Chapter 43

[English text for this chapter is available]

śeṣa uvāca |
hanūmānvīrasiṃhaṃ tu samāgatyābravīdvacaḥ |
tiṣṭha yāsi kuto vīra jeṣyāmi tvāṃ kṣaṇādiha || 1 ||
[Analyze grammar]

evamuktaṃ samākarṇya plavagasya vaco mahat |
kopapūraparipluṣṭaḥ kārmukaṃ jaladasvanam || 2 ||
[Analyze grammar]

vinadya ghorānniśitānbāṇānmuṃcanbabhau raṇe |
āṣāḍhe jaladasyeva dhārāsāre manoharaḥ || 3 ||
[Analyze grammar]

tāndṛṣṭvā niśitānbāṇānsvadehe suvilagnakān |
cukopa hṛdaye'tyataṃ hanūmānaṃjanī sutaḥ || 4 ||
[Analyze grammar]

muṣṭinā tāḍayāmāsa hṛdaye vajrasāriṇā |
samuṣṭinā hato vīraḥ papāta dharaṇītale || 5 ||
[Analyze grammar]

mūrcchitaṃ taṃ samālokya pitṛvyaṃ sa śubhāṃgadaḥ |
rukmāṃgado'pi saṃmūrcchāṃ tyaktvāgādraṇamaṃḍalam || 6 ||
[Analyze grammar]

bāṇānsamabhivarṣaṃtau meghāviva mahāsvanau |
kurvaṃtau kadanaṃ ghoraṃ plavaṃgaṃ prati jagmatuḥ || 7 ||
[Analyze grammar]

tau dṛṣṭvā samare vīrau samāyātau kapīśvaraḥ |
lāṃgūlena ca saṃveṣṭya sarathau cāpadhārakau || 8 ||
[Analyze grammar]

sphoṭayāmāsa bhūdeśe tatkṣaṇānmūrcchitāvubhau |
niśceṣṭau samabhūtāṃ tau rudhirāraktadehakau || 9 ||
[Analyze grammar]

balamitraściraṃ yuddhaṃ vidhāya sumadena hi |
mūrcchāmaprāpayattaṃ vai bāṇaiḥ suśitaparvabhiḥ || 10 ||
[Analyze grammar]

puṣkalena kṣaṇānnīto mūrcchāṃ caitanyavarjitām |
jayamāptaṃ tu kaṭakaṃ śatrughnasya bhaṭārdanam || 11 ||
[Analyze grammar]

etasminsamaye sāṃbaḥ syaṃdanaṃ varamāsthitaḥ |
visphārayandhanurdivyamupādhāvadbhaṭānimān || 12 ||
[Analyze grammar]

jaṭājūṭāṃtaragatāṃ caṃdrarekhāṃ vahanmahān |
sarpābhūṣāṃ manaḥsparśāṃ dadhadājagavaṃ dhanuḥ || 13 ||
[Analyze grammar]

mūrcchitānsvajanāndṛṣṭvā bhaktārtighno maheśvaraḥ |
yoddhuṃ prāyānmahāsainyaiḥ śatrughnasya bhaṭānimān || 14 ||
[Analyze grammar]

sagaṇaḥ saparīvāraḥ kaṃpayanpṛthivītalam |
bhaktarakṣārthamāgacchaṃstripuraṃ tu purā yathā || 15 ||
[Analyze grammar]

kopācchoṇatare netre vahanpralayakārakaḥ |
paśyanvīrānbahumatīnpinākī devavaṃditaḥ || 16 ||
[Analyze grammar]

tamāgataṃ maheśānaṃ vīkṣya rāmānujo balī |
jagāma samare yoddhuṃ sarvadevaśiromaṇim || 17 ||
[Analyze grammar]

athāgataṃ tu śatrughnaṃ rudro vīkṣya pinākadhṛk |
uvāca paramāpannaḥ kopaṃ saguṇacāpadhṛk || 18 ||
[Analyze grammar]

puṣkalena mahatkarma kṛtaṃ rāmāṃghrisevinā |
madbhaktaṃ yo raṇe hatvā gataḥ samaramaṃḍalam || 19 ||
[Analyze grammar]

adya kvāsti paro vīraḥ puṣkalaḥ paramāstravit |
taṃ hatvā sukhamāpsyāmi samare bhaktapīḍanam || 20 ||
[Analyze grammar]

śeṣa uvāca |
ityuktvā vīrabhadraṃ sa preṣayāmāsa puṣkalam |
yāhi tvaṃ samare yoddhuṃ puṣkalaṃ sevakārdanam || 21 ||
[Analyze grammar]

naṃdinaṃ preṣayāmāsa hanūmaṃtaṃ mahābalam |
kuśadhvajaṃ pracaṃḍaṃ tu bhṛṃgiṇaṃ ca subāhukam || 22 ||
[Analyze grammar]

sumadaṃ caṃḍanāmānaṃ gaṇaṃ svīyaṃ samādiśat |
puṣkalastu samāyāṃtaṃ vīrabhadraṃ mahāgaṇam || 23 ||
[Analyze grammar]

mahārudrasya saṃvīkṣya yoddhuṃ prāyānmahāmanāḥ |
puṣkalaḥ paṃcabhirbāṇaistāḍayāmāsa saṃyuge || 24 ||
[Analyze grammar]

tairbāṇaiḥ kṣatagātrastu triśūlaṃ sa samādiśat |
sa triśūlaṃ kṣaṇācchittvā vyagarjata mahābalaḥ || 25 ||
[Analyze grammar]

chinnaṃ svīyaṃ triśūlaṃ vai vīkṣya rudrānugo balī |
khaṭvāṃgena jaghānāśu mastake bhāratiṃ dvija || 26 ||
[Analyze grammar]

khaṭvāṃgābhihataḥ so'tha mumūrccha kṣaṇamudbhaṭaḥ |
vihāya mūrcchāṃ sadvīraḥ puṣkalaḥ paramāstravit || 27 ||
[Analyze grammar]

śaraiściccheda khaṭvāṃgaṃ karasthaṃ tasya tatkṣaṇāt |
vīrabhadraḥ svakecchinne khaṭvāṃge karasaṃsthite || 28 ||
[Analyze grammar]

paramakrodhamāpanno babhaṃja rathino ratham |
bhaṃktvā rathaṃ tu vīrasya padātiṃ ca vidhāya saḥ || 29 ||
[Analyze grammar]

bāhuyuddhena yuyudhe puṣkalena mahātmanā |
sa puṣkalo rathaṃ tyaktvā cūrṇitaṃ tena vegataḥ || 30 ||
[Analyze grammar]

muṣṭinā tāḍayāmāsa vīrabhadraṃ mahābalaḥ |
anyonyaṃ muṣṭibhirghnaṃtāvūrubhirjānubhistathā || 31 ||
[Analyze grammar]

parasparavadhodyuktau parasparajayaiṣiṇau |
evaṃ caturdinamabhūdrātriṃ divamapīśayoḥ || 32 ||
[Analyze grammar]

na kopi tatra hīyeta na jīyeta mahābalaḥ |
paṃcame tu dine vṛtte vīrabhadro mahābalaḥ || 33 ||
[Analyze grammar]

gṛhītvā nabha uḍḍīno mahāvīraṃ tu puṣkalam |
tatra yuddhaṃ tayorāsīddevāsuravimohanam || 34 ||
[Analyze grammar]

muṣṭinā caraṇāghātairbāhubhiḥ sukhurairmahat |
tadātyaṃtaṃ prakupitaḥ puṣkalo vīrabhadrakam || 35 ||
[Analyze grammar]

gṛhītvā kaṃṭhadeśe tu tāḍayāmāsa bhūtale |
tatprahāreṇa vyathito vīrabhadro mahābalaḥ || 36 ||
[Analyze grammar]

gṛhītvā puṣkalaṃ pāde jaghānāsphālayanmuhuḥ |
tāḍayitvā mahīdeśe puṣkalaṃ sumahābalaḥ || 37 ||
[Analyze grammar]

triśūlena cakartāśu śiro jvalitakuṃḍalam |
jagarja puṣkalaṃ hatvā vīrabhadro mahābalaḥ || 38 ||
[Analyze grammar]

garjatā tena śārveṇa prāpitāstrā samudbhaṭāḥ |
hāhākāro mahānāsītpuṣkale patite raṇe || 39 ||
[Analyze grammar]

trāsaṃ prāpurjanāḥ sarve raṇamadhye sukovidāḥ |
te śaśaṃśuśca śatrughnaṃ puṣkalaṃ patitaṃ raṇe || 40 ||
[Analyze grammar]

nihataṃ vīrabhadreṇa maheśvaragaṇena vai |
ityāśrutya mahāvīraḥ puṣkalasya vadhaṃ tadā || 41 ||
[Analyze grammar]

duḥkhaṃ prāpto raṇe'tyataṃ kaṃpamānaḥ śucā mahān |
taṃ duḥkhitaṃ ca śatrughnaṃ jñātvā rudro 'bravīdvacaḥ || 42 ||
[Analyze grammar]

śatrughnaṃ samare vīraṃ śocaṃtaṃ puṣkale hate |
re śatrughna raṇe śokaṃ mā kṛthāḥ sumahābala || 43 ||
[Analyze grammar]

vīrāṇāṃ raṇamadhye tu pātanaṃ kīrtaye smṛtam |
dhanyo vīraḥ puṣkalākhyo yaśca vai dinapaṃcakam || 44 ||
[Analyze grammar]

yuyudhe vīrabhadreṇa mahāpralayakāriṇā |
yena kṣaṇādvinihato dakṣo madapamānakṛt || 45 ||
[Analyze grammar]

kṣaṇādvinihatā yena daityāstripurasainikāḥ |
tasmādyuddhsva rājeṃdra śokaṃ tyaktvā mahābala || 46 ||
[Analyze grammar]

yatnāttiṣṭhādya vīrāgrya mayi yoddhari saṃsthite |
śokaṃ saṃtyajya śatrughno vīraścukrodha śaṃkaram || 47 ||
[Analyze grammar]

āttasajjadhanurbāṇaiḥ pracacchāda maheśvaram |
te bāṇāḥ suraśīrṣaṇya vapuṣaṃ kṣatavikṣatam || 48 ||
[Analyze grammar]

akurvata mahaccitraṃ bhaktarakṣārthamāgatam |
te bāṇāḥ śaṃkarasyāpi bāṇā nabhasi saṃsthitāḥ || 49 ||
[Analyze grammar]

vyāpyaitatsakalaṃ viśvaṃ citrakāri munerapi |
tadbāṇayoryuddhabalaṃ vīkṣya sarvatra menire || 50 ||
[Analyze grammar]

pralayaṃ lokasaṃhārakārakaṃ sarvamohakam |
ākāśe tu vimānāni saṃśritya svapurasthitāḥ || 51 ||
[Analyze grammar]

vilokayitumāgatya praśaṃsaṃti tayorbhṛśam |
ayaṃ lokatrayasyāsya pralayotpattikārakaḥ || 52 ||
[Analyze grammar]

asāvapi mahārāja rāmacaṃdrasya cānujaḥ |
kimidaṃ bhavitā ko vā jeṣyati kṣitimaṃḍale || 53 ||
[Analyze grammar]

parājayaṃ vā ko vīraḥ prāpsyate raṇamūrdhani |
evamekādaśāhāni vṛttaṃ yuddhaṃ parasparam || 54 ||
[Analyze grammar]

dvādaśe divase prāpte mumocāstraṃ narādhipaḥ |
brahmasaṃjñaṃ mahādevaṃ haṃtuṃ krodhasamanvitaḥ || 55 ||
[Analyze grammar]

savijñāya mahāstraṃ tanmuktaṃ śatrughnavairiṇā |
hasannapyapibattena muktaṃ brahmaśiro mahat || 56 ||
[Analyze grammar]

atyaṃtaṃ vismayaṃ prāpya kiṃ kartavyamataḥ param |
evaṃ vicārayuktasya hṛdaye jvalanopamam || 57 ||
[Analyze grammar]

śaraṃ vai nicakhānāśu devadeva śiromaṇiḥ |
tena bāṇena śatrughno mūrcchito raṇamaṃḍale || 58 ||
[Analyze grammar]

hāhābhūtamabhūtsarvaṃ kaṭakaṃ bhaṭasevitam |
vīrāḥ sarve rudragaṇaiḥ pātitāḥ pṛthivītale || 59 ||
[Analyze grammar]

subāhusumadonmukhyāḥ svabāhubaladarpitāḥ |
patitaṃ mūrcchayā vīkṣya śatrughnaṃ śarapīḍitam || 60 ||
[Analyze grammar]

puṣkalaṃ tu rathe sthāpya sevakaiḥ parirakṣitum |
hanūmānāgato yoddhuṃ śivaṃ saṃhārakārakam || 61 ||
[Analyze grammar]

śrīrāmasmaraṇaṃ yodhānsvīyānvipra praharṣitān |
prakurvanroṣitastīvraṃ lāṃgūlaṃ ca prakaṃpayan || 62 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe puṣkala |
śatrughnaparājayonāma tricatvāriṃśattamo'dhyāyaḥ || 43 ||
[Analyze grammar]