Chapter 24

[English text for this chapter is available]

śeṣa uvāca |
śatrughnastu krudhāviṣṭo daṃtāndaṃtairviniṣpiṣan |
hastau dhunvaṃllelihānamadharaṃ jihvayā sakṛt || 1 ||
[Analyze grammar]

punaḥ punastānpapraccha kenāśvo nīyate mama |
pratāpāgryaḥ kena jitaḥ sarvaśūraśiromaṇiḥ || 2 ||
[Analyze grammar]

sevakāste tadā procurdamanonāma śatruhan |
subāhujaḥ pratāpāgryaṃ jitavānhayamāharat || 3 ||
[Analyze grammar]

iti śrutvā hayaṃ nītaṃ damanena svavairiṇā |
ājagāma sa vegena yatrābhūdraṇamaṃḍalam || 4 ||
[Analyze grammar]

tatrāpaśyatsa śatrughno gajāndīrṇakapolakān |
parvatāniva raktode majjamānānmadoddhatān || 5 ||
[Analyze grammar]

hayāstatra nijārohakartṛbhiḥ sahitāḥ kṣatāḥ |
mṛtā vīreṇa dadṛśe śatrughnena sukopinā || 6 ||
[Analyze grammar]

narānrathāngajānbhagnānvīkṣamāṇaḥ sa śatruhā |
atīva cukrudhe yadvatpralaye pralayārṇavaḥ || 7 ||
[Analyze grammar]

purato damanaṃ vīkṣya hayanetāramudbhaṭam |
pratāpāgryasya jetāraṃ tṛṇīkṛtya nijaṃ balam || 8 ||
[Analyze grammar]

tadā rājā pratyuvāca yodhānkopākulekṣaṇaḥ |
ko'sau damana jetā'tra sarvaśastrāstradhārakaḥ || 9 ||
[Analyze grammar]

yo vai rājasutaṃ vīraṃ raṇakarmaviśāradam |
jeṣyatyastreṇa nirbhītaḥ sajjībhūto bhavatvayam || 10 ||
[Analyze grammar]

iti vākyaṃ samākarṇya puṣkalaḥ paravīrahā |
damanaṃ jetumudyukto jagāda vacanaṃ tvidam || 11 ||
[Analyze grammar]

svāminkvāyaṃ damanakaḥ kva te'parimitaṃ balam |
jeṣye'haṃ tvatpratāpena gacchāmyeṣa mahāmate || 12 ||
[Analyze grammar]

sevake mayi yuddhāya sthite kairnīyate hayaḥ |
raghunāthapratāpo'yaṃ sarvaṃ kṛtyaṃ kariṣyati || 13 ||
[Analyze grammar]

svāmiñchṛṇu pratijñāṃ me tava modapradāyinīm |
vijeṣye damanaṃ yuddhe raṇakarmavicakṣaṇam || 14 ||
[Analyze grammar]

rāmacaṃdrapadāṃbhojamadhvāsvādaviyoginām |
yadaghaṃ tu bhavettanme damanaṃ na jayeyadi || 15 ||
[Analyze grammar]

putro yo mātṛpādānyattīrthaṃ matvā tayā saha |
viruddhyettattamo mahyaṃ na jayedamanaṃ yadi || 16 ||
[Analyze grammar]

adya madbāṇanirbhinna mahorasko nṛpāṃgajaḥ |
alaṃkarotu pradhane bhūtalaṃ śayanena hi || 17 ||
[Analyze grammar]

śeṣa uvāca |
iti pratijñāmākarṇya puṣkalasya raghūdvahaḥ |
jaharṣa citte tejasvī nidideśa raṇaṃ prati || 18 ||
[Analyze grammar]

ājñapto'sau yayau sainyairbahubhiḥ parivāritaḥ |
yatrāste damano rājaputraḥ śūrakulodbhavaḥ || 19 ||
[Analyze grammar]

damano'pi tamājñāya hyāgataṃ raṇamaṃḍale |
pratyujjagāma vīrāgryaḥ svasainyaparivāritaḥ || 20 ||
[Analyze grammar]

anyonyaṃ tau saṃmilitau rathasthau rathaśobhinau |
samare śakradaityau kiṃ yuddhārthaṃ raṇamāgatau || 21 ||
[Analyze grammar]

uvāca puṣkalastaṃ vai rājaputraṃ mahābalam |
rājaputra damanaka māṃ jānīhi samāgatam || 22 ||
[Analyze grammar]

sa pratijñaṃ tu yuddhāya bharatātmajamudbhaṭam |
puṣkalena svanāmnā ca lakṣitaṃ viddhisattama || 23 ||
[Analyze grammar]

raghunāthapadāṃbhoja nityasevāmadhuvratam |
tvāṃ jeṣye śastrasaṃghenasajjībhava mahāmate || 24 ||
[Analyze grammar]

iti vākyaṃ samākarṇya damanaḥ paravīrahā |
pratyuvāca hasanvāgmī nirbhayoddṛṣṭavikramaḥ || 25 ||
[Analyze grammar]

subāhuputraṃ damanaṃ pitṛbhakti hṛtāghakam |
viddhi māmaśvanetāraṃ śatrughnasya mahīpateḥ || 26 ||
[Analyze grammar]

jayo daivavisṛṣṭo'yaṃ yasya cālaṃkariṣyati |
sa prāpnoti nirīkṣasva balaṃ me raṇamūrdhani || 27 ||
[Analyze grammar]

ityuktvā sa śaraṃ cāpaṃ vidhāyākarṇapūritam |
mumoca bāṇānniśitānvairiprāṇāpahāriṇaḥ || 28 ||
[Analyze grammar]

te bāṇāstvāvilībhūtāśchādayāmāsuraṃbaram |
sūryabhānuprabhā yatra bāṇacchāyānivāritā || 29 ||
[Analyze grammar]

gajānāṃ kaṭabhittyoghe lagnā sāyakasaṃtatiḥ |
alaṃkaroti dhātūnāṃ rāgā iva vicitritāḥ || 30 ||
[Analyze grammar]

patitāstatra dṛśyaṃte narā vāhā gajā rathāḥ |
śaravrātena nṛpateḥ sutena paritāḍitāḥ || 31 ||
[Analyze grammar]

tadvikrāṃtaṃ samālokya puṣkalaḥ paravīrahā |
śarāṇāṃ chāyayā vyāptaṃ raṇamaṃḍalamīkṣya ca || 32 ||
[Analyze grammar]

śarāsane samādhatta bāṇaṃ vahnyabhimaṃtritam |
ācamya samyagvidhivanmocayāmāsa sāyakam || 33 ||
[Analyze grammar]

tato'gniprādurabhavattatra saṃgrāmamūrdhani |
jvālābhirvilihanvyoma pralayāgnirivotthitaḥ || 34 ||
[Analyze grammar]

tato'sya sainyaṃ nirdagdhaṃ trāsaṃ prāptaṃ raṇāṃgaṇe |
palāyanaparaṃ jātaṃ vahnijvālābhipīḍitam || 35 ||
[Analyze grammar]

chatrāṇi tu pradagdhāni caṃdrākārāṇi dhanvinām |
dṛśyaṃte jātarūpābha kāṃtidhārīṇi tatra ha || 36 ||
[Analyze grammar]

hayā dagdhāḥ palāyaṃte kesareṣu ca vairiṇām |
rathā api gatā dāhaṃ sukūbarasamanvitāḥ || 37 ||
[Analyze grammar]

maṇimāṇikyaratnāni vahaṃtaḥ karabhāstataḥ |
palāyaṃte dahanabhū jvālāmālābhipīḍitāḥ || 38 ||
[Analyze grammar]

kutraciddaṃtino naṣṭāḥ kutraciddhayasādinaḥ |
kutracitpattayo naṣṭā vahnidagdhakalevarāḥ || 39 ||
[Analyze grammar]

śarāḥ sarve nṛpasutapramuktāḥ pralayaṃ gatāḥ |
āśuśukṣaṇikīlābhirbhasmībhūtāḥ samaṃtataḥ || 40 ||
[Analyze grammar]

tadā svasainye dagdhe ca damano roṣapūritaḥ |
sarvāstravittacchāṃtyarthaṃ vāruṇāstramathā dade || 41 ||
[Analyze grammar]

vāruṇaṃ vahniśāṃtyarthaṃ muktaṃ tena mahībhṛtā |
āplāvayadbalaṃ tasya rathavājisamākulam || 42 ||
[Analyze grammar]

rathā viplāvitāstoye dṛśyaṃte paripaṃthinām |
gajāścāpi paripluṣṭāḥ svīyāḥ śāṃtimupāgatāḥ || 43 ||
[Analyze grammar]

vahniśca śāṃtimagamadagnyastra parimocitaḥ |
śāṃtimāpa balaṃ svīyaṃ vahnijvālābhipīḍitam || 44 ||
[Analyze grammar]

kaṃpitāḥ śītatoyena sītkurvaṃti ca vairiṇaḥ |
karakāvṛṣṭibhiḥ kṣiptā vāyunā ca prapīḍitāḥ || 45 ||
[Analyze grammar]

tadā svabalamālokya toyapūreṇa pīḍitam |
kaṃpitaṃ kṣubhitaṃ naṣṭaṃ vāruṇena vinirhṛtam || 46 ||
[Analyze grammar]

tadātikopatāmrākṣaḥ puṣkalo bharatātmajaḥ |
vāyavyāstraṃ samādhatta dhanuṣyekaṃ mahāśaram || 47 ||
[Analyze grammar]

tato vāyurmahānāsīdvāyavyāstrapracoditaḥ |
nāśayāmāsa vegena ghanānīkamupasthitam || 48 ||
[Analyze grammar]

vāyunā sphālitā nāgāḥ parasparasamāhatāḥ |
aśvāśca saṃhatānyonyaṃ svasvārohasamanvitāḥ || 49 ||
[Analyze grammar]

narāḥ prabhaṃjanoddhūtā muktakeśā nirojasaḥ |
pataṃto'tra samīkṣyaṃte vetālā iva bhūgatāḥ || 50 ||
[Analyze grammar]

vāyunā svabalaṃ sarvaṃ paribhūtaṃ vilokya saḥ |
rājaputraḥ parvatāstraṃ dhanuṣyevaṃ samādadhe || 51 ||
[Analyze grammar]

tadā tu parvatāḥ peturmastakopari yudhyatām |
vāyuḥ saṃcchāditastaistu na pracakrāma kutracit || 52 ||
[Analyze grammar]

puṣkalo vajrasaṃjñaṃ tu samādhatta śarāsane |
vajreṇa kṛttāste sarve jātāśca tilaśaḥ kṣaṇāt || 53 ||
[Analyze grammar]

vajraṃ nagānrajaḥ śeṣānkṛtvā bāṇābhimaṃtritam |
rājaputrorasi proccaiḥ papāta svanavadbhṛśam || 54 ||
[Analyze grammar]

satvākulitacetasko hṛdi viddhaḥ kṣato bhṛśam |
vivyathe balavānvīraḥ kaśmalaṃ paramāpa saḥ || 55 ||
[Analyze grammar]

taṃ vai kaśmalitaṃ dṛṣṭvā sārathirnayakovidaḥ |
apovāha raṇāttasmātkrośamātraṃ nareṃdrajam || 56 ||
[Analyze grammar]

tato yodhā rājasūnoḥ praṇaṣṭāḥ prapalāyitāḥ |
gatvā purīṃ samācakhyuḥ kaśmalasthaṃ nṛpātmajam || 57 ||
[Analyze grammar]

puṣkalo jayamāpyaivaṃ raṇamūrdhani dharmavit |
na prahartuṃ punaḥ śakto raghunāthavacaḥ smaran || 58 ||
[Analyze grammar]

tato duṃdubhinirghoṣo jayaśabdo mahānabhūt |
sādhusādhviti vācaśca prāvartaṃta manoharāḥ || 59 ||
[Analyze grammar]

harṣaṃ prāpa sa śatrughno jayinaṃ vīkṣya puṣkalam |
praśaśaṃsa sumatyādi maṃtribhiḥ parivāritaḥ || 60 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
puṣkalavijayonāma caturviṃśatitamo'dhyāyaḥ || 24 ||
[Analyze grammar]