Chapter 11

[English text for this chapter is available]

śeṣa uvāca |
evamājñāpya bhagavānrāmaścāmitrakarṣaṇaḥ |
vīrānālokayanbhūyo jagāda śubhayā girā || 1 ||
[Analyze grammar]

śatrughnasya mama bhrāturvājirakṣākarasya vai |
ko gaṃtā pṛṣṭhato rakṣaṃstannideśaprapālakaḥ || 2 ||
[Analyze grammar]

yaḥ sarvavīrānpratimukhyamāgatānvinirjayenmarmabhidastrasaṃghaiḥ |
gṛhṇātvasau me karavīṭakaṃ tadbhūmau yaśaḥ svaṃ prathayansuvistaram || 3 ||
[Analyze grammar]

ityuktavati rāme tu puṣkalo bharatātmajaḥ |
jagrāha vīṭakaṃ tasmādraghurājakarāṃbujāt || 4 ||
[Analyze grammar]

svāmingacchāmi śatrughna pṛṣṭharakṣākaro'nvaham |
sannaddhaḥ sarvaśastrāstra cāpabāṇadharaḥ prabho || 5 ||
[Analyze grammar]

sarvamadya kṣititalaṃ tvatpratāpo vijeṣyate |
ete nimittabhūtā vai rāmacaṃdra mahāmate || 6 ||
[Analyze grammar]

bhavatkṛpātaḥ sakalaṃ sasurāsuramānuṣam |
upasthitaṃ prayuddhāya tanniṣedhe kṣamo hyaham || 7 ||
[Analyze grammar]

sarvaṃ svāmī jñāsyati yanmamavikrama darśanāt |
eṣa gaṃtāsmi śatrughna pṛṣṭharakṣāprakārakaḥ || 8 ||
[Analyze grammar]

evaṃ bruvaṃtaṃ bharatātmajaṃ sa prastūya sādhvityanumodamānaḥ |
śaśaṃsa sarvānkapivīramukhyānprabhaṃjanodbhūtamukhānhariḥ prabhuḥ || 9 ||
[Analyze grammar]

bho hanūmanmahāvīra śṛṇu madvākyamādṛtaḥ |
tvatprasādānmayā prāptamidaṃ rājyamakaṃṭakam || 10 ||
[Analyze grammar]

sītayā mama saṃyoge yo bhavāñjaladhiṃ tareḥ |
caritaṃ taddhare vedmi sarvaṃ tava kapīśvara || 11 ||
[Analyze grammar]

tvaṃ gaccha mama sainyasya pālakaḥ sanmamājñayā |
śatrughnaḥ sodaro mahyaṃ pālanīyastvahaṃ yathā || 12 ||
[Analyze grammar]

yatra yatra matibhraṃśaḥ śatrughnasya prajāyate |
tatra tatra praboddhavyo bhrātā mama mahāmate || 13 ||
[Analyze grammar]

iti śrutvā mahadvākyaṃ rāmacaṃdrasya dhīmataḥ |
śirasā tatsamādhāya praṇāmamakarottadā || 14 ||
[Analyze grammar]

athādiśanmahārājo jāṃbavaṃtaṃ kapīśvaram |
raghunāthasya sevāyai kapiṣūttamatejasam || 15 ||
[Analyze grammar]

aṃgado gavayo maiṃdastathā dadhimukhaḥ kapiḥ |
sugrīvaḥ plavagādhīśaḥ śatavalyakṣikau kapī || 16 ||
[Analyze grammar]

nīlo nalo manovego'dhigaṃtā vānarāṃgajaḥ |
ityevamādayo yūyaṃ sajjībhūtā bhavaṃtu bhoḥ || 17 ||
[Analyze grammar]

sarvairgajaiḥ sadaśvaiśca taptahāṭakabhūṣaṇaiḥ |
kavacaiḥ saśirastrāṇairbhūṣitāyāṃ tu satvarāḥ || 18 ||
[Analyze grammar]

śeṣa uvāca |
sumaṃtramāhūya sumaṃtriṇaṃ tadā jagāda rāmo balavīryaśobhanaḥ |
amātyamaule vada ke'tra yojyā narā hayaṃ pālayituṃ samarthāḥ || 19 ||
[Analyze grammar]

taduktamevamākarṇya jagāda paravīrahā |
hayasya rakṣaṇe yogyānbalino'tra narādhipān || 20 ||
[Analyze grammar]

raghunātha śṛṇuṣvaitānnavavīrānsusaṃhitān |
dhanurdharānmahāvidyānsarvaśastrāstrakovidān || 21 ||
[Analyze grammar]

pratāpāgryaṃ nīlaratnaṃ tathā lakṣmīnidhiṃ nṛpam |
riputāpaṃ cograhayaṃ tathā śastravidaṃ nṛpam || 22 ||
[Analyze grammar]

rājanyo'sau nīlaratno mahāvīro rathāgraṇīḥ |
sa eva lakṣaṃ rakṣeta lakṣaṃ yudhyeta nirbhayaḥ || 23 ||
[Analyze grammar]

akṣauhiṇībhirdaśabhiryātu vāhasya rakṣaṇe |
daṃśitaissa śirastrāṇairmama bāhubhiruddhataiḥ || 24 ||
[Analyze grammar]

pratāpāgryo yo hyayaṃ ca ripugarvamaśātayat |
savyāpasavyabāṇānāṃ moktā sarvāstravittamaḥ || 25 ||
[Analyze grammar]

eṣo'kṣauhiṇiviṃśatyā yātu yajñahayāvane |
sannaddho ripunāśāya yuvāko daṃḍadaṃḍabhṛt || 26 ||
[Analyze grammar]

tathā lakṣmīnidhistveṣa yātu rājanyasattamaḥ |
yastapobhiḥ śatadhṛtiṃ prasādyāstrāṇi cābhyasat || 27 ||
[Analyze grammar]

brahmāstraṃ pāśupatyāstraṃ gāruḍaṃ nāgasaṃjñitam |
māyūraṃ nākulaṃ raudraṃ vaiṣṇavaṃ meghasaṃjñitam || 28 ||
[Analyze grammar]

vajraṃ pārvatasaṃjñaṃ ca tathā vāyavyasaṃjñitam |
ityādikānāmastrāṇāṃ saṃprayogavisargavit || 29 ||
[Analyze grammar]

sa eṣa nijasainyānāmakṣauhiṇyaikayā yutaḥ |
prayātu śūramukuṭaḥ sarvavairiprabhaṃjanaḥ || 30 ||
[Analyze grammar]

riputāpo'yamevādya gacchatvagryo dhanurbhṛtām |
sarvaśastrāstrakuśalo ripuvaṃśadavānalaḥ || 31 ||
[Analyze grammar]

gacchatātsenayā bahvyā caturaṃgasametayā |
śatrughnājñāṃ śirasyete dadhatvadya balotkaṭāḥ || 32 ||
[Analyze grammar]

ugrāśvo'pi mahārājā tathā śastravideṣa ca |
sarve yāṃtu susaṃnaddhāstava vāhasya pālakāḥ || 33 ||
[Analyze grammar]

iti bhāṣitamākarṇya maṃtriṇaḥ prajaharṣa ca |
ājñāpayāmāsa ca tānsumaṃtrakathitānbhaṭān || 34 ||
[Analyze grammar]

te'nujñāṃ raghunāthasya prāpya modaṃ prapedire |
cirakālaṃ sāṃparāyaṃ vāṃcchaṃto yuddhadurmadāḥ || 35 ||
[Analyze grammar]

sannaddhāḥ kavacādyaiśca tathā śastrāstravartanaiḥ |
yayuḥ śatrughnasaṃvāsaṃ sītāpati praṇoditāḥ || 36 ||
[Analyze grammar]

śeṣa uvāca |
athokta ṛṣiṇā rāmo vidhinā pūjayatkramāt |
ācāryādīnṛṣīnsarvānyathoktavaradakṣiṇaiḥ || 37 ||
[Analyze grammar]

ācāryāya dadau rāmo hastinaṃ ṣaṣṭihāyanam |
hayamekaṃ manovegaṃ ratnamālāvibhūṣitam || 38 ||
[Analyze grammar]

pauraṭaṃ rathamekaṃ ca maṇiratnavibhūṣitam |
caturbhirvājibhiryuktaṃ sarvopaskarasaṃyutam || 39 ||
[Analyze grammar]

maṇilakṣaṃ tu pratyakṣaṃ muktāphalatulāśatam |
vidrumasya tulānāṃ tu sahasraṃ sphuṭatejasām || 40 ||
[Analyze grammar]

grāmamekaṃ susaṃpannaṃ nānājanasamākulam |
vicitrasasyaniṣpannaṃ vividhairmaṃdirairvṛtam || 41 ||
[Analyze grammar]

brahmaṇe'pi tathaivādāddhotre'pyadhvaryave dadau |
ṛtvigbhyo bhūriśo dattvā praṇanāma raghūttamaḥ || 42 ||
[Analyze grammar]

sarve te vividhā vāgbhirāśīrbhirabhipūjitāḥ |
ciraṃjīva mahārāja rāmacandra raghūdvaha || 43 ||
[Analyze grammar]

kanyādānaṃ bhūmidānaṃ gajadānaṃ tathaiva ca |
aśvadānaṃ svarṇadānaṃ tiladānaṃ samauktikam || 44 ||
[Analyze grammar]

annadānaṃ payodānamabhayaṃ dānamuttamam |
ratnadānāni sarvāṇi viprebhyaścādiśanmahān || 45 ||
[Analyze grammar]

dehi dehi dhanaṃ dehi māneti brūhi kasyacit |
dadātvannaṃ dadātvannaṃ sarvabhogasamanvitam || 46 ||
[Analyze grammar]

itthaṃ prāvartata makho raghunāthasya dhīmataḥ |
sadakṣiṇo dvijavaraiḥ pūrṇaḥ sarvaśubhakriyaḥ || 47 ||
[Analyze grammar]

atha rāmānujo gatvā mātaraṃ praṇanāma ha |
ājñāpayāśvarakṣārthameṣa gacchāmi śobhane || 48 ||
[Analyze grammar]

tvatkṛpāto ripukulaṃ jitvā śobhāsamanvitaḥ |
āyāsyāmi mahārājairhayavaryasamanvitaḥ || 49 ||
[Analyze grammar]

mātovāca |
putra gaccha mahāvīra śivāḥ paṃthāna eva te |
sarvānripugaṇāñjitvā punarāgaccha sanmate || 50 ||
[Analyze grammar]

puṣkalaṃ pālaya nijabhrātṛjaṃ dharmavittamam |
mahābalinamadyāpi bālakaṃ līlayāyutam || 51 ||
[Analyze grammar]

putrāgacchasi cedyuktaḥ puṣkalena śubhānvitaḥ |
tadā mama pramodaḥ syādanyathā śokabhāgaham || 52 ||
[Analyze grammar]

iti saṃbhāṣyamāṇāṃ svāṃ mātaraṃ pratyuvāca saḥ |
tvadīyacaraṇadvaṃdvaṃ smaranprāpsyāmi śobhanam || 53 ||
[Analyze grammar]

puṣkalaṃ pālayitvāhaṃ nijāṃgamiva śobhane |
svanāmasadṛśaṃ kṛtvā punareṣyāmi modavān || 54 ||
[Analyze grammar]

ityuktvā prayayau vīro rāmaṃ sa makhamaṃḍape |
āsīnaṃ munivaryāgryairyajñaveṣadharaṃ varam || 55 ||
[Analyze grammar]

uvāca matimānvīraḥ sarvaśobhāsamanvitaḥ |
rāmājñāpaya rakṣārthaṃ hayasyānujñayā tava || 56 ||
[Analyze grammar]

raghunātho'pi tacchrutvā bhadramastviti cābravīt |
bālaṃ striyaṃ pramattaṃ tvaṃ mā hanyāḥ śastravarjitam || 57 ||
[Analyze grammar]

tadā lakṣmīnidhirbhrātā jānakyā janakātmajaḥ |
prahasya kiṃcinnayane nartayanrāmamabravīt || 58 ||
[Analyze grammar]

lakṣmīnidhiruvāca |
rāmacaṃdra mahābāho sarvadharmaparāyaṇa |
śatrughnaṃ śikṣaya tathā yathā lokottaro bhavet || 59 ||
[Analyze grammar]

kulocitaṃ karma kurvannagrajācaritaṃ tathā |
gacchetsa paramaṃ dhāma tejobalasamanvitam || 60 ||
[Analyze grammar]

tvayā proktaṃ mahārāja brāhmaṇaṃ nāvamānayet |
pitrā tava hato vipraḥ pitṛbhaktiparāyaṇaḥ || 61 ||
[Analyze grammar]

tvayāpi sumahatkarma kṛtaṃ lokavigarhitam |
avadhyāṃ mahilāṃ yastvaṃ hatavānniyataṃ tataḥ || 62 ||
[Analyze grammar]

agrajo'sya mahārāja kṛtavānyaṃ parākramam |
sanakena kṛtaḥ pūrvaṃ rākṣasyāḥ karṇakartanam || 63 ||
[Analyze grammar]

evaṃ kariṣyati nṛpaḥ śatrughnaḥ śikṣayā tava |
yadi nāyaṃ tathā kuryātkulasyāsadṛśaṃ bhavet || 64 ||
[Analyze grammar]

ityuktavaṃtaṃ taṃ rāmaḥ pratyuvāca hasanniva |
meghagaṃbhīrayā vācā sarvavākyaviśāradaḥ || 65 ||
[Analyze grammar]

śṛṇvaṃtu yoginaḥ śāṃtāḥ samaduḥkhasukhāḥ punaḥ |
jānaṃtyapārasaṃsāranistārataraṇādikam || 66 ||
[Analyze grammar]

ye śūrāḥ samaheṣvāsāḥ sarvaśastrāstrakovidāḥ |
te ca jānaṃti yuddhasya vārttāṃ na tu bhavādṛśāḥ || 67 ||
[Analyze grammar]

paropatāpino ye vai ye cotpathavisāriṇaḥ |
te haṃtavyā nṛpaiḥ sarvaiḥ sarvalokahitaiṣibhiḥ || 68 ||
[Analyze grammar]

ityuktamākarṇya sabhāsadaste sarve smitaṃ cakrurariṃdamasya |
kuṃbhodbhavaḥ pūjitamenamaśvaṃ vimocayāmāsa suśobhitaṃ hi || 69 ||
[Analyze grammar]

imaṃ maṃtraṃ samuccārya vasiṣṭhaḥ kalaśodbhavaḥ |
karāgreṇa spṛśannaśvaṃ mumoca jayakāṃkṣayā || 70 ||
[Analyze grammar]

vājingaccha yathālīlaṃ sarvatra dharaṇītale |
yāgārthe mocito yena punarāgaccha satvaraḥ || 71 ||
[Analyze grammar]

aśvastu mocitaḥ sarvairbhaṭaiḥ śastrāstrakovidaiḥ |
parītaḥ prayayau prācīṃ diśaṃ vāyujavānvitaḥ || 72 ||
[Analyze grammar]

pracacāra balaṃ sarvaṃ kaṃpayaddharaṇītalam |
śeṣo'pi kiṃcinna tayā phaṇayā dhṛtavānbhuvam || 73 ||
[Analyze grammar]

diśaḥ praseduḥ paritaḥ kṣmātalaṃ śobhayānvitam |
vāyavastaṃ tu śatrughnaṃ pṛṣṭhato maṃdagāminaḥ || 74 ||
[Analyze grammar]

śatrughnasya prayāṇāyābhyudya tasya bhujo'sphurat |
dakṣiṇaḥ śubhamāśaṃsī jayāya ca babhūva ha || 75 ||
[Analyze grammar]

puṣkalaḥ svagṛhaṃ ramyaṃ praviveśa samṛddhimat |
vitardibhirvalakṣābhiḥ śobhitaṃ ratnavedikam || 76 ||
[Analyze grammar]

tatrāpaśyannijāṃ bhāryāṃ pativrataparāyaṇām |
kiṃcitsvadarśanāddhṛṣṭāṃ bhartṛdarśanalālasām || 77 ||
[Analyze grammar]

mukhāraviṃdena ca nāgavallīdalaṃ sukarpūrayutaṃ ca carvatī |
nāsāphalaṃ toyabhavaṃ mahādhanaṃ bāhvormṛṇālīsadṛśoḥ sukaṃkaṇe || 78 ||
[Analyze grammar]

kucau tu mālūraphalopamau varau nitaṃbabiṃbaṃ varanīvi śobhitam |
pādau tulākoṭidharau sukomalau dadhatyaho ekṣata satpatiṃ svakam || 79 ||
[Analyze grammar]

parirabhya priyāṃ dhīro gadgadasvarabhāṣiṇīm |
tadurojaparīraṃbhanirbharīkṛtadehakām || 80 ||
[Analyze grammar]

uvāca bhadre gacchāmi śatrughnapṛṣṭharakṣakaḥ |
rāmājñayā yājñamaśvaṃ pālayanrathasaṃyutaḥ || 81 ||
[Analyze grammar]

tvayā me mātaraḥ pūjyāḥ pādasaṃvāhanādimiḥ |
taducchiṣṭaṃ hi bhuṃjānā tatkarmakaraṇādarā || 82 ||
[Analyze grammar]

sarvāḥ pativratā nāryo lopāmudrādikāḥ śubhāḥ |
nāvamānyāstvayā bhīru svatapobalaśobhitāḥ || 83 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe hayamocana |
puṣkalabhāryāsamāgamonāma ekādaśo'dhyāyaḥ || 11 ||
[Analyze grammar]