Chapter 51

[English text for this chapter is available]

śeṣa uvāca |
tacchrutvā bhāṣitaṃ tasya surathasyāṃgadānanāt |
sajjībhūtā raṇe sarve rathasthā raṇakovidāḥ || 1 ||
[Analyze grammar]

paṭahānāṃ ninādo'bhūdbherīnādastathaiva ca |
vīrāṇāṃ garjanānādāḥ prādurbhūtā raṇāṃgaṇe || 2 ||
[Analyze grammar]

rathacītkāraśabdena gajānāṃ bṛṃhitena ca |
vyāptaṃ tatsakalaṃ viśvaṃ divaṃ yāto mahāravaḥ || 3 ||
[Analyze grammar]

raṇotsāhena saṃyuktā vīrā raṇaviśāradāḥ |
kurvaṃti vividhānnādānkātarasya bhayaṃkarān || 4 ||
[Analyze grammar]

evaṃ kolāhale vṛtte suratho nāma bhūmipaḥ |
svasutaiḥ sainikaiścātha vṛtaḥ prāyādraṇāṃgaṇe || 5 ||
[Analyze grammar]

gajairathairhayaiḥ pattivrajaiḥ pūrṇāṃ tu medinīm |
kurvansamudraiva tāṃ plāvayandadṛśe bhaṭaiḥ || 6 ||
[Analyze grammar]

śaṃkhanādena saṃghuṣṭaṃ jayanādaistathaiva ca |
vīkṣya taṃ pradhanodyuktaṃ sumatiṃ prāha bhūmipaḥ || 7 ||
[Analyze grammar]

śatrughna uvāca |
eṣa rājā samāyāto mahāsainyaparīvṛtaḥ |
atra yatkṛtyamasmākaṃ tadvadasva mahāmate || 8 ||
[Analyze grammar]

sumatiruvāca |
yoddhavyamatra bahubhirvīrai raṇaviśāradaiḥ |
puṣkalādibhiratyugraiḥ sarvaśastrāstrakovidaiḥ || 9 ||
[Analyze grammar]

rājñā saha samīrasya putraḥ paramaśauryavān |
yuddhaṃ karotu subalaḥ parayuddhaviśāradaḥ || 10 ||
[Analyze grammar]

śeṣa uvāca |
iti brūte mahāmātyo yāvattāvannṛpātmajāḥ |
raṇāṃgaṇe dhanūṃṣyaddhā sphārayāmāsuruddhatāḥ || 11 ||
[Analyze grammar]

tānvīkṣya yodhāḥ subalāḥ puṣkalādyā raṇotkaṭāḥ |
abhijagmuḥ syaṃdanaiḥ svairdhanurbāṇakarā matāḥ || 12 ||
[Analyze grammar]

caṃpakena mahāvīraḥ puṣkalaḥ paramāstravit |
dvairathenaiva yuyudhe mahāvīreṇa śālinā || 13 ||
[Analyze grammar]

mohakaṃ yodhayāmāsa jānakiḥ sa kuśadhvajaḥ |
ripuṃjayena vimalo durvāreṇa subāhukaḥ || 14 ||
[Analyze grammar]

pratāpinā pratāpāgryo balamodena cāṃgadaḥ |
haryakṣeṇa nīlaratnaḥ sahadevena satyavān || 15 ||
[Analyze grammar]

rājā vīramaṇirbhūri devena yuyudhe balī |
asutāpena cogrāśvo yuyudhe balasaṃyutaḥ || 16 ||
[Analyze grammar]

dvairathaṃ tu mahadyuddhamakurvanyuddhakovidāḥ |
sarve śastrāstrakuśalāḥ sarve yuddhaviśāradāḥ || 17 ||
[Analyze grammar]

evaṃ pravṛtte saṃgrāme surathasya sutaistadā |
atyaṃtaṃ kadanaṃ tatra babhūva munisattama || 18 ||
[Analyze grammar]

puṣkalaścaṃpakaṃ prāha kiṃ nāmāsi nṛpātmaja |
dhanyosi yo mayā sārdhaṃ raṇamadhyamupeyivān || 19 ||
[Analyze grammar]

idānīṃ tiṣṭha kiṃ yāsi kathaṃ te jīvitaṃ bhavet |
ehi yuddhaṃ mayā sārdhaṃ sarvaśastrāstrakovida || 20 ||
[Analyze grammar]

ityabhivyāhṛtaṃ tasya śrutvā rājātmajo balī |
jagāda puṣkalaṃ vīro meghagaṃbhīrayā girā || 21 ||
[Analyze grammar]

caṃpaka uvāca |
na nāmnā na kulenedaṃ yuddhamatra bhaviṣyati |
tathāpi tava vakṣye'haṃ svanāmabalapūrvakam || 22 ||
[Analyze grammar]

mama mātā rāghaveśo matpitā rāghavaḥ smṛtaḥ |
mama baṃdhū rāmacaṃdra svaḥjano mama rāghavaḥ || 23 ||
[Analyze grammar]

mannāma rāmadāsaśca sadā rāmasya sevakaḥ |
tārayiṣyati māṃ yuddhe rāmo bhaktakṛpākaraḥ || 24 ||
[Analyze grammar]

lokānāṃ matamāsthāya prabravīmi tavādhunā |
surathasya sutaścāhaṃ mātā vīravatīmama || 25 ||
[Analyze grammar]

mannāmayo madhau sarvāñchobhanānvidadhāti vai |
madhupāyaṃrasāvā saṃtyajaṃti madhumohitāḥ || 26 ||
[Analyze grammar]

varṇena svarṇasadṛśo madhye liṃgavapurdharaḥ |
tadākhyayābhidhāṃ vīra jānīhi mama mohinīm || 27 ||
[Analyze grammar]

yudhyasva bāṇaiḥ pradhanena ko jetuṃ hi māṃ kṣamaḥ |
idānīṃ darśayiṣyāmi svaparākramamadbhutam || 28 ||
[Analyze grammar]

śeṣa uvāca |
iti śrutvā mahadvākyaṃ puṣkalo hṛdi toṣitaḥ |
taṃ durjayaṃ manyamānaḥ śarānmuṃcanraṇe'bhavat || 29 ||
[Analyze grammar]

śarasaṃghaṃ pramuṃcaṃtaṃ koṭidhā puṣkalaṃ yayau |
caṃpakaḥ kopasaṃyukto dhanuḥ sajyamathākarot || 30 ||
[Analyze grammar]

mumoca niśitānbāṇānvairivṛṃdavidāraṇān |
svanāmacihnitānsvarṇapuṃkhabhāgasamanvitān || 31 ||
[Analyze grammar]

tāṃściccheda mahāvīraḥ puṣkalaḥ pradhanāṃgaṇe |
śarāṃdhakāraṃ sarvatra muṃcanbāṇāñchilāśitān || 32 ||
[Analyze grammar]

svabāṇacchedanaṃ dṛṣṭvā kṛtaṃ vīreṇa caṃpakaḥ |
āhvayāmāsa balinaṃ puṣkalaṃ kopapūritaḥ || 33 ||
[Analyze grammar]

mā prayāhi raṇaṃ tyaktveti bruvansamare punaḥ |
puṣkalaṃ hṛdaye bāṇairvivyādha daśabhistvaran || 34 ||
[Analyze grammar]

te bāṇāḥ puṣkalasyāho hṛdaye tīvraveginaḥ |
āgatya subhṛśaṃ lagnāḥ śoṇitaṃ papurūrjitam || 35 ||
[Analyze grammar]

tairbāṇairvyathito vīraḥ śarānpaṃca samādade |
sutīkṣṇāgrānmahākopādvārayanparvatāniva || 36 ||
[Analyze grammar]

te bāṇāstasya bāṇāśca parasparamathorjitāḥ |
ākāśe racitāśchinnāḥ śatadhā rājasūnunā || 37 ||
[Analyze grammar]

chittvā bāṇānsutīkṣṇāgrānsurathāṃgodbhavo balī |
bāṇāñchataṃ samādhatta puṣkalaṃ tāḍituṃ hṛdi || 38 ||
[Analyze grammar]

te bāṇāḥ śatadhācchinnāḥ puṣkalena mahātmanā |
apatansamaropāṃte śaravegaprapīḍitāḥ || 39 ||
[Analyze grammar]

tadā tatsumahatkarma dṛṣṭvā rājñaḥ suto balī |
sahasreṇa śarāṇāṃ ca tāḍayanvakṣasi sphuṭam || 40 ||
[Analyze grammar]

tānapyāśu praciccheda puṣkalaḥ paramāstravit |
punarapyāśu sve cāpe samādhattāyutaṃ śarān || 41 ||
[Analyze grammar]

tānapyāśu praciccheda puṣkalaḥ paramāstravit |
tato'tyataṃ prakupitaḥ śaravṛṣṭimathākarot || 42 ||
[Analyze grammar]

śaravṛṣṭiṃ samāyāṃtīṃ matvā caṃpaka vīrahā |
sādhusādhupraśaṃsaṃtaṃ puṣkalaṃ samatāḍayat || 43 ||
[Analyze grammar]

puṣkalaścaṃpakaṃ dṛṣṭvā mahāvīryasamanvitam |
brahmaṇo'strasamādhatta sve cāpe sarvaśastravit || 44 ||
[Analyze grammar]

tena muktaṃ mahāśastraṃ prajajvāla diśo daśa |
khaṃ rodasī vyāpya viśvaṃ pralayaṃ kartumudyatam || 45 ||
[Analyze grammar]

caṃpako muktamastraṃ taddṛṣṭvā sarvāstrakovidaḥ |
tatsaṃhartuṃ tadevāstraṃ mumoca ripumudyatam || 46 ||
[Analyze grammar]

dvayorekatamaṃ tejaḥ pralayaṃ menire janāḥ |
saṃjahāra tadāstrāstramekībhūtaṃ parāstrakam || 47 ||
[Analyze grammar]

tatkarmacādbhutaṃ dṛṣṭvā puṣkalastiṣṭhatiṣṭha ca |
bruvañcharānamoghāṃstu caṃpakaṃ sa krudhāhanat || 48 ||
[Analyze grammar]

caṃpakastāñcharānmuktānagaṇayya mahāmanāḥ |
rāmāstraṃ pramumocātha puṣkalaṃ prati dāruṇam || 49 ||
[Analyze grammar]

tanmuktamastramālokya caṃpakena mahātmanā |
chettuṃ yāvanmanaścakre tāvadgrastaḥ śareṇa saḥ || 50 ||
[Analyze grammar]

baddhaścaṃpakavīreṇa rathe sve sthāpitaḥ punaḥ |
puraṃ preṣayituṃ tāvanmanaścakre mahāmanāḥ || 51 ||
[Analyze grammar]

hāhākāro mahānāsīdbaddhe puṣkalasaṃjñike |
śatrughnaṃ prayayuryodhāḥ palāyanaparāyaṇāḥ || 52 ||
[Analyze grammar]

bhagnāṃstānvīkṣya śatrughno hanūmaṃtamuvāca ha |
kena vīreṇa me bhagnaṃ balaṃ vīrairalaṃkṛtam || 53 ||
[Analyze grammar]

tadovāca mahīnātha puṣkalaṃ paravīrahā |
baddhvā nayati vīro'sau caṃpakaḥ svapadoddhuraḥ || 54 ||
[Analyze grammar]

tasyedṛgvākyamākarṇya śatrughnaḥ kopasaṃyutaḥ |
uvāca pavanodbhūtaṃ mocayāśu nṛpātmajāt || 55 ||
[Analyze grammar]

mahābalaḥ sutaścāsya baddhvā yaḥ puṣkalaṃ bhaṭam |
tasmānmocaya vīrāgrya kathaṃ tiṣṭhasi cāhave || 56 ||
[Analyze grammar]

etadvākyaṃ samākarṇya hanūmānomiti bruvan |
jagāma taṃ mocayituṃ puṣkalaṃ caṃpakādbhaṭāt || 57 ||
[Analyze grammar]

hanūmaṃtamathālokya taṃ mocayitumāgatam |
bāṇaiḥ śataiśca sāhasrairjaghāna parakopanaḥ || 58 ||
[Analyze grammar]

bāṇāṃstānsa babhaṃjāśu muktāṃstena mahātmanā |
punarapyenamevāśu bāṇānmuṃcanmahānabhūt || 59 ||
[Analyze grammar]

tānsarvāṃścūrṇayāmāsa nārācānvairimocitān |
śālaṃ kare samādhṛtya jaghāna nṛpanaṃdanam || 60 ||
[Analyze grammar]

śālaṃ tena vinirmuktaṃ tilaśaḥ kṛtavānbalī |
gajo hanūmatā mukto nṛpanaṃdana mastake || 61 ||
[Analyze grammar]

so'pyāhataścaṃpakena mṛto bhūmau papātasaḥ |
śilāḥ saṃmocayāmāsa hanūmānparamāstravit || 62 ||
[Analyze grammar]

caṃpakastāḥ śilāḥ sarvāḥ kṣaṇāccūrṇitavānbhṛśam |
bāṇayaṃtrikayā brahmanmahaccitramabhūdidam || 63 ||
[Analyze grammar]

svamuktāstāḥ śilāḥ sarvāścūrṇitā vīkṣya mārutiḥ |
cukopa hṛdaye'tyataṃ bahuvīryamiti smaran || 64 ||
[Analyze grammar]

āgatya ca kare dhṛtvā nabhasyutpatitaḥ kapiḥ |
tāvadyayau netrapathādupari kṣipravegavān || 65 ||
[Analyze grammar]

caṃpakastaṃ hanūmaṃtaṃ yuyudhe nabhasi sthitaḥ |
bāhuyuddhena mahatā tāḍitaḥ kapipuṃgavaḥ || 66 ||
[Analyze grammar]

cukopa mānase vīro garvaparvatadāruṇaḥ |
padā dhṛtvā caṃpakaṃ taṃ tāḍayāmāsa bhūtale || 67 ||
[Analyze grammar]

tāḍito'sau kapīṃdreṇa kṣaṇādutthāya vegavān |
hanūmaṃtaṃ tu lāṃgūle dhṛtvā babhrāma sarvataḥ || 68 ||
[Analyze grammar]

kapīṃdrastadbalaṃ vīkṣya hasanpāde'grahītpunaḥ |
bhrāmayitvā śataguṇaṃ gajopasthe hyapātayat || 69 ||
[Analyze grammar]

papāta bhūmau subalo rājasūnuḥ sa caṃpakaḥ |
mūrcchito vīrabhūṣāḍhyamalaṃkurvanraṇāṃgaṇam || 70 ||
[Analyze grammar]

tadā hāheti vai lokāścukruśuścaṃpakānugāḥ |
puṣkalaṃ mocayāmāsa baddhaṃ caṃpakapāśataḥ || 71 ||
[Analyze grammar]