Chapter 49

[English text for this chapter is available]

śeṣa uvāca |
māsāḥ saptābhavaṃstasya hayavaryasya helayā |
carato bhārataṃ varṣamanekanṛpapūritam || 1 ||
[Analyze grammar]

sa pūjito bhūpavaraiḥ parītya varabhāratam |
parīvṛto vīravaraiḥ śatrughnādibhirudbhaṭaiḥ || 2 ||
[Analyze grammar]

sa babhrāma bahūndeśānhimālayasamīpataḥ |
na kopi taṃ nijagrāha hayaṃ rāmabalaṃ smaran || 3 ||
[Analyze grammar]

aṃgavaṃgakaliṃgānāṃ rājabhiḥ saṃstuto hayaḥ |
jagāma rājño nagare surathasya manohare || 4 ||
[Analyze grammar]

kuṃḍalaṃ nāma nagaramaditeryatra kuṃḍalam |
karṇayoḥ patitaṃ bhūmau harṣabhayasukaṃpayoḥ || 5 ||
[Analyze grammar]

yatra dharmavyatikrāṃtiṃ na karoti kadāpinā |
śrīrāmasmaraṇaṃ premṇā karoti janatānvaham || 6 ||
[Analyze grammar]

aśvatthānāṃ tu yatrārcā tulasyāḥ pratyahaṃ nṛbhiḥ |
kriyate raghunāthasya sevakaiḥ pāpavarjitaiḥ || 7 ||
[Analyze grammar]

yatra devālayā ramyā rāghavapratimāyutāḥ |
pūjyaṃte pratyahaṃ śuddhacittaiḥ kapaṭavarjitaiḥ || 8 ||
[Analyze grammar]

vāci nāma hareryatra na vai kalahasaṃkathā |
hṛdi dhyānaṃ tu tasyaiva na ca kāmaphalasmṛtiḥ || 9 ||
[Analyze grammar]

devanaṃ yatra rāmasya vārttābhiḥ pūtadehinām |
na jātucinnṛṇāmasti satyavyasanamāninām || 10 ||
[Analyze grammar]

tasminvasati dharmātmā surathaḥ satyavānbalī |
raghunāthapadasmārahṛṣṭacittaḥ paronmadaḥ || 11 ||
[Analyze grammar]

kiṃ varṇayāmi rāmasya sevakaṃ surathaṃ varam |
yasyāśeṣaguṇā bhūmau vistṛtāḥ pāvayaṃtyagham || 12 ||
[Analyze grammar]

sevakāstasya bhūpasya paryaṭaṃtaḥ kadācana |
apaśyanhayamedhasya hayaṃ caṃdanacarcitam || 13 ||
[Analyze grammar]

te dṛṣṭvā vismayaṃ prāptā hayapatramalokayan |
spaṣṭākṣarasamāyuktaṃ caṃdanādikacarcitam || 14 ||
[Analyze grammar]

jñātvā rāmeṇa saṃmuktaṃ hayaṃ netramanoharam |
hṛṣṭā rājñe sabhāsthāya kathayāmāsurutsukāḥ || 15 ||
[Analyze grammar]

svāminnayodhyānagarīpatistasyāstu rāghavaḥ |
hayamedhakratoryogyo hayo muktaḥ paribhraman || 16 ||
[Analyze grammar]

sa te purasya nikaṭe prāptaḥ sevakasaṃyutaḥ |
gṛhāṇa tvaṃ mahārāja hayaṃ taṃ sumanoharam || 17 ||
[Analyze grammar]

śeṣa uvāca |
iti śrutvā nijaproktaṃ vākyaṃ harṣapariplutaḥ |
uvāca vīrānbalino meghagaṃbhīrayā girā || 18 ||
[Analyze grammar]

suratha uvāca |
dhanyā vayaṃ rāmamukhaṃ paśyāmaḥ saha sevakāḥ |
grahīṣyāmi hayaṃ tasya bhaṭakoṭiparīvṛtam || 19 ||
[Analyze grammar]

tadā mokṣyāmi vāhaṃ taṃ yadā rāmaḥ samāvrajet |
kṛtārthaṃ mama bhaktasya ciraṃ dhyānaratasya vai || 20 ||
[Analyze grammar]

śeṣa uvāca |
itthamuktvā mahīpālaḥ sevakānsvayamādiśat |
gṛhṇaṃtu vāhaṃ prasabhaṃ mocyo nāśvo'kṣigocaraḥ || 21 ||
[Analyze grammar]

anena sumahāṃllābho bhaviṣyati tu me matam |
yadrāmacaraṇau prekṣe brahmaśakrādidurllabhau || 22 ||
[Analyze grammar]

sa eva dhanyaḥ svajanaḥ putro vā bāṃdhavo'thavā |
paśurvā vāhanaṃ vāpi rāmāptiryena saṃbhavet || 23 ||
[Analyze grammar]

tasmādgṛhītvā kratvaśvaṃ svarṇapatreṇa śobhitam |
badhnaṃtu vājiśālāyāṃ kāmavegaṃ manoramam || 24 ||
[Analyze grammar]

ityuktāste tato gatvā vāhaṃ rāmasya śobhitam |
gṛhītvā tarasā rājñe daduḥ sarvaṃ śubhāṃginam || 25 ||
[Analyze grammar]

rājā prāpya mudā cāśvaṃ rāmasya danujārdanaḥ |
sevakānprāha balino dharmakṛtyavicakṣaṇaḥ || 26 ||
[Analyze grammar]

vātsyāyana mahābuddhe śṛṇuṣvaikāgramānasaḥ |
na tasya viṣaye kaścitparadārarato naraḥ || 27 ||
[Analyze grammar]

na paradravyanirato na ca kāmeṣu laṃpaṭaḥ |
na jihvābhiratonmārge kīrttayedrāmakīrtanāt || 28 ||
[Analyze grammar]

yaḥ sevakānnṛpo vakti yūyaṃ sevārthamāgatāḥ |
kathayaṃtu bhavacceṣṭāṃ dharmakarmaviśāradāḥ || 29 ||
[Analyze grammar]

ekapatnīvratadharā na paradravyalolupāḥ |
parāpavādāniratā na ca vedotpathaṃ gatāḥ || 30 ||
[Analyze grammar]

śrīrāmasmaraṇādīni kurvaṃti pratyahaṃ bhaṭāḥ |
tānahaṃ rāmasevārthaṃ rakṣāmyaṃtaka kopavān || 31 ||
[Analyze grammar]

etadviruddhadharmāṇo ye narāḥ pāpasaṃyutāḥ |
tānahaṃ viṣaye mahyaṃ vāsayāmi na durmatīn || 32 ||
[Analyze grammar]

tasya deśe na pāpiṣṭhāḥ pāpaṃ kurvaṃti mānase |
haridhyānahatāśeṣa pātakāmodasaṃyutāḥ || 33 ||
[Analyze grammar]

yadaivamabhavaddeśo rājā dharmeṇa saṃyutaḥ |
tadā tatsthā narāḥ sarve mṛtā gacchaṃti nirvṛtim || 34 ||
[Analyze grammar]

yamānucaranirveśo nābhavatsaurathe pure |
tadā yamo munerūpaṃ dhṛtvā prāgānmahīśvaram || 35 ||
[Analyze grammar]

valkalāṃbaradhārī ca jaṭāśobhitaśīrṣakaḥ |
surathaṃ tu sabhāmadhye dadarśa harisevakam || 36 ||
[Analyze grammar]

tulasīmastake yasya vāci nāma hareḥ param |
dharmakarmaratāṃ vārttāṃ śrāvayaṃtaṃ nijāñjanān || 37 ||
[Analyze grammar]

tadā muniṃ nṛpo dṛṣṭvā tapomūrtimiva sthitam |
vavaṃde caraṇau tasya pādyādikamathākarot || 38 ||
[Analyze grammar]

sukhopaviṣṭaṃ viśrāṃtaṃ muniṃ prāha nṛpāgraṇīḥ |
dhanyamadya janurmahyaṃ dhanyamadya gṛhaṃ mama || 39 ||
[Analyze grammar]

kathāḥ kathayatānmahyaṃ rāmasya vividhā varāḥ |
yāḥ śṛṇvatāṃ pāpahānirbhaviṣyati pade pade || 40 ||
[Analyze grammar]

itthamuktaṃ samākarṇya jahāsa sa munirbhṛśam |
daṃtānpradarśayansarvāṃstālāsphālitapāṇikaḥ || 41 ||
[Analyze grammar]

hasaṃtaṃ taṃ muniṃ prāha hasane kāraṇaṃ kimu |
kathayasva prasādena yathā syānmanasaḥ sukham || 42 ||
[Analyze grammar]

tato munirnṛpaṃ prāha śṛṇu rājandhiyāyutaḥ |
yadahaṃ te'bhidhāsyāmi smite kāraṇamuttamam || 43 ||
[Analyze grammar]

tvayā proktaṃ hareḥ kīrtiṃ kathayasva mamāgrataḥ |
ko hariḥ kasya vā kīrtiḥ sarve karmavaśā narāḥ || 44 ||
[Analyze grammar]

karmaṇā prāpyate svargaḥ karmaṇā narakaṃ vrajet |
karmaṇaiva bhavetsarvaṃ putrapautrādikaṃ bahu || 45 ||
[Analyze grammar]

śakraḥ śataṃ kratūnāṃ tu kṛtvāgātparamaṃ padam |
brahmāpi karmaṇā lokaṃ prāpya satyākhyamadbhutam || 46 ||
[Analyze grammar]

aneke karmaṇā siddhā marudādaya īśinaḥ |
kurvanti bhogasaukhyaṃ ca apsarogaṇasevitāḥ || 47 ||
[Analyze grammar]

tasmātkuruṣva yajñādīnyajasva kila devatāḥ |
yathā te vimalākīrtirbhaviṣyati mahītale || 48 ||
[Analyze grammar]

iti śrutvā tu tadvākyaṃ kopakṣubhitamānasaḥ |
uvāca rāmaikamanā vipraṃ karmaviśāradam || 49 ||
[Analyze grammar]

mā brūhi karmaṇo vārtāṃ kṣayiṣṇuphaladāyinīm |
gaccha mannagaropāṃtādbahirlokavigarhitaḥ || 50 ||
[Analyze grammar]

iṃdraḥ patiṣyati kṣipraṃ patiṣyatyapi padmajaḥ |
na patiṣyaṃti manujā rāmasya bhajanotsukāḥ || 51 ||
[Analyze grammar]

paśya dhruvaṃ ca prahlādaṃ bibhīṣaṇamathādbhutam |
ye cānye rāmabhaktā vai kadāpi na pataṃti te || 52 ||
[Analyze grammar]

ye rāmaniṃdakā duṣṭāstāni me yamakiṃkarāḥ |
tāḍayiṣyaṃti lohasya mudgaraiḥ pāśabandhanaiḥ || 53 ||
[Analyze grammar]

brāhmaṇatvāddehadaṃḍaṃ na kuryāṃ te dvijādhama |
gaccha gaccha madālokāttāḍayiṣyāmi cānyathā || 54 ||
[Analyze grammar]

itthamuktavati śreṣṭhe bhūpe surathasaṃjñite |
sevakā bāhunā dhṛtvā niṣkāsayitumudyatāḥ || 55 ||
[Analyze grammar]

tadā yamo nijaṃ rūpaṃ dhṛtvā lokaikavaṃditam |
prāha bhūpaṃ pratuṣṭo'smi yācasva harisevaka || 56 ||
[Analyze grammar]

mayā pralobhito vāgbhirbahvībhirapi suvrata |
calitosi na rāmasya sevāyāḥ sādhusevitaḥ || 57 ||
[Analyze grammar]

tadā provāca bhūmīśo yamaṃ dṛṣṭvā sutoṣitam |
uvāca yadi tuṣṭosi dehi me varamuttamam || 58 ||
[Analyze grammar]

tāvanmama na vai mṛtyuryāvadrāmasamāgamaḥ |
na bhayaṃ me bhavatto hi kadācana hi dharmarāṭ || 59 ||
[Analyze grammar]

tadovāca yamo bhūpamidaṃ tava bhaviṣyati |
sarvaṃ tvadīpsitaṃ tathyaṃ kariṣyati raghoḥpatiḥ || 60 ||
[Analyze grammar]

ityuktvāṃtarhito dharmo jagāma svapuraṃ prati |
praśasya tasya caritaṃ haribhaktiparātmanaḥ || 61 ||
[Analyze grammar]

sa rājā dhārmiko rāmasevakaḥ parayā mudā |
gṛhītvāśvaṃ pratyuvāca sevakānharisevakān || 62 ||
[Analyze grammar]

mayā gṛhīto vāho'sau rāghavasya mahīpateḥ |
sajjī bhavaṃtu sarvatra yūyaṃ raṇaviśāradāḥ || 63 ||
[Analyze grammar]

iti proktāstu te sarve bhaṭā rājño mahābalāḥ |
sajjībhūtāḥ kṣaṇādeva sabhāyāṃ jagmurutsukāḥ || 64 ||
[Analyze grammar]

rājño vīrā daśasutāścaṃpako mohakastathā |
ripuṃjayo'tidurvāraḥ pratāpībalamodakaḥ || 65 ||
[Analyze grammar]

haryakṣaḥ sahadevaśca bhūridevaḥ sutāpanaḥ |
iti rājño daśa sutāḥ sajjībhūtā raṇāṃgaṇe || 66 ||
[Analyze grammar]

yātumicchāmakurvaṃste mahotsāhasamanvitāḥ |
rājāpi svarathaṃ citraṃ hemaśobhāvinirmitam || 67 ||
[Analyze grammar]

āhvayāmāsa sujavairvājibhiḥ samalaṃkṛtam |
raṇotsāhena saṃyuktaḥ sarvasainyaparīvṛtaḥ || 68 ||
[Analyze grammar]

sabhāyāṃ sevakānsarvāndiśannāste mahīpatiḥ || 69 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe suratha |
rājñā hayagrahaṇaṃnāma ekonapaṃcāśattamo'dhyāyaḥ || 49 ||
[Analyze grammar]