Chapter 26

[English text for this chapter is available]

śeṣa uvāca |
śatrughnastadbalaṃ dṛṣṭvā bhīṣaṇākṛtimeghavat |
hastyaśvarathapādātairbahubhiḥ parivāritam || 1 ||
[Analyze grammar]

sumatiṃ pratyuvācedaṃ vacogaṃbhīraśabdayuk |
nānāvākyavicārajñaiḥ paṃḍitaiḥ parisevitaḥ || 2 ||
[Analyze grammar]

śatrughna uvāca |
sumate kasya nagaraṃ prāpto me hayasattamaḥ |
balametannirīkṣehaṃ payodadhitaraṃgavat || 3 ||
[Analyze grammar]

kasyaitadbalamuddharṣaṃ caturaṃgasamanvitam |
purato bhāti yuddhāya samupasthitamādarāt || 4 ||
[Analyze grammar]

etatsarvaṃ samācakṣva yathāvatpṛcchato mama |
yajjñātvā yuddhasaṃsthāyai nirdiśāmi svakānbhaṭān || 5 ||
[Analyze grammar]

iti vākyaṃ samākarṇya sumatiḥ śubhabuddhimān |
uvāca vacanaṃ prītaḥ śatrughnaṃ vairitāpanam || 6 ||
[Analyze grammar]

sumatiruvāca |
cakrāṃkā nagarī rājanvartate savidhe śubhā |
yasyāṃ saṃti narāḥ pāparahitā viṣṇubhaktitaḥ || 7 ||
[Analyze grammar]

tasyāḥ puryāḥ patirayaṃ subāhurdharmavittamaḥ |
tavāyaṃ purato bhāti putrapautrasamāvṛtaḥ || 8 ||
[Analyze grammar]

svadāranirato nityaṃ paradāraparāṅmukhaḥ |
viṣṇoḥ kathāsya karṇasthānā parārthaprakāśinī || 9 ||
[Analyze grammar]

parasvaṃ na samādatte ṣaṣṭhāṃśādadhikaṃ nṛpaḥ |
brāhmaṇā viṣṇubhaktyaiva pūjyaṃte tena dharmiṇā || 10 ||
[Analyze grammar]

nityaṃ sevārato viṣṇupādapadmamadhuvrataḥ |
eṣa svadharmanirataḥ paradharmaparāṅmukhaḥ || 11 ||
[Analyze grammar]

etasya balatulyaṃ hi na vīrāṇāṃ balaṃ kvacit |
putrasya patanaṃ śrutvā roṣaśokasamākulaḥ || 12 ||
[Analyze grammar]

caturaṃgasameto'yaṃ yuddhāya samupasthitaḥ |
tavāpi vīrā bahavo lakṣmīnidhimukhā amūn || 13 ||
[Analyze grammar]

jeṣyaṃti śastrasaṃghena nirdiśāśu paraṃ hi tān |
śatrughnastadvacaḥ śrutvā provāca svabhaṭānvarān || 14 ||
[Analyze grammar]

raṇaprāptibhavoddharṣapūrapūritamānasān |
krauṃcavyūho'dya racitaḥ subāhuparisainikaiḥ || 15 ||
[Analyze grammar]

mukhapakṣasthitā yodhāstānko bhetsyati śastravit |
yasya bhede nijā śaktiryo vīra vijayodyataḥ || 16 ||
[Analyze grammar]

sa gṛhṇātu madīyāddhi pāṇipadmācca vīṭakam |
tadā lakṣmīnidhirvīro jagrāha krauṃcabhedane || 17 ||
[Analyze grammar]

sarvaśastrāstravidvīrairbahubhiḥ parivāritaḥ |
uvāca vacanaṃ rājanyāsye'haṃ krauṃcabhedane || 18 ||
[Analyze grammar]

bhārgavaḥ pūrvamevāsītkrauṃcabhettā tathā hyaham |
tathānyaṃ vīramāvocatko'sya sārdhaṃ gamiṣyati || 19 ||
[Analyze grammar]

puṣkalaḥ pṛṣṭhatastasya yātuṃ cakre matiṃ tataḥ |
riputāpo nīlaratna ugrāśvo vīramardanaḥ || 20 ||
[Analyze grammar]

sarve śatrughnasaṃdeśādyayustatkrauṃcabhedane |
śatrughno'pi rathasthaśca sarvāyudhadharaḥ paraḥ || 21 ||
[Analyze grammar]

pṛṣṭhato'sya parīyāya bahubhiḥ sainikairvṛtaḥ |
tadā pracalitau dṛṣṭāvanyonyabalavāridhī || 22 ||
[Analyze grammar]

pralayaṃ kartumudyuktau jagataḥ sutaraṃgiṇau |
tadā bheryaḥ samājaghnurubhayoḥ senayordṛḍhāḥ || 23 ||
[Analyze grammar]

raṇabheryaḥ śaṃkhanādāḥ śrūyaṃte tatra tatra ha |
heṣaṃte vājinastatra garjaṃti dviradā bhṛśam || 24 ||
[Analyze grammar]

huṃ huṃ kurvaṃti vīrāgryā nadaṃti rathanemayaḥ |
tatra prakupitāḥ śūrāḥ subāhubaladarpitāḥ || 25 ||
[Analyze grammar]

chiṃdhi bhiṃdhīti bhāṣaṃto dṛśyaṃte bahavo raṇe |
evaṃbhūte raṇodyukte sainye śatrughnavairiṇoḥ || 26 ||
[Analyze grammar]

mukhasaṃsthaṃ suketuṃ taṃ lakṣmīnidhiruvāca ha |
lakṣmīnidhiruvāca |
janakasya sutaṃ viddhi lakṣmīnidhiriti smṛtam || 27 ||
[Analyze grammar]

sarvaśastrāstrakuśalaṃ sarvayuddhaviśāradam |
muṃcāśvaṃ rāmacaṃdrasya sarvadānavadaṃśituḥ || 28 ||
[Analyze grammar]

nocenmadbāṇanirbhinno yāsyase yamasādanam |
iti bruvaṃtaṃ vīrāgryaṃ suketuḥ sahasā tvaran || 29 ||
[Analyze grammar]

sajyaṃ cāpaṃ vidhāyāśu bāṇānmuṃcansthiro'bhavat |
te bāṇāḥ śitaparvāṇaḥ svarṇapuṃkhāḥ samaṃtataḥ || 30 ||
[Analyze grammar]

dṛśyaṃte vyāpinastatra raṇamadhye sudurbharāḥ |
tadbāṇajālaṃ tarasā nihatya |
lakṣmīnidhiścāpamathā tatajyam |
vidhāya tasyorasi bāṇaṣaṭkaṃ |
mumoca tīkṣṇaṃ śitaparvaśobhitam || 31 ||
[Analyze grammar]

tadbāṇāḥ subhujabhrāturhṛdayaṃ saṃvidārya ca |
gatāste bhuvi dṛśyaṃte rudhirāktā malīmasāḥ || 32 ||
[Analyze grammar]

tadbāṇabhinnahṛdayaḥ suketuḥ kopapūritaḥ |
jaghānaśaraviṃśatyā tīkṣṇayā nataparvayā || 33 ||
[Analyze grammar]

ubhau bāṇavibhinnāṃgāvubhau kṣatajaviplutau |
sainikaiḥ paridṛśyaṃte kiṃśukāviva puṣpitau || 34 ||
[Analyze grammar]

muṃcaṃtau bāṇakoṭīśca saṃdadhaṃtau tvarā śarān |
na kenāpi vilakṣyete laghuhastau mahābalau || 35 ||
[Analyze grammar]

kuṃḍalīkṛta saccāpau varṣaṃtau bāṇadhārayā |
navāṃbudāviva divi śakranirdeśakāriṇau || 36 ||
[Analyze grammar]

tayorbāṇā gajānvāhānnarāñchūrānvimastakān |
kurvaṃtaḥ kevalaṃ dṛṣṭā na ca saṃdhānamokṣayoḥ || 37 ||
[Analyze grammar]

pṛthivī subhaṭaiḥ pūrṇā sakirīṭaiḥ sakuṃḍalaiḥ |
dhanurbāṇakarai roṣasaṃdaṣṭādharayugmakaiḥ || 38 ||
[Analyze grammar]

tayoḥ prayuddhyatordarpātsarvaśastrāstravedinoḥ |
yuddhaṃ samabhavadghoraṃ devavismāpanaṃ mahat || 39 ||
[Analyze grammar]

saṃmardo'bhavadatyaṃtaṃ vīrakoṭividāraṇaḥ |
na kenacitkvaciddṛṣṭaṃ śarajālāṃtareṃ'baram || 40 ||
[Analyze grammar]

tasmiṃstu samaye lakṣmīnidhirvīro'rimardanaḥ |
bāṇāṃścāpe samādhatta vasusaṃkhyāndṛḍhāñchitān || 41 ||
[Analyze grammar]

caturbhisturagānvīraḥ suketoranayatkṣayam |
ekena dhvajamatyugraṃ ciccheda tarasā hasan || 42 ||
[Analyze grammar]

ekena sāratheḥ kāyācchirobhūmāvapātayat |
ekena cāpaṃ saguṇamacchinadroṣapūritaḥ || 43 ||
[Analyze grammar]

ekena hṛdi vivyādha suketorvegavānnṛpaḥ |
tatkarmādbhutamudvīkṣya vīrā vismayamāyayuḥ || 44 ||
[Analyze grammar]

sacchinnadhanvā viratho hatāśvo hatasārathiḥ |
mahatīṃ sa gadāṃ dhṛtvā yodghukāmo'bhyupeyivān || 45 ||
[Analyze grammar]

tamāyāṃtaṃ samālakṣya gadāyuddhaviśāradam |
mahatyā gadayā yuktaṃ rathādavatatāra saḥ || 46 ||
[Analyze grammar]

gadāmādāya mahatīṃ sarvāyasavinirmitām |
jātarūpavicitrāṃgīṃ sarvaśobhāpuraskṛtām || 47 ||
[Analyze grammar]

lakṣmīnidhirbhṛśaṃ kruddhaḥ suketorvakṣasi tvaran |
tāḍayāmāsa hṛdaye gadāṃ vajrāgnisannibhām || 48 ||
[Analyze grammar]

gadayā tāḍito vīro nākaṃpata mahāmune |
madonmatto yathā daṃtī bālena sragbhirāhataḥ || 49 ||
[Analyze grammar]

uvāca taṃ sa vīrāgryo nṛpaṃ lakṣmīnidhiṃ tadā |
sahasvaikaṃ prahāraṃ me yadi śūraḥ paraṃtapa || 50 ||
[Analyze grammar]

ityuktvā tāḍayāmāsa lalāṭe gadayā bhṛśam |
gadayā tāḍito bhāle'sṛgvamankupito bhṛśam || 51 ||
[Analyze grammar]

mūrdhni taṃ tāḍayāmāsa gadayā kālarūpayā |
suketurapi taṃ skaṃdhe tāḍayāmāsa dharmavit || 52 ||
[Analyze grammar]

evaṃ bhṛśaṃ prakupitau gadāyuddhaviśāradau |
gadāyuddhaṃ prakurvāṇau parasparajayaiṣiṇau || 53 ||
[Analyze grammar]

anyonyāghātavimatau parasparavadhodyatau |
na kopi tatra hīyeta na ko jīyeta saṃyuge || 54 ||
[Analyze grammar]

mūrdhni bhāle tathā skaṃdhe hṛdi gātreṣu sarvataḥ |
rudhiraugha pariklinnau mahābalaparākramau || 55 ||
[Analyze grammar]

tadā lakṣmīnidhiḥ kruddho gadāmudyamya vegavān |
jagāma prabalaṃ haṃtuṃ hṛdi rājānujaṃ balī || 56 ||
[Analyze grammar]

tamāyāṃtamathālokya svagadāṃ mahatīṃ dadhat |
yayau taṃ tarasā haṃtuṃ rājabhrātā balādbalam || 57 ||
[Analyze grammar]

gadāṃ tena vinikṣiptāṃ svakare dhṛtavānayam |
tayaiva gadayā tasya hṛdi jaghne mahābalaḥ || 58 ||
[Analyze grammar]

svagadāṃ tena vai nītāṃ dṛṣṭvā lakṣmīnidhirnṛpaḥ |
bāhuyuddhena taṃ yoddhumiyeṣa balavattamam || 59 ||
[Analyze grammar]

tadā rājānujaḥ kruddho bāhubhyāmupagṛhya tam |
yuyudhe sarvayuddhasya jñātāvīreṣu sattamaḥ || 60 ||
[Analyze grammar]

tadā lakṣmīnidhistasya hṛdi jaghne svamuṣṭinā |
tadā sopi śirasyenaṃ muṣṭimudyamya cāhanat || 61 ||
[Analyze grammar]

muṣṭibhirvajrasaṃkāśaistalasphoṭaiśca dāruṇaiḥ |
anyonyaṃ jaghnatuḥ kruddhau saṃdaṣṭādharapallavau || 62 ||
[Analyze grammar]

muṣṭī muṣṭi daṃtā daṃti kacā kaci nakhā nakhi |
ubhayorabhavadyuddhaṃ tumulaṃ romaharṣaṇam || 63 ||
[Analyze grammar]

tadā prakupito bhrātā nṛpateśca raṇe nṛpam |
gṛhītvā bhrāmayitvātha pātayāmāsa bhūtale || 64 ||
[Analyze grammar]

lakṣmīnidhiḥ kare gṛhya taṃ nṛpānujamuccakaiḥ |
bhrāmayitvā śataguṇaṃ gajopasthe jaghāna tam || 65 ||
[Analyze grammar]

sa tadā patito bhūmau saṃjñāṃ prāpya kṣaṇādanu |
tathaiva bhrāmayāmāsa vyomni vegena vikramī || 66 ||
[Analyze grammar]

evaṃ prayudhyamānau tau bāhuyuddhaṃ gatau punaḥ |
pāde pādaṃ kare pāṇiṃ hṛdi hṛdvadane mukham || 67 ||
[Analyze grammar]

evaṃ parasparaṃ śliṣṭau parasparavadhaiṣiṇau |
ubhāvapi parākrāṃtāvubhāvapi mumūrcchatuḥ || 68 ||
[Analyze grammar]

taddṛṣṭvā vismayaṃ prāptāḥ praśaśaṃsuḥ sahasraśaḥ |
dhanyo lakṣmīnidhirbhūpo dhanyo rājānujo balī || 69 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
gadāyuddhaṃnāma ṣaḍviṃśatitamo'dhyāyaḥ || 26 ||
[Analyze grammar]