Chapter 25

[English text for this chapter is available]

śaunaka uvāca |
śrīpadaṃ viṣṇucaritaṃ sarvopadravanāśanam |
sarvapāpakṣayakaraṃ duṣṭagrahanivāraṇam || 1 ||
[Analyze grammar]

viṣṇusānnidhyadaṃ caiva caturvargaphalapradam |
yaḥ śṛṇoti naro bhaktyā cāṃte yāti harergṛham || 2 ||
[Analyze grammar]

nāmoccāraṇamāhātmyaṃ śrūyate mahadadbhutam |
yaduccāraṇamātreṇa naro yāyātparaṃ padam || 3 ||
[Analyze grammar]

tadvadasvādhunā sūta vidhānaṃ nāmakīrtane |
sūta uvāca |
śṛṇu śaunaka vakṣyāmi saṃvādaṃ mokṣasādhanam || 4 ||
[Analyze grammar]

nāradaḥ pṛṣṭavānpūrvaṃ kumāraṃ tadvadāmi te |
ekadā yamunātīre niviṣṭaṃ śāṃtamānasam || 5 ||
[Analyze grammar]

sanatkumāraṃ papraccha nārado racitāñjali |
śrutvā nānāvidhāndharmāndharmavyatikarāṃstathā || 6 ||
[Analyze grammar]

śrīnārada uvāca |
yo'sau bhagavatā prokto dharmavyatikaro nṛṇām |
kathaṃ tasya vināśaḥ syāducyatāṃ bhagavatpriya || 7 ||
[Analyze grammar]

śrīsanatkumāra uvāca |
śṛṇu nārada goviṃda priya goviṃdadharmavit |
yatpṛṣṭaṃ lokanirmuktikāraṇaṃ tamasaḥ param || 8 ||
[Analyze grammar]

sarvācāravivarjitāḥ śaṭhadhiyo vrātyā jagadvañcakāḥ |
daṃbhāhaṃkṛtipānapaiśunaparāḥ pāpāśca ye niṣṭhurāḥ || 9 ||
[Analyze grammar]

ye cānye dhanadāraputraniratāḥ sarve'dhamāste'pi hi |
śrīgoviṃdapadāraviṃdaśaraṇāḥ śuddhā bhavaṃti dvija || 10 ||
[Analyze grammar]

tamapi devakaraṃ karuṇākarasthavirajaṃgamamuktikaraṃ param |
aticaraṃtyaparādhaparā janā ya iha tānvapati dhruvanāma hi || 11 ||
[Analyze grammar]

sarvāparādhakṛdapi mucyate harisaṃśrayaḥ |
harerapyaparādhānyaḥ kuryāddvipadapāṃsanaḥ || 12 ||
[Analyze grammar]

nāmāśrayaḥ kadācitsyāttaratyeva sa nāmataḥ |
nāmno hi sarvasuhṛdo hyaparādhātpatatyadhaḥ || 13 ||
[Analyze grammar]

śrīnārada uvāca |
ke te'parādhā vipreṃdra nāmno bhagavataḥ kṛtāḥ |
vinighnaṃti nṛṇāṃ kṛtyaṃ prākṛtaṃ hyānayaṃti ca || 14 ||
[Analyze grammar]

śrīsanatkumāra uvāca |
satāṃ niṃdā nāmnaḥ paramamaparādhaṃ vitanute |
yataḥ khyātiṃ yāṃtaṃ kathamu sahate tadvigarhām |
śubhasya śrīviṣṇorya iha guṇanāmādisakalaṃ |
dhiyābhinnaṃ paśyetsa khalu harināmāhitakaraḥ || 15 ||
[Analyze grammar]

guroravajñā śrutiśāstraniṃdanaṃ tathārthavādo harināmni kalpanam |
nāmāparādhasya hi pāpabuddhirna vidyate tasya yamairhi śuddhiḥ || 16 ||
[Analyze grammar]

dharmavratatyāga hutādi sarvaśubhakriyā sāmyamapi pramādaḥ |
aśraddadhāno vimukho'pyaśṛṇvanyaścopadeśaḥ śivanāmāparādhaḥ || 17 ||
[Analyze grammar]

śrutvāpi nāmamāhātmyaṃ yaḥ prītirahito'dhamaḥ |
ahaṃ mamādi paramo nāmni so'pyaparādhakṛt || 18 ||
[Analyze grammar]

evaṃ nārada śaṃkareṇa kṛpayā mahyaṃ munīnāṃ paraṃ |
proktaṃ nāmasukhāvahaṃ bhagavato varjyaṃ sadā yatnataḥ |
ye jñātvāpi na varjayaṃti sahasā nāmno'parādhāndaśa |
kruddhā mātaramapyabhojanaparāḥ khidyaṃti te bālavat || 19 ||
[Analyze grammar]

aparādhavimukto hi nāmni japtaṃ sadā cara |
nāmnaiva tava devarṣe sarvaṃ setsyati nānyataḥ || 20 ||
[Analyze grammar]

śrīnārada uvāca |
sanatkumāra priya sāhasānāṃ vivekavairāgyavivarjitānām |
dehapriyārthātmaparāyaṇānāṃ muktāparādhāḥ prabhavaṃti naḥ katham || 21 ||
[Analyze grammar]

śrīsanatkumāra uvāca |
jāte nāmāparādhe tu pramāde tu kathaṃcana |
sadā saṃkīrtayannāma tadekaśaraṇo bhavet || 22 ||
[Analyze grammar]

nāmāparādhayuktānāṃ nāmānyeva haraṃtyagham |
aviśrāṃti prayuktāni tānyevārtha karāṇi yat || 23 ||
[Analyze grammar]

nāmaikaṃ yasya cihnaṃ smaraṇapathagataṃ śrotramūlaṃ gataṃ vā |
śuddhaṃ vā'śuddhavarṇaṃ vyavahitarahitaṃ tārayatyeva satyam |
tacceddehadraviṇajanitālobhapākhaṇḍa madhye |
nikṣiptaṃ syānna phalajanakaṃ śīghramevātra vipra || 24 ||
[Analyze grammar]

idaṃ rahasyaṃ paramaṃ purā nārada śaṃkarāt |
śrutaṃ sarvāśubhaharamaparādhanivārakam || 25 ||
[Analyze grammar]

vidurviṣṇvabhidhānaṃ ye hyaparādhaparā narāḥ |
teṣāmapi bhavenmuktiḥ paṭhanādeva nārada || 26 ||
[Analyze grammar]

nāmno māhātmyamakhilaṃ purāṇe parigīyate |
tataḥ purāṇamakhilaṃ śrotumarhasi mānada || 27 ||
[Analyze grammar]

purāṇaśravaṇe śraddhā yasya syādbhrātaranvaham |
tasya sākṣātprasannaḥ syācchivo viṣṇuśca sānugaḥ || 28 ||
[Analyze grammar]

yatsnātvā puṣkare tīrthe prayāge siṃdhusaṃgame |
tatphalaṃ dviguṇaṃ tasya śraddhayā vai śṛṇoti yaḥ || 29 ||
[Analyze grammar]

ye paṭhaṃti purāṇāni śṛṇvaṃti ca samāhitāḥ |
pratyakṣaraṃ labhaṃtyete kapilādānajaṃ phalam || 30 ||
[Analyze grammar]

aputro labhate putraṃ dhanārthī labhate dhanam |
vidyārthī labhate vidyāṃ mokṣārthī mokṣamāpnuyāt || 31 ||
[Analyze grammar]

ye śṛṇvaṃti purāṇāni koṭijanmārjitaṃ khalu |
pāpajālaṃ tu te hatvā gacchaṃti harimaṃdiram || 32 ||
[Analyze grammar]

purāṇavācakaṃ vipraṃ pūjayedbhaktibhāvataḥ |
gobhūhiraṇyavastraiśca gaṃdhapuṣpādibhirmune || 33 ||
[Analyze grammar]

kāṃsyairvinirmitaṃ pātraṃ jalapātraṃ mudānvitaḥ |
karṇakuṃḍalakaṃ caiva mudrikāṃ svarṇanirmitām || 34 ||
[Analyze grammar]

āsanaṃ tu tathā dadyātpuṣpamālyaṃ tapodhana |
vittaśāṭhyaṃ na kurvīta dānaṃ hīnaphalaṃ yataḥ || 35 ||
[Analyze grammar]

purāṇaṃ vācayedvipra sarvakāmārthasiddhaye |
suvarṇaṃ rajataṃ vastraṃ puṣpamālyaṃ tu caṃdanam || 36 ||
[Analyze grammar]

dadyādyo pustakaṃ bhaktyā sagaccheddharimaṃdiram |
kurvaṃti vidhinānena saṃpūrṇaṃ pustakaṃ ca ye |
teṣāṃ nāmāni liṃpeta citragupto'rcanāddvija || 37 ||
[Analyze grammar]

iti śrīpādme mahāpurāṇe brahmakhaṃḍe sūtaśaunakasaṃvāde |
paṃcaviṃśatitamo'dhyāyaḥ || 25 ||
[Analyze grammar]