Chapter 6

[English text for this chapter is available]

śeṣa uvāca |
itthaṃ svāgatasaṃtuṣṭaṃ brahmacaryataponidhim |
uvāca matimānvīraḥ sarvalokagururmunim || 1 ||
[Analyze grammar]

svāgataṃ te mahābhāga kuṃbhayone taponidhe |
tvaddarśanena sarve vai pāvitāḥ sakuṭuṃbakāḥ || 2 ||
[Analyze grammar]

kaccinmatiste vedeṣu śāstreṣu parivartate |
tvattapovighnakartā vai nāsti bhūmaṃḍale kvacit || 3 ||
[Analyze grammar]

lopāmudrā mahābhāga yā ca te dharmacāriṇī |
yasyāḥ pativratā dharmātsarvaṃ bhavati śobhanam || 4 ||
[Analyze grammar]

api śaṃsa mahābhāga dharmamūrte kṛpānidhe |
alolupasya kiṃ kāryaṃ karavāṇi munīśvara || 5 ||
[Analyze grammar]

tvattapoyogataḥ sarvaṃ bhavati svecchayā bahu |
tathāpi mayi kṛtvaiva kṛpāṃ śaṃśa munīśvaraḥ || 6 ||
[Analyze grammar]

śeṣa uvāca |
ityukto lokaguruṇā rājarājena dhīmatā |
uvāca rāmaṃ lokeśaṃ vinītatarabhāṣayā || 7 ||
[Analyze grammar]

agastya uvāca |
svāmiṃstava sudurdarśaṃ darśanaṃ daivatairapi |
matvā samāgataṃ viddhi rājarāja kṛpānidhe || 8 ||
[Analyze grammar]

hatastvayā rāvaṇākhyastvasuro lokakaṃṭakaḥ |
diṣṭyādya devāḥ sukhino diṣṭyā rājā bibhīṣaṇaḥ || 9 ||
[Analyze grammar]

rāma tvaddarśanānme'dya gataṃ vai duṣkṛtaṃ kila |
saṃpūrṇo me manaḥkośa ānaṃdena surottama || 10 ||
[Analyze grammar]

ityuktvā sa babhūvāśu tūṣṇīṃ kuṃbhasamudbhavaḥ |
rāmasaṃdarśanāhlādavihvalīkṛtamānasaḥ || 11 ||
[Analyze grammar]

rāmaḥ papraccha taṃ bhūyo muniṃ jñānaviśāradam |
lokātītaṃ bhavadbhāvi sarvaṃ jānāsi sarvataḥ || 12 ||
[Analyze grammar]

mune kathaya me sarvaṃ pṛcchato hi suvistaram |
ko'sau mayā hato yo hi rāvaṇo vibudhārdanaḥ || 13 ||
[Analyze grammar]

kuṃbhakarṇo'pi kastveṣa kā jātirvai durātmanaḥ |
devo daityaḥ piśāco vā rākṣaso vā mahāmune || 14 ||
[Analyze grammar]

sarvamākhyāhi sarvajña sarvaṃ jānāsi vistarāt |
ataḥ kathaya me sarvaṃ kṛpāṃ kṛtvā mamopari || 15 ||
[Analyze grammar]

iti śrutvā tato vākyaṃ kuṃbhajanmā taponidhiḥ |
yatpṛṣṭaṃ raghurājena pravaktuṃ tatpracakrame || 16 ||
[Analyze grammar]

rājansṛṣṭikaro brahmā pulastyastatsuto'bhavat |
tatastu viśravā jajñe vedavidyāviśāradaḥ || 17 ||
[Analyze grammar]

tasya patnīdvayaṃ jātaṃ pātivratyacaritrabhṛt |
ekā maṃdākinī nāmnī dvitīyā kaikasī smṛtā || 18 ||
[Analyze grammar]

pūrvasyāṃ dhanado jajñe lokapālavilāsabhṛt |
yo'sau śivaprasādena laṃkāvāsamacīkarat || 19 ||
[Analyze grammar]

vidyunmālisutāyāṃ tu putratrayamabhūnmahat |
rāvaṇaḥ kuṃbhakarṇaśca tathā puṇyo bibhīṣaṇaḥ || 20 ||
[Analyze grammar]

rākṣasyudarajanmatvātsaṃdhyāsamayasaṃbhavāt |
dvayoradharmanipuṇā matirāsīnmahāmate || 21 ||
[Analyze grammar]

ekadā tu vimānena puṣpakeṇa suśobhinā |
kāṃcanīyopakalpena kiṃkiṇījālamālinā || 22 ||
[Analyze grammar]

āruhya pitarau draṣṭuṃ prāyācchobhāsamanvitaḥ |
svagaṇaiḥ saṃstuto bhūtvā nānāratnavibhūṣaṇaiḥ || 23 ||
[Analyze grammar]

āgatya pitroścaraṇe patitvā ciramātmajaḥ |
harṣavihvalitātmā ca romāṃcitatanūruhaḥ || 24 ||
[Analyze grammar]

uvāca me'dya sudinaṃ mahābhāgyaphalodayaḥ |
yanme yuṣmatpadau dṛṣṭau mahāpuṇyadadarśanau || 25 ||
[Analyze grammar]

ityādibhiḥ stutipadaiḥ stutvāgānmaṃdiraṃ svakam |
pitarāvapi saṃhṛṣṭau putrasnehādbabhūvatuḥ || 26 ||
[Analyze grammar]

taṃ dṛṣṭvā rāvaṇo dhīmāñjagāda nijamātaram |
ko'yaṃ pumānsuro vātha yakṣo vātha narottamaḥ || 27 ||
[Analyze grammar]

yo'sau mama pituḥpādau sanniṣevya gataḥ punaḥ |
mahābhāgyanidhiḥ svīyairgaṇaiḥ suparivāritaḥ || 28 ||
[Analyze grammar]

kenedaṃ tapasā labdhaṃ vimānaṃ vāyuvegadhṛk |
udyānārāmalīlādi vilāsasthānamuttamam || 29 ||
[Analyze grammar]

śeṣa uvāca |
iti vākyaṃ samākarṇya jananī roṣaviklavā |
uvāca putraṃ vimanāḥ kiṃcinnetravikāriṇī || 30 ||
[Analyze grammar]

re putra śṛṇu madvākyaṃ bahuśikṣāsamanvitam |
etasya janmakarmādi vicāracaturādhikam || 31 ||
[Analyze grammar]

sapatnyā mama kukṣisthaṃ vidhānaṃ samupasthitam |
yena svamāturvimalaṃ kulamujjvalitaṃ mahat || 32 ||
[Analyze grammar]

tvaṃ tu matkukṣijaḥ kīṭaḥ pāpaḥ svodarapūrakaḥ |
yathā kharaḥ svakaṃ bhāraṃ jānāti na ca tadguṇam || 33 ||
[Analyze grammar]

tathā tvaṃ lakṣyase'jñānī śayanāsanabhogavān |
supto gataḥ kvacidbhraṣṭa ityeva tava saṃbhavaḥ || 34 ||
[Analyze grammar]

anena tapasā labdhaṃ śivasaṃtoṣakāriṇā |
laṃkāvāso manovegaṃ vimānaṃ rājyasaṃpadaḥ || 35 ||
[Analyze grammar]

sudhanyā jananī tvasya subhāgyā sumahodayā |
yasyāḥ putro nijaguṇairlabdhavānmahatāṃ padam || 36 ||
[Analyze grammar]

iti krudhā bhāṣitamārtayā tayā mātrā svayā'karṇya durātmasattamaḥ |
roṣaṃ vidhāyātmagataṃ punarvaco jagāda tāṃ niścayabhṛttapaḥ prati || 37 ||
[Analyze grammar]

rāvaṇa uvāca |
jananyākarṇaya vaco mama garvasamanvitam |
ratnagarbhā tvamevāsi yasyāḥ putrāstrayo vayam || 38 ||
[Analyze grammar]

ko'sau kīṭaḥ sa dhanadaḥ kva tapaḥ svalpakaṃ punaḥ |
kālaṃ kā kiṃtu tadrājyaṃ svalpasevakasaṃyutam || 39 ||
[Analyze grammar]

mātaḥ śṛṇu mamotsāhātpratijñāṃ karuṇānvite |
na kenāpi kṛtāṃ kartrā mahābhāgye hi kaikasi || 40 ||
[Analyze grammar]

yadyahaṃ bhuvanaṃ sarvaṃ vaśena sthāpayāmi vai |
tapobhirduṣkṛtaiḥ kṛtvā brahmasaṃtoṣakārakaiḥ || 41 ||
[Analyze grammar]

annodake sadā tyaktvā nidrāṃ krīḍāṃ tathā punaḥ |
cettadā pitṛlokasya ghātātpāpaṃ bhavenmama || 42 ||
[Analyze grammar]

kuṃbhakarṇo'pi kṛtavānvibhīṣaṇasamanvitaḥ |
rāvaṇena sahabhrātretyuktvāgādgirikānanam || 43 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe |
rāvaṇotpattirnāma ṣaṣṭho'dhyāyaḥ || 6 ||
[Analyze grammar]