Chapter 42

[English text for this chapter is available]

śeṣa uvāca |
āhvayaṃtaṃ mahāsainyavāridhau puṣkalaṃ nṛpam |
samālakṣya kapīṃdro'pi hanūmāṃstamadhāvata || 1 ||
[Analyze grammar]

lāṃgūlamudyamya viśāladehaṃ |
sarāvamātatya payodaghoṣam |
raṇasthitānvīravarānkapīṃdro |
jagāma taṃ vīramaṇiṃ nṛpendram || 2 ||
[Analyze grammar]

āyāṃtaṃ taṃ hanūmaṃtaṃ vīkṣya puṣkala udbhaṭaḥ |
vilokayāmāsadṛśā vairikrodha suśoṇayā || 3 ||
[Analyze grammar]

jagāda taṃ hanūmaṃtaṃ puṣkalaḥ paramāstravit |
meghagaṃbhīrayā vācā nādayanraṇamaṃḍalam || 4 ||
[Analyze grammar]

puṣkala uvāca |
kathaṃ tvaṃ samare yoddhumāgatosi mahākape |
kiyadbalaṃ svalpametadrājño vīramaṇermahat || 5 ||
[Analyze grammar]

yatra trijagatī sarvā saṃmukhe samupāgatā |
tatra tvaṃ līlayā yoddhuṃ yātumicchasi vā na vā || 6 ||
[Analyze grammar]

koyaṃ rājā vīramaṇiḥ kiyadbalamathālpakam |
atrāgamanamatyugraṃ tava vīra na bhāvyate || 7 ||
[Analyze grammar]

raghunāthakṛpāpāṃgādahaṃ nistīrya dustaram |
kṣaṇānniryāmi kīśeṃdra mā cittaṃ kuru saṃgare || 8 ||
[Analyze grammar]

tvayā rākṣasapāthodhistīrṇo rāmakṛpāvrajāt |
tathā rāmaṃ susaṃsmṛtya nistariṣyāmi dustaram || 9 ||
[Analyze grammar]

ye keciddustaraṃ prāpya raghunāthaṃ smaraṃti ca |
teṣāṃ duḥkhodadhiḥ śuṣko bhaviṣyati na saṃśayaḥ || 10 ||
[Analyze grammar]

tasmādvraja mahāvīra śatrughnasavidhe balin |
eṣa āyāmi nirjitya bhūpaṃ vīramaṇiṃ kṣaṇāt || 11 ||
[Analyze grammar]

śeṣa uvāca |
iti dhīrāṃ samākarṇya vāṇīṃ puṣkalabhāṣitām |
jagāda vacanaṃ bhūyaḥ puṣkalaṃ paravīrahā || 12 ||
[Analyze grammar]

hanumānuvāca |
putra mā sāhasaṃ kārṣīrbhūpaṃ vīramaṇiṃ prati |
eṣa dātā śaraṇyaśca balaśauryasamanvitaḥ || 13 ||
[Analyze grammar]

tvaṃ bālaḥ sthaviro bhūpo'khilaśastrāstravittamaḥ |
aneke vijitāḥ saṃkhye vīrāḥ śauryasuśobhinaḥ || 14 ||
[Analyze grammar]

jānīhi pārśve tasya tvaṃ rakṣitāraṃ sadāśivam |
bhaktyā vaśīkṛtaṃ sthāṇuṃ somaṃ caitatpuristhitam || 15 ||
[Analyze grammar]

tasmādahamanenaiva yotsye bhūpena puṣkala |
anyānvīrānvijitvā tvaṃ kīrtimāpnuhi puṣkalām || 16 ||
[Analyze grammar]

puṣkala uvāca |
śivo bhaktyā vaśīkṛtya svapure sthāpito'munā |
paramasyāśu hṛdayena tiṣṭhati maheśvaraḥ || 17 ||
[Analyze grammar]

sadāśivoyamārādhya paramaṃ sthānamāgataḥ |
sa rāmo manmanastyaktvā na kvāpi parigacchati || 18 ||
[Analyze grammar]

yatra rāmastatra viśvaṃ sarvaṃ sthāsnu cariṣṇu ca |
tasmādahaṃ jayiṣyāmi raṇe vīramaṇiṃ nṛpam || 19 ||
[Analyze grammar]

vraja tvaṃ samare yoddhumanyānmānivarānnṛpān |
vīrasiṃhamukhānkīśa macciṃtāṃ mā kuru prabho || 20 ||
[Analyze grammar]

vācamitthaṃ samākarṇya hanūmāndhīrasevitām |
jagāma samare yoddhuṃ vīrasiṃhaṃ nṛpānujam || 21 ||
[Analyze grammar]

lakṣmīnidhiḥ sutenāsya śubhāṃgadasusaṃjñinā |
dvairathena prayuyudhe mahāśastrāstravedinā || 22 ||
[Analyze grammar]

balamitreṇa sumadaḥ svapratāpabalorjitaḥ |
yoddhuṃ saśastraḥ saṃgrāmaṃ vicacāra nṛpātmajaḥ || 23 ||
[Analyze grammar]

āhvayaṃtaṃ nṛpaṃ dṛṣṭvā dvairathe yuddhakovidaḥ |
puṣkalo rukmakhacite rathe tiṣṭhanyayau hi tam || 24 ||
[Analyze grammar]

rājā tamāgataṃ dṛṣṭvā puṣkalaṃ yuddhakovidam |
uvāca nirbhiyā vāṇyā raṇamadhye subhāṣitaḥ || 25 ||
[Analyze grammar]

vīramaṇiruvāca |
bālamāyāhi māṃ kruddhaṃ saṃgrāme caṃḍakopanam |
gaccha prāṇaparīpsāyai mā yuddhaṃ kuru me saha || 26 ||
[Analyze grammar]

tvādṛśānbālakānbhūpā mādṛśāḥ kṛpayaṃti hi |
praharaṃti na caitānvai tasmādgaccha raṇādbahiḥ || 27 ||
[Analyze grammar]

yāvattvaṃ na mayā dṛṣṭaścakṣurbhyāṃ tāvadunmanāḥ |
sāṃprataṃ tvāṃ prahartuṃ na manaḥ samabhikāṃkṣati || 28 ||
[Analyze grammar]

yattvayā matsuto bāṇairbhinno mūrcchīkṛtaḥ punaḥ |
sarvaṃ mayā kṣāṃtamadya tavabāladhiyo mahat || 29 ||
[Analyze grammar]

iti vākyaṃ samākarṇya puṣkalo nijagāda tam |
puṣkala uvāca |
bālo'haṃ tvaṃ mahāvṛddhaḥ sarvaśastrāstrakovidaḥ || 30 ||
[Analyze grammar]

kṣatriyāṇāṃ mataṃ caiva ye balādhikyasaṃyutāḥ |
ta eva vṛddhā bhūpāgrya na vayovṛddhatāṃ gatāḥ || 31 ||
[Analyze grammar]

mayā te mūrcchitaḥ putraḥ saśauryabaladarpitaḥ |
idānīṃ tvāmahaṃ śastraiḥ pātayiṣyāmi saṃgare || 32 ||
[Analyze grammar]

tasmāttvaṃ yatnatastiṣṭha rājansaṃgrāmamūrdhani |
rāmabhaktaṃ na māṃ kaścijjayatīṃdrapade sthitaḥ || 33 ||
[Analyze grammar]

itthaṃ bhāṣitamāśrutya puṣkalasya nṛpāgraṇīḥ |
jahāsa bālaṃ saṃvīkṣya kopaṃ ca vyadadhātpunaḥ || 34 ||
[Analyze grammar]

taṃ vai kupitamālakṣya bharatātmaja unmadaḥ |
jaghāna śaraviṃśatyā rājānaṃ hṛdi tīkṣṇayā || 35 ||
[Analyze grammar]

rājā tānāgatāndṛṣṭvā bāṇāṃstena vimocitān |
ciccheda paramakruddhaḥ śaraistīkṣṇairanekadhā || 36 ||
[Analyze grammar]

tadbāṇacchedanaṃ dṛṣṭvā bhāratiḥ paravīrahā |
cukopa hṛdaye'tyaṃtaṃ rājānaṃ ca tribhiḥ śaraiḥ || 37 ||
[Analyze grammar]

vivyādha bhāle bhūpāla putraḥ puṣkalasaṃjñakaḥ |
tatra lagnā virejuste trikūṭaśikharāṇi kim || 38 ||
[Analyze grammar]

tairbāṇairvyathito rājā jaghāna navabhiḥ śaraiḥ |
hṛdaye puṣkalaṃ vīraṃ mahākopasamanvitaḥ |
tairvatsadantairbahvasraṃ pītaṃ rāmānujāṅgajam || 39 ||
[Analyze grammar]

sarpā āśīviṣā yadvatkruddhāstadvapuṣi sthitāḥ |
paramaṃ kopamāpannaḥ puṣkalo bhūmipaṃ punaḥ || 40 ||
[Analyze grammar]

bāṇānāṃ śatakenāśu bibheda śitaparvaṇām |
tairbāṇaiḥ kavacaṃ bhinnaṃ kirīṭaḥ saśirastrakaḥ || 41 ||
[Analyze grammar]

ratho dhanurmahatsajyaṃ chinnaṃ kopapariplavāt |
kṣatajena paripluṣṭo bāṇabhinnakalevaraḥ || 42 ||
[Analyze grammar]

anyaṃ syaṃdanamāruhya jagāma bharatātmajam |
dhanyosi vīra rāmasya caraṇābjamadhuvrata || 43 ||
[Analyze grammar]

mahatkṛtaṃ karma te'dya yadahaṃ virathīkṛtaḥ |
prāṇānrakṣasva bho vīra sāṃprataṃ mayi yuddhyati || 44 ||
[Analyze grammar]

sulabhā na tava prāṇāḥ kālarūpe mayi sthite |
ityuktvā vyahanadbāṇairasaṃkhyaiḥ śastrakovidaḥ || 45 ||
[Analyze grammar]

bhūmau diśi ca tadbāṇā nānyaddṛśyeta tatra ha |
aneke gajasāhasrā bhinnā aśvāḥ samaṃtataḥ || 46 ||
[Analyze grammar]

rathārathiyutāstena chinnā bhinnā dvidhākṛtāḥ |
śoṇitaughā sarittatra prasusrāva raṇāṃgaṇe || 47 ||
[Analyze grammar]

yatronmadā hi mātaṃgā dṛśyaṃte śailaśṛṃgavat |
keśāḥ śaivālalakṣyāste muhuḥ prāṇiśiraḥ sthitāḥ || 48 ||
[Analyze grammar]

aneke pāṇayaśchinnā vīrāṇāṃ mudrikāśriyaḥ |
dṛśyaṃte ahivattatra caṃdanādikarūṣitāḥ || 49 ||
[Analyze grammar]

śirāṃsi ca bhaṭāgryāṇāṃ kacchapābhāṃ vahaṃti vai |
māṃsāni paṃkā yatrāsanvīrāṇāṃ mahatāṃ tataḥ || 50 ||
[Analyze grammar]

evaṃ vyatikare vṛtte yoginyaḥ śataśo raṇe |
papuḥ pātreṇa rudhiraṃ prāṇināṃ raṇapātinām || 51 ||
[Analyze grammar]

māṃsāni bubhujustā vai harṣakautukasaṃyutāḥ |
pītvā tu śoṇitaṃ tatra bhakṣitvā māṃsamunmadāḥ || 52 ||
[Analyze grammar]

nanṛturjahasuḥ proccairujjaguḥ pradhanāṃgaṇe |
piśācāstatra samare prāṇināṃ mastakāni vai || 53 ||
[Analyze grammar]

dhṛtvā karābhyāṃ mattāṃgāstālavadvādanodyatāḥ |
śivāstatra mahāmāṃsaṃ patitānāṃ raṇāṃgaṇe || 54 ||
[Analyze grammar]

bhakṣitvā vyanadanmattāḥ kātarāṇāṃ bhayapradāḥ |
kātarāstrāḥ samāpannā gatāḥ kuṃjarakoṭare || 55 ||
[Analyze grammar]

bhakṣitā yoginībhiste pāpināṃ kvāpi na sthitiḥ |
etatkadanamālakṣya svasainyasya rathāgraṇīḥ || 56 ||
[Analyze grammar]

puṣkalo'pi cakārātra kadanaṃ raṇamaṃḍale |
bhidyaṃte gajaśīrṣāṇi pataṃti mauktikāni tu || 57 ||
[Analyze grammar]

dṛśyate lomabhiḥ pūrṇā tāmraparṇīva tannadī |
puṣkalaprahitā bāṇā nṛṇāmaṃgeṣu saṃgatāḥ |
kurvaṃti prāṇavicchedaṃ vīrāṇāmapi sarvataḥ || 58 ||
[Analyze grammar]

sarve rudhirasiktāṃgāḥ sarve cchinnanijāṃgakāḥ |
dṛśyaṃte kiṃśukā yadvatsubhaṭāḥ pradhanāṃgaṇe || 59 ||
[Analyze grammar]

etasminsamaye kruddhaḥ samābhāṣya mahīpatim |
jaghāna bahubāṇaistaṃ roṣapūrapariplutaḥ || 60 ||
[Analyze grammar]

tadbāṇavedhabhinnāṃgo viśīrṇakavaco nṛpaḥ |
mahābalaṃ taṃ manvānaḥ prāharaccharakoṭibhiḥ || 61 ||
[Analyze grammar]

tairbāṇaiḥ kavacānmuktaṃ susrāva bahuśoṇitam |
vapurbabhūva ruciraṃ śarapaṃjaragocaram || 62 ||
[Analyze grammar]

śarapaṃjaramadhyastho vihvalīkṛtamānasaḥ |
śarānnetuṃ ca saṃdhātuṃ na kṣamaḥ sa ca bhāratiḥ || 63 ||
[Analyze grammar]

rāmaṃ smṛtvā dhanurdhṛtvā kare sajjaṃ mahaddṛḍham |
mumoca bāṇānniśitānvairivṛṃdanivāraṇān || 64 ||
[Analyze grammar]

tairbāṇaiḥ śarajālaṃ tadvidhūya munipuṃgava |
śaṃkhaṃ pradhmāya samare jagāda gatabhīrnṛpam || 65 ||
[Analyze grammar]

puṣkala uvāca |
tvayā kṛtaṃ mahatkarma yanmāṃ bāṇasya paṃjare |
gocaraṃ kṛtavānvīra vīratāpanamudbhaṭam || 66 ||
[Analyze grammar]

vṛddhatvānmama mānyosi sāṃprataṃ raṇamaṃḍale |
paśyame'dya parākrāṃtaṃ rājanvīramaṇe mahat || 67 ||
[Analyze grammar]

bāṇatrayeṇa bho vīra mūrcchitaṃ karavai nahi |
tarhi pratijñāṃ śṛṇu vai sarvavīravimohinīm || 68 ||
[Analyze grammar]

gaṃgāṃ prāpyāpi yo vai tāṃ niṃditvā pāpahāriṇīm |
na majjati mahāpāpo mahāmūḍhaviceṣṭitaḥ || 69 ||
[Analyze grammar]

tasya pāpaṃ mamaivāstu cenna tvāṃ raṇamaṃḍale |
pātaye mūrcchayā vīra sannaddho bhava bhūpate || 70 ||
[Analyze grammar]

iti vākyaṃ samākarṇya puṣkalasya nṛpottamaḥ |
cukopa bhṛśamudvignaḥ saṃdadhe niśitāñcharān || 71 ||
[Analyze grammar]

te śarā hṛdayaṃ bhittvā gatāste bhāratermahat |
petuḥ kṣitāvadho yadvadrāmabhaktiparāṅmukhāḥ || 72 ||
[Analyze grammar]

tataḥ śaraṃ mumocāsmai niśitaṃ vahnisaprabham |
lakṣīkṛtya mahadvakṣaḥ kapāṭataṭavistṛtam || 73 ||
[Analyze grammar]

sa bāṇo bhūmipatinā dvidhā chinnaḥ śareṇa hi |
papāta rathamadhye sa ravimaṃḍalavajjvalan || 74 ||
[Analyze grammar]

aparaṃ bāṇamādhatta mātṛbhaktibhavaṃ tataḥ |
nidhāya puṇyaṃ so'pyeṣa ciccheda mahatā punaḥ || 75 ||
[Analyze grammar]

tadā khinnaḥ sa hṛdaye kiṃkartavyamiti smaran |
rāmaṃ hṛdi nijārtighnaṃ mumoca paramāstravit || 76 ||
[Analyze grammar]

sa bāṇastasya hṛdaye lagna āśīviṣopamaḥ |
mūrcchāmaprāpayattaṃ vai jvalansūryasamaprabhaḥ || 77 ||
[Analyze grammar]

tato hāhākṛtaṃ sarvaṃ palāyanaparāyaṇam |
rājñi saṃmūrcchite jāte puṣkalo jayamāptavān || 78 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe vīramaṇeḥ |
parābhavonāma dvicatvāriṃśattamo'dhyāyaḥ || 42 ||
[Analyze grammar]