Chapter 33

[English text for this chapter is available]

śeṣa uvāca |
gacchatsu rathivaryeṣu śatrughnādiṣu bhūriṣu |
mahārājeṣu sarveṣu rathakoṭiyuteṣu ca || 1 ||
[Analyze grammar]

akasmādabhavanmārge tamaḥ paramadāruṇam |
yasminsvīyo na pārakyo lakṣyate jñātibhirnaraiḥ || 2 ||
[Analyze grammar]

rajasā vyāvṛtaṃ vyoma vidyutstanitasaṃkulam |
etādṛśe tu saṃmarde mahābhayakare tataḥ || 3 ||
[Analyze grammar]

meghā varṣaṃti rudhiraṃ pūyāmedhyādikaṃ bahu |
atyākulā babhūvuste vīrāḥ paramavairiṇaḥ || 4 ||
[Analyze grammar]

ākulīkṛtaloke tu kimidaṃ kimiti sthitiḥ |
tamovyāptāni lokānāṃ cakṣūṃṣi prathitaujasām || 5 ||
[Analyze grammar]

jahārāśvaṃ rāvaṇasya suhṛtpātālasaṃsthitaḥ |
vidyunmālīti vikhyāto rākṣasaśreṇisaṃvṛtaḥ || 6 ||
[Analyze grammar]

kāmage suvimāne tu sarvāyasaniṣeviṇi |
ārūḍho'śvaṃ tu vīrāṇāṃ bhayaṃ kurvañjahāra ha || 7 ||
[Analyze grammar]

muhūrtāttattamo naṣṭamākāśaṃ vimalaṃ babhau |
vīrāḥ śatrughnamukhyāste procuḥ kutra hayo'sti saḥ || 8 ||
[Analyze grammar]

te sarve hayarājaṃ tu lokayaṃtaḥ parasparam |
dadṛśurna yadā vāhaṃ hāhākārastadābhavat || 9 ||
[Analyze grammar]

kutrāśvo hayamedhasya kena nītaḥ kubuddhinā |
iti vācamavocaṃste tāvatsa danujeśvaraḥ || 10 ||
[Analyze grammar]

dadṛśe subhaṭaiḥ sarvai rathasthaiḥ śauryaśobhitaiḥ |
vimānavaramārūḍhai rākṣasāgryaiḥ samāvṛtaḥ || 11 ||
[Analyze grammar]

dumurkhā vikarālāsyā laṃbadaṃṣṭrā bhayānakāḥ |
rākṣasāstatra dṛśyaṃte sainyagrāsāya codyatāḥ || 12 ||
[Analyze grammar]

tadā taṃ vedayāmāsuḥ śatrughnaṃ nṛvarottamam |
hayo nīto na jānīmaḥ khe vimānavilāsinā || 13 ||
[Analyze grammar]

tamasā vyākulānkṛtvā vīrānasmānsamāyayau |
jagrāha nṛpaśārdūla hayaṃ kuru yathocitam || 14 ||
[Analyze grammar]

śatrughnastadvacaḥ śrutvā mahāroṣasamāvṛtaḥ |
ko'styeṣa rākṣaso yo me hayaṃ jagrāha vīryavān || 15 ||
[Analyze grammar]

vimānaṃ tatpatatvadya madbāṇavrajanirhatam |
patatvadya śirastasya kṣuraprairmama vairiṇaḥ || 16 ||
[Analyze grammar]

sajjīyaṃtāṃ rathāḥ sarvairmahāśastrāstrapūritāḥ |
yāṃtu taṃ pratisaṃhartuṃ yoddhāro vājihāriṇam || 17 ||
[Analyze grammar]

ityuktvā roṣatāmrākṣa uvāca nijamaṃtriṇam |
nayānayavidaṃ śūraṃ yuddhakāryaviśāradam || 18 ||
[Analyze grammar]

śatrughna uvāca |
maṃtrinkathaya ke yojyā rākṣasasya vadhodyatāḥ |
mahāśastrā mahāśūrāḥ paramāstraviduttamāḥ || 19 ||
[Analyze grammar]

kathayāśu vicāryaivaṃ tatkaromi bhavadvacaḥ |
vīrānkathaya tasyaivaṃ yogyānsarvāstrakovidān || 20 ||
[Analyze grammar]

etacchrutvā tu sacivaḥ prāha vākyaṃ yathocitam |
vīrānraṇavare yogyāndarśayaṃstarasā natān || 21 ||
[Analyze grammar]

sumatiruvāca |
jetuṃ gacchatu tadrakṣaḥ samare vijayodyataḥ |
mahāśastrāstrasaṃyuktaḥ puṣkalaḥ paratāpanaḥ || 22 ||
[Analyze grammar]

tathā lakṣmīnidhiryātu śastrasaṃghasamanvitaḥ |
karotu tasya yānasya bhaṃgaṃ tīkṣṇaiḥ svasāyakaiḥ || 23 ||
[Analyze grammar]

hanūmāndhṛṣṭakarmātra rākṣasairyodhituṃ kṣamaḥ |
karotu mukhapucchābhyāṃ tāḍanaṃ rakṣasāṃ prabho || 24 ||
[Analyze grammar]

vānarā api ye vīrā raṇakarmaviśāradāḥ |
gacchaṃtu te'khilā yoddhuṃ tavavākyapraṇoditāḥ || 25 ||
[Analyze grammar]

sumadaśca subāhuśca pratāpāgryaśca sattamāḥ |
gacchaṃtu sāyakaistīkṣṇaistānyoddhuṃ rākṣasādhamān || 26 ||
[Analyze grammar]

bhavānapi mahāśastraparivāro rathe sthitaḥ |
karotu yuddhe vijayaṃ rākṣasaṃ haṃtumudyataḥ || 27 ||
[Analyze grammar]

etanmama mataṃ rājanye yodhāstatpramardanāḥ |
te gacchaṃtu raṇe śūrāḥ kimanyairbahubhirbhaṭaiḥ || 28 ||
[Analyze grammar]

ityuktavati vīrāgrye'mātye sumatisaṃjñike |
śatrughnaḥ kathayāmāsa vīrānsaṃgrāmakovidān || 29 ||
[Analyze grammar]

bho vīrāḥ puṣkalādyā ye sarvaśastrāstrakovidāḥ |
te vadaṃtu pratijñāṃ vai matpuro rākṣasārdane || 30 ||
[Analyze grammar]

kṛtvā pratijñāṃ vipulāṃ svaparākramaśobhinīm |
gacchaṃtu raṇamadhye hi bhavaṃto balasaṃyutāḥ || 31 ||
[Analyze grammar]

iti vākyaṃ samākarṇya śatrughnasya mahābalāḥ |
svāṃ svāṃ pratijñāṃ mahatīṃ cakruste tejasānvitāḥ || 32 ||
[Analyze grammar]

tatrādau puṣkalo vīraḥ śrutvā vākyaṃ mahīpateḥ |
paramotsāhasaṃpannaḥ pratijñāmūcivānimām || 33 ||
[Analyze grammar]

puṣkala uvāca |
śṛṇuṣva nṛpaśārdūla matpratijñāṃ parākramāt |
vihitāṃ sarvalokānāṃ śṛṇvatāṃ paramādbhutām || 34 ||
[Analyze grammar]

cenna kuryāṃ kṣuraprāgraistīkṣṇaiḥ kodaṃḍanirgataiḥ |
daityaṃ mūrcchāsamākrāṃtaṃ kīrṇakeśākulānanam || 35 ||
[Analyze grammar]

kanyā svabhokturyatpāpaṃ yatpāpaṃ devaniṃdane |
tatpāpaṃ mama vai bhūyāccetkuryāṃ svavaco'nṛtam || 36 ||
[Analyze grammar]

yadimadbāṇanirbhinnāḥ sainikāḥ sumahābalāḥ |
na pataṃti mahārāja pratijñāṃ tatra me śṛṇu || 37 ||
[Analyze grammar]

viṣṇvīśayorvibhedaṃ yaḥ śivaśaktyoḥ karotyapi |
tatpāpaṃ mama vai bhūyāccenna kuryāmṛtaṃ vacaḥ || 38 ||
[Analyze grammar]

sarvaṃ madvākyamityuktaṃ raghunāthapadāṃbuje |
bhaktirme niścalā yāsti saiva satyaṃ kariṣyati || 39 ||
[Analyze grammar]

puṣkalasya pratijñāṃ tāṃ śrutvā lakṣmīnidhirnṛpaḥ |
pratijñāṃ vyadadhātsatyāṃ svaparākramaśobhitām || 40 ||
[Analyze grammar]

lakṣmīnidhiruvāca |
vedānāṃ niṃdanaṃ śrutvā āste yo maunivannaraḥ |
mānase rocayedyastu sarvadharmabahiṣkṛtaḥ || 41 ||
[Analyze grammar]

brāhmaṇo yo durācāro rasalākṣādivikrayī |
vikrīṇāti ca gāṃ mūḍho dhanalobhena mohitaḥ || 42 ||
[Analyze grammar]

mlecchakūpodakaṃ pītvā prāyaścittaṃ tu nācaret |
tatpāpaṃ mama vai bhūyādvimukhaścedbhavāmyaham || 43 ||
[Analyze grammar]

tatpratijñāmathāśrutya hanūmānraṇakovidaḥ |
rāmāṃghrismaraṇaṃ kṛtvā provāca vacanaṃ śubham || 44 ||
[Analyze grammar]

matsvāmīhṛdaye nityaṃ dhyeyo vai yogibhirmuhuḥ |
yaṃ devāḥ sāsurāḥ sarve namaṃti maṇimaulibhiḥ || 45 ||
[Analyze grammar]

rāmaḥ śrīmānayodhyāyāḥ patirlokeśapūjitaḥ |
taṃ smṛtvā yadbruve vākyaṃ tadvai satyaṃ bhavaṣyiti || 46 ||
[Analyze grammar]

rājankoyaṃ laghurdaityo durbalaḥ kāmage sthitaḥ |
kathayāśu mayā kāryamekena vinipātanam || 47 ||
[Analyze grammar]

meruṃ deveṃdrasahitaṃ lāṃgūlāgreṇa tolaye |
jaladhiṃ śoṣaye sarvaṃ sāṃvartaṃ vā pibāmyaham || 48 ||
[Analyze grammar]

rājñaḥ śrīraghunāthasya jānakyāḥ kṛpayā mama |
tannāsti bhūtale rājanyadasādhyaṃ kadā bhavet || 49 ||
[Analyze grammar]

etadvākyaṃ mayā proktamanṛtaṃ syādyadi prabho |
tadaiva raghunāthasya bhaktidūro bhavāmyaham || 50 ||
[Analyze grammar]

yaḥ śūdraḥ kapilāṃ gāṃ vai payobuddhyānupālayet |
tasya pāpaṃ mamaivāstu cetkuryāmanṛtaṃ vacaḥ || 51 ||
[Analyze grammar]

brāhmaṇīṃ gacchate mohācchūdraḥ kāmavimohitaḥ |
tasya pāpaṃ mamaivāstu cetkuryāmanṛtaṃ vacaḥ || 52 ||
[Analyze grammar]

yadghrāṇānnarakaṃ gacchetsparśanāccāpi rauravam |
tāṃ pibenmadirāṃ yo vā jihvāsvādena lolupaḥ || 53 ||
[Analyze grammar]

tasya yajjāyate pāpaṃ tanmamaivāstu niścitam |
cenna kuryāṃ pratijñātaṃ satyaṃ rāmakṛpābalāt || 54 ||
[Analyze grammar]

evamukte mahāvīrairyoddhārastarasā yutāḥ |
cakruḥ pratijñāṃ mahatīṃ svaparākramaśālinīm || 55 ||
[Analyze grammar]

śatrughno'pi vyadhāttatra pratijñāṃ paśyatāṃ nṛṇām |
sādhusādhu praśaṃsanvai tānvīrānyuddhakovidān || 56 ||
[Analyze grammar]

kathayāmi puro vaḥ svāṃ pratijñāṃ sattvaśobhitām |
tacchṛṇvaṃtu mahābhāgā yuddhotsāhasamanvitāḥ || 57 ||
[Analyze grammar]

cettasya śira āhatya pātayāmi na sāyakaiḥ |
vimānācca kabaṃdhācca bhinnaṃ chinnaṃ ca bhūtale || 58 ||
[Analyze grammar]

yatpāpaṃ kūṭasākṣyeṇa yatpāpaṃ svarṇacauryataḥ |
yatpāpaṃ brahmaniṃdāyāṃ tanmamāstvadya niścayāt || 59 ||
[Analyze grammar]

iti śatrughnasadvākyaṃ śrutvā te vīrapūjitāḥ |
dhanyosi rāghavabhrātaḥ kastvadanyo paro bhavet || 60 ||
[Analyze grammar]

tvayā vai nihato daityo devadānavaduḥkhadaḥ |
lavaṇo nāma lokeśa madhuputro mahābalaḥ || 61 ||
[Analyze grammar]

koyaṃ vai rākṣaso duṣṭaḥ kva cāsya balamalpakam |
kariṣyasi kṣaṇādeva tasya nāśaṃ mahāmate || 62 ||
[Analyze grammar]

ityuktvā te mahāvīrāḥ sajjībhūtā raṇāṃgaṇe |
pratijñāṃ svāmṛtāṃ kartuṃ yayuste rākṣasaṃ mudā || 63 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
vīrapratijñākathanaṃnāma trayastriṃśattamo'dhyāyaḥ || 33 ||
[Analyze grammar]