Padma Purana [sanskrit]

462,305 words | ISBN-13: 9789385005305

The Padma-purana Book 5 Chapter 31 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

jābāliruvāca |
atha teṣu prayāteṣu narakastheṣu vai nṛṣu |
rājā papraccha kīnāśaṃ sarvadharmavidāṃvaram || 1 ||
[Analyze grammar]

rājovāca |
dharmarāja tvayā proktaṃ yatpātakakarā narāḥ |
āyāṃti tava saṃsthānaṃ na ca dharmakathāratāḥ || 2 ||
[Analyze grammar]

madāgamanamatrābhūtkenapāpena dhārmika |
tadvai kathaya sarvaṃ me pāpakāraṇamāditaḥ || 3 ||
[Analyze grammar]

iti śrutvā tu tadvākyaṃ dharmarājaḥ paraṃtapa |
kathayāmāsa tasyaivaṃ yamapuryāgamaṃ tadā || 4 ||
[Analyze grammar]

dharmarāja uvāca |
rājaṃstava mahatpuṇyaṃ naitādṛkkasya bhūtale |
raghunāthapadadvaṃdvamakaraṃda madhuvrata || 5 ||
[Analyze grammar]

tvatkīrti svardhunī sarvānpāpino malasaṃyutān |
punāti paramāhlādakāriṇī duṣṭatāriṇī || 6 ||
[Analyze grammar]

tathāpi pāpaleśaste vartate nṛpasattama |
yena saṃyaminīpārśvamāgataḥ puṇyapūritaḥ || 7 ||
[Analyze grammar]

ekadā tu caraṃtīṃ gāṃ vārayāmāsa vai bhavān |
tena pāpavipākena nirayadvāradarśanam || 8 ||
[Analyze grammar]

idānīṃ pāpanirmukto bahupuṇyasamanvitaḥ |
bhuṃkṣva bhogānsuvipulānnijapuṇyārjitānbahūn || 9 ||
[Analyze grammar]

eteṣāṃ karuṇāvārdhī raghunātho sukhaṃ haran |
saṃyaminyā mahāmārge prerayāmāsa vaiṣṇavam || 10 ||
[Analyze grammar]

nāgamiṣyo yadi tvaṃ vai mārgeṇānena suvrata |
abhaviṣyatkathaṃ teṣāṃ nirayātparimocanam || 11 ||
[Analyze grammar]

tvādṛśāḥ paraduḥkhena duḥkhitāḥ karuṇālayāḥ |
prāṇināṃ duḥkhavicchedaṃ kurvaṃtyeva mahāmate || 12 ||
[Analyze grammar]

jābāliruvāca |
evaṃ vadaṃtaṃ śamanaṃ praṇamya sa divaṃgataḥ |
divyena suvimānena apsarogaṇaśobhinā || 13 ||
[Analyze grammar]

tasmādgāvo'niśaṃ pūjyā manasāpi na garhayet |
garhayannirayaṃ yāti yāvadiṃdrāścaturdaśa || 14 ||
[Analyze grammar]

tasmāttvaṃ nṛpatiśreṣṭha gopūjāṃ vai samācara |
sā tuṣṭā dāsyati kṣipraṃ putraṃ dharmaparāyaṇam || 15 ||
[Analyze grammar]

sumatiruvāca |
tacchrutvā dhenupūjāṃ sa papraccha kathamādarāt |
pūjanīyā prayatnena kīdṛśaṃ kurute naram || 16 ||
[Analyze grammar]

jābāli kathayāmāsa dhenupūjāṃ yathāvidhi |
pratyahaṃ vipinaṃ gaccheccāraṇārthaṃ vratī tu goḥ || 17 ||
[Analyze grammar]

gave yavāṃstu saṃbhojya gomayasthānsamāharet |
bhakṣaṇīyā yavāste tu putrakāmena bhūpate || 18 ||
[Analyze grammar]

sā yadā pibate toyaṃ tadā peyaṃ jalaṃ śuci |
soccaiḥ sthāne yadā tiṣṭhettadānīṃ cāsanasthitaḥ || 19 ||
[Analyze grammar]

daṃśānnivārayennityaṃ yavasaṃ svayamāharet |
evaṃ prakurvataḥ putraṃ dāsyate dharmatatparam || 20 ||
[Analyze grammar]

sumatiruvāca |
iti vākyaṃ samākarṇya putrakāma ṛtaṃbharaḥ |
vrataṃ cakāra dharmātmā dhenupūjāṃ samācaran || 21 ||
[Analyze grammar]

pratyahaṃ kurute gāṃ vai yavasādyena toṣitām |
daṃśānnyavārayaddhīmānyavabhakṣakṛtādaraḥ || 22 ||
[Analyze grammar]

evaṃ dhenuṃ pūjayato gatāstu divasā ghanāḥ |
vanamadhye tṛṇādīṃśca caraṃtīmakutobhayām || 23 ||
[Analyze grammar]

ekadā nṛpatistasya vanasya śrīnirīkṣaṇe |
nyastadṛṣṭiḥ saparito babhrāma sa kutūhalī || 24 ||
[Analyze grammar]

tadāgatyāhanadgāṃ vai paṃcāsyaḥ kānanāṃtarāt |
krośaṃtīṃ bahudhā dīnāṃ siṃhabhāreṇaduḥkhitām || 25 ||
[Analyze grammar]

tadā nṛpaḥ samāgatya vilokya nijamātaram |
siṃhena nihatāṃ paśyanrurodātīva vihvalaḥ || 26 ||
[Analyze grammar]

sa duḥkhitaḥ samāgatya jābālimunisattamam |
niṣkṛtiṃ tasya papraccha govadhasya pramādataḥ || 27 ||
[Analyze grammar]

ṛtaṃbhara uvāca |
svāmiṃstvadājñayā dhenuṃ pālayanvanamāsthitaḥ |
kutopyāgatya tāṃ siṃho jaghānādṛṣṭigocaraḥ || 28 ||
[Analyze grammar]

tasya pāpasya niṣkṛtyai kiṃ karomi tvadājñayā |
kathaṃ vā vratasaṃpūrtirmama putrapradāyinī || 29 ||
[Analyze grammar]

ityuktavaṃtaṃ taṃ bhūpaṃ jagāda munisattamaḥ |
saṃtyupāyā mahīpāla pāpasyāsyāpanuttaye || 30 ||
[Analyze grammar]

brahmaghnasya kṛtaghnasya surāpasya mahāmate |
prāyaścittāni vartaṃte sarvapāpaharāṇi ca || 31 ||
[Analyze grammar]

kṛcchraiścāṃdrāyaṇairdānairvrataiḥ saniyamairyamaiḥ |
pāpāni pralayaṃ yāṃti niyamādanutiṣṭhataḥ || 32 ||
[Analyze grammar]

dvayośca niṣkṛtirnāsti pāpapuṃjakṛtostayoḥ |
matyā govadhakartuśca nārāyaṇaviniṃdituḥ || 33 ||
[Analyze grammar]

gavāṃ yo manasā duḥkhaṃ vāṃcchatyadhamasattamaḥ |
sa yāti nirayasthānaṃ yāvadiṃdrāścaturdaśa || 34 ||
[Analyze grammar]

yo'pi devaṃ hariṃ niṃdetsakṛddurbhāgyavānnaraḥ |
sa cāpi narakaṃ paśyetputrapautraparīvṛtaḥ || 35 ||
[Analyze grammar]

tasmājjñātvā hariṃ niṃdangoṣu duḥkhaṃ samācaran |
kadāpi narakānmuktiṃ na prāpnoti nareśvara || 36 ||
[Analyze grammar]

ajñānaprāptagohatyā prāyaścittaṃ tu vidyate |
rāmabhaktaṃ tu dhīmaṃtaṃ yāhi tvamṛtuparṇakam || 37 ||
[Analyze grammar]

sa vai samadṛśaḥ sarvāñchatrūnmitrāṇi paśyati |
tubhyaṃ kathiṣyati kṣipraṃ govadhasyāsya niṣkṛtim || 38 ||
[Analyze grammar]

tasya deśāṃstvamākrāmaṃstena nirvāsitaḥ purā |
vairibhāvaṃ parityajya gaccha tvamṛtuparṇakam || 39 ||
[Analyze grammar]

sa yadvadiṣyati kṣipraṃ tatkuruṣva samāhitaḥ |
yathā tvatkṛtapāpasya niṣkṛtirhi bhaviṣyati || 40 ||
[Analyze grammar]

sa tu tadvacanaṃ śrutvā jagāma ṛtuparṇakam |
rāmabhaktaṃ ripau mitre samadṛṣṭyā samaṃjasam || 41 ||
[Analyze grammar]

sa tasmai kathayāmāsa yajjātaṃ govadhādikam |
tasya pāpasya niṣkṛtyai hyupāyaṃ so'pyaciṃtayat || 42 ||
[Analyze grammar]

kṣaṇaṃ dhyātvātha taṃ rājā ṛtuparṇa ṛtaṃbharam |
uvāca prahasanvākyaṃ buddhimāndharmakovidaḥ || 43 ||
[Analyze grammar]

ko'haṃ rājanmunīnāṃ vai purataḥ śāstravedinām |
tānhitvā kiṃ tu māṃ prāpto mūrkhaṃpaṃḍitamāninam || 44 ||
[Analyze grammar]

tava mayyasti cecchraddhā tadā kiṃcidbravīmyaham |
śṛṇuṣva naraśārdūla gaditaṃ mama sādaraḥ || 45 ||
[Analyze grammar]

bhaja śrīraghunāthaṃ tvaṃ karmaṇā manasā girā |
naiṣkāpaṭyena lokeśaṃ toṣayasva mahāmate || 46 ||
[Analyze grammar]

sa tuṣṭo dāsyate sarvaṃ tvaddhṛdisthaṃ manoratham |
ajñānakṛta gohatyāpāpanāśaṃ kariṣyati || 47 ||
[Analyze grammar]

rāmaṃ smaraṃstvaṃ dharmātmandhenuṃ pālaya sattama |
dattvā dvijāya kanakaṃ pāpaniṣkṛtimāpsyasi || 48 ||
[Analyze grammar]

sumatiruvāca |
etacchrutvā tu tadvākyamṛtaṃbharanṛpastadā |
vidhāya rāmasmaraṇaṃ pūtātmā vratamācarat || 49 ||
[Analyze grammar]

pūrvavatpālayandhenuṃ jagāma vipinaṃ mahat |
rāmanāmasmarannityaṃ sarvabhūtahite rataḥ || 50 ||
[Analyze grammar]

tasmai tuṣṭā tu surabhiḥ provāca paritoṣitā |
rājanvaraya matto vai varaṃ hṛtsthaṃ manoratham || 51 ||
[Analyze grammar]

tadā provāca vai rājā putraṃ dehi manoramam |
rāmabhaktaṃ pitṛrataṃ svadharmapratipālakam || 52 ||
[Analyze grammar]

tuṣṭā dattvā varaṃ sāpi tasmai rājñe sutārthine |
jagāmādarśanaṃ devī kāmadhenuḥ kṛpāvatī || 53 ||
[Analyze grammar]

sa kāle prāptavānputraṃ vaiṣṇavaṃ rāmasevakam |
satyavatsaṃjñayāyuktamakarottatra tatpitā || 54 ||
[Analyze grammar]

satyavaṃtaṃ sutaṃ labdhvā pitṛbhaktiparaṃ mahān |
paramaṃ harṣamāpede śakratulyaparākramam || 55 ||
[Analyze grammar]

sa rājā dhārmikaṃ putraṃ prāpya harṣeṇanirbharaḥ |
rājyaṃ tasminmahannyasya jagāma tapase vanam || 56 ||
[Analyze grammar]

tatrārādhya hṛṣīkeśaṃ bhaktiyuktena cetasā |
nirdhūtapāpaḥ satanuragāddharipadaṃ nṛpaḥ || 57 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe satyavadā |
khyāne dhenuvratavarṇanaṃnāma ekatriṃśo'dhyāyaḥ || 31 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 31

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: