṛhṇātsuptasarpānmūḍho jñātvā parākramam || 4 ||
[Analyze grammar]

iti te kathitā vīrā vismitā duḥkhitā bhṛśam |
rāmacaṃdra pratinidhiṃ bālakaṃ samaśaṃsata || 5 ||
[Analyze grammar]

sa śrutvā roṣatāmrākṣo bālakena hayagraham |
senānyaṃ vai kālajitamājñāpayadyuyutsukaḥ || 6 ||
[Analyze grammar]

senānīḥ sakalāṃ senāṃ vyūhayasva mamājñayā |
ripuḥ saṃprati gaṃtavyo mahābalaparākramaḥ || 7 ||
[Analyze grammar]

nāyaṃ bālo harirnūnaṃ bhaviṣyati hayaṃdharaḥ |
athavā tripurāriḥ syānnānyathā maddhayāpahṛt || 8 ||
[Analyze grammar]

avaśyaṃ kadanaṃ bhāvisainyasya balino mahat |
svacchaṃdacaritaiḥ khelannāste nirbhayadhīḥ śiśuḥ || 9 ||
[Analyze grammar]

tatra gaṃtavyamasmābhiḥ sannaddhai ripudurjayaiḥ |
etanniśamya vacanaṃ śatrughnasya sasainyapaḥ || 10 ||
[Analyze grammar]

sajjīcakāra senāṃ tāṃ durvyūḍhāṃ caturaṃgiṇīm |
sajjāṃ tāṃ śatrujiddṛṣṭvā caturaṃgayutāṃ varām || 11 ||
[Analyze grammar]

ājñāpayattato gaṃtuṃ yatra bālo hayaṃdharaḥ |
sā cacāla tadā senā caturaṃgasamanvitā || 12 ||
[Analyze grammar]

kaṃpayaṃtī mahībhāgaṃ trāsayaṃtī ripūnbalāt |
senānīstaṃ dadarśātha bālakaṃ rāmarūpiṇam || 13 ||
[Analyze grammar]

vicārya rāmapratimamabravīdvacanaṃ hitam |
bāla muṃca hayaśreṣṭhaṃ rāmasya balaśālinaḥ || 14 ||
[Analyze grammar]

senānīḥ kālajinnāma tasya bhūpasya durmadaḥ |
tvāṃ rāmapratimaṃ dṛṣṭvā kṛpā me hṛdi jāyate || 15 ||
[Analyze grammar]

anyathā tava me dausthyājjīvitaṃ na bhaviṣyati |
etadvākyaṃ samākarṇya śatrughnasya bhaṭasya hi || 16 ||
[Analyze grammar]

jahāsa kiṃcidākopāduvāca ca vacodbhutam |
gaccha muktosi taṃ rāmaṃ kathayasva hayagraham || 17 ||
[Analyze grammar]

tvatto bibhemi no śūra vākyena nayaśālinā |
mamātra gaṇanā nāsti tvādṛśāḥ koṭayo yadi || 18 ||
[Analyze grammar]

mātṛpādaprasādena tūlībhūtā na saṃśayaḥ |
kālajittava yannāma mātrākāri manojñayā || 19 ||
[Analyze grammar]

pakvabiṃbaphalasyeva varṇato na ca vīryataḥ |
darśayasvādhunā vīryaṃ svanāmabalacihnitaḥ || 20 ||
[Analyze grammar]

māṃ kālaṃ tava saṃjitya satyanāmā bhaviṣyasi |
śeṣa uvāca |
sa vākyaiḥ pavinātulyairbhinnaḥ subhaṭaśekharaḥ || 21 ||
[Analyze grammar]

cukopa hṛdaye'tyataṃ jagāda vacanaṃ punaḥ |
kasminkule samutpattiḥ kiṃ nāmāsi ca bālaka |
tvannāma nābhijānāmi kulaṃ śīlaṃ vayastathā || 22 ||
[Analyze grammar]

pādacāraṃ rathastho'hamadharmeṇa kathaṃ jaye |
tadātyaṃtaṃ prakupito jagāda vacanaṃ punaḥ || 23 ||
[Analyze grammar]

kulena kiṃ ca śīlena nāmnā vā sumanohṛdā |
lavo'haṃ lavataḥ sarvāñjeṣyāmi ripusainikān || 24 ||
[Analyze grammar]

idānīṃ tvāmapi bhaṭaṃ kariṣye pādacāriṇam |
itthamuktvā dhanuḥ sajyaṃ cakāra sa lavo balī || 25 ||
[Analyze grammar]

ṭaṃkārayāmāsa tadā vīrānākaṃpayanhṛdi |
vālmīkiṃ prathamaṃ smṛtvā jānakīṃ mātaraṃ lavaḥ || 26 ||
[Analyze grammar]

mumoca bāṇānniśitānsadyaḥ prāṇāpahāriṇaḥ |
kālajitsvadhanuḥ kṛtvā sajyaṃ kopasamanvitaḥ || 27 ||
[Analyze grammar]

tāḍayāmāsa javano lavaṃ raṇaviśāradaḥ |
tadbāṇāñchatadhā chittvā kṣaṇādvegātkuśānujaḥ || 28 ||
[Analyze grammar]

senānyaṃ virathaṃ cakre vasubhiḥ svaśarottamaiḥ |
viratho gajamānītamāruroha bhaṭairnijaiḥ || 29 ||
[Analyze grammar]

madonmattaṃ mahāvegaṃ saptadhā prasravānvitam |
gajārūḍhaṃ tu taṃ dṛṣṭvā daśabhirdhanuṣogataiḥ || 30 ||
[Analyze grammar]

bāṇairvivyādha vihasansarvānripugaṇāñjayī |
kālajittasya vīryaṃ tu dṛṣṭvā vismitamānasaḥ || 31 ||
[Analyze grammar]

gadāṃ mumoca mahatīṃ mahāyasa vinirmitām |
āpataṃtīṃ gadāṃ vegādbhārāyutavinirmitām || 32 ||
[Analyze grammar]

tridhā ciccheda tarasā kṣurapraiḥ sakuśānujaḥ |
parighaṃ niśitaṃ ghoraṃ vairiprāṇaharoditam || 33 ||
[Analyze grammar]

muktaṃ punastena lavaściccheda tarasānvitaḥ |
chittvā tatparighaṃ ghoraṃ kopādāraktalocanaḥ || 34 ||
[Analyze grammar]

gajopasthe samārūḍhaṃ manyamānaścukopa ha |
tatkṣaṇādacchinattasya śuṃḍāṃ khaḍgena daṃtinaḥ || 35 ||
[Analyze grammar]

daṃtayoścaraṇau dhṛtvā ruroha gajamastake |
mukuṭaṃ śatadhā kṛtvā kavacaṃ tu sahasradhā || 36 ||
[Analyze grammar]

keśeṣvākṛṣya senānyaṃ pātayāmāsa bhūtale |
pātitaḥ sa gajopasthātsenānīḥ kupitaḥ punaḥ || 37 ||
[Analyze grammar]

hṛdaye tāḍayāmāsa muṣṭinā vajramuṣṭinā |
sa āhato muṣṭibhistu kṣuraprānniśitāñcharān || 38 ||
[Analyze grammar]

mumoca hṛdaye kṣipraṃ kuṃḍalīkṛtadhanvavān |
sa rarāja raṇopāṃte kuṃḍalīkṛta cāpavān || 39 ||
[Analyze grammar]

śirastraṃ kavacaṃ bibhradabhedyaṃ śarakoṭibhiḥ |
sa viddhaḥ sāyakaistīkṣṇaistaṃ haṃtuṃ khaḍgamādade || 40 ||
[Analyze grammar]

daśanroṣātsvadaśanānniḥśvasannucchvasanmuhuḥ |
khaḍgahastaṃ samāyāṃtaṃ śūraṃ senāpatiṃ lavaḥ || 41 ||
[Analyze grammar]

ciccheda bhujamadhyaṃ tu sa khaḍgaḥ pāṇirāpatat |
chinnaṃ khaḍgadharaṃ hastaṃ vīkṣya kopāccamūpatiḥ || 42 ||
[Analyze grammar]

vāmena gadayā haṃtuṃ pracakrāma bhujena tam |
so'pi cchinno bhujastasya sāṃgadastīkṣṇasāyakaiḥ || 43 ||
[Analyze grammar]

tadā prakupito vīraḥ pādābhyāmahanallavam |
lavaḥ pādāhatastasya na cacāla raṇāṃgaṇe || 44 ||
[Analyze grammar]

srajāhato dvipa iva caraṇacchedanaṃ vyadhāt |
tadāpi taṃ maulināsau prahartumupacakrame || 45 ||
[Analyze grammar]

tadā lavaścamūnāthaṃ manyamāno'dhipauruṣam |
karavālaṃ samādāya kare kālānalopamam || 46 ||
[Analyze grammar]

acchinacchira etasya mahāmukuṭaśobhitam |
hāhākāro mahānāsīccamūnāthe nipātite || 47 ||
[Analyze grammar]

sainikāḥ parisaṃkruddhā lavaṃ haṃtuṃ samāgatāḥ |
lavastānsvaśarāghātaiḥ palāyanaparānvyadhāt || 48 ||
[Analyze grammar]

chinnābhinnāṃgakāḥ kecidgatā kecidraṇāṃgaṇāt |
sa nivāryākhilānyodhānvijagāha camūṃ mudā || 49 ||
[Analyze grammar]

vārāha iva niḥśvasya pralaye sumahārṇavam |
gajā bhinnā dvidhā jātā mauktikaiḥ pūritā mahī || 50 ||
[Analyze grammar]

durgamābhūdbhaṭāgryāṇāṃ parvatairvyāpṛtā yathā |
aśvāḥ kanakapalyāṇā rucirāratnarājitāḥ || 51 ||
[Analyze grammar]

apatanrudhirāpluṣṭe hrade bala suśobhitāḥ |
rathinaḥ karamadhyastha dhanurdaṃḍasuśobhinaḥ || 52 ||
[Analyze grammar]

rathopasthe nipatitāḥ svargagā iva vai surāḥ |
saṃdaṣṭauṣṭhapuṭā vaktra bhramallakṣmīvilakṣitāḥ || 53 ||
[Analyze grammar]

patitāstatra dṛśyaṃte vīrā raṇaviśāradāḥ |
susrāva śoṇitasariddhayamastakakacchapā || 54 ||
[Analyze grammar]

mahāpravāhalalitā vairiṇāṃ bhayakārikā |
keṣāṃcidbāhaviśchinnāḥ keṣāṃ pādā vikartitā || 55 ||
[Analyze grammar]

keṣāṃ karṇāśca nāsāśca keṣāṃ kavacakuṃḍale |
evaṃ tu kadanaṃ jātaṃ senānyāṃ patite raṇe || 56 ||
[Analyze grammar]

sarve nipatitā vīrā na kecijjīvitāstataḥ |
lavo jayaṃ raṇe prāpya vairivṛṃdaṃ vijitya ca || 57 ||
[Analyze grammar]

anyāgamanaśaṃkāyāṃ manaḥ kurvannavaikṣata |
kecidurvaritā yuddhādbhāgyena na raṇe mṛtāḥ || 58 ||
[Analyze grammar]

śatrughnaṃ savidhe jagmuḥ śaṃsituṃ vṛttamadbhutam |
gatvā te kathayāmāsuryathāvṛttaṃ raṇāṃgaṇe || 59 ||
[Analyze grammar]

kālajinnidhanaṃ bālāccitrakāri raṇodyamam |
tacchrutvā vismayaṃ prāptaḥ śatrughnastānuvāca ha || 60 ||
[Analyze grammar]

hasanroṣāddaśandaṃtānbālagrāha hayaṃ smaran |
re vīrāḥ kiṃ madonmattā yūyaṃ kiṃ vā chalagrahāḥ || 61 ||
[Analyze grammar]

kiṃ vā vaikalyamāyātaṃ kālajinmaraṇaṃ katham |
yaḥ saṃkhye vairivṛṃdānāṃ dāruṇaḥ samitiṃjayaḥ || 62 ||
[Analyze grammar]

taṃ kathaṃ bālako jīyādyamasyāpi durāsadam |
śatrughnavākyaṃ saṃśrutya vīrāḥ procurasṛkplutāḥ || 63 ||
[Analyze grammar]

nāsmākaṃ madamattādi na cchalo na ca devanam |
kālajinmaraṇaṃ satyaṃ lavājjānīhi bhūpate || 64 ||
[Analyze grammar]

balaṃ ca kṛtsnaṃ mathitaṃ bālenātulaśauṃḍinā |
ataḥ paraṃ tu yatkāryaṃ ye preṣyā nṛvarottamāḥ || 65 ||
[Analyze grammar]

bālaṃ jñātvā bhavānnātra karotu balasāhasam |
iti śrutvā vacasteṣāṃ vīrāṇāṃ śatruhā tadā || 66 ||
[Analyze grammar]

sumatiṃ ca matiśreṣṭhamuvāca raṇakāraṇe || 67 ||
[Analyze grammar]

iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe kuśalavayuddhe |
sainyaparājaya kālajitsenānīmaraṇaṃnāma ṣaṣṭitamo'dhyāyaḥ || 60 ||
[Analyze grammar]