Chapter 40

[English text for this chapter is available]

śeṣa uvāca |
senācarā mahārājño mahābalasamanvitāḥ |
samāgatāstaṃ paśyaṃto hayaṃ rāmasya bhūpateḥ || 1 ||
[Analyze grammar]

kvā sāvaśvaḥ kena nītaḥ kathaṃ vā dṛśyate na saḥ |
ko gaṃtā yamapuryāṃ vai vāhaṃ hṛtvā sumaṃdadhīḥ || 2 ||
[Analyze grammar]

vilokayaṃtastanmārgaṃ yāvatsenācarā raghoḥ |
tāvatprāpto mahārājo mahāsainyaparīvṛtaḥ || 3 ||
[Analyze grammar]

papraccha sevakānsarvānkutrāśvo mama sāṃpratam |
na dṛśyate kathaṃ vāhaḥ svarṇapatrasuśobhitaḥ || 4 ||
[Analyze grammar]

iti tadvacanaṃ śrutvā sevakāste hayānugāḥ |
procurnātha manovego vāhaḥ kenāpi kānane || 5 ||
[Analyze grammar]

hṛto na lakṣyate tasmādasmābhirmārgakovidaiḥ |
tadatra yatnaḥ kartavyo hayaprāptiṃ prati prabho || 6 ||
[Analyze grammar]

teṣāṃ vacanamākarṇya papraccha sumatiṃ nṛpaḥ |
śatrughnaḥ śatrusaṃhārakārīmohanarūpadhṛk || 7 ||
[Analyze grammar]

śatrughna uvāca |
ko'tra rājā nivasati kathaṃ vāhasya saṃgamaḥ |
kiyadbalaṃ bhūmipateryena me'dya hṛto hayaḥ || 8 ||
[Analyze grammar]

sumatiruvāca |
rājandevapuraṃ hyetaddevenaiva vinirmitam |
kailāsamiva durgamyaṃ vairisaṃghaiḥ susaṃhataiḥ || 9 ||
[Analyze grammar]

asminvīramaṇī rājā mahāśūraḥ pratāpavān |
rājyaṃ karoti dharmeṇa śivena parirakṣitaḥ || 10 ||
[Analyze grammar]

yo'sau pralayakārī sa āste bhaktyā vaśīkṛtaḥ |
caṃdracūḍaḥ svabhaktasya pakṣapātaṃ sṛjansadā || 11 ||
[Analyze grammar]

tasmādatra mahadyuddhaṃ gṛhītaścedbhaviṣyati |
yattāḥ saṃtaḥ prakurvaṃtu rakṣaṇaṃ kaṭakasya hi || 12 ||
[Analyze grammar]

evaṃ śrutvā sa śatrughnaḥ sarvabhūpaśiromaṇiḥ |
sainyavyūhaṃ racitvāsau tiṣṭhati sma mahāyaśāḥ || 13 ||
[Analyze grammar]

atha taṃ sukhamāsīnaṃ maṃtrayaṃtaṃ sumaṃtriṇā |
ājagāma sa devarṣiryuddhakautukasaṃyutaḥ || 14 ||
[Analyze grammar]

tamāgataṃ muniṃ dṛṣṭvā śatrughnastapasāṃ nidhim |
abhyutthāyāsane sthāpya madhuparkamathārpayat || 15 ||
[Analyze grammar]

svāgatena ca saṃtuṣṭaṃ nāradaṃ munisattamam |
uvāca prīṇayanvācā vākyavādaviśāradaḥ || 16 ||
[Analyze grammar]

śatrughna uvāca |
madīyo'śva kutra vipra kathayasva mahāmate |
na lakṣyate gatistasya sevakairmama kovidaiḥ || 17 ||
[Analyze grammar]

śaṃsa taṃ yena vā nītaṃ kṣattriyeṇa ca māninā |
kathamatra hayaprāptirbhaviṣyati tapodhana || 18 ||
[Analyze grammar]

iti vākyaṃ samākarṇya śatrughnasya sa nāradaḥ |
uvāca vīṇāṃ raṇayangāyanrāmakathāṃ muhuḥ || 19 ||
[Analyze grammar]

nārada uvāca |
etaddevapuraṃ rājanbhūpo vīramaṇirmahān |
tatputreṇa vanasthena gṛhītastava vājirāṭ || 20 ||
[Analyze grammar]

tatra yuddhaṃ mahatte'dya bhaviṣyati sudāruṇam |
atra vīrāḥ patiṣyaṃti balaśauryasamanvitāḥ || 21 ||
[Analyze grammar]

tasmādatra mahāyatnātsthātavyaṃ te mahābala |
racaya vyūharacanāṃ durgamāṃ parasainikaiḥ || 22 ||
[Analyze grammar]

jayaste bhavitā rājankṛcchreṇāsmānnṛpottamāt |
rāmaṃ ko nu parājīyādbhuvane sakale hyapi || 23 ||
[Analyze grammar]

ityuktvāṃtardadhe vipro nabhasi sthitavāṃstataḥ |
yuddhaṃ sudāruṇaṃ drakṣyandevadānavayoriva || 24 ||
[Analyze grammar]

śeṣa uvāca |
atha rājā vīramaṇiḥ sarvaśūraśiromaṇiḥ |
paṭahaṃ ghoṣituṃ svīye puramadhye mahāravam || 25 ||
[Analyze grammar]

āhvayāmāsa senānyaṃ ripuvīraṃ mahonnatam |
kathayāmāsa ca kṣipraṃ meghagaṃbhīrayā girā || 26 ||
[Analyze grammar]

vīramaṇiruvāca |
senānīḥ paṭahasyājñāṃ dehi me śobhane pure |
tacchrutvā me susannaddhāḥ śatrughnaṃ prati yāṃtu te || 27 ||
[Analyze grammar]

iti vākyaṃ samākarṇya rājño vīramaṇestadā |
kārayāmāsa paṭahaṃ mahāravanināditam || 28 ||
[Analyze grammar]

gehe gehe ca rathyāyāṃ śrūyate paṭahadhvaniḥ |
śatrughnaṃ yāṃtu ye sarve vīrā rājapure sthitāḥ || 29 ||
[Analyze grammar]

ye vai rājñaḥ samullaṃghya śāsanaṃ vīramāninaḥ |
putrā vā bhrātaro vāpi te vadhyāḥ syurnṛpājñayā || 30 ||
[Analyze grammar]

śṛṇvaṃtu vīrāḥ punarapyāha te paṭahe ravam |
śrutvā vidhīyatāmāśu kartavyaṃ mā vilaṃbitam || 31 ||
[Analyze grammar]

śeṣa uvāca |
iti paṭaharavaṃ svakarṇagocaraṃ |
naravaravīravarā yayurnṛpottamam |
kanakakavacabhūṣitasvadehāḥ |
samaramahotsava hṛṣṭacittakośāḥ || 32 ||
[Analyze grammar]

kecidyayuḥ śirastrāṇaṃ dhṛtvā śirasi śobhanam |
kavacena suśobhāḍhyāḥ śatakoṭisuśobhitāḥ || 33 ||
[Analyze grammar]

rathena hayayugmena maṇikāṃcanaśobhinā |
yayuste rājasaṃdeśānnṛvarālayamunmadāḥ || 34 ||
[Analyze grammar]

kecinmataṃgajairmattaiḥ kecidvāhaiḥ suśobhanaiḥ |
yayurnapagṛhaṃ sarve rājasaṃdeśakārakāḥ || 35 ||
[Analyze grammar]

viviktasvarṇakavacaśirastrāṇasuśobhitaḥ |
rukmāṃgado'pi ca nije rathe tiṣṭhanmanojave || 36 ||
[Analyze grammar]

śubhāṃgado'nujastasya mahāratnamayaṃ dadhat |
kavacaṃ vapuṣi śreṣṭhaṃ nijaṃ prāyādraṇotsave || 37 ||
[Analyze grammar]

rājabhrātā vīrasiṃhaḥ sarvaśastrāstrakovidaḥ |
yayau nṛpājñayā tatra śāsanaṃ bhūmipasya hi || 38 ||
[Analyze grammar]

jāmeyastasya rājño'pi balamitra iti smṛtaḥ |
sannaddhaḥ kavacī khaḍgī jagāma nṛpamaṃdiram || 39 ||
[Analyze grammar]

senānī ripuvāro'pi senāṃ tāṃ caturaṃgiṇīm |
sajjāṃ vidhāya bhūpāya nyavedayadatho mahān || 40 ||
[Analyze grammar]

atha rājā vīramaṇiḥ sarvaśastrāstrapūritam |
maṇisṛṣṭoccacakroccamārohatsyaṃdanottamam || 41 ||
[Analyze grammar]

tato vīrārṇave śaṃkhaninādaśca samaṃtataḥ |
śrūyate kātarānvīrānprerayanniva saṃgare || 42 ||
[Analyze grammar]

bheryaḥ samaṃtato jaghnuḥ śubhavādakavāditāḥ |
anīkānyatra tasyāsansaṃgrāmāya pratasthuṣaḥ || 43 ||
[Analyze grammar]

sarve kṛtasvastyayanāḥ sarvābharaṇabhūṣitāḥ |
sarvaśastrāstrasaṃpūrṇā yayuḥ samaramaṇḍalam || 44 ||
[Analyze grammar]

bherīśaṃkhaninādena pūritāśca nagā guhāḥ |
ākārituṃ gataḥ kiṃ nu tadravaḥ svargasaṃsthitān || 45 ||
[Analyze grammar]

tasminkolāhale vṛtte rājā vīramaṇirmahān |
raṇotsāhena saṃyukto yayau pradhanamaṃḍalam || 46 ||
[Analyze grammar]

āgatya saṃsthitastāvadrathapattisamākulam |
samudra iva tatsthānātplāvituṃ puruṣānayāt || 47 ||
[Analyze grammar]

tadāgataṃ balaṃ dṛṣṭvā rathibhiḥ śastrakovidaiḥ |
kolāhalīkṛtaṃ sarvamuvāca sumatiṃ nṛpaḥ || 48 ||
[Analyze grammar]

śatrughna uvāca |
samāgato vīramaṇirmama vājidharo balī |
yoddhuṃ māṃ mahatā bhūyaḥ sainyena caturaṃgiṇā || 49 ||
[Analyze grammar]

kathaṃ yuddhaṃ prakartavyaṃ ke yotsyaṃti balotkaṭāḥ |
tānsarvāndiśa me vīrānyathā syājjaya īpsitaḥ || 50 ||
[Analyze grammar]

sumatiruvāca |
svāminnasau mahārājo mahāsainyaparīvṛtaḥ |
samāgataḥ sa yuddhārthaṃ śivabhaktisamanvitaḥ || 51 ||
[Analyze grammar]

sāṃprataṃ yuddhyatāṃ vīraḥ puṣkalaḥ paramāstravit |
anyepi nīlaratnādyā yoddhāro yuddhakovidāḥ || 52 ||
[Analyze grammar]

śivena saha yoddhavyaṃ rājñā vā bhavatānagha |
dvaṃdvayuddhena jetavyo mahābalaparākramaḥ || 53 ||
[Analyze grammar]

anena vidhinā rājañjayaste'tra bhaviṣyati |
paścādyadrocate svāmiṃstatkuruṣva mahāmate || 54 ||
[Analyze grammar]

śeṣa uvāca |
iti vākyaṃ samākarṇya śatrughnaḥ paravīrahā |
subhaṭānādideśātha yuddhāya kṛtaniścayaḥ || 55 ||
[Analyze grammar]

sarvaiḥ sasainyairyuddhārthaṃ rājabhiḥ śastrakovidaiḥ |
yathā syānme jayaḥ kṣipraṃ yatitavyaṃ tathā punaḥ || 56 ||
[Analyze grammar]

jayārthaṃ rāghavasyaiva śrutvā te raṇakovidāḥ |
mahotsāhena saṃyuktā yayuryoddhuṃ tu sainikaiḥ || 57 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe vīra |
maṇinā saha yuddhaniścayonāma catvāriṃśattamo'dhyāyaḥ || 40 ||
[Analyze grammar]