Padma Purana [sanskrit]

462,305 words | ISBN-13: 9789385005305

The Padma-purana Book 4 Chapter 20 (Sanskrit text), including grammatical analysis, glossary and relevant print editions. The Padmapurana is a one of the largest of the eighteen Major Puranas containing roughly 50,000 metrical verses. Although popular for its inclusion of the Ramayana and large sections on pilgrimage guides this is also known for its dedication to both Shiva and Vishnu.

[English text for this chapter is available]

śaunaka uvāca |
sukṛtaṃ kiṃ tathā prāha kṛtvā saṃsārasāgarāt |
tariṣyaṃti kalau sūta tamondhakūpamaṃḍukāḥ || 1 ||
[Analyze grammar]

sūta uvāca |
rādhākṛṣṇapriye caurje prātaḥsnānaṃ samācaret |
rādhādāmodaraṃ bhaktyā kuryātpūjāṃ samāhitā || 2 ||
[Analyze grammar]

tyaktvāmiṣādikaṃ brahmanpatisevāparāyaṇā |
sā yāti śrīhareḥ sthānaṃ golokākhyaṃ sudurllabham || 3 ||
[Analyze grammar]

rādhādāmodarābhyāṃ yā dhūpadīpaṃ tu kārtike |
dadyātsā bhavanaṃ viṣṇoryāti vai tyaktapātakāḥ || 4 ||
[Analyze grammar]

yoṣidyā kārttike vipra dadyādvastraṃ niketane |
rādhādāmodarābhyāṃ tu vasetsā śrīhareściram || 5 ||
[Analyze grammar]

rādhādāmodarābhyāṃ sā puṣpaṃ mālyaṃ suvāsitam |
kārtike māsi sā dadyādyāti vaikuṃṭhamaṃdiram || 6 ||
[Analyze grammar]

gaṃdhaṃ yā cāpi naivedyaṃ dadyādvai śarkarādikam |
rādhādāmodarābhyāṃ sā gacchedvai viṣṇumaṃdiram || 7 ||
[Analyze grammar]

yatkiṃcidyacchati brahmankārtike ca dvijātaye |
rādhādāmodaraprītyai tasyāḥ puṇyākṣayaṃ bhavet || 8 ||
[Analyze grammar]

yā nārī kārtike bhaktyā rādhādāmodaraṃ dvija |
prātaḥ saparyāṃ sā yāti na kuryyānnirayaṃ ciram || 9 ||
[Analyze grammar]

kadācijjanmabhūmau sā vidhavā prati janmani |
bhaveccāsādya pūrvvaṃ vai cāpriyā svāmino'pi ca || 10 ||
[Analyze grammar]

purā tretāyuge vipra vṛṣalo nāma śaṃkaraḥ |
saurāṣṭradeśavāsī ca tasya jāyā kalipriyā || 11 ||
[Analyze grammar]

jārākāṃkṣī sadā nāmnā tṛṇavanmanyate patim |
asau patirna me yogyo me svāmī parapūruṣaḥ || 12 ||
[Analyze grammar]

iti matvā sadā tasmai cocchiṣṭaṃ tu dadāti vai |
nīcasaṃgānmahāmūḍhā madyamāṃsaṃ cakhāda ha || 13 ||
[Analyze grammar]

svāmino bhartsanāṃ nityaṃ kuryātkāmaṃ tu niṣṭhurā |
pādarajjurbhaveccāsau kasmādvai na mṛto'pi ca || 14 ||
[Analyze grammar]

mṛte tasminnahaṃ bhogaṃ kariṣyāmi yadṛcchayā |
vicāryeti hṛdā mūḍhā jāreṇaikena sā tadā || 15 ||
[Analyze grammar]

anyadeśaṃ gamiṣyāvaḥ saṃketamakaroddvija |
suptasya svāmino rātrau cāsinā tadgalaṃ dvija || 16 ||
[Analyze grammar]

chittvā jārakṛte sāpi saṃketasya sthalaṃ gatā |
āgataṃ jārapuruṣaṃ dvīpinā bhakṣitaṃ dvija || 17 ||
[Analyze grammar]

dṛṣṭvā sā rodanaṃ kṛtvā mūrcchitā nipapāta ha |
cirādāśvasya sā mūḍhā karuṇaṃ vilalāpa ha || 18 ||
[Analyze grammar]

kalipriyovāca |
svakīyaṃ svāminaṃ hatvā cāgatā parapūruṣam |
taṃ jāraṃ svāminaṃ daivātśārdūlo bhakṣayanmama |
kiṃ karomi kva gacchāmi vidhātrā vaṃcitāsmyaham || 19 ||
[Analyze grammar]

sūta uvāca |
tataḥ kalipriyā brahmanāgatā svagṛhaṃ prati |
lapane svāmino datvā mukhaṃ ca vilalāpa sā || 20 ||
[Analyze grammar]

kalipriyovāca |
hā nātha kiṃ kṛtaṃ karmma mayā haṃtātidāruṇam |
kaṃ lokaṃ vā gamiṣyāmi vada svāminmanāggiram || 21 ||
[Analyze grammar]

bhartsanāṃ tu yathākāmaṃ kuryyāccāhaṃ suniṃditā |
kiṃcinna vadasi svāminneno yanme na vidyate || 22 ||
[Analyze grammar]

sūta uvāca |
nanāma caraṇe tasya gatānyanagaraṃ prati |
tatra praviṣṭā sā yoṣiddṛṣṭvā puṇyajanānbahūn || 23 ||
[Analyze grammar]

ūrje snānaparānprātarnarmadāyāṃ ca vaiṣṇavān |
tatra nadyāṃ striyaścāpi rādhādāmodaraṃ dvija || 24 ||
[Analyze grammar]

saparyāṃ ca kṛtāṃ caiva śaṃkhanādairmahotsavaiḥ |
gaṃdhapuṣpairdhūpadīpairvastrairnānāvidhaiḥ phalaiḥ || 25 ||
[Analyze grammar]

mukhavāsairbhaktiyuktā dṛṣṭvā sā vinayānvitā |
papraccha brūta yūyaṃ me kimetatkriyate striyaḥ || 26 ||
[Analyze grammar]

striya ūcuḥ |
sarvamāsottame corje rādhādāmodarau śubhau |
pūjāṃ kṛtvā vayaṃ mātaḥ sarvapāpaharāṃ śubhām || 27 ||
[Analyze grammar]

koṭijanmārjitaṃ pāpaṃ naṣṭaṃ prāptaṃ niketanam |
saparyyāmāmiṣaṃ tyaktvā kṛtvā sā ca harerddine || 28 ||
[Analyze grammar]

nidhanatvaṃ paurṇamāsyāṃ gatā sā nirmalā dvija |
kiṃkarāścāgatāstūrṇaṃ yamasya nilayaṃ prati || 29 ||
[Analyze grammar]

netuṃ tāṃ krodhasaṃyuktā babaṃdhuścarmarajjubhiḥ |
tadāgatā viṣṇudūtā vimānaṃ svarṇanirmitam || 30 ||
[Analyze grammar]

śaṃkhacakragadāpadmadhāriṇo vanamālinaḥ |
nijaghnuścakradhārābhiryamadūtāḥ palāyitāḥ || 31 ||
[Analyze grammar]

rājahaṃsayute vipra vimāne svarṇanirmite |
ārūḍhā sā gatā taistu veṣṭitā viṣṇumaṃdiram || 32 ||
[Analyze grammar]

tatra tasthau ciraṃ bhogaṃ kṛtvā sā vai yathepsitam |
yā kuryātkārttike vipra rādhādāmodarārcanam || 33 ||
[Analyze grammar]

yāti pūjā tyaktapāpādgolokākhyaṃ manoharam |
ya idaṃ śṛṇuyādbhaktyā yā ca nārī samāhitā |
koṭijanmārjitaṃ pāpaṃ tasya tasyā vinaśyati || 34 ||
[Analyze grammar]

iti śrīpādme mahāpurāṇe brahmakhaṃḍe sūtaśaunakasaṃvāde rādhādāmodarapūjā |
māhātmyakathanaṃnāma viṃśatitamo'dhyāyaḥ || 20 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Padma Purana Chapter 20

Cover of edition (2016)

Sri Padma Purana (Sanskrit Text and Hindi Translation)
by Chaukhamba Surbharati Prakashan (2016)

Sanskrit Text and Hindi Translation with Sloka Index (Set of 7 Volumes)

Buy now!
Cover of edition (2007)

Padma Purana (In Six Volumes)
by Chowkhamba Sanskrit Series Office (2007)

Sanskrit Text Only

Buy now!
Cover of Bengali edition

Padma Purana in Bengali
by Navabharat Publishers, Kolkata (0)

Set of 7 Volumes

Buy now!
Cover of edition (2015)

Sri Padma Purana (Tamil)
by Azhwargal Aaivu Maiyam, Chennai (2015)

Translated by S. Jagatrakshgan

Buy now!
Cover of Gujarati edition

Padma Purana in Gujarati
by Shree Harihar Pustakalay, Surat (0)

[પદમ પુરણ:]

Buy now!
Cover of edition (2013)

Padma Mahapurana (Kannada)
by Vijeth Prakashan Gadag, Bangalore (2013)

[ಪದ್ಮ ಮಹಾಪುರಾಣಂ]

Buy now!
Like what you read? Consider supporting this website: