Chapter 27

[English text for this chapter is available]

śeṣa uvāca |
citrāṃgaḥ krauṃcakaṃṭhastho rathastho vīraśobhitaḥ |
gāhayāmāsa tatsainyaṃ vārāha iva vāridhim || 1 ||
[Analyze grammar]

dhanurvisphārya sudṛḍhaṃ meghanādanināditam |
mumoca bāṇānniśitānvairikoṭividāhakān || 2 ||
[Analyze grammar]

tadbāṇabhinnasarvāṃgāḥ śerate subhaṭā bhṛśam |
sakirīṭatanutrāṇāḥ sandaṣṭadaśanacchadāḥ || 3 ||
[Analyze grammar]

evaṃ pravṛtte saṃgrāme yayau yoddhuṃ sa puṣkalaḥ |
maṇicitritamādāya cāpaṃ vairipratāpanam || 4 ||
[Analyze grammar]

tayoḥ saṃgatayorūpaṃ dṛśyate'timanoharam |
purā tārakasaṃgrāme skaṃdatārakayoryathā || 5 ||
[Analyze grammar]

visphārayandhanuḥ śīghraṃ savyasācī tu puṣkalaḥ |
tāḍayāmāsa taṃ kṣipraṃ śaraiḥ sannataparvabhiḥ || 6 ||
[Analyze grammar]

citrāṃgo'pi ruṣākrāṃtaḥ śarāsana iṣūñchitān |
dadhadvyamuṃcadbahuśo raṇamaṃḍalamūrdhani || 7 ||
[Analyze grammar]

nādānaṃ na ca saṃdhānaṃ na mocanamathāpi vā |
dṛṣṭaṃ tāveva saṃdṛṣṭau kuṃḍalīkṛtacāpinau || 8 ||
[Analyze grammar]

tadāsau puṣkalaḥ kruddhaḥ śarāṇāṃ śatakena tam |
vivyādha vakṣaḥsthalake mahāyoddhāramudbhaṭam || 9 ||
[Analyze grammar]

citrāṃgastāñśarānsarvāṃściccheda tilaśaḥ kṣaṇāt |
tāḍayāmāsa cāṃgeṣu puṣkalaṃ śitasāyakaiḥ || 10 ||
[Analyze grammar]

puṣkalastadrathaṃ divyaṃ bhrāmakāstreṇa śobhinā |
nabhasi bhrāmayāmāsa tadadbhutamivābhavat || 11 ||
[Analyze grammar]

bhrāṃtvā muhūrtamātraṃ tu saratho hayasaṃyutaḥ |
sthitirlebhetikaṣṭena saṃdhṛto raṇamaṃḍale || 12 ||
[Analyze grammar]

sa cāsya vikramaṃ dṛṣṭvā citrāṃgaḥ kupito bhṛśam |
uvāca puṣkalaṃ dhīmānsarvāstreṣu viśāradaḥ || 13 ||
[Analyze grammar]

citrāṃga uvāca |
tvayā sādhukṛtaṃ karma subhaṭairyudhisaṃmatam |
madratho vājisaṃyukto bhrāmito nabhasi kṣaṇam || 14 ||
[Analyze grammar]

parākramaṃ samīkṣasva mamāpi subhaṭeritam |
ākāśacārī tu bhavānbhavatvamarapūjitaḥ || 15 ||
[Analyze grammar]

ityuktvā sa mumocāstraṃ raṇe paramadāruṇam |
dhanuṣā paramāstrajñaḥ sarvadharmaviduttamaḥ || 16 ||
[Analyze grammar]

tena bāṇena saṃviddhaḥ khe babhrāma pataṃgavat |
sarathaḥ sahayaḥ saṃkhye sadhvajaśca sasārathiḥ || 17 ||
[Analyze grammar]

bhrāṃtvā sarathavaryastu nabhasi tvarayānvitaḥ |
yāvatsthitiṃ na labhate tāvanmukto'paraḥ śaraḥ || 18 ||
[Analyze grammar]

punaśca paribabhrāma rathaḥ sūtasamanvitaḥ |
tatkarmavīkṣya putrasya rājño vismayamāpa saḥ || 19 ||
[Analyze grammar]

kathaṃcitsthitimapyāpa puṣkalaḥ paravīrahā |
rathaṃ jaghāna bāṇaiśca sasūtahayamasya ca || 20 ||
[Analyze grammar]

sabhagnasyaṃdano vīraḥ punaranyaṃ samāśritaḥ |
so'pi bhagnaḥ śarairāśu puṣkalena raṇāṃgaṇe || 21 ||
[Analyze grammar]

punaranyaṃ samāsthāya yāvadāyāti saṃmukham |
tāvadbabhaṃja niśitaiḥ sāyakaistadrathaṃ punaḥ || 22 ||
[Analyze grammar]

evaṃ daśa rathā bhagnā nṛpaterātmajasya hi |
puṣkalena tu vīreṇa mahāsaṃyugaśālinā || 23 ||
[Analyze grammar]

tadā citrāṃgakaḥ saṃkhye rathe sthitvā vicitrite |
ājagāma ha vegena puṣkalaṃ prati yodhitum || 24 ||
[Analyze grammar]

puṣkalaṃ paṃcabhirbāṇaistāḍayāmāsa saṃyuge |
tairbāṇairnihato'tyataṃ vivyathe bharatātmajaḥ || 25 ||
[Analyze grammar]

sakruddhaścāpamudyamya bāṇāndaśa śitānmahān |
mumoca hṛdaye tasya svarṇapuṃkhasuśobhitān || 26 ||
[Analyze grammar]

te bāṇāḥ papuretasya rudhiraṃ bahudāruṇāḥ |
pītvā petuḥ kṣitau kūṭasākṣiṇaḥ pūrvajā iva || 27 ||
[Analyze grammar]

tadā citrāṃgakaḥ kruddho bhallānpaṃca samādade |
mumoca bhāle putrasya bharatasya mahaujasaḥ || 28 ||
[Analyze grammar]

tairbhallairāhataḥ kruddhaḥ śarāsanavare śaram |
dadhatpratijñāmakaroccitrāṃganidhanaṃ prati || 29 ||
[Analyze grammar]

śṛṇu vīra mama kṣipraṃ pratijñāṃ tvadvadhāśritām |
tajjñātvā sāvadhānena yoddhavyaṃ ca tvayātra hi || 30 ||
[Analyze grammar]

bāṇenānena cettvāṃ vai na kuryāṃ prāṇavarjitam |
satīṃ saṃdūṣya vanitāṃ śīlācārasuśobhitām || 31 ||
[Analyze grammar]

yo lokaḥ prāpyate lokairyamasya vaśavartibhiḥ |
sa loko mama vai bhūyātsatyaṃ mama pratiśrutam || 32 ||
[Analyze grammar]

iti śreṣṭhaṃ vacaḥ śrutvā jahāsa paravīrahā |
uvāca matimānvīraḥ puṣkalaṃ vacanaṃ śubham || 33 ||
[Analyze grammar]

mṛtyurvai prāṇināṃ bhāvyaḥ sarvatraiva ca sarvadā |
tasmānme nidhane duḥkhaṃ nāsti śūraśiromaṇe || 34 ||
[Analyze grammar]

pratijñā yā kṛtā vīra tvayā vīratvaśālinā |
sā satyaiva punarme'dya śrūyatāṃ vyāhṛtaṃ mahat || 35 ||
[Analyze grammar]

tvadbāṇaṃ madvadhodyuktaṃ na cchiṃdyāṃ yadi cedaham |
tadā pratijñāṃ śṛṇu me sarvavīrābhimāninaḥ || 36 ||
[Analyze grammar]

tīrthaṃ jigamiṣoryo vai kuryātsvāṃtavikhaṃḍanam |
ekādaśīvratādanyajjānāti vratamuccakaiḥ || 37 ||
[Analyze grammar]

tasya pāpaṃ mamaivāstu pratijñāparighātinaḥ |
iti vākyamudīryaiva tūṣṇīṃbhūto dhanurdadhe || 38 ||
[Analyze grammar]

tadānena niṣaṃgātsvāduddhṛtya sāyakaṃ varam |
kathayāmāsa viśadaṃ vākyaṃ śatruvadhāvaham || 39 ||
[Analyze grammar]

puṣkala uvāca |
yadi rāmāṃghriyugulaṃ niṣkāpaṭyena cetasā |
upāsitaṃ mayā tarhi mama vākyamṛtaṃ bhavet || 40 ||
[Analyze grammar]

yadi svamahilāṃ bhuktvā nānyāṃ jānāmicetasā |
tena satyena me vākyaṃ satyaṃ bhavatu saṃgare || 41 ||
[Analyze grammar]

iti vākyamudīryāśu bāṇaṃ dhanuṣi saṃdhitam |
kālānalopamaṃ vīraśiraśchedanamākṣipat || 42 ||
[Analyze grammar]

taṃ bāṇaṃ muktamālokya sa tu rājasuto balī |
bāṇaṃ śarāsane dhatta tīkṣṇaṃ kālānalopamam || 43 ||
[Analyze grammar]

tena bāṇena saṃchinno bāṇaḥ svavadhaudyataḥ |
hāhākāro mahānāsīcchinne tasmiñchare tadā || 44 ||
[Analyze grammar]

parārdhaṃ patitaṃ bhūmau pūrvārdhaṃ phalasaṃyutam |
śirodharāṃ cakartāśu padmanālamiva kṣaṇāt || 45 ||
[Analyze grammar]

tadā bhūmau pataṃtaṃ tu dṛṣṭvā tattasyasainikāḥ |
hāhākṛtvā bhṛśaṃ sarve palāyanaparāgatāḥ || 46 ||
[Analyze grammar]

pṛthvyāṃ tanmastakaṃ śreṣṭhaṃ sakirīṭaṃ sakuṃḍalam |
śuśubhe'tīva patitaṃ caṃdrabiṃbaṃ divo yathā || 47 ||
[Analyze grammar]

taṃ vīkṣya patitaṃ vīraḥ puṣkalo bharatātmajaḥ |
vyagāhata vyūhamimaṃ sarvavīraikaśobhitam || 48 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
citrāṃgavadhonāma saptaviṃśatitamo'dhyāyaḥ || 27 ||
[Analyze grammar]