Chapter 32

[English text for this chapter is available]

sumatiruvāca |
asāvapi nṛpaḥ saumya satyavānnāma viśrutaḥ |
nijadharmeṇa lokeśaṃ raghunāthamatoṣayat || 1 ||
[Analyze grammar]

asmai tuṣṭo ramānātho dadau bhaktimacaṃcalām |
nijāṃghripadme yajatāṃ durlabhāṃ puṇyakoṭibhiḥ || 2 ||
[Analyze grammar]

nityaṃ śrīraghunāthasya kathānakamanāturaḥ |
kurute sarvalokānāṃ pāvanaṃ kṛpayāyutaḥ || 3 ||
[Analyze grammar]

yo na pūjayate devaṃ raghunāthaṃ ramāpatim |
sa tena tāḍyate daṃḍairyamasyāpi bhayāvahaiḥ || 4 ||
[Analyze grammar]

aṣṭamādvatsarādūrdhvamaśītivatsaro bhavet |
tāvadekādaśī sarvairmānuṣaiḥ kāritā'munā || 5 ||
[Analyze grammar]

tulasī vallabhā yasya kadācidyacchirodharām |
na muṃcati ramānātha pādapadmasraguttamā || 6 ||
[Analyze grammar]

ṛṣīṇāmapi pūjyoyamitareṣāṃ kathaṃ nahi |
raghunāthasmṛtiprītirdhūtapāpmā hatāśubhaḥ || 7 ||
[Analyze grammar]

jñātvāyaṃ rāmacaṃdrasya vājinaṃ paramādbhutam |
āgatya tubhyaṃ saṃdāsyatyetadrājyamakaṃṭakam || 8 ||
[Analyze grammar]

tvayā yadgaditaṃ rājaṃstatte kathitamuttamam |
punaḥ kiṃ pṛcchase svāminnājñāpaya karomi tat || 9 ||
[Analyze grammar]

śeṣa uvāca |
gato'śvastatpurāṃtastu nānāścaryasamanvitaḥ |
taṃ dṛṣṭvā janatāḥ sarvā rājñe gatvā nyavedayan || 10 ||
[Analyze grammar]

janatā ūcuḥ |
ko'pyaśvaḥ sitavarṇena gaṃgājalasamena vai |
bhāle sauvarṇapatreṇa rājamānaḥ samāgataḥ || 11 ||
[Analyze grammar]

tacchrutvā vacanaṃ ramyaṃ janānāṃ hṛdyamīritam |
tāḥ pratyāha hasanbhūpo jñāyatāṃ kasya vai hayaḥ || 12 ||
[Analyze grammar]

tāścainaṃ kathayāmāsuḥ śatrughnena prapālitaḥ |
āyātyaśvo mahībhartū rāmasya puramadhyataḥ || 13 ||
[Analyze grammar]

rāmasya nāma sa śrutvā dvyakṣaraṃ sumanoramam |
jaharṣa citte subhṛśaṃ gadgadasvaracinhitaḥ || 14 ||
[Analyze grammar]

mayāyodhyāpatirnityaṃ yo rāmaścintyate hṛdi |
tasyāśvaḥ sahaśatrughnaḥ samāyātaḥ puraṃ mama || 15 ||
[Analyze grammar]

hanūmāṃstatra rāmāṃghrisevākartā bhaviṣyati |
kadācidapi yo rāmaṃ na vismarati mānase || 16 ||
[Analyze grammar]

gacchāmi yatra śatrughno yatra mārutanaṃdanaḥ |
anye'pi yatra puruṣā rāmapādābjasevakāḥ || 17 ||
[Analyze grammar]

amātyamādideśātha sarvaṃ rājadhanaṃ mahat |
gṛhītvā tu mayā sārddhamāgaccha tvarayā yutaḥ || 18 ||
[Analyze grammar]

yāsye'haṃ raghunāthasya hayaṃ pālayituṃ varam |
kartuṃ ca rāmapādābjaparicaryāṃ sudurlabhām || 19 ||
[Analyze grammar]

ityuktvā nirjagāmātha śatrughnaṃ prati sainikaiḥ |
tāvatpurīmatha prāpto rāmabhrātā sasainikaḥ || 20 ||
[Analyze grammar]

vīrā garjaṃti prabalā rathāḥ suninadaṃti ca |
jayaśaṃkhasvanāstatra veṇunādāśca sarvataḥ || 21 ||
[Analyze grammar]

āgatya satyavānrājā maṃtribhiḥ susamanvitaḥ |
caraṇe praṇipatyāsmai rājyaṃ prādānmahādhanam || 22 ||
[Analyze grammar]

śatrughnastaṃ tu rājānaṃ jñātvā rāmamanuvratam |
tadrājyaṃ tasya putrāya rukmanāmne dadau mahat || 23 ||
[Analyze grammar]

hanūmaṃtaṃ parīrabhya subāhuṃ rāmasevakam |
anyānvai rāmabhaktāṃśca parirabhya mahāyaśāḥ || 24 ||
[Analyze grammar]

kṛtārthamiva cātmānaṃ mene satyasamanvitaḥ |
nanaṃda cetasi tadā śatrughnena samanvitaḥ || 25 ||
[Analyze grammar]

hayastāvadgato dūraṃ vīraiḥ suparirakṣitaḥ |
śatrughnastena bhūpena yayau vīrasamanvitaḥ || 26 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe satya |
vatsamāgamonāma dvātriṃśo'dhyāyaḥ || 32 ||
[Analyze grammar]