Chapter 12

[English text for this chapter is available]

śeṣa uvāca |
ityuktavaṃtaṃ svapatiṃ vīkṣya premṇā sunirbharam |
pratyuvāca hasaṃtīva kiṃcidgadgadabhāṣiṇī || 1 ||
[Analyze grammar]

nātha te vijayobhūyātsarvatra raṇamaṃḍale |
śatrughnājñā prakartavyā hayarakṣā yathā bhavet || 2 ||
[Analyze grammar]

smaraṇīyā hi sarvatra sevikā tvatpadānugā |
kadāpi mānasaṃ nātha tvatto nānyatra gacchati || 3 ||
[Analyze grammar]

paramāyodhane kāṃta smartavyāhaṃ na jātucit |
satyāṃ mayi tava svāṃte yuddhe vijayasaṃśayaḥ || 4 ||
[Analyze grammar]

padmanetra tathā kāryamūrmilādyā yathā mama |
hāsyaṃ naiva prakurvaṃti māṃ vīkṣya karatāḍanaiḥ || 5 ||
[Analyze grammar]

iyaṃ patnī mahābhīroḥ saṃgrāme prapalāyituḥ |
kātarā yarhi yuddhyaṃti śūrāṇāṃ samayaḥ kutaḥ || 6 ||
[Analyze grammar]

ityevaṃ na hasaṃtyuccairyathā me devarāṃganāḥ |
tathā kāryaṃ mahābāho rāmasya hayarakṣaṇe || 7 ||
[Analyze grammar]

yoddhā tvamādau sarvatra pare ye tava pṛṣṭhataḥ |
dhanuṣṭaṃkārabadhirāḥ kriyaṃtāṃ balinaḥ pare || 8 ||
[Analyze grammar]

tavaprodyatkarāṃbhoja karavālabhiyā balam |
pareṣāṃ bhavatātkṣipramanyonya bhayavyākulam || 9 ||
[Analyze grammar]

kulaṃ mahadalaṃ kāryaṃ parānvijayatā tvayā |
gaccha svāminmahābāho tava śreyo bhavatviha || 10 ||
[Analyze grammar]

idaṃ dhanurgṛhāṇāśu mahadguṇavibhūṣitam |
yasya garjitamākarṇya vairivṛṃdaṃ bhayāturam || 11 ||
[Analyze grammar]

imau te tviṣudhī vīra badhyetāṃ śaṃ yathā bhavet |
vairikoṭiviniṣpeṣa bāṇakoṭi supūritau || 12 ||
[Analyze grammar]

kavacaṃ tvidamādhehi śarīre kāmasuṃdare |
vajraprabhā mahādīpti hatasaṃtamasaṃdṛḍham || 13 ||
[Analyze grammar]

śirastrāṇaṃ nijottaṃse kuru kāṃta manoramam |
imeva taṃse viśade maṇiratnavibhūṣite || 14 ||
[Analyze grammar]

iti suvimalavācaṃ vīraputrīṃ prapaśyan |
nayanakamaladṛṣṭyā vīkṣamāṇastaṃdaṃgam |
adhigataparimodo bhāratiḥ śatrujetā |
raṇakaraṇasamarthastāṃ jagādātidhīraḥ || 15 ||
[Analyze grammar]

puṣkala uvāca |
kāṃte yattvaṃ vadasi māṃ tathā sarvaṃ carāmyaham |
vīrapatnī bhavetkīrtistava kāṃtimatīpsitā || 16 ||
[Analyze grammar]

iti kāṃtimatīdattaṃ kavacaṃ mukuṭaṃ varam |
dhanurmaheṣudhīkhaḍgaṃ sarvaṃ jagrāha vīryavān || 17 ||
[Analyze grammar]

paridhāya ca tatsarvaṃ bahuśo bhāsamanvitaḥ |
śuśubhe'tīva subhaṭaḥ sarvaśastrāstrakovidaḥ || 18 ||
[Analyze grammar]

tamastraśastraśobhāḍhyaṃ vīramālāvibhūṣitam |
kuṃkumāgurukastūrī caṃdanādikacarcitam || 19 ||
[Analyze grammar]

nānākusumamālābhirājānupariśobhitam |
nīrājayāmāsa muhustatra kāṃtimatī satī || 20 ||
[Analyze grammar]

nīrājayitvā bahuśaḥ kiraṃtī mauktikairmuhuḥ |
galadaśrucalannetrā parirebhe patiṃ nijam || 21 ||
[Analyze grammar]

dṛḍhaṃ saparirabhyaitāṃ ciramāśvāsayattadā |
vīrapatni kāṃtimati virahaṃ mā kṛthā mama || 22 ||
[Analyze grammar]

eṣa gacchāmi savidhe tava bhāme pativrate |
ityuktvā tāṃ nijāṃ patnīṃ rathamāruruhe varam || 23 ||
[Analyze grammar]

taṃ prayāṃtaṃ patiṃ śreṣṭhaṃ nayanairnimiṣojjhitaiḥ |
vilokayāmāsa tadā pativrataparāyaṇā || 24 ||
[Analyze grammar]

sa yayau janakaṃ draṣṭuṃ jananīṃ premavihvalām |
gatvā pitaramaṃbāṃ ca vavaṃde śirasā mudā || 25 ||
[Analyze grammar]

mātā putraṃ pariṣvajya svāṃkamāropayattadā |
muṃcaṃtī bāṣpanicayaṃ svastyastviti jagāda sā || 26 ||
[Analyze grammar]

pitaraṃ prāha bharataṃ rāmo yajñakaraḥ paraḥ |
pālanīyo lakṣmaṇena bhavadbhiśca mahātmabhiḥ || 27 ||
[Analyze grammar]

ājñapto'sau jananyā ca pitrā hṛṣitayā girā |
yayau śatrughnakaṭakaṃ mahāvīravibhūṣitam || 28 ||
[Analyze grammar]

rathibhiḥ pattibhirvīraiḥ sadaśvaiḥ sādibhirvṛtaḥ |
yayau mudā raghūttaṃsa mahāyajñahayāgraṇīḥ || 29 ||
[Analyze grammar]

gacchanpāṃcāladeśāṃśca kurūṃścaivottarānkurūn |
daśārṇāñchrīviśālāṃśca sarvaśobhāsamanvitaḥ || 30 ||
[Analyze grammar]

tatra tatropaśṛṇvāno raghuvīrayaśo'khilam |
rāvaṇāsuraghātena bhaktarakṣāvidhāyakam || 31 ||
[Analyze grammar]

punaśca hayamedhādi kāryamārabhya pāvanam |
yaśo vitanvanbhuvane lokānrāmo'vitā bhayāt || 32 ||
[Analyze grammar]

tebhyastuṣṭo dadau hārānratnāni vividhāni ca |
mahādhanāni vāsāṃsi śatrughnaḥ pravaro mahān || 33 ||
[Analyze grammar]

sumatirnāma tejasvī sarvavidyāviśāradaḥ |
raghunāthasya sacivaḥ śatrughnānucaro varaḥ || 34 ||
[Analyze grammar]

yayau tena mahāvīro grāmāñjanapadānbahūn |
raghunāthapratāpena na kopi hṛtavānhayam || 35 ||
[Analyze grammar]

deśādhipāye bahavo mahābalaparākramāḥ |
hastyaśvarathapādāta caturaṃgasamanvitāḥ || 36 ||
[Analyze grammar]

saṃpado bahuśo nītvā muktāmāṇikyasaṃyutāḥ |
śatrughnaṃ hayarakṣārthamāgataṃ praṇatā muhuḥ || 37 ||
[Analyze grammar]

idaṃ rājyaṃ dhanaṃ sarvaṃ saputrapaśubāṃdhavam |
rāmacaṃdrasya sarvaṃ hi na madīyaṃ raghūdvaha || 38 ||
[Analyze grammar]

evaṃ taduktamākarṇya śatrughnaḥ paravīrahā |
ājñāṃ svāṃ tatra saṃjñāpya yayau taiḥ sahitaḥ pathi || 39 ||
[Analyze grammar]

evaṃ krameṇa saṃprāptaḥ śatrughno hayasaṃyutaḥ |
ahicchatrāṃ purīṃ brahmannānājanasamākulām || 40 ||
[Analyze grammar]

brahmadvijasamākīrṇāṃ nānāratnavibhūṣitām |
sauvarṇaiḥ sphāṭikairharmyairgopuraiḥ samalaṃkṛtām || 41 ||
[Analyze grammar]

yatra raṃbhā tiraskārakāriṇyaḥ kamalānanāḥ |
dṛśyaṃte sarvaharmyeṣu lalanā līlayānvitāḥ || 42 ||
[Analyze grammar]

yatra svācāralalitāḥ sarvabhogaikabhoginaḥ |
dhanadānucarāyadvattathā līlāsamanvitāḥ || 43 ||
[Analyze grammar]

yatra vīrā dhanurhastāḥśarasaṃdhānakovidāḥ |
kurvaṃti tatra rājānaṃ suhṛṣṭaṃ sumadābhidham || 44 ||
[Analyze grammar]

evaṃvidhaṃ dadarśāsau nagaraṃ dūrataḥ prabhuḥ |
pārśve tasya puraśreṣṭhamudyānaṃ śobhayānvitam || 45 ||
[Analyze grammar]

punnāgairnāgacaṃpaiśca tilakairdevadārubhiḥ |
aśokaiḥ pāṭalaiścūtairmaṃdāraiḥkovidārakaiḥ || 46 ||
[Analyze grammar]

āmrajaṃbukadaṃbaiśca priyālapanasaistathā |
śālaistālaistamālaiśca mallikājātiyūthibhiḥ || 47 ||
[Analyze grammar]

nīpaiḥ kadaṃbairbakulaiścaṃpakairmadanādibhiḥ |
śobhitaṃ sadadarśāthaśatrughnaḥparavīrahā || 48 ||
[Analyze grammar]

hayogatastadvanamadhyadeśe |
tamālatālādi suśobhite vai |
yayau tataḥ pṛṣṭhata eva vīro |
dhanurdharaiḥ sevitapādapadmaḥ || 49 ||
[Analyze grammar]

dadarśa ta racitaṃ devāyatanamadbhutam |
iṃdranīlaiśca vaiḍūryaistathā mārakatairapi || 50 ||
[Analyze grammar]

śobhitaṃ surasevārhaṃ kailāsaprasthasannibham |
jātarūpamayaiḥ staṃbhaiḥśobhitaṃ sadmanāṃ varam || 51 ||
[Analyze grammar]

dṛṣṭvātadraghunāthasya bhrātā devālayaṃ varam |
papraccha sumatiṃ svīyaṃ maṃtriṇaṃ vadatāṃvaram || 52 ||
[Analyze grammar]

śatrughna uvāca |
vadāmātya varedaṃ kiṃ kasyadevasya ketanam |
kā devatā pūjyate'tra kasya hetoḥ sthitānagha || 53 ||
[Analyze grammar]

evamākarṇya yathāvadihasarvaśaḥ || 54 ||
[Analyze grammar]

kāmākṣāyāḥ paraṃ sthānaṃ viddhi viśvaikaśarmadam |
yasyā darśanamātreṇa sarvasiddhiḥ prajāpate || 55 ||
[Analyze grammar]

devāsurāstu yāṃ stutvā natvā prāptākhilāṃ śriyam |
dharmārthakāmamokṣāṇāṃ dātrī bhaktānukaṃpinī || 56 ||
[Analyze grammar]

yācitā sumadenātrāhicchatrā patinā purā |
sthitā karoti sakalaṃ bhaktānāṃ duḥkhahāriṇī || 57 ||
[Analyze grammar]

tāṃ namaskuru śatrughna sarvavīra śiromaṇe |
natvāśu siddhiṃ prāpnoṣi sasurāsuradurllabhām || 58 ||
[Analyze grammar]

iti śrutvātha tadvākyaṃ śatrughnaḥ śatrutāpanaḥ |
papraccha sakalāṃ vārtāṃ bhavānyāḥ puruṣarṣabhaḥ || 59 ||
[Analyze grammar]

śatrughna uvāca |
ko'hicchatrāpatī rājā sumadaḥ kiṃ tapaḥ kṛtam |
yeneyaṃ sarvalokānāṃ mātā tuṣṭātra saṃsthitā || 60 ||
[Analyze grammar]

vada sarvaṃ mahāmātya nānārthaparibṛṃhitam |
yathāvattvaṃ hi jānāsi tasmādvada mahāmate || 61 ||
[Analyze grammar]

sumatiruvāca |
hemakūṭo giriḥ pūtaḥ sarvadevopaśobhitaḥ |
tatrāsti tīrthaṃ vimalamṛṣivṛṃdasusevitam || 62 ||
[Analyze grammar]

sumado hi tapastepe hatamātṛpitṛprajaḥ |
aribhiḥ sarvasāmaṃtairjagāma tapase hi tam || 63 ||
[Analyze grammar]

varṣāṇi trīṇi sapadā tvekena manasā smaran |
jagatāṃ mātaraṃ dadhyau nāsāgrastimitekṣaṇaḥ || 64 ||
[Analyze grammar]

varṣāṇi trīṇi śuṣkāṇāṃ parṇānāṃ bhakṣaṇaṃ caran |
cakāra paramugraṃ sa tapaḥ paramaduścaram || 65 ||
[Analyze grammar]

abdāni trīṇi salile śītakāle mamajja saḥ |
grīṣme cacāra paṃcāgnīnprāvṛṭsu jaladonmukhaḥ || 66 ||
[Analyze grammar]

trīṇi varṣāṇi pavanaṃ saṃrudhya svāṃtagocaram |
bhavānīṃ saṃsmarandhīro na ca kiṃcana paśyati || 67 ||
[Analyze grammar]

varṣe tu dvādaśe'tīte dṛṣṭvaitatparamaṃ tapaḥ |
vibhāvya manasātīva śakraḥ paspardha taṃ bhayāt || 68 ||
[Analyze grammar]

ādideśa sakāmaṃ tu parivāraparīvṛtam |
apsarobhiḥ susaṃyuktaṃ brahmeṃdrādijayodyatam || 69 ||
[Analyze grammar]

gaccha kāmasakhe mahyaṃ priyamācara mohana |
sumadasya tapovighnaṃ samācara yathā bhavet || 70 ||
[Analyze grammar]

iti śrutvā mahadvākyaṃ turāsāhaḥ svayaṃprabhuḥ |
uvāca viśvavijaye prauḍhagarvo raghūdvaha || 71 ||
[Analyze grammar]

kāma uvāca |
svāminko'sau hi sumadaḥ kiṃ tapaḥ svalpakaṃ punaḥ |
brahmādīnāṃ tapobhaṃgaṃ karomyasya tu kā kathā || 72 ||
[Analyze grammar]

madbāṇabalanirbhinnaścaṃdrastārāṃ gataḥ purā |
tvamapyahalyāṃ gatavānviśvāmitrastu menikām || 73 ||
[Analyze grammar]

ciṃtāṃ mā kuru deveṃdra sevake mayi saṃsthite |
eṣa gacchāmi sumadaṃ devānpālaya māriṣa || 74 ||
[Analyze grammar]

evamuktvā kāmadevo hemakūṭaṃ giriṃ yayau |
vasaṃtena yutaḥ sakhyā tathaivāpsarasāṃgaṇaiḥ || 75 ||
[Analyze grammar]

vasaṃtastatra sakalānvṛkṣānpuṣpaphalairyutān |
kokilānṣaṭpadaśreṇyā ghuṣṭānāśu cakāra ha || 76 ||
[Analyze grammar]

vāyuḥ suśītalo vāti dakṣiṇāṃ diśamāśritaḥ |
kṛtamālāsarittīra lavaṃgakusumānvitaḥ || 77 ||
[Analyze grammar]

evaṃvidhe vane vṛtte raṃbhānāmāpsarovarā |
sakhībhiḥ saṃvṛtā tatra jagāma sumadāṃtikam || 78 ||
[Analyze grammar]

tatrārabhata gānaṃ sā kinnarasvaraśobhanā |
mṛdaṃgapaṇavānekavādyabhedaviśāradā || 79 ||
[Analyze grammar]

tadgānamākarṇya narādhipo'sau |
vasaṃtamālokya manoharaṃ ca |
tathānyapuṣṭāraṭitaṃ manoramaṃ |
cakāra cakṣuḥ parivartanaṃ budhaḥ || 80 ||
[Analyze grammar]

taṃ prabuddhaṃ nṛpaṃ vīkṣya kāmaḥ puṣpāyudhastvaran |
cakāra satvaraṃ sajyaṃ dhanustatpṛṣṭhato'nagha || 81 ||
[Analyze grammar]

ekāpsarāstatra nṛpasya pādayoḥ |
saṃvāhanaṃ nartitanetrapallavā |
cakāra cānyā tu kaṭākṣamokṣaṇaṃ |
cakāra kācidbhṛśamaṃgaceṣṭitam || 82 ||
[Analyze grammar]

apsarobhistathākīrṇaḥ kāmavihvalamānasaḥ |
ciṃtayāmāsa matimāñjiteṃdriyaśiromaṇiḥ || 83 ||
[Analyze grammar]

etā me tapaso vighnakāriṇyo'psarasāṃ varāḥ |
śakreṇa preṣitāḥ sarvāḥ kariṣyaṃti yathātatham || 84 ||
[Analyze grammar]

iti saṃciṃtya sutapāstā uvāca varāṃganāḥ |
kā yūyaṃ kutra saṃsthāḥ kiṃ bhavatīnāṃ cikīrṣitam || 85 ||
[Analyze grammar]

atyadbhutaṃ jātamaho yadbhavatyo'kṣigocarāḥ |
yāstapobhiḥ suduṣprāpyāstā me tapasa āgatāḥ || 86 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe kāmākṣo |
pākhyānaṃ nāma dvādaśo'dhyāyaḥ || 12 ||
[Analyze grammar]