Chapter 1

[English text for this chapter is available]

śrīgaṇeśāya namaḥ |
śrīkuladevatāyai namaḥ |
śrīgurucaraṇāraviṃdābhyāṃ namaḥ |
nārāyaṇaṃ namaskṛtya naraṃ caiva narottamam |
devīṃsarasvatīṃ vyāsaṃ tato jayamudīrayet || 1 ||
[Analyze grammar]

ṛṣaya ūcuḥ |
śrutaṃ sarvaṃ mahābhāga svargakhaṃḍaṃ manoharam |
tvatto'dhunā vadāyuṣmañchrīrāmacaritaṃ hi naḥ || 2 ||
[Analyze grammar]

sūta uvāca |
athaikadā dharādhāraṃ pṛṣṭavānbhujageśvaram |
vātsyāyano munivaraḥ kathāmetāṃ sunirmalām || 3 ||
[Analyze grammar]

śrīvātsyāyana uvāca |
śeṣāśeṣa kathāstvatto jagatsargalayādikāḥ |
bhūgolaśca khagolaśca jyotiścakravinirṇayaḥ || 4 ||
[Analyze grammar]

mahattattvādisṛṣṭīnāṃ pṛthaktattvavinirṇayaḥ |
nānārājacaritrāṇi kathitāni tvayānagha || 5 ||
[Analyze grammar]

sūryavaṃśabhavānāṃ ca rājñāṃ cāritramadbhutam |
tatrānekamahāpāpaharā rāmakṛtā kathā || 6 ||
[Analyze grammar]

tasya vīrasya rāmasya hayamedhakathā śrutā |
saṃkṣepato mayā tvattastāmicchāmi savistarām || 7 ||
[Analyze grammar]

yā śrutā saṃsmṛtā coktā mahāpātakahāriṇī |
ciṃtitārthapradātrī ca bhaktacittapratoṣadā || 8 ||
[Analyze grammar]

śeṣa uvāca |
dhanyosi dvijavarya tvaṃ yasya te matirīdṛśī |
raghuvīrapadadvaṃdva makaraṃda spṛhāvatī || 9 ||
[Analyze grammar]

vadaṃti munayaḥ sarve sādhūnāṃ saṃgamaṃ varam |
yasmātpāpakṣayakarī raghunāthakathā bhavet || 10 ||
[Analyze grammar]

tvayā me'nugrahaḥ sṛṣṭo yadrāmaḥ smāritaḥ punaḥ |
surāsurakirīṭaugha maṇinīrājitāṃghrikaḥ || 11 ||
[Analyze grammar]

rāvaṇārikathā vārddhau maśako mādṛśaḥ kiyān |
yatra brahmādayo devā mohitā na vidaṃtyapi || 12 ||
[Analyze grammar]

tathāpi bho mayā tubhyaṃ vaktavyaṃ svīyaśaktitaḥ |
pakṣiṇaḥ svagatiṃ śritvā khe gacchaṃti suvistare || 13 ||
[Analyze grammar]

caritaṃ raghunāthasya śatakoṭipravistaram |
yeṣāṃ vai yādṛśī buddhiste vadaṃtyeva tādṛśam || 14 ||
[Analyze grammar]

raghunāthasatīkīrtirmadbuddhiṃ nirmalīmasām |
kariṣyati svasaṃparkātkanakaṃ tvanalo yathā || 15 ||
[Analyze grammar]

sūta uvāca |
ityuktvā taṃ munivaraṃ dhyānastimitalocanaḥ |
jñānenālokayāṃcakre kathāṃ lokottarāṃ śubhām || 16 ||
[Analyze grammar]

gadgadasvarasaṃyukto mahāharṣāṃkitāṃgakaḥ |
kathayāmāsa viśadāṃ kathāṃ dāśaratheḥ punaḥ || 17 ||
[Analyze grammar]

śeṣa uvāca |
laṃkeśvare vinihate devadānavaduḥkhade |
apsarogaṇavaktrābjacaṃdramaḥ kāṃtihartari || 18 ||
[Analyze grammar]

surāḥ sarve sukhaṃ prāpuriṃdra prabhṛtayastadā |
sukhaṃ prāptāḥ stutiṃ cakrurdāsavatpraṇatiṃ gatāḥ || 19 ||
[Analyze grammar]

laṃkāyāṃ ca pratiṣṭhāpya dharmayuktaṃ bibhīṣaṇam |
sītayāsahito rāmaḥ puṣpakaṃ samupāśritaḥ || 20 ||
[Analyze grammar]

sugrīvahanumatsītālakṣmaṇaiḥ saṃyutastadā |
bibhīṣaṇo'pi sacivairanvagādvirahotsukaḥ || 21 ||
[Analyze grammar]

laṃkāṃ sa paśyanbahudhā bhagnaprākāratoraṇām |
dṛṣṭvā'śokavanaṃ tatra sītāsthānaṃ mumūrccha ha || 22 ||
[Analyze grammar]

śiṃśapāṃstatra vṛkṣāṃśca puṣpitānkorakairyutān |
rākṣasībhiḥ samākīrṇānmṛtābhirhanumadbhayāt || 23 ||
[Analyze grammar]

itthaṃ sarvaṃ vilokyāśu rāmaḥ prāyātpurīṃ prati |
brahmādidevaiḥ sahitaḥ svīyasvīyavimānakaiḥ || 24 ||
[Analyze grammar]

devaduṃdubhinirghoṣāñchṛṇvañchrotrasukhāvahān |
tathaivāpsarasāṃ nṛtyaiḥ pūjyamāno raghūttamaḥ || 25 ||
[Analyze grammar]

sītāyai darśayanmārge tīrthānyāśramavaṃti ca |
munīṃśca muniputrāṃśca munipatnīḥ pativratāḥ || 26 ||
[Analyze grammar]

yatrayatra kṛtāvāsāḥ pūrvaṃ rāmeṇa dhīmatā |
tānsarvāndarśayāmāsa lakṣmaṇena samanvitaḥ || 27 ||
[Analyze grammar]

ityevaṃ darśayaṃstasyai rāmo'drākṣītsvakāṃ purīm |
tasyāḥ punaḥ samīpe tu naṃdigrāmaṃ dadarśa ha || 28 ||
[Analyze grammar]

yatra vai bharato rājā pālayandharmamāsthitaḥ |
bhrāturviyogajanitaṃ duḥkhacihnaṃ vahanbahu || 29 ||
[Analyze grammar]

gartaśāyī brahmacārī jaṭāvalkalasaṃyutaḥ |
kṛśāṃgayaṣṭirduḥkhārtaḥ kurvanrāmakathāṃ muhuḥ || 30 ||
[Analyze grammar]

yavānnamapi no bhuṃkte jalaṃ pibati no muhuḥ |
udyaṃtaṃ savitāraṃ yo namaskṛtya bravīti ca || 31 ||
[Analyze grammar]

jagannetrasurasvāminhara me duṣkṛtaṃ mahat |
madarthe rāmacaṃdro'pi jagatpūjyo vanaṃ yayau || 32 ||
[Analyze grammar]

sītayā sukumārāṃgyā sevyamāno'ṭavīṃ gataḥ |
yā sītā puṣpaparyaṃke vṛṃtamāsādya duḥkhitā || 33 ||
[Analyze grammar]

yā sītā ravisaṃtāpaṃ kadāpi prāpa no satī |
madarthe jānakī sā ca pratyaraṇyaṃ bhramatyaho || 34 ||
[Analyze grammar]

yā sītā rājavṛṃdaiśca na dṛṣṭā nayanaiḥ kadā |
sā sītā dṛśyate nūnaṃ kirātaiḥ kālarūpibhiḥ || 35 ||
[Analyze grammar]

yā sītā madhuraṃ tvannaṃ bhojitā na bubhukṣati |
sā sītādya vanasthāni phalāni prārthayatyaho || 36 ||
[Analyze grammar]

ityevamanvahaṃ sūryamupasthāya vadatyadaḥ |
prātaḥprātarmahārājo bharato rāmavallabhaḥ || 37 ||
[Analyze grammar]

yaścocyamānaḥ sacivaiḥ samaduḥkhasukhairbudhaiḥ |
nītijñaiḥ śāstranipuṇairiti provāca tānnṛpaḥ || 38 ||
[Analyze grammar]

amātyā durbhagaṃ māṃ kiṃ prabrūta puruṣādhamam |
madarthe me'grajo rāmo vanaṃ prāpyāvasīdati || 39 ||
[Analyze grammar]

durbhagasya mama prasvāḥ pāpamārjanamādarāt |
karomi rāmacaṃdrāṃghriṃ smāraṃ smāraṃ sumaṃtriṇaḥ || 40 ||
[Analyze grammar]

dhanyā sumitrā sutarāṃ vīrasūḥ svapatipriyā |
yasyāstanūjo rāmasya caraṇau sevate'nvaham || 41 ||
[Analyze grammar]

yatra grāme sthito nūnaṃ bharato bhrātṛvatsalaḥ |
vilāpaṃ prakarotyuccaistaṃ grāmaṃ sa dadarśa ha || 42 ||
[Analyze grammar]

iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe raghunāthasya |
bharatāvāsanaṃdigrāmadarśanonāma prathamo'dhyāyaḥ || 1 ||
[Analyze grammar]