Chapter 21

[English text for this chapter is available]

śaunaka uvāca |
kathayasva mune sūta sarvamāsottamasya ca |
kārtikasya vidhiṃ samyaṅniyamānvaktumarhasi || 1 ||
[Analyze grammar]

sūta uvāca |
āśvinasya dvijaśreṣṭha paurṇamāsyāṃ samāhitaḥ |
kārtikasya vrataṃ kuryādyāvadudbodhinī bhavet || 2 ||
[Analyze grammar]

divā vipra naraḥ kuryānmalamūtramudaṅmukhaḥ |
bhavenmaunī ca sarvajña rātrau ceddakṣiṇāmukhaḥ || 3 ||
[Analyze grammar]

pathyaṃbhasi ca goṣṭheṣu śmaśāne valmike dvija |
kuryādutsarjanaṃ naiva vratī mūtrapurīṣayoḥ || 4 ||
[Analyze grammar]

atyuttameṣu sthāneṣu malamūtraṃ na kārayet |
śuddhāṃ mṛdaṃ gṛhītvātha vāmaṃ prakṣālayetkaram || 5 ||
[Analyze grammar]

adbhirmṛdāpi śuddhyarthaṃ pūrvaṃ viṃśatisaṃkhyayā |
ekā liṃge gude paṃca tathā vāmakare daśa || 6 ||
[Analyze grammar]

ubhayordaśa dātavyā pādayośca tribhistribhiḥ |
mukhaśuddhiṃ tataḥ kuryyātsaṃkalpaṃ snapanasya ca || 7 ||
[Analyze grammar]

hṛdi dāmodaraṃ dhyātvā imaṃ maṃtraṃ tato vadet |
kārtikehaṃ kariṣyāmi prātaḥsnānaṃ janārddana || 8 ||
[Analyze grammar]

dāmodarasya prītyarthaṃ rādhayā pāpanāśanaṃ |
namaḥ paṃkajanābhāya śrīkṛṣṇajalaśāyine || 9 ||
[Analyze grammar]

namaste rādhayā sārddhaṃ gṛhāṇārghaṃ prasīda me |
snānaṃ kuryyāttato vipra tilakaṃ tu yathāvidhi || 10 ||
[Analyze grammar]

ūrdhvapuṃḍravihīnastu kiṃcitkarmakaroti yaḥ |
niṣphalaṃ karma tatsarvaṃ satyametanmayocyate || 11 ||
[Analyze grammar]

yaccharīraṃ manuṣyāṇāmūrdhvapuṃḍraṃ vinā kṛtam |
taddarśanaṃ na kartavyaṃ dṛṣṭvā sūryaṃ nirīkṣayet || 12 ||
[Analyze grammar]

ūrdhvapuṃḍraṃ mṛdā śubhraṃ lalāṭe yasya dṛśyate |
cāṃḍālo'pi viśuddhātmā pūjya eva na saṃśayaḥ |
acchidramūrdhvapuṃḍraṃ tu ye kurvaṃti narādhamāḥ || 13 ||
[Analyze grammar]

teṣāṃ lalāṭe satataṃ śunaḥpādo na saṃśayaḥ |
prātaḥkāloditaṃ karmma samāpya harivallabhām || 14 ||
[Analyze grammar]

pūjayedbhaktito vipra tulasīṃ pāpanāśinīm |
paurāṇīṃ tu kathāṃ śrutvā śrīhareḥ sthiramānasaḥ || 15 ||
[Analyze grammar]

tato vipraṃ vratī bhaktyā pūjayettaṃ yathāvidhi |
parāsanaṃ parānnaṃ ca paraśayyāṃ parāṃganām || 16 ||
[Analyze grammar]

sarvadā varjayedvipra kārttike ca viśeṣataḥ |
sauvīrakaṃ tathā māṣānāmiṣaṃ ca tathā madhu || 17 ||
[Analyze grammar]

rājamāṣādikaṃ nityaṃ varjayetkārtike vratī |
jaṃbīramāmiṣaṃ cūrṇamannaṃ paryyuṣitaṃ dvija || 18 ||
[Analyze grammar]

dhānye masūrikā proktā gavāṃ dugdhamanāmiṣam |
lavaṇaṃ bhūmijaṃ vipra prāṇyaṅgamāmiṣaṃ khalu || 19 ||
[Analyze grammar]

dvijakrītā rasāḥ sarve jalaṃ cālpasaraḥ sthitam |
brahmacaryaṃ turyakāle patrāvalyāṃ ca bhojanam || 20 ||
[Analyze grammar]

kuryādvai dvijaśārdūla tailābhyaṃgaṃ ca varjayet |
chatrākaṃ nālikaṃ hiṃguṃ palāṃḍuṃ pūtikādalam || 21 ||
[Analyze grammar]

laśunaṃ mūlakaṃ śigruṃ tathaiva tuṃbikāphalam |
kapitthaṃ caiva vṛṃtākaṃ kūṣmāṃḍaṃ kāṃsyabhojanam || 22 ||
[Analyze grammar]

dvipācitaṃ sūtikānnaṃ matsyaṃ śayyāṃ rajasvalām |
dvistriścānnaṃ striyaḥ saṃgaṃ varjayetkārtikavratī || 23 ||
[Analyze grammar]

dhātrīphalaṃ gṛhī vipra ravau tatsarvadā tyajet |
kūṣmāṃḍe dhanahāniḥ syātbṛhatyāṃ na smareddharim || 24 ||
[Analyze grammar]

paṭole tu na vṛddhiḥ syādbalahāniśca mūlake |
kalaṃkī jāyate bilve tiryagyoniśca niṃbuke || 25 ||
[Analyze grammar]

tāle śarīranāśaḥ syānnārikele ca mūrkhatā |
tuṃbī gomāṃsatulyā syādgovadhaṃ syātkaliṃdake || 26 ||
[Analyze grammar]

śiṃbī pāpakarā proktā pūtikā brahmaghātikā |
vārtākyāṃ sutanāśaḥ syāccirarogī ca māṣake || 27 ||
[Analyze grammar]

māṃse ca bahupāpaṃ syādvarjayetpratipadādiṣu |
yatkiṃcidvarjayedyo'nnaṃ śrīhare prītaye dvija || 28 ||
[Analyze grammar]

tatpunarbhūsure datvā vratāṃte tasya bhojanam |
kārtikavratinaṃ vipra yathoktakāriṇaṃ naram || 29 ||
[Analyze grammar]

yamadūtāḥ palāyaṃte siṃhaṃ dṛṣṭvā yathā gajāḥ |
śreṣṭhaṃ viṣṇuvrataṃ vipra tattulyā na śataṃ makhāḥ || 30 ||
[Analyze grammar]

kṛtvā kratuṃ vrajetsvargaṃ vaikuṃṭhaṃ kārtikavratī |
yatkiṃcidduṣkṛtaṃ vipra manovākkāyakarmajam || 31 ||
[Analyze grammar]

dṛṣṭvā tu vilayaṃ yāti kārtikavratinaṃ kṣaṇāt |
kārttikavratinaḥ puṇyaṃ brahmā caiva caturmukhaḥ || 32 ||
[Analyze grammar]

na samartho bhavedvaktuṃ yathoktavratakāriṇaḥ |
yatkṛtvā kaluṣaṃ sarvaṃ vrajedvipra daśo diśaḥ || 33 ||
[Analyze grammar]

kva gacchāmi kva tiṣṭhāmi kārttikavratino bhayāt |
paurṇamāsyāṃ yathāśakti cānnavastrādikaṃ dvija || 34 ||
[Analyze grammar]

dadyādvai śrīhareḥ prītyai brāhmaṇānapi bhojayet |
rātrau jāgaraṇaṃ kuryānnṛtyagītādibhirvratī |
ya idaṃ śṛṇuyādbhaktyā tasya pāpaṃ praṇaśyati || 35 ||
[Analyze grammar]

iti śrīpādme mahāpurāṇe sūtaśaunakasaṃvāde brahmakhaṃḍe ekaviṃśo'dhyāyaḥ || 21 ||
[Analyze grammar]