Chapter 21

[English text for this chapter is available]

sumatiruvāca |
etanmāhātmyamatulaṃ gaṃḍakyāḥ karṇagocaram |
kṛtvā kṛtārthamātmānamamanyata nṛpottamaḥ || 1 ||
[Analyze grammar]

snātvā tīrthe pitṝnsarvānsaṃtarpya jahṛṣe mahān |
śālagrāmaśilāpūjāṃ kurvanvāḍavavākyataḥ || 2 ||
[Analyze grammar]

caturviṃśacchilāstatra gṛhītvā sa nṛpottamaḥ |
pūjayāmāsa premṇā ca caṃdanādyupacārakaiḥ || 3 ||
[Analyze grammar]

tatra dānāni dattvā ca dīnāṃdhebhyo viśeṣataḥ |
gaṃtuṃ pracakrame rājā puruṣottamamaṃdiram || 4 ||
[Analyze grammar]

evaṃ krameṇa saṃprāpto gaṃgāsāgarasaṃgamam |
kṛtvākṣigocaraṃ taṃ ca brāhmaṇaṃ pṛṣṭavānmudā || 5 ||
[Analyze grammar]

svāminvada kiyaddūre nīlākhyaḥ parvato mahān |
puruṣottamasaṃvāsaḥ surāsuranamaskṛtaḥ || 6 ||
[Analyze grammar]

tadā śrutvā mahadvākyaṃ ratnagrīvasya bhūpateḥ |
uvāca vismayāviṣṭo rājānaṃ prati sādaram || 7 ||
[Analyze grammar]

rājannetatsthalaṃ nīlaparvatasya namaskṛtam |
kimarthaṃ dṛśyate naiva mahāpuṇyaphalapradam || 8 ||
[Analyze grammar]

punaḥpunaruvācedaṃ sthalaṃ nīlasya bhūbhṛtaḥ |
kathaṃ na dṛśyate rājanpuruṣottamavāsabhṛt || 9 ||
[Analyze grammar]

atra snātaṃ mayā samyagatra bhillākṣigocarāḥ |
anenaiva pathā rājannārūḍhaṃ parvatopari || 10 ||
[Analyze grammar]

iti tadvākyamākarṇya vivyathe mānase nṛpaḥ |
nīlabhūdharadarśāya kurvannutkaṃṭhitaṃ manaḥ || 11 ||
[Analyze grammar]

uvāca tatkathaṃ vipra dṛśyeta puruṣottamaḥ |
kathaṃ vā dṛśyate nīlastadupāyaṃ vadasva naḥ || 12 ||
[Analyze grammar]

tadā vākyaṃ samākarṇya ratnagrīvasya bhūpateḥ |
tāpaso brāhmaṇo vākyamuvāca nṛpa vismitaḥ || 13 ||
[Analyze grammar]

gaṃgāsāgarasaṃyoge snātvāsmābhirmahīpate |
sthātavyaṃ tāvadevātra yāvannīlo na dṛśyate || 14 ||
[Analyze grammar]

gīyate pāpahā devaḥ puruṣottamasaṃjñitaḥ |
kariṣyate kṛpāmāśu bhaktavatsalanāmadhṛk || 15 ||
[Analyze grammar]

tyajatyasau na vai bhaktāndevadevaśiromaṇiḥ |
aneke rakṣitā bhaktāstadgāyasva mahāmate || 16 ||
[Analyze grammar]

iti vākyaṃ samākarṇya rājā vyathitacetasā |
snātvā gaṃgābdhisaṃyoge tatonaśanamādadhāt || 17 ||
[Analyze grammar]

kariṣyati kṛpāṃ yarhi darśane puruṣottamaḥ |
pūjāṃ kṛtvāśanaṃ kuryāmanyathānaśanaṃ vratam || 18 ||
[Analyze grammar]

iti kṛtvā sa niyamaṃ gaṃgāsāgararodhasi |
gāyanhariguṇagrāmamupavāsamathācarat || 19 ||
[Analyze grammar]

rājovāca |
jaya dīnadayākaraprabho jaya duḥkhāpaha maṅgalāhvaya |
jaya bhaktajanārtināśana kṛtavarṣmañjayaduṣṭaghātaka || 20 ||
[Analyze grammar]

aṃbarīṣamatha vīkṣya duḥkhitaṃ vipraśāpahatasarvamaṅgalam |
dhārayannijakare sudarśanaṃ saṃrarakṣa jaṭharādhivāsataḥ || 21 ||
[Analyze grammar]

daityarāja pitṛkāritavyathaḥ śūlapāśajalavahnipātanaiḥ |
śrīnṛsiṃhatanudhāriṇā tvayā rakṣitaḥ sapadi paśyataḥ pituḥ || 22 ||
[Analyze grammar]

grāhavaktrapatitāṃghrimudbhaṭaṃ vāraṇeṃdramatiduḥkhapīḍitam |
vīkṣya sādhukaruṇārdramānasastvaṃ garutmati kṛtāruhakriyaḥ || 23 ||
[Analyze grammar]

tyaktapakṣipatirāttacakrako vegakaṃpayutamālikāṃbaraḥ |
gīyase subhiramuṣya na krato mocakaḥ sapadi tadvināśakaḥ || 24 ||
[Analyze grammar]

yatrayatra tava sevakārdanaṃ tatra tatra bata dehadhāriṇā |
pālyate ca bhavatā nijaḥ prabho pāpahāricaritairmanoharaiḥ || 25 ||
[Analyze grammar]

dīnanātha suramaulihīrakāghṛṣṭapādatala bhaktavallabha |
pāpakoṭiparidāhaka prabho darśayasva nijadarśanaṃ mama || 26 ||
[Analyze grammar]

pāpakṛdyadi janoyamāgato mānase tava tathā hi darśaya |
tāvakā vayamaghaughanāśanaṃ vismṛtaṃ nahi surāsurārcita || 27 ||
[Analyze grammar]

ye vadaṃti tava nāma nirmalaṃ te taraṃti sakalāghasāgaram |
saṃsmṛtiryadi kṛtā tadā mayā prāpyatāṃ sakaladuḥkhavāraka || 28 ||
[Analyze grammar]

sumatiruvāca |
evaṃ gāyanguṇānrātrau divā vāpi mahīpatiḥ |
kṣaṇamātraṃ na viśrāṃto nidrāmāpa na vai sukham || 29 ||
[Analyze grammar]

gāyangacchangṛṇaṃstiṣṭhanvadatyetadaharniśam |
darśayasva kṛpānātha svatanuṃ puruṣottama || 30 ||
[Analyze grammar]

evaṃ rājñaḥ paṃcadinaṃ gataṃ gaṃgābdhisaṃgame |
tadā kṛpābdhiḥ kṛpayā ciṃtayāmāsa gopatiḥ || 31 ||
[Analyze grammar]

asau rājā madīyena gānena vigatāghakaḥ |
paśya tānmāmakīṃ preṣṭhāṃ surāsuranamaskṛtām || 32 ||
[Analyze grammar]

iti saṃciṃtya bhagavānkṛpāpūritamānasaḥ |
saṃnyāsiveṣamāsthāya yayau rājñoṃ'tikaṃ vibhuḥ || 33 ||
[Analyze grammar]

tatra gatvā mahārāja tridaṃḍiyativeṣadhṛk |
bhaktānukaṃpayā prāpto vīkṣitastāpasena hi || 34 ||
[Analyze grammar]

oṃnamo viṣṇavetyuktvā namaścakre nṛpottamaḥ |
arghyapādyāsanaiḥ pūjāṃ cakāra harimānasaḥ || 35 ||
[Analyze grammar]

uvāca bhāgyamatulaṃ yadbhavānakṣigocaraḥ |
ataḥ paraṃ dāsyate me goviṃdo nijadarśanam || 36 ||
[Analyze grammar]

iti śrutvā tu tadvākyaṃ saṃnyāsī nijagāda tam |
rājañchṛṇuṣva kathitaṃ mama vākyaviniḥsṛtam || 37 ||
[Analyze grammar]

ahaṃ jñānena jānāmi bhūtaṃ bhavyaṃ bhavacca yat |
tasmādahaṃ bruve kiṃcicchṛṇuṣvaikāgramānasaḥ || 38 ||
[Analyze grammar]

śvo madhyāhne harirdātā darśanaṃ brahmadurllabham |
paṃcabhiḥ svajanaiḥ sākaṃ yāsyase paramaṃ padam || 39 ||
[Analyze grammar]

tvamamātyaśca mahilā tava tāpasa vāḍavaḥ |
pure tava karaṃbākhyaḥ sādhuśca taṃ tu vāyakaḥ || 40 ||
[Analyze grammar]

etaiḥ paṃcabhiretasminnīle parvatasattame |
yāsyase brahmadeveṃdra vaṃditaṃ surapūjitam || 41 ||
[Analyze grammar]

ityuktvā'dṛśyatāṃ prāpto yatiḥ kvāpi na dṛśyate |
tadākarṇya nṛpo harṣaṃ prāpa cāśu savismayam || 42 ||
[Analyze grammar]

rājovāca |
svāminko'sau samāgatya saṃnyāsī māṃ yadūcivān |
na dṛśyate punaḥ kutra gato'sau cittaharṣadaḥ || 43 ||
[Analyze grammar]

tāpasa uvāca |
rājaṃstava mahāpremṇā kṛṣṭacittaḥ samabhyagāt |
puruṣottamanāmāyaṃ sarvapāpapraṇāśanaḥ || 44 ||
[Analyze grammar]

śvomadhyāhne tava puro bhaviṣyati mahāngiriḥ |
tamāruhya hariṃ dṛṣṭvā kṛtārthastvaṃ bhaviṣyasi || 45 ||
[Analyze grammar]

itivākyasudhāpūra nāśitasvāṃta saṃjvaraḥ |
harṣaṃ yamāpa sa nṛpo brahmāpi na hi vetti tam || 46 ||
[Analyze grammar]

tadā duṃdubhayo nedurvīṇāpaṇavagomukhāḥ |
mahānaṃdastadā hyāsīdrājarājasya cetasi || 47 ||
[Analyze grammar]

gāyanhariṃ kṣaṇaṃ tiṣṭhanhasañjalpanbruvannaman |
ānaṃdaṃ prāpa sughanaṃ sarvasaṃtāpanāśanam || 48 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
saṃnyāsidarśanaṃnāma ekaviṃśo'dhyāyaḥ || 21 ||
[Analyze grammar]